اطلب من الريئس يعطيني قسمي من اليمن بابيعه

[حد من الوادي]

تاريخ : 05/07/2006 , الساعة : 02:45:48]


بينما التجار أو جلهم يرفعون الأسعاركنار جهنم على الفقراء والمطحونين نجدهم يبذلون المال بعبث مخز في كلام فارغ ورياء بلا حدود ودعاية إنتخابية سمجة .. وصاحبنا هذا الغلبان وجدناه غارقاً في همه اليومي.. الكيس الدقيق بالنسبة له هو قضيتة الكبرى.. بل والأولى في أول كل شهر .. يريد أن يذهب إلى الدنمارك ليعش هو وعياله حياة كريمة بعد أن أستحال أن يجد مثل هذه الحياة في بلاد المسلمين.. إن الجوع كافر وصاحبنا وجد البلاء بل والكُفر كله في اليمن الميمون الذي يدعي أنه يصدر الإيمان والحكمة بالشوالة والسنابق .. فهام يبحث عن وطن أخر أقل غربة وأكثر سعادة وإن كان هذا في الدنمارك أو بلاد الكفر.. فالفقر في الوطن غربة والنعمة في الغربة وطن.. فمنو المسلم الذي سيلتفت إليه ويمد له يد العون ويخفف من معاناته وفقره؟! ..
حاوره: أحمد سيف حاشد


* كيف الحال؟



- ضباحا وطفرانين ومجاعة ما يدري بها إلا رب العالمين..



* المهم أنت متعافي؟



- الحمد لله .. من الوحدة ماتوا نفرين من العيال ..



* ليش ما وديتهم المستشفى يتعالجوا لما مرضوا؟



- المستشفى كل شيء بزلط.. لو أنا بالدنمارك يدونا بلاش.. لكن هنا يصلوا ويصوموا ويبيعوا حتى النيدل حق الفارغ..



*هل تريد تترك الوطن وتروح الدنمارك؟



- إه.. لكن أنا وعيالي.. ما أمن عليهم أطرحهم بالمجاعة واروح أشبع وحدي..



* أنت أيش تشتغل؟



- قوى فائضة ورزق عيالي قطعوه والشرعية شلت حقي الذاكرة..



* هل تطلب من الرئيس أن يعيدك العمل؟



- أطلب من الرئيس يعطيني قسمي من اليمن..



* أيش أخبار بحر عدن هذه الأيام؟



- رجال الله دفنوه وبيع البيع ..



* أنت فاهم الأمور غلط ؟



- يا ليت عندي فهم باشتري قسمي من اليمن وبابيعه..



* ما رايك بالوحدة اليمنية؟



- الجماعة اتحدوا علينا وأنا عندي التهاب بالجيب وقرحة بالكمر..



* أيش رايك بباجمال؟



- تمام .. أيام بريطانيا مع بريطانيا.. وأيام الإشتراكي مع الإشتراكي وذلحين أم أولادي صابره عليه..



* بس بعضهم يقولوا ما شجيب خبر الرجّال إلا هوه.. ما رايك أنت؟



- باجمال هذا من أدوات العمل ..



* ما رايك بالشعب اليمني؟



- صابر مثل المرة حقي ..



* مش ناوي تتزوج فوقها؟



- هيه يتيمة وأنا يتم .. نحنا يتامى والإشتراكي أبونا.. وكلنا يتيمين دبل ..



* أيش أخبار المصافي عندكم؟



- من منجزات عمك علي..



* هل أنت مع علي سالم البيض؟



- ذاك كان ضبحان.. في الفترة الإنتقامية كانوا كل يوم ومخجوا عليه جماعة..



* أكيد أنت مع البيض؟



- لو وجدنا واحد يحررنا من اللي نحنا فيه نحنا معه حتى لو كان دنماركي..



* بس الدنماركيين يقولوا عنهم إنهم كفار؟



- هم كفار من خارج ونحنا من داخل..



* بس هم أساؤا للرسول الكريم؟



- كذابين.. أنا ما شفت رسوم ولا حاجة..



* كيف تشوف حال الإسلام اليوم؟



- الإسلام بالمكرفونات حق المساجد..



* ما رايك بخطباء المساجد؟



- الجمعه هيه الجمعة والخطيب هوه الخطيب.. ما شي قط يوم سمعت واحد يقول حاجة عن الغلاء آو البطالة آو التمييز العنصري.. بعض الخطباء يبكوا ولو صافحت واحد منهم ماعاد تلاقي ايدك..



* ما رايك بحقوق الإنسان في اليمن؟



- دعاية وكذب ما بش واحد عاد يصدق..



* هل تحب الرئيس؟



- كان ضبحان مثل علي ماطر زمان.. كان مثل العود يابس .. ما ذلحين باينقسم عشرة..



* هل بتنتخب الرئيس بالإنتخابات القادمة؟



- لا ..



* ليش؟



- أنا ما لوش فضل علي ولا على عيالي بشيء ..



* بس هو فضله على اليمن كبير وفي عهده شهدت اليمن كل المنجزات العملاقة؟



- ما العملاقة هذه.. يلصو الخبوت ويطفوا البيوت ويحتفلوا بالميتين..



* لا ينكر المنجزات إلا جاحد.. فهل أنت جاحد؟



- يرنجوا الشوارع ويعملوا سراجات والناس يدوروا حق الروتي بالكدافات..



* التجار تبرعوا بمليار ريال يطالبوا الرئيس بالتراجع عن عدم ترشيح نفسه.. ما رأيك؟



- كيف ما بيندوله وهوه رئيس التجار وهم مستقيمين على عدنه والجاوع ولا كيس دقيق..



* أيش رأيك بالمؤتمر الشعبي العام؟



- بطنه واقش..



* ما رايك باتفاق الضمانات الذي وقعته المعارضة مع الرئيس؟



- تمام .. كل واحد على نياته.. يتقلب سعما الحية..



* أيش تقصد؟



- أقصد إنه رياضي..



* والرياضة أيش أخبارها؟



- أيش من رياضة!! الرياضة كذب.. ماعليك من أبتهم ..



* هل تتابع مباريات كأس العالم ؟



- معي تلفزيون قد هوه تالف من أيام سالمين..



* ليش ما تشتري تلفزيون جديد؟



- ما معيش حق كيس دقيق..



*ما رايك بالقضاء؟



- والله القضاء مثل اللي يقرؤا القرأن بالمسجد بلا معروف ..



* ما فهمت؟



- يعني القاضي لو صافحك ارجع عد أصابيعك..



* لوضع حد للفساد والتسيب في القضاء أيش نفعل؟



- لو يعينوا نسوان بالقضاء أحسن.. جلس الملف عندهم سنه ورجعوه كما هوه.. المرآة تنصف أحسن من الرجال..



* ما رأيك بأعضاء مجلس النواب حقنا؟



- من يوصل حصل له عمارة وسيارة وراتب وزير ورصيد بالبنك وزيد الماء على الطحين ..



* ليش مجلس النواب خلال سنتين ما وقف أمام أحداث صعدة؟!



- هذا حصل ونحن بعدن وآنتوا هنا أخبر..



* من أجل بناء يمن ديمقراطي حر وسعيد ماذا نفعل؟



- نبني مجلسين للدواب..



* كيف تشوف حال التربية والتعليم باليمن؟



- عيال الشبعانين يطلعو فائزين والضباحا يطلعوهم راسبين ..



* الشرطة في خدمة الشعب .. أيش رأيك آنت؟



- كلها بالزلط .. ادفع زلط وامشي غلط ..



* ما رايك بالفساد في اليمن ؟



- الشعب ساكت على الفساد والمسؤولين يشتكوا منه..



* إين البترول حقنا؟



- حق البترول وحق الإرهاب وحق مكافحة الفقر وحق تهريب الأطفال وحق اللي ما يحصلوش لقمة كلها في سويسرا .. لهم لهم لا سويسرا، وانا ما معيش حق الدقيق..



* أنت أيش اسمك ؟



- معي ثلاثة أسماء.. في أبين يسموني التريح وفي لحج يسموني المجاعة والاسم الأصلي حقي هوه نصر معبد النقيب



* أنت من يافع؟



- لا .. أنا معاهم بالاسم مش بالرزق.



* ليش مش معاهم بالرزق؟



- أنكرونا..



* أيش أخبار الحسيني؟



- كان بزمانه ماذلحين قدهو خبت، وبايبيعوه أراضي..



* أيش من فنان يعجبك ويسليك؟



- أيش من سلا والناس مجاعة..



* أين أحسن أيام زمان أو هذه الأيام؟



- زمان كان الفقراء هم شعار الدولة ذالحين الدولة حق الأغنياء والظلمة والمنافقين..



* أيش أخبار الدولار هذه الأيام؟



- نحنا نسمع عليه بس ما نعرفوش .. باتلقي أخباره عند السرق والصيارفة..



* هل تقرأ صحف ؟



- صحيفة الأيام كانت ترفع مظالم الناس.. وباشراحيل قد جزع ما باقي إلا أواليده..



* ماذا تطلب من الله؟



- يخرج النبي يونس من بطن الحوت..



* هل لديك كلمة أخيرة تود أن تقولها؟



- أنا فاقد الذاكرة رفع عني القلم ..

منقوووووووووول

[الفارس الهاشمي]

اظن ان هذا منقول من تلك الصحيفة البلهاء
التي لاتملك سوى الثرثرة الكاذبة

[باغوزه]

انا اتصلت بالرئيس وقلت له بصراحه يااخى فيه واحد يبغاء قسمه فى اليمن والحاصل يافخامة الرئيس ايش رايك نعطيه قسمه ونسكته . نخاف بكره يكون له شان عظيم ويطالب بتريم وقسم والسوم وعينات وانت عارف يا ابو احمد هذه الايام الكبير كبير والنص نص والصغير مالوش مكان . والقصد يابوحمد اعطه اللى فيه النصيب ونسكت الراعه هذا وانت كريم ومن دار زينه ولاتخلى احد يتكلم علينا بكره بعده يقول اكلوا مال المسكين خلوه يبكى مسكين . شوف انته ورايك وفكر زين وشف كم نعطيه وبس
ماقصر بوحمد فكر فكر فكر فكر وكرش راسه وولع فى حبه سيجارة وقال :

نعطيه المرخه اللى بين سيئون وصافر بعد مارب بحوالى 200كم من داخل واللى مش على الخط يعنى تبعد عن الخط بحوالى 50 كيلو داخل وبمساحه 3 كيلو مربع .. هى صراحه رمله بس رملة ناعمه جدا تصلح للحقيط والطرقه لو مثلا عندك طرقه فى الدار او تلييس . ترى الرمله ناعمه انعم من دقيق حوره .

الرئيس اكرمك . خلاص .. ايش عادك تبغاء ؟؟ يالله ابسط ياعم والحلاوة عليك .
بس الكهرباء والماء ان شاء الله ان شاء الله ان شاء الله يقول سنة ا1586 هجريه بعد اذان العصر مباشرة خليك فى السوق يوم السبت 1/08/1586 بايجيك المهندس عشان يركب الكهرباء والماء مع بعض .. لاتروح مكان خاف يجى ولا يحصلك وشف لو رحت والله معاد شى موعد الا في 11/9/1622 بعد الفطار

[حد من الوادي]

مشكور على اهتمامك ومتابعتك وماقصرت الله يكثر من امثالك
وهاكذا الانسان ينفع اصحابه ويتوسط لهم
عند الريئس بوحمد
الله يعينك عليه يوم يحكحك راسه ما يجيه صبر لازم يتكرش
بس لوكانت على ساحل فوه عند البرتقاله حق ولد الانسي
افضل لانها قريبه من الكهربا ومع الدحابجه قطع زين

[طرموم]

تعرف فين المشكله بالاقتصاد اليمن هو القات يقول انه لو انتهت زراعه القات وزرعنا بداله اشياء مفيده لارتفع اقتصادنا وعلي مستواه
بس اهل اليمن هم سبب نفسهم تشوفه طفران حالت امه بالتنك لا ويخزن ويعمر عماير وعياله اكلوا والا ماكلوا طز وبكره الصبح يقوم يشتكي والعصر عادت حليمه لعادتها القديمه