وااااااهل ااااااااااالسقيفه اهل في هذا المكان ؟؟؟؟؟؟؟؟؟

[سعيد محمد علي عبود باوزير]

ظلمه تجلت يالهواجس انتشي =واهل السقيفه اهل في هذا المكان
وحنا عرب مافيه اصفر اجنبي =غربا من المغرب وشرقا من عمان
والدين يجمعنا وهذا مذهبي =منهج كتاب الله والسنه بيان
تاريخ يجمعنا هجوسي اكتبي =حرفك ذهب باقي على طول الزمان
وان الاخوه بالمحبه تعتلي =والصدق والحكمه وللحكمه يمان
والطيب ينفح طيب ماهو مختفي =مثل العسل قوله تذوقه عاللسان
ون كا ن عندك نقد نقدك منطقي =والصح يبقى صح واضح للعيان
كل من وزن هرجه ابد ما يشتكي =والناس عنده تحتكم في كل آن
صلو معي صلو على طه النبي =عد الحجر واشجار واعداد الغصان

[البكري]

قلت للحليله ببوخالد رحبي = عندي الوزيري له قدر(ن)وشان
لجل المحبه بابذل وذا واجبي = الجود والمعروف يبقى يالخوان
مانبا مننا حد قايم وحد محتبي = ولا مننا رافع وحد في الهوان
كل واحد(ن) منناعند اهله ربي = والسقيفه جمعتنا بالناس الزيان

[طالب النعماني]

يامرحبا باقوال من شاعر سلي=يبدع قوافي حاليه فوق اللسان
معروف من منسب ومن مرجع قوي=بين القبايل له محل عالى وشان
قال المثل ان ا لوفاء كسب الوفي=وانته قدك معروف من قادم زمان
من ساير الوافي بلغ كل مايبي=ومن ساير المهيون لازم بايهان

[الوزيري]

ياحول به من سيل كلن يرتوي = قد جيت للوادي وحصلته ملان
بايسقي الواطي ولي هو معتلي=ماضن بعد اليوم حد يبقى ضمان
الكل رما دلوه وجاء بايستقي=الفين بك ترحيب ياطرح المزان
اليوم قد شفت النشاما تحتفي= واما الفرح ظاهروعاكل وجه بان
ياخيرمن ساعه في الجوالنقي=بانبدع القيفان مع زين المعان
في صحبة الاجواد جالس متكي=من بعد ذا الزامل بغينا صوت دان
بانذكرالمقناص لي هو يهتوي=قصد السلا وانقول حان الوقت حان
اما الحيله هي على الداعي تجي=ولعاد بانخلف حيت الصفو كان
معكم في الرمله وفي الجول الحفي=نبغى قناصه من بنادق عالمان

[مجمل]

القول ذي جاني وذي هو بايجي = من عند كمن جيد في هذا المكان
جابو درر صافي ومن احسن حلي = والخو هو محتاج من خوه الحنان
كلن صفي جوه ونا جوي صفي = ودي بصوت الدان شو حالي ملان
بشكي من الغربه مجمل مبتلي = بلوا كبيره باتجننبي جنان
لكن للرحمن شوني بشتكي = شكوا لغير الله هي اكبر هوان
ياذي رفعت السبع ياذي معتلي = تصلح يمنا قال شاعر في ثمان

[علي فدعق الهاشمي]

يامرحبا باقول من شاعر ذكي = لاهنت يالربان والخافــي يبان
حيا النشاما ذي تشـد المعصبي = والعز والناموس من طبع الزيان
ذي هرجهم وسط السقيفة ينقري= ماودهم تشويش ((والحكمه يمان))

[أبونمر]

زانت يمنا يوم رئيسها على =صالح زعيم الشعب له همه وشأن
معروف تاريخه من الزام البطي =موحد الشطرين ومحقق أمان
الأرض وحدها وطلع كل شي =مدفون وسط الأرض لاسد العيان
والذي بغاء التفريق للوحده خزي =مامعه من الفرقه سوى غير الهوان
من هان نفسه عند ناسه ينتهي =ولعاد يذكر له خبر مثل الزيان
يارئيس الشطرين خل عزمك قوي =والشعب قد بارك لفوزك والبيان
اسعد قلوب الشعب بالفوز الذي =به فزت يارئيس ولك زف التهان
وطوى ملف الحرب والماضي نسي =ولعاد له شي ذكر عنده من زمان
هذا الوفاء يافخامة الرئيس نبي =نطوي سجل بالعفو كل ماكان كان
وفتحت صفحات التسامح بالتي =هي خير والتاريخ سجلها حسان
والعفو عند المقدره شرع الوفي =والصبر والحكمه توصلك الأمان
ولعاد باطول سوى لك بادعي =بالخير في الدنيا ولامتت الجنان
العدن ذي فيها الصحابه والنبي =مالدنيه الا فانيه والعمر فان

[سعيد محمد علي عبود باوزير]

كل عاااااااام وااااااااانتم بخير
وعيدكم مبارك
تحياتي وشكري وتقديري
لاخواني واهلي الشعار
وهكذا الرجال
بارك الله فيكم
والله يرعاكم
اخوكم
سعيدباوزير

[أميرة الوادي]

والنعم باهل السقيفة ، وبك يا سعيد باوزير خاصة لجمعك كل هذه الأقلام في صفحتك العامرة بالمحبة.

العيد قربت والتهاني با تجي = ما حد يعاود حد وهو قلبه ملان
للصلح صخرة من لها با يلتجي = يسلم من الطوفان وانواع الهوان
من لا توطـّى للبشر راسه قوي = ما يستمع للنصح عدّ انـّه جبان
وان جاك ناصح باتـّهامك يبتدي = ما قصده الا يطعنك بس بالبيان
لانّ الصراحة شي وجرح الناس شي = ما نخلط الرنج الردي بالزعفران
والحين ما دمنا سوى والجو صفي = لازم نعاهد إننا نبقى خوان
وان مسّ حد منا أذى بانشتكي = كلاّ معه بالقلب واليد واللسان