قصيده اهداء الى الشيخ يسلم بن حيدره التميمي

[طالب النعماني]

هذه القصيده اهداء الى الشيخ يسلم بن مبارك بن مساعد بن غانم بن حيدره التميمي
معرف قبائل بني تميم في الامارات
من كلمات اخوكم طالب بن حسن باتيس ابوراضي
وقد ارسلتها من سدة باتيس مع الاخ محمد بن مبارك باتيس الى ابوظبي معقل الشيخ يسلم حفظه الله

***********************************
**********************************
[

ابديت باسمك يالعزيز المقتدر=يامحيي العظمان ذي قدها رميم
يامن خلقت اّدم بسمعه والبصر=واسقيت عظمانه ولحمه دال ميم
واخلقت من صلبه ملايين البشر=حد منهم مسلم وحد كافر اثيم
حد يضوي الجنه وحد يضوي سقر=كلن يعدي عالصراط المستقيم
سالك عسى يصبح حلالي والمقر=في جنة الفردوس في قصر النعيم
وبعد ماذلحين شلوا ماصدر=ياسارحين الفجر من دار الدقيم
من تحت غلب المصنعه بين الزمر=ذيهم يكافون المعادي والخصيم
سبعه يناغون الكواكب والقمر=من شافهم عوذ من ابليس الرجيم
يابوحمد من قبل تعزم للسفر=شييك على الصالون يالراس الحشيم
واحسب حسابك في وطاها والعسر=ولا تشل سواق متهور غشيم
وإلا ركب في ميج اف سته عشر=ساعه ونص وانته على باب الزعيم
في دار زايد ذي لها الصيت اشتهر=دار المحبه ربت الطفل اليتيم
ردد سلامي لهلها مليون كر=واثنه وعده عالمواطن والمقيم
وانشد على من شاع صيته والخبر=بالكلمه العلياء وبالرائ السليم
بوخالد المعروف في بحرا وبر=شيخ القبيله صاحب العقل الحكيم
ذي يكرم الضيفان لاجوه الدفر=كريم في بيته وفي الشارع كريم
شيخ القبيله في عوافيها وزر=ساعة يصيح الصيح كل طارف غريم
مايعتذر لادق ناقوس الخطر=يقمس براس القوم لا صاحوا تميم
تاريخ له منقوش عاصم الحجر=ماهو من الليله من الزام القديم
من دار شرسه بالشجاعه تشتهر=طوفانهم كالبحر ذي يلطم لطيم
بن حيدره دار الشجاعه والقور=نيرانهم ترشن كما نار الجحيم
بافعالهم كل القبائل تفتخر=ذي هم لقوا للقبوله حشمه وقيم
من تحت شوحط زوعوا حوطة عمر=خلوا المخالف يلعن ابليس الرجيم
والقوا عمل فني يقشب بالشعر=لما قسم بالله مايحشم حشيم
قولوا لبن حيدور لك حق تفتخر=بالحاظر الملموس والماضي القديم
وبعد باهنيك ياوعل النتر=واشكرك عالمجهود والجهد العظيم
من نجد لا بوظبي لا دولة قطر=لما صناء للقطن للغناء تريم
وثقت تاريخ القبيله ذي عبر=ماهو لبن غانم فقط لابني تميم
والختم باصلي على خير البشر=تعداد ماقد هبت انواد النسيم
واعداد ماقد زار زاير واعتمر=وادحق برجله بين زمزم والحطيم
صلاه تتغشاك ياصفوة مضر=واّلك واصحابك مكرر جيم ميم