يابن مخاشن يامحمد شي خبر هتلي خبار السفره المشهوره

[عمر الذيب]

الحمد لله عا سلامات السفر = يابن مخاشن يامطيب النيه
زعلان منك يوم ماجاني خبر=مابا خبار النشره الجويه
كل يوم كل ساعه يقولو لي مطر= واخبارهم تاتي لنا عكسيه
منك بغيت اخبار ياوعل النتر =شي منها باين وشي سريه
يومك من اصحاب المفيد المختصر=ونا قراء خطوطك وهي مغريه
يابن مخاشن ايش رايك في قطر=وفي صحاب الوحده العربيه
هل شي تقدم او نطور منتظر=تصبح مثيل القاره الهنديه
والا عليها الوقت قد عدا ومر=ولي نسمعه جلباب عالبدويه
ميبان شي فيها ولا شي بيظهر=مثل البضاعه داخل الجونيه
هل عاد اهل الدار يلقو شي شير= والا خلص لبسو بدل غربيه
وهل عرفو المقمور من ليهو قمر=وهل هم مع امريكا على الشوعيه
وهل شي امل في دار سالم باعمر=والا تبانا نقطع الحنيه
بالله لتجامل وهت وجهة نظر=تبغا الصهاره او تبا الفكيه
واما خباري يامحمد تعتبر=اخبار كل عربي بدون اهويه
الدحن فينا والمشقه والكدر=والكبد قدها ناجحه مضبيه
شي من ولد عمي وشي من بلحمر=لي لقاه في بغداد ماهو شويه
اشياء نشاهدها تقشب بالشعر=بين الطرق تمسي الجثث مرميه
وكانهم ماهم عرب ماهم بشر=ذبح العرب سمحو به البوشيه
وصحابنا قروه ماواحد نكر=وين الحميه وينها القوميه
وين العروبه والعرب ماحد حضر=الا ابو متعب نطقها حيه
صقر العروبه قالها في المؤتمر=اول خبر في الشاشه المرئيه
قولو معه بالله ياصحاب القور=يااهل اليمن والنخوه السوريه
وختامها الله كبر الله كبر الله كبر=عاقاتل الاطفال والسوقيه