06-17-2007, 01:05 AM
|
#1 | ||||||||
|
ابوراضي
 
|
حوار ساخن بين باتيس والعمودي
هذا البدع والجواب في سمرة دان
بين الشاعر طالب بن حسن باتيس ابوراضي والشاعر احمد عبود بن بدوي العمودي والمغني عنتر العوبثاني ولمدرف سرور بالحمان عام 2003م في بيت الاخ عنتر العوبثاني [ الشاعر طالب بن حسن باتيس ابوراضي
ياهاجسي في السمر كلن زغف بحره=وانته تجمل وهت لي اللول والمرجان لاتعتذر في السمر كلن عطه جبره=في جبر عنتر سمر واسرور بالحمان والشيخ لاقد حظر بايفتح الشفره=واحنا بجنبه نحط الرشن عالعيدان الشاعر حمد عبود بن بدوي ابوطارق
بن بدوي ايقول اني جيت للسمره=قلوا لطالب حسن يامقصع العمدان وافيين طالب حسن ذي سيطلق العبره=لكن طالب غلب ماهو على العدان لما يقع يوم له زره على زره=يطلع حروبه وعاد الفجر مبعد بان الشاعر طالب بن حسن باتيس ابوراضي
يالشيخ حاطت بك النيات والقدره=ضيعت يسراك في الدنياء مع ليمان لاتحسب الزير بايوقف على العجره=راجع حسابك وعاد الرطل في الميزان لاتظن يمناك باتوصل الى البصره= وعاد بغداد فيها جيشي الدحان فيها دلاعيس كل واحد كما عشره=بهري بهم ياحمد لاقد بداء لي شان الشاعر احمد عبود بن بدوي ابوطارق
هذه شؤنك وكل انسان له فكره= واما القدر من إله العرش عالنسان والوزن عارفه عالشوكه والكسره=قفل بوابك حذر لاتفتح البيبان وانك مصمم ولاباتترك الكبره=كل من تكبر غواه ابليس والشيطان الشاعر طالب بن حسن باتيس ابوراضي
كل من تكبر دخل في عصبة الكفره=يوم القيامه مصره موقد انيران واما انا بعتكرفي ساعة العكره=مابي قهد ياحمد من انسها والجان لاقد البقر ذا السنه تفقع في الجدره=بندر وبهب حليي عندي الثيران والبخص كله على جساس بن مره=لان سالم الزير واقف له في الميدان الشاعر احمد عبود بن بدوي ابوطارق
جساس صابر ولكن لانفذ صبره=في سالم الزير يلقي طعن بن علوان طالب تبطر ولابايترك البطره=شف عادها ايام بترجعك يالبطران الشاعر طالب بن حسن باتيس ابوراضي
طالب حسن مايجي في الليل والغدره=تعبر جماله عشيه في عطف جردان حد اللعلي لاجهل في ليلة الغمره=تمسي سيوله تزوع وادي الرحمان الشاعر احمد بن عبود بن بدوي ابوطارق
كل من يجح بيدخل لامسجد النمره=بيطوف بالبيت والكعبه على لركان ومن الجبل لاعزم في ساعة النفره=ماعذر انه يقع لك رجم يالشيطان طالب ذهن في حسر لجبال والعصره=ولاتغمض تسوي دحقت العميان والناس عندك على اليمنه وعاليسره=من مد فيجان شنف له ملا فيجان الشاعر طالب بن حسن باتيس ابوراضي
الجود مثل البناء حجره على حجره=واحنا على الجود شفناء من قديم ازمان يحسب حساب الملامه من طبخ صدره=لايدخل البحر في مركب بلا ربان والجيش والشعب ذي عينه على بدره=ضاعوا وصبحوا كما نشره بلا رعيان الشاعر احمد بن عبود بن بدوي ابوطارق
لاتخلط البن وتدقه مع الجبره=وقهوني يومني يابن حسن خرمان هرجك عجبني ويحرقني كما الجمره=سكتوا ولا عاد تسمع صوت للشجعان مابا على الوعل ذي في جباله الوعره=لكن حمله لقوها عافغانستنان والناس فينا ومنا ساعدوا الكفره=والله ماباتغيب قشعة اسويدان الشاعر طالب بن حسن باتيس اوراضي
مابا ترد القدر لاقد قصر عمره=هذا مقدر كتب له من عظيم الشان قشعت سويدان ذي فيها مية عجره=حنت بوسط الشبك ياشيذر الرميان مادام سكتوا صحابك رازوا العبره=رتجع حسابك ولاتدخل غبب سيبلان وان قام صاحبك ذي مدفون في قبره=والله ماباتحصل خاتم سليمان الشاعر احمد بن عبود بن بدوي ابوطارق
كلوا وعدموا معد حد من بني عذره=وانته تباء كل فارس يدخل الميدان
من يوم مسكوا طريق اللوم والقصره=شف كل واحد مسى في مره فزعان خابوا وخابت ضنون الشعب بالمره=يوم العرب للمذله صفحوا ليمان صبروا على الكدم والضغطه وعالدفره=من يوم حطوا رجول الهيج في المرصان |
||||||||
|
التعديل الأخير تم بواسطة طالب النعماني ; 06-18-2007 الساعة 02:22 PM |
|||||||||
|
|
06-17-2007, 03:04 AM
|
#2 |
|
مشرف سقيفة الكاميرا الحضرميه
|
تسلم يمينك وتسلم لسانك على هذه الابداعات اخي طالب انت والاخ العمودي وانتم بصراحه اساتذة لنا نتعلم منكم الكثير والكثير وتقبل مروري
|
|
|
|
06-17-2007, 08:49 AM
|
#3 |
|
شاعر السقيفه
|
كلام ياشباب
الله يوفقكم بدع وجواب منقح تحياتي |
|
|
|
06-17-2007, 06:03 PM
|
#4 |
|
حال متالّق
|
صح الله لسانك ياابوراضي
دائمًاتتحفنا بدرركم أنت وأوطارق أحمد العمودي فالله يعطيكم العافيه |
|
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| (نار العصبية في حضرموت)بحث | ابوسعدالنشوندلي | سقيفة إسلاميات | 1 | 09-02-2016 10:26 PM |
| دراسة: اليمن بين مطرقة النظام البرلماني وسندان الفيدرالية | حد من الوادي | سقيفة الأخبار السياسيه | 0 | 07-22-2011 01:18 AM |
| (نار العصبية في حضرموت)بحث | ابوسعدالنشوندلي | سقيفة إسلاميات | 0 | 02-09-2011 01:34 PM |
| صنعاء"مجلس تحالف قبائل مأرب والجوف يدعو إلى حوار بين القبائل وجماعة الحوثي | حد من الوادي | سقيفة الأخبار السياسيه | 0 | 11-11-2010 12:43 AM |
| الجنوب الجديد (66 سؤال وجواب) للجنوبي / علي هيثم الغريب، | حد من الوادي | سقيفة الأخبار السياسيه | 0 | 10-29-2010 12:35 AM |
|
|
العرض العادي
