إلى من يهمه الأمر . اعرف انك لاتستحق من وقتي دقيقة اهدرتها !!!!!!!!!!!!!!!!!!

[عبدالله الجعيدي]

بدون مقدمات . والذي على راسه بطحاء بتحسسها !!!!!!!!

يا أهل السقيفة يا رموز الحضارة = يا من بكم دائم دروبي تساهيل
زوار جم وأعضاء وصفوة إدارة = من وزنكم ما يوم قللت تقليل
انتم بجنبي تشعلون المدارة =ما عندكم تقصور جيلاً وراء جيل
للعلم صرتوا والثقافة منارة = في كل جملة تكتبوها وتحليل
يشهد لكم لبداع في كل قارة= من قبل يهدر دم هابيل قابيل
الا الذي كل يوم يفقع بطاره = با كثر من اثنعشر معرف وتسجيل
الناس طلعو للقمر بالشطارة = لكن هو بالقال مبلي وبالقيل
ليله في الغيبة يمر مع نهاره= والناس في تسبيح جنبه وتهليل
نمام ومنافق ربي عالحقارة = يعزف في الفتنة لحون ومواويل
الحقد رمزه والتفاهة شعاره=والبغض عنّه صعب ينزاح ويميل
والصدق مطفية على طول ناره =والكذب ولع له شموع وقناديل
يتقن فنون الملعنة والقذارة =والطيب ماذلل مصاعبة تذليل
عنده في التمثيل فن ومهارة =فالشهر له صورة وعشرة تماثيل
منه تجيني كل لحظة اشارة = واخبار فيها زور واجد وتضليل
الزين يقلع من مدرج مطاره=والعيف قدم له في الجو تسهيل
ما قد طلب منه يغير مساره=له حط في كل شبر من ورده اكليل
يرتاح بقدومه وفي كل زيارة= يفرش بساط احمر ويرشن له الميل
بينه وما بين الشهامة ستارة= وكتاب ربه مايرتله ترتيل
فاز الردي بالوغدنة عن جدارة= حتى ولو جمّل لي الهرج تجميل
شوّه حروف اسم القبيلة وداره = يرفض يمثلها على خير تمثيل
مفلس وانا نهري يسيل بغزارة=يصبح كما دجلة ويمسي كما النيل
عليه في كل يوم باشن غارة= لما يبدل طبعه العيف تبديل
وان ماتبدل واستمر فالقوارة =بالذايبي فوقه وبالكنش با كيل
ولعاد با خليه يوخذ بثاره = مني وانا شمروخ نخلي كما خيل
عند البشر ما بايرد اعتبارة = لي ما بقى له ذكر بين الرجاجيل