>>>>> هــذا الـــوداع <<<<<

[ابوهاني1]

>>>>> هــذا الـــوداع <<<<<

هذا الوداع ولي مع الصمت ميعاد= أدرس طواريق الزمان وضروفه
طاروق خيرٍ(ن) جعل كل يوم ينعاد= طاروق شرٍ(ن) أُمنيتنا ذلوفه
طبيعتي بالطيب كل وقت تنقاد= واهوا الصراحه والتخاذل اعوفه
عصر الجهاله صار في ماضيا باد = عصر السلاله مسـتمر في عزوفه
يا شينها لو صرت بالطيب تنصاد= صيدة كريمٍ(ن) يفتخر في ضيوفه
ويا شينها لا صارت إنفوس حساد= تظهر لك الإخلاص بأروع وصوفه
وتضمر بوسط القلب كل غيض وقاّد= يحرق مفاهـيم الحيا والكسوفه
بعض الخلايق طلته فرح واعياد= والبعض ما ودك دقيقه تشوفه
لو جاك عمره لا تعنا ولا فاد = وان راح والله ما عليه الحسوفه
كم من سنافي في العرب خلف اولاد= تداجت يا شينها من خلوفه
وكم من مجافي خلف ابطال روّاد = في المرجله والمعرفه والشفوفه
المسأله ما هي تواريخ واعداد= للسبقنا نلتهـي في وصوفه
المسأله حِنا على أيش نرتاد= درب الرياده او دروب السخوفه
يا حيف كم كانو لنا اسناد واجداد= ما يقبلون الواطيه والعيوفه
وكانو لهم ( تاريخ ) حافل بالأمجاد = (تاريخ) عاطر نفتخر به نروفه
لكن كفانا هامشيه وترداد = ( نقدر نواصل بالشهامه نيوفه ؟ )
ليس الفتى من قال اسلافي اعضاد = وامسى يفاخر من هزالة كفوفه
ان الفتى من قال هذا انا جاد= اثبت وجودي وارتقي في قطوفه
واقع زمنا يشبه السُم في الزاد = اما اذبحك ولا ازرعك وسط خوفه
واللي يغالط نفسه ابهرج معتاد = ماله بأمر الواقعيه حفوفه
بهذا الزمن ياما رجاجيل واوغاد= كلن تجد رمزيته في حروفه
يعني سلالة عنتره ابن شداد = جميهم في مرجلته ووقوفه؟
يا مدعي بالمعرفه والتجداد= وين الضمير اللي شجتنا حلوفه؟
كانه غدا مرهون في صالح افراد= تكثر طواعينه ويكثر نزوفه
اما انا رغم اللذي باد او شاد = قررت اعاند هالزمان وصروفه
لأن الردى اصبح له اولاد واحفاد = والمشكله بعض البشر في صفوفه
ورغم ان دُعانا بالفرج دوم يزداد = لازال يشكي بدرنا من خسوفه

تقبلــوا صادق تحياتي

[بوجواهر]

اساذي بوهاني1/ كلام مرتب ومعنى ومحتوى جميل صحت السانك ياشاعر السقيفه تقبل مروري مع الشكر

اخوك: بوجواهر

[ابوهاني1]

اقتباس : المشاركة الأصلية كتبت بواسطة بوجواهر

اساذي بوهاني1/ كلام مرتب ومعنى ومحتوى جميل صحت السانك ياشاعر السقيفه تقبل مروري مع الشكر اخوك: بوجواهر

اخي العزيز ابو جـواهر

صح بدنكــ ولاهنت

اسعدني وشرفني مروركـــــ

يعطيكــــ الف عافيه



تقبل كل الشكر والتقدير والإحترااااااام

[عمر الحبشي]

يا سلام أبو هاني
شعر وأوفى أن يلزم الشعر
قول جميل ... وإبداع رائع
أتمنى لك المزيد منه .. ومن بحوره
لك تقديري

[خالد بن مهنا]

كلااااااااااااااااااااااام يابو هاني
صح السانك واعتلا شانك وفالك البيرق
تقبل مروري واعجابي ودمت بود

[السلطانه1]

ليس الفتى من قال اسلافي اعضاد=وامسى يفاخر من هزالـة كفوفـه
ان الفتى من قال هـذا انـا جـاد=اثبت وجودي وارتقي فـي قطوفـه
واقع زمنا يشبه السُـم فـي الـزاد=اما اذبحك ولا ازرعك وسط خوفـه
واللي يغالط نفسه ابهـرج معتـاد=مالـه بأمـر الواقعيـه حفـوفـه
بهذا الزمن ياما رجاجيـل واوغـاد=كلن تجـد رمزيتـه فـي حروفـه

فقط هنا وقفت

أقتبس من رقة تعبيرك جمال الصياغه

ومن بوحك روعة الاسلوب

دامت حروفك مشعه بنور الشمس

ولاتحرمنا تواصلك

لك كل الاحترام والتقدير

[القنّاص]

ليس الفتى من قال اسلافي اعضادوامسى يفاخر من هزالـة كفوفـه
ان الفتى من قال هـذا انـا جـاداثبت وجودي وارتقي فـي قطوفـه

استاذي الكريم ابو هاني
اشهد انك شاعر يمتاز حرفه كالفجر المشرق
من الطبيعي ان يتامل قارئ القصيده بكل ماتحتويه من معاني لها قيمه وذات طابع رجولي خاص
سلم فكرا وسلم قلما ابدعا في اخراج تلك الدره - اسجل كامل اعجابي
كل التقدير واجمل التحيات الصادقه

[عمر الذيب]

عمر الذيب
كلام جزل يابو هاني
وانسياب رائع في الصاغه
اهنيك على هذه القصيده الرائعه
ولك التيه على هكذا كلام

[ابوهاني1]

اقتباس : المشاركة الأصلية كتبت بواسطة عمر الحبشي

يا سلام أبو هاني شعر وأوفى أن يلزم الشعر قول جميل ... وإبداع رائع أتمنى لك المزيد منه .. ومن بحوره لك تقديري

الشاعر القدير

عمر الحبشي


اشكر لكـــ تفضلكـــ بالمرور من هنا
واتمنى لكـــ التوفيق والصحه والسعاده


تقبل كل التقدير والإحتراااااااااام

[ابوهاني1]

اقتباس : المشاركة الأصلية كتبت بواسطة خالد سالم بن مهناء المري

كلااااااااااااااااااااااام يابو هاني صح السانك واعتلا شانك وفالك البيرق تقبل مروري واعجابي ودمت بود

هــلا وغــلا بالشاعر المبــدع

ابو ســالم


صح بدانكـــــ وفالكــــ الجنه ان شاء الله


تقبل شكري وتقديري واحترااااامي