لمن يهمه الامر

[سبع الليل]

ذا فصل بانوخذ ثلث من جهدها=وما باقي المجهود في البحر العميق

من لي عطف رجله ومن ذي مدها=ولا درينا من في الغبه غريق

وصلت غراغير الطمع لا حدها=وانتهزت الغربان فرصه للنعيق

صافي كرع مايشترب من وردها=بير المهونه كبس عالخاطر وضيق

يا الي بنيتو ساس ماهو قدها=ومديتوا الزايد وخالفتوا الطريق

لو شي مروه في صلوبة سدها=مانفٌرت باللول وفصوص العقيق

ردوا حمايلها وهاتوا جدها=ما حد يروم المصلحه غير الصديق

حدد مواقعها وقرب بعدها=والقاء لها في كل ملويه فريق

خايف عليها تختلس من جلدها=وتظهر بقع حمراء من أثار الحريق

الجيد بايمسك ظوافر يدها=والفسل بايفحق بكفينه فحيق

ولعاد شي داعي نريض شدها=وحمولها عالظهر عمره مايليق