قصيده في عطايا الله

[عاشق رماله]

هذه قصيده لي قديمه في الابل اتمنى ان تعجبكم وقدشاركت بها في مسابقه واليوم
انقلها لكم لكي تبدون ملاحظاتكم عليها لانكم اساتذه
وتلميذكم في حاجه الى توجهاتكم اتمنى منكم عدم المجامله
فانا في حاجه الى نقدكم قبل مدحكم
ولكم جزيل الشكر تحياتي اخوكم ابو سالم

بديـت بسـمـك يـااحـد=يالخـالـق الفردالصـمـد
نـزلـت طــه والبـلـد=والقـارعـه والزلـزلـه
يارب سهل لـي الطريـق=ذاقدبـدادربـي يضـيـق
ولانفعـنـي أي صـديـق=وقــت الامورالموحـلـه
ياعالـمـن مافالـصـدور=سالك تسهل لـي الامـور
ذاصحت من ضيقه وجـور=وصارحمـلـي مثـقـلـه
يالله برحـمـه يامعـيـن=تـرحـم بلادالمسلمـيـن
وخصوصاًارض القبلتيـن=غيثـاًكـثـيـرتـنـزلـه
ومن الجنوب الى الشمـال=تسـقـي مدنهاوالـرمـال
وسهولهـا هـي والجبـال=وكــل وادي تسـيـلـه
لجـل العرابـا ذا رعــن=فـي كـل وادي يرتـعـن
وان روحـن مايرجـعـن=الاالـذي هـي مشمـلـه
ترجع على شـان الحـوار=ماشافتـه طـول النـهـار
تسقيه مـن حلـو الـدرار=وتشمـمـه و تـدرلــه
البـل عطايـا الله اكـيـد=في وصفهن زان القصيـد
وبشوفهـن كلـن سعيـد=البـل اسـاس المرجـلـه
ياكـم سرحنـا فالشعـاب=نطرد ورى عوج الرقـاب
من حين تشـرق للمغـاب=يـاكـم وادي نـنـزلـه
ياكم من البـل قـد قنيـت=وبعـت فيهـن وشتريـت
واليـوم عنهـن مادريـت=قدلـي زمـن يامطـولـه
البوش تعـرف بالوسـوم=ذاجت طلايـب بيـن قـوم
الوسـم يرضيهـم عمـوم=كـلـن بـوسـم يمثـلـه
خرطـه ومعهـا رزتيـن=ذا وسمـنـا يالطيبـيـن
حطـوه اهلنـا الاولـيـن=معـروف ماحـد يجهلـه
من شاف ناقه في شعيـب=لاقدقـرب منهـا قـريـب
من دون شك ودون ريـب=يعرف بسرعه من هي لـه
هـاذي قصيـده فالركـاب=لخوانـا جيـل الشـبـاب
الله ذكـرهـن فالكـتـاب=بايـات حــق منـزلـه
الله خلقـهـن للـعـبـاد=لجـل التنـقـل فالـبـلاد
وايضـاً لجـل شربـاًوزاد=حتـى عملـنـا تعمـلـه
اي واحداًعـنـده بعـيـر=مافيـه مثلـه فالمسـيـر
فرحـان بـه وده يطـيـر=الويـل لـلـي يزعـلـه
حطيـت شـدي والرفـاع=علـى عمانـيـه ربــاع
الفجـرتـو النـورشـاع=علـى ذلــول امذلـلـة
من الساحل الشرقي سرحت=واصلت دربي ماسترحـت
وان حد زهمنـي ماكلحـت=لجـل الطـريـق اكمـلـه
ومن فضل ربـي انتهيـت=من دربي الي بـه عنيـت
ضيفاًعلى ربعـي ضويـت=للضيـف مـن يستقبـلـه
ضيفاًعلى الـي يحكمـون=لجنـه وكلهـم عارفـون
فـي حكمهـم مايظلمـون=كـل مايقـولـوا نقبـلـه
وحصلت ربعـي جالسيـن=اخـوانـي المتسابقـيـن
بقوالـهـم متجـهـزيـن=من اجـل ثانـي مرحلـه
صـار التاهـل بالنـقـط=يتاهلـوا خمسـه فـقـط
ولي مـن اخوانـي سقـط=ملـزوم يـرجـع لهـلـه
كلـن بحضـه والنصيـب=ولي رسب مافيـه عيـب
حتى ولو فالـراس شيـب=مافيـه شئـيـاً يزعـلـه
قدرومعزه واحترام=شاركت انا اخواني الكرام
وصارصعب الالتزام=للي ظروفه تشغله
واخـر بيوتـي يـارجـال=صلوا عدد وبـل الخيـال
على النبي زين الخصـال=بالحـق ربــي ارسـلـه