قصيدة ابن فطيس في برامج القنوات الفضائية

[الداعية الصغيرة]

حرب الجيوش أهون، شهيد وشهيدة
بس المصيبة والبلا حرب الاقمار
قتيلها جيل وعقول وعقيدة
وموت العقول أشد من قصف الاعمار
بعض البرامج للمتابع مكيدة
واحبالها يقع بها اصغار واكبار
قناة ساحر حط فيها بريدة
يقول راسلني واعلمك وش صار
وقناة رقص ونقص واللي يزيده
شات كلامه يجرح اعراض الاحرار
وقناة دز اسمك، سعيد وسعيدة
واصبر وشوف للحب نسبة ومعيار
وقناة تجمع كل جنس وضديده
بين اربعة جدران من كل الاقطار
وتابع تفاصيل الحياة الرغيدة
حتى اذا ناموا وقاموا للافطار
واسهر وشجع يمكن إللي تريده
يفوز ويسمونه العالم ستار
راحوا ضحاياها فئات عديدة
ومع ضياع الوقت تسمم افكار
وراعي القناة اهم حاجة رصيده
لا لامته نفسه ولا خاف من نار
باسم الضمير اقولها في قصيدة
يكفي خراب بيوت وأفكار وديار

[خالد بن مهنا]

شكرأ لك اختنا الفاضله الداعية الصغيره.شكرأ على النقل المميز..لأحد كبار شعراء الخليج والوطن العربي.ابن فطيس المري..

تقبلي خالص تقديري واحترامي

اخيك:خالد بن مهنا

[خالد بن مهنا]

الله يجازي مـن يسـوي سواتـك =وبذنوب من سوى سواتك يجازيـك
مشيت درب الثقـل وتحـب ذاتـك = ماتـدري انـه للمهالـك يـوديـك
غـرك جمالـك ياخسـاره حلاتك = ماتدري ان ماغير طبعـك يحليـك
بتقـول زينـك يشفـع لسيـآتـك = الحسن ماهو عن وفا الحب يعفيـك
لوالتواضع والوفـا مـن سماتـك = بعت الحبايب كلهم ديـن واشريـك
لكـن عجـزت اغيـرك ياجراتـك = على الغياب اللي بلا عـذر ينجيـك
خطاي في توضيح وشـي غلاتـك = وخطاك في توضيح وشـو تغليـك
وشلون توصيني وتنسـا وصاتـك = وتصد عن صوتن تقطـع يناديـك
مافاتـك التجريـح والعـذر فاتـك = وتبغي رضاي الحين ماعـاد يمديـك
صحيح احبك بـس هـاذي جزاتـك = بعلمـك درس يفيـدك ويحيـيـك
تدري وش ابيض من خفوقك عباتك = وتدري وش اللي غرني نظرتي فيك
ادري بتستغـرب تصبـر وجاتـك = قصيدة مـن واحـد كـان يبغيـك
وتبغي تناظر وانت عايش مماتـك = شف وحدتك والناس تجلس حواليك
وتبغي تشوف اشجع رجل في حياتك = شفني وانا مقفي على كثر ماغليـك

الشاعر ابن فطيس المري..

[الداعية الصغيرة]

بارك الله فيك وجزاك الفردوس الاعلى ان شاء الله

دمت بحفظ الله ورعايته

شكرا لمرورك الكريم