نصايح مفيده في قصيده

[سبع الليل]

يارب تغفر لي ذنوبي والخطايا كلها=انت اعلم بالذي هو في السرائر والضمير
يامهيمن ياكريم الوجه نسم حبلها=جُد بجودك ياعظيم الشأن والرزق الوفير
ألف صلوا عالنبي المختار خاتم رسلها=ألف صلوا عارسول الخير والبدر المنير
فصل والثاني نصيحه من يباها شلها=والذي هو مايباها مابظني يستشير
عز بن أدم في النصايح ينتفع من جلٌها=مثلها مثل الكساء أيظاً وتقرير المصير
النصيحه لوله قم بالصلاه في وقتها=قم بدينك يابنادم وأدع ربك واستخير
واستمر فيها وحافظ عالفرايض خمسها=والسنن بعد الفرايض تجبر المكسر جبير
والامانه قم عليها شل وحط من ثقلها=واحفظ اسرارك وصن عرضك ترى امره خطير
ووالدينك نون عينك لا تخٌيب ظنها= برهم واجب مقدٌس عالصغُير والكبير
واحفظ الاسره وحاول لا تشتت شملها=كن بحسك لا تفرك كن فتى عاقل بصير
وابذل الخيٌر بخيره وأجتهد في بذلها=وابذل الغالي بقناعه لوبذلت الشي اليسير
واحترام الناس بادر به وقدٌر سنها=بالرضى والجود والمعروف والوجه النظير
والوفاء بالعهد من شيم الرجال وعزها=مايخون العهد والذمه سوى الشرع القصير
واحذر اديون البلاء بثني عليها لأنها=خربت ا بيوتن سكنها وأهتكت عرض الفقير
واحذر أفعال الرذايل والمناكر شنٌها=الرذايل طبع من طبع المفلٌس والحقير
وصن حقوق الجار والجيره ثمنها وزنها=وأسعد المسكين وجبر خاطره جبرن كثير
واحذر اللبشات لا تعبر طرق ماتدلها=تمسي غنيمه للمهالك او بيد غازي أسير
وألفظ الكلمه الحسينه لا تشوه حسنها=وفي المجالس والمسامر صن لسانك وأستنير
ذي نصايحنا عسى نسعى لها في وقتها=نستضي في هذه الدنيا وعالجوده نسير
والف صلوا عالنبي المختار خاتم رسلها=ألف صلوا عارسول الخير والبدر المنير