سالم بن جخير اليامي في مدح ملك البحرين

[بن احمد]

--------------------------------------------------------------------------------

اسمعوني زين ياهل الساحه الشعبيه=قبل حبك البيت والأوزان والقافّيهـ
ما ابي صورة غلاف وقول هذا شاعر =ومابيا مقدمه ولا ابي خلفيهـ
دام ابو سلمان راضي عن قصيدي كله=فستريحو كلكم يالبنيه التحتيهـ
دامني شاعر ولي مبدا وراسي شامخ=ماعلي ان زعلواهل الساحه الشعبيهـ
حالف اّني ما انحني وّلاا وطي راسي=دام راسي يّطبخ بالعزوه الياميهـ
والكرم حنا هله واللي يكذب قولي =لا تعنا ماله الا قول يا الله حيهـ
اي شيخً يقلط المفرود من رهاوه =وّلا حّنا ننحر المفرود مديونيهـ
جعل ابيه النار راسٍ ما يشّوش منا=جعل فاله با لسيوف وضربة الجنبيهـ
جعلني ما ابكيك يا ناصر ولا ابكي خالد =يا حزام العز في وقت الرخا والهيه
انتو اخواني وانا خيكم ليوم الدفنه =والعلاقه بينا على الوفا مبنيهـ
حتى فيصل لو بيطلع جيت انا في قبره=من كثر حبي لابيه ولامه المريهـ
جعل من لا حبكم يا عواننا الثلاثه=ينجلط وّلا تجيه السكته القلبيهـ
من غلاكم والله اني صرت كني منكم=والغلا ما تحكمه شرهه ولا جنسيهـ
يأهل البحرين شوفوني وطيعو شوري=غير قايدنا حمد ما نرتضي موليهـ
اشهد ان له موقفٍ صارم وعقلٍ راجح=واشهد ان له نظرتن عليا وله شخصيهـ
غير لامن جيب له طاري تردوا مثلي=رددو عاش المليك وعاشت الحريهـ
وان سئلتوني ولائي وانتمائي من له =ماني ا بمختار في هذي وفي هذيهـ
ايه انا دمي حمر لو ماني ابحريني=غير ماني ناسي ان عروقي ا سعوديهـ
قلتها وانا بقولي والله اني صادق=والمشاعر كلها من صدق قلب ونيهـ
ما كتبت ابيات شعري لاجل ادور حاجه=ما ابي منها جزا ولا ابي عطيهـ
والعطا شيٍ من الله والله اللي يعطي =والقناعه كنز من ربي وانا راعيهـ
والله انا اموت وما نزلت نفسي حتى=لو اقص اللساني احسن لي واقص ايديهـ
حتى ناصر لا عطاني شيء ما خّزنته =راح كله في سبيل الضيف والعانيهـ
واكثر الشيخان يعطي غير لامنه اعطى =قام يحسب مدته بالفلس والروبيهـ
وّلا ناصر لا عطى تدرون كمهو يعطي=مدته تهتز منها خزنة الماليهـ
وان بغيت ازعل الشيخان لأجل اعيونه=جعل يفدونه شيوخ الكوره الأرضيهـ

هذه قصيدة الشاعر سالم بن جخير العرجاني للشيخ ناصر بن حمد ال خليفه