12-18-2009, 03:29 PM | #1 | ||||||
شاعر السقيفة
|
اهداء خاص لمحمد سعيد العمودي
اقيم في منزل الشيخ عبدالرحمن بن عمر بن جنيد باوزير
حفل استقبال رسمي وبهيج بمناسبة نزول الشيخ محمد سعيد بن احمد بن حسين العمودي ضيفا كريما على ال جنيد بعد قدومه من ارض اليمن وزواجه الميمون على ابنة الشيخ عبدالله بن جمعان باتيس النعماني وقد القيت هذه القصيده في الحفل امل ان تنال اعجابكم
ماحد الا انت يالله عالمخاليق ساتر =استر الحال يارب ياجزيل العطيه وسلامتكم
والف صلوا على احمد عد ماشن ماطر=تصبح الارض بعده شاربه مرتويه السواقي تعج والسيل يملا الظماير=سقي رحمه تجي للناس شربه مريه ياسلام الف لك يابيت بالجود عامر=خاص عا صاحبك مولى الشروع الوفيه عبدالرحمن لي صيته تعدى الزواهر=الجمل لي يشل الحمله البندريه جيت عادعوته لبيت والصوب نافر=ماهمرت المسافه والطريق العكيه والتحيه دبل مني لغايب وحاضر =من خواني رجال العزوه الهاشميه والضيوف الكرام الوافيين الاكابر=خاص مخصوص بهديهم سلام وتحيه عاطره مثل جو البيت ينفح وعاطر=بالتراحيب لاصحاب العزوم القويه العمودي محمد بن سعيد المسافر=المعرس عسى ايامه سعيده هنيه قانص الصيد والبارود كل حين عاكر =عاقشاع الوعول الكرد والمربعيه يوم بعض العرب لاشفت بندقه ثاير=جاب صيدته عنز او نعجتن بربريه نشعف الخيل ونسل السيوف البواتر=لجل صالح ابومصعب حملت الاذيه عارفه ماهو ابفقري ولا هو بتاجر=مير صاحبي له همه ونفسه رضيه لو طلب ماطلب نفذت حاضر بحاضر=لو بغى ذي انا نقّرت له ذي وذيّه (العينين) بارجع عيدها لمان تاسع وعاشر=يالعمودي فقه لي وانتبه لي شويه انت راعي محل منته بضيفن وزاير=بين اهلك وربعك والحقيقه جليّه |
||||||
التعديل الأخير تم بواسطة بن احمد ; 12-18-2009 الساعة 04:13 PM |
|||||||
12-18-2009, 04:09 PM | #2 | |||||
شاعر السقيفه
|
ارحبوووو صح لسانك قصيده ترحيبيه في قمة الروعه---ونشهد انك شاعر كبير يابن احمد عساك عالقوه---ابومطلق التميمي
|
|||||
12-18-2009, 05:07 PM | #3 | |||||
مشرف سقيفة الأدب والفن
|
كلاااااااااااااااااااااام كلام..الله الله..يابو شيخ..والله الكلام الزين..مايجي الا في الناس اللي يستاهلون..وانت والنعم بك..ومن ذكرتهم رجاجيل يستاهلون كل خير..
والشعر يفتخر ويعتز بك وباامثالك من المبدعين يابو محمد... تقبل مروري واعجز عن التعبير امام هذه الرائعه .. اخيك:خالد بن مهنا |
|||||
12-18-2009, 05:38 PM | #4 | |||||
حال نشيط
|
كلامي يابوشيخ والله يبارك فيك وتقبل اعجابي واحترامي بك اخي العزيز
|
|||||
12-18-2009, 06:45 PM | #5 | |||||
حال نشيط
|
تسلم يالشاعر المميز الله يعطيك العافيه
|
|||||
12-18-2009, 07:02 PM | #6 | |||||
شاعرالسقيفه
|
يابن حمد ذكرتني كلام شاعر كان مختلف مع بعض الطبقات في حضرموت وقال مره وهو يخاطب شاعر ديني اسمه الوبر
يالوبر تميت الحطب عالراشنه = تميت تحطب كلت عيدان الظبين وانته قبيلي ديني لك سالفه = وحنا قبائل نأكل اللحم السمين . كلام يابن حمد مجمل وموفق ويستاهل المنصب ماقلت . |
|||||
12-18-2009, 09:53 PM | #7 | |||||||
شاعر السقيفه
|
ونعم ياباوزير والله بالعزوه الهاشميه وبالعمودي وارحامه ال باتيس وحي من ذكرت ال جنيد اهل الكرم والجود سجل اعجابي باسلوبك |
|||||||
12-18-2009, 10:16 PM | #8 | ||||||
نائب مشرف عام قسم الأدب والفن
|
قصيدة ممتازة يا بو محمد ملاء البندق ونصه. إن شاء الله لي عودة إليها.
|
||||||
12-18-2009, 11:23 PM | #9 | |||||
حال جديد
|
موفق بإذن الله ... لك مني أجمل تحية .
|
|||||
12-19-2009, 12:16 AM | #10 | |||||
حال جديد
|
كلام يابن احمد صح لسانك
تقبل مروري مع تحياتي/ بداع |
|||||
مواقع النشر (المفضلة) |
|
|
|