قصيده في استقبال الحكم/ باهيصمي

[طالب النعماني]

بسم الله الرحمن الرحيم

هذه القصيده بمناسبة استقبال الشيخ الحكم /علي بن عمر باهيمصي
شيخ مشايخ قبائل ال بلعبيد وعضو مجلس النواب اليمني سلبقا
القيت عند زيارته لقبيلة( ال باتيس) في مدينة الرياض في 29/7/1425هـ
من الشاعر طالب بن حسن باتيس ابوراضي

حيابكم حياء تراحيب المطر= ياهل المحاكم والقضاء والديوله
حيابكم مثني ميه والفين كر=ياقابضين التاليه والاوله
حيابكم ياهل الشدايد والعسر=ياذي تشلون الحمول المثقله
حيابكم ياهل الشجاعه والقور=ياهل النسب والاصل واهل المنزله
حيابكم ياهل المعاني والفكر=ياذي لكــــــم عاده بحـــــــــل المشـــــكله
حياء بقيدوم السريه بن عمر=مرجع قبائلنا حزوم القبوله
شيخ المشايخ في عوافيها وزر=كل من غبيه الشار رد الامر له
يومه من اصحاب البصيره والبصر=وقت الطلب يفتح بواب امقفله
وسط المقاعد يفتقد لاماحضر=يومه من اهل السلطنه والديوله
قائد سفينة نوح في غبة قمر=والامر بيده من سنينه لوله
يعتد في الشده كما عشره نفر=والجود والجودات حق اهله وله
حقك ولك كل جود ياوعل النتر=من قدم الجودات تبقاء ذكر له
شل الثقيله حلها يا بن عمر=ياسيف عادل ياحزوم القبوله
ياشوكة الميزان محكوم العبر=ياحكم عادل كل واحد يقبله
ان عاد شي حيله وشي وجهة نظر=شفني معي موضوع وابغاء حل له
منك يباء مجهود ياجزل العجر=من قبل ماتزلزل قضاعه زلزله
لنته بغيت الجـــــــود ياجـــــــــــــرو النمر=كل من ســـــعى للجــــــــود ربي جمــــــــــله
لا زم تحط الهيج في رقاب البقر=والسوق في الجدره حذر لاتهمله
وان باتحمل قيد اجمال العسر=عقل جمالك كل بازل عقله
رد المخــــــــــــالف والمعـــــــــــــاند والقور= ذي ماحـــــــــسب للتاليه والاولــــــــــــــــــه
شفناء ذرعـــــــــنا ذرع وافي ماقصــــــــــر=من قرن بامسعـــــــــــود لما المعمـــــــــــله
لا ماذرع مثـــــــــــلي ولا حــــــــط القـــــــــور= قله بشـــر بالويل له والبهذلــــــــــــــــــه
والبخص بايصـــــــبح بمن مــــاله جــــــــدر=لا مالحـــــــــــــق عامـــــل لــمـــــاله يعــــمله
ماناء معي هـيّـــــــج منـــــــــــــــيبه للعسر=عند المعاصــــــر يعــصـــــرون الجـــلجــــله
بعبر بهم حيث المخـــــــــــيله تعــــــتكر= لاقـــــــــــــد سمعت ارعــــــودها بالمسفله
في طيــــــــن غـــــمضة عين باصـــدر خـــبر= خل المراســــــــل في الجــــــــــزيره ينقله
والختم باصــــــلي على ســـــــيد البـــــــشر=يشــــــــــفع لكل الناس يـــــوم الـــزلــــزله

[سالم عوض باجخيف]

صح لسانك يابوراضي
والحكم يستاهل كل خير ونعم المشايخ

[طالب النعماني]

الله يحيك يابن جخفان
نعم يستحق كل خير الحكم وكل ماقلته في حقه قليل

[نايف باتيس النعماني]

صح لسانك يابوراضي

[ابوعامرالنعماني]

صح لسانك يابوراااااااااااااااااااضي

[سالم بادحس]

سيف عادل نعم والله انه سيف عادل وحزوم القبوله
احسنت يابوراضي

[طالب النعماني]

الاخوان نايف باتيس وابوعامر وسالم بادحس
شكرا لك على مروركم الكريم

[ابو نوف]

سلم الله السانك من الزلل يالنعماني ,,,,,,,
(( نعم يستحق كل خير الحكم وكل ماقلته في حقه قليل ))

[بن كند]

صح لسانك مليوووون يابو راااضـــــــــــــى وسلمت يمناك على هذا الابداع الرااائع

تقبل أجمل تحياتي أخوك/ بــن كنـــــد

[طالب النعماني]

الاخوان ابونواف وبن كند
شكرا لكم على مروركم الكريم
وان شالله مالجي في الزلل