عوض ويا محلا ايام عوض

[باغوزه]

عوض صاحبى وولد عمي وجلساتى معه كثيرة بس مرعوش وعلى نيته ..
كلنا نروح للشغل ( العصر ) وهو اللى يتأخر عشان دوامه بعدنا بنصف ساعه .
المهم عوض يغسل ثيابه فى الغساله ولوحده ماحد فى البيت كلهم روحوا . طلع بالثياب يبرحهن فى السطح وماسك الحزومه بيد والثياب بيد وطيلع ويغنى وصكر الباب حق الشقة - طبعا ذكاء - حرامى يدخل .. حد يسرق شى .. وذلا عقل وحرص .. المهم عوض فوق ينشر الثياب .
ونزل فى الرقاد دحمى دربى دحى دربى الى ان وصل الشقة .. عوض نسى صكر على المفتاح داخل فى الشقة .. يالله ايش يسوى الرجال فى صارون ومزرة بوعسكرى والشغل قرب
مسكين..... تخيلوا جالس يضرب جرس .... ترن ترن ترن ترن ترن ترن ... طيب ياعوض الله يهديك تضرب جرس ليه ؟ من فى الشقه ؟
--------------------
جاه شريط من الحرمه ... طيب ياعوض جالك شريط يابختك معاده دارى متى بايجى الليل عشان يسمعه .. المهم سواء العشاء بدري من العصر وتعشينا وجلسنا وهو ديخل نيدر ديخل نيدر بغاء فرصه بس يزرق للغرفه بايسمع الشريط .. ذى ام العيال .. المهم الغرفة 3 سرر ونام على سريرة عوض ودخلنا كلا يبغاء سريرة نوم خلاص .. عوض ذكى تعرفونه .. جاب المسجل وجاب السماعه حق الاذن عشان يسمعه لحاله .. حط المسجل بجنبه وتغطاء بالبطانيه من رجله الا راسه ماتشوف الا طرف الكوفيه .. يالله اوقات رومانسيه .... عوض حط الفيش حق السماعه فى مكان ثانى ويعتقد اننا مانسمع شى وحاط السماعة الصغيره فى اذنه وهو يسمع ونحن نسمع .. والله يطول عمرك ومحمد خفت منه الكحه والرسالة عطينا صفينه 10 وعطينا مريم 15 والسراويل طلعن طوال شوى ورسل لنا حقب وجنزبيل وشبرم وكمون ورسل فاكس للعزوز وبغيناك تخرج للعيد والله الله فى عمرك وعبدالله يدرى علينا هوكذا ولاتقصر فيه والنقبه ( باغبره ) ماهى حسب الطلب رسل وحده سوداء مبقعه ..... المهم كل الشريط سمعناه ويمكن عوض ماسمعه ... طفشنا بغينا باننام ونحن بانموت من الضحك ... عوض عوض عوض ياخى حرام عليك صكر المسجل باننام .
تفاجاء المسكين .... وكيف وانت تسمعون شى قلنا له سمعنا كل شى صكر مسجلك يااخى ونم والله الله فى ( باغبره )

[عبدالله الجعيدي]

غلطان من يعزب معك والا حتى يتعرف عليك انا قبل يومين خليت مسامعي باتنقر من الضحك . و كل هذا حصل للمسكين من وراك خليته يسير كما المجنون ارحم عباد الله ياشيخ . شكرا لك ولاتحرمنا من هذه القصص اخي الكريم . تحياتي .

[بازقامه]

هههههههههههههههههههههههههههههههههههههههههههههههههه هههههههههههههه

فقشتنا من الضحك ياباغوزة
خاصة حق شريط العيال
ارحموا الرجال