ديوان ابوراضي

[طالب النعماني]

اخواني حلان وزوار السقيفه الادبيه
يسرني ان اكتب لكم بعض قصائدي المتواضعه هديه لكم وللسقيفه
وارجوا ان تنال اعجابكم رضاكم

الفصل الاول ( قصائد العشق )

1 - اللقــــــــــــــاء=
قال بوراضي هلا بك ياهلاء=ياحياة اللقلب من بعد الهلاك
مسكنك في العين ياسيد الملاء=ياملك قلبي ويااغلا ملاك
مرحبا بك يالذي جبت الدواء=خاف صوب القلب بيفيده دواك
بعد ماسمحت ضروفك باللقاء=التقيناء رغم لي منعوا لقاك
بان ضؤ البدر في كبد السماء=والتقاء نجم الثرياء بسماك
واختلط في العشق صبحي والمساء=بعد ماقد قلت لي يسعد مساك
اسألك بالله تزقل بالغطاء=مبسمك براق يلمع من غطاك
بعد ماسمحت ضروفك باللقاء=التقيناء رغم لي منعوا لقاك
انت هذا اليوم قد المستوى=فوق كل الناس عالي مستواك
اجتمعناء عالمحبه والصفاء=واصطفينا كانا ساعة صفاك
تكفي العاشق فقط كلمة رضاء=تضحك الدنيا معي ساعة رضاك
بعد ماسمحت ضروفك باللقاء=التقيناء رغم لي منعوا لقاك
من فراقك حس طرفي ماهداء=للمحب عودت ربي قد هداك
ايش هذا الود كله والغلاء=كل مافي الكون يغلاء من غلاك
لابغيت القلب عاشانك فداء=شل قلبي قال بوراضي فداك
بعد ماسمحت ضروفك باللقاء=التقيناء رغم لي منعوا لقاك
***=****
***=****
2 - حن له قلبي=
قال بوراضي عساء الله يجيبه=لي في الدنيا وحشني فراقـه
يومني حبـه محبـه رهيبـه=مش محبة كـذب والاصداقـه
لا دعاني كيـف مابستجيبـه=لي على شانه بنيـت العلاقـه
كل ماقالوا لي النـاس سيبـه=حن له قلبـي وزاد اشتياقـه
من يحـب مابايتـرك حبيبـه=لو يحز القيد في عظم ساقـه
والعسل في الجبح ماشي يعيبه=شوا عسل جردان يعجب مذاقه
من رحيق الزهر كون صبيبه=لاسرح يجناء على كـل باقـه
ياحبيب القلب ويـن المغيبـه=مامعي للصبر يازيـن طاقـه
حالتي في البعد حاله صعيبـه=مامعي للشرب والقـوت فاقـه
بعدكـم يازيـن اكبرمصيبـه=قد قلبي مثل مـؤس الحلاقـه
كل ماشفـت المسافـه قريبـه=واشتغل الارسال داخل نطاقـه
ينطلق فكري بسرعه رهيبـه=تحسبه صاروخ وقت انطلاقـه
مثل لي تعبان لاحصل طبيبـه=كيف لاشاف الـدلا والرشاقـه

3- الغيـــــــــــاب=
غنيت من ضيق في حالي لاتحسبونه فرح غنيت =ايام واشهور والليالي من بعدكم يالمحب قاسيت
ماكنت متوقع الغيبه لكن تكبرت واتغليت =واش جاك تذكر محبينك يامخلف الوعد والتوقيت
وايش ذكرك يالمحب فيناء من بعد مارحت واتناسيت =من قال لك عادني حبك يمكنك احلمت واتراييت
خلاص قلبي قنع منك لنك على حدك اتعديت= يهوين ماعاد باينفع بعد التحدي ولا ياريت
لنته على عهدك السابق بلقيك من حيث ماحبيت =بلقيك في قلبي السالي تسمع ونيني اذا ونيت
كن الاسف قال بوراضي لاشفتني يالمحب قفيت =اهل الزمن غيروا طبعك وارضيت بالبعد والتشتيت
من جور صدك وهجرانك سجلت همي في الكاسيت =واعساه يبلغ محبيني عبر الشبامي يصل كل بيت

*******
*******
الفصل الثالث (القصائد الوطنيه )

1- يافلسطين اصمدي=
يافلسطين استعـدي واصمـدي=في ميادين المعـارك والقتـال
اصمدي في وجه جيش المعتدي=واقبل بند التحـدي والنضـال
رددي الله واكــبـــر ردديوابشري =بالنصر من رب الجلال
شعبك الابطـال لـك متجنـدي=بالحجـاره بايهـدون الجبـال
ياحجار القدس لجلـه جاهـدي=واشعلي نيران حان الاشتعـال
اشتعلي واتشعلـي واتوقـدي=واخرجي بالنور من بعد الضلال
واحرقي بالنار نحر الملحـدي=زولي اسرائيل من ارضك زوال
ياقيـادات العروبـه جـنـدي=واعلنوا للحـرب هيـا للقتـال
شعبنا الاعزل بكـم يستنجـدي=كم يعاني قهر جيش الاحتـلال
حان يوم الحرب حان الموعدي=طهروا كل الصحاري والرمـال
الشهـاده تـاج للمستشهـدي=ياحمد ياسين يافخـر الرجـال
العـرب اليـوم بـك باتقتـدي=راية الاسلام تعـلاء عالجبـال
نحو باب القدس باشد ساعـدي=لجل باشـرف مياديـن القتـال
والخـزاء والعـار للمتـرددي=والشرف والعز اغلاء راس مال
***=****
****=*****
2- مسجد الاقصـى ينـادي =
مسجد الاقصـى ينـادي عالعبـاد=حطموا كـل السلاسـل والقيـود
وينكـم ياهـل التحـدي والعنـاد=وين جـروان النمـاره والاسـود
وينكـم ياهـل العقيـده والجهـاد=شوا بني صهيون واقف عالحدود
رددوا الله واكبـر فـي الـبـلاد=لا مكانـه للنصـارى واليـهـود
ياعرب قد حان وقـت الاجتهـاد=حرب ياشعب التحدي والصمـود
رجعوا نار اليهـودي لـه رمـاد=يانسور الشرق يافخـر الوجـود
ذكرونـي بالصنـاديـد الـشـداد=ذكرونـي زام لابـاء والـجـدود
ذكروني زام طـارق بـن زيـاد=او صلاح الديـن ريتـه بايعـود
ذكرونـي بالذخـيـره والعـتـاد=لجل بـازوع شناطيـب الحيـود
ياقيادتنـاء عليـكـم الاعتـمـاد=اشعلوا واحنا حطبهـاء والوقـود
واهجموا واحناء المدافع والمضاد=الميم طاء واحناء صواريخ السكود
لا مذلـه لا اهـانـه لا فـسـاد=في فلسطين الحضـاره والسـدود
لبسوهـاء للفـرح بعـد الحـداد=ثوب تفخر به على مـر العقـود
ماسلـب بالغصـب لازم بايعـاد=في سبيـل الله قـد نحنـا جنـود
قـوة الاسـلام هـي الاتـحـاد=حطموا كـل المنافـذ والحـدود

***********
***********
الفصل الثالث (قصائد الرثاء )

1- رثاء الشيخ زائد=
شعب اليمن محزن وشعـب القاهـره=والمغرب العربي على زايـد حزيـن
كـل الجزيـره محزنـه والـدايـره=ذي حلها زايد على طـول السنيـن
حزن العروبـه والشعـوب الثايـره=في القدس والشيشان ومخيم جنيـن
كل القضايـاء بعـد زايـد خاسـره=واكبر خساره عالعـرب والمسلميـن
يحزن عليه الطفل ذي في العاشـره=والشاب والشايب وذي عـاده جنيـن
والشـارع العربـي تكـدر خاطـره=من بعد بوسلطان تبكي كـل عيـن
تبكي على رجل الحمـول الجايـره=رجل المواقف صاحب العقل الرزيـن
مثل الجبل عند الظـروف القاهـره=في ساعة الشـدات قاسـي مايليـن
ياكم وكـم مظلـوم زايـد ناصـرهناصره= لما حقـق النصـر المبيـن
يوقف مع شعبه وكـل مـن جـاوره=والمسلم المحتاج زايـد لـه معيـن
في كل قمـه لـه مواقـف ظاهـره=والجود زايد فاز بـه دنيـاء وديـن
جوده لكـل النـاس ماحـد ناكـره=يشهـد لـه الرحمـن رب العالميـن
خـلاء الماهـل والعتـوم السابـره=من سد مـأرب جاريـه لمـا معيـن
والقى المساجد والرحـاب الطاهـره=في كل بقعه مـن بـلاد المسلميـن
تمسي على شعبه عيونـه ساهـره=يسهر على راحـة وامـن الاخريـن
ارض الامـارات الشقيقـه خاسـره=خسرت رجل صالح على شعبه امين
يـارب يارحمـن سالـك جــاوره=واسكنه في الفردوس حيث الصالحين
واسكنه في وسط القصور العامـره=من حيث خاتم الانبياء والمرسليـن
والختـم باصلـي بنيـه طـاهـره=عالهاشمي واله وصحبـه اجمعيـن
***=******
***=******
3- رثاء الرئس الفلسطيني والشيخ زائد=
يالعالم العربي خسـرت اثنيـن=الشيـخ زايـد هـو بوعمـار
اهل المعزه والشـرف الديـن=ذي هم بثارك ياخـذون الثـار
تحزن دبي والعاصمه والعيـن=ارض الوفاء والعـز والمقـدار
تحزن جسور القدس وافلسطين=ارض الشجاعه مهـذر الثـوار
يحزن عليكم خـادم الحرميـن=والرئس اليمنـي مـع بشـار
حزن العرب من دولة البحريـن=للمغرب العربي بلـد الاحـرار
يالموت لك عاده تشـل الزيـن=ريتك تشاور باعطيـك الشـار
بعطيك من شعب العرب عشرين=حد منهم عائـب وحـد غـدار

*************
*************

الفصل الرابع (قصائد المدح )

1

- قبيلة نعمان=
نعمان بن منذر حكم فـي الحيـره=جيشه هزم قيصر ودمـر كسـراء
وابناء على النعمان حكموا صيـره=واتعسكروا في حضرموت الصحراء
واحمد بجـردان الـورب تأثيـره=حكمه وصل لماء شبام الصفـراء
والسالمي مولاء الوفاء والجيـره=حاكم قصور الاندلـس والحمـراء
والبابحـر هـم حاكميـن الديـره=ردوا العدو باكبر هزيمـه نكـراء
نعمان ياصحاب الوفـاء والغيـره=الفسل فيكم مثـل عشـره وزراء
ياسنـح جنبـي ليلـة التكبـيـره=تشهد لكم داحس وخيـل الغبـراء
***=***
***=***
2- بعد عودة سيارة بن سميدع=
اطلبـك واترجـاك يـارب البشـر=يامـن خلقـت الانـس والجنـيـه
تغفـر لعبـدك لاتوطـاء وانقـبـر=ساعـات يضـوي داره الصدقـيـه
لا جاه منكـر يسألـه عمـا صـدر=فـي الظاهـره واعمالـه السريـه
ماينفـع النكـران حتـى لـو نكـر=كل ماتقـدم فـي صحـف مطويـه
يرجـاء بعفـوك يالعزيـز المقتـدر=تائب لوجهـك قـد خلصـت النيـه
ذاء فصل يالعانـي تزهـب للسفـر=لـرض الرخـاء والنقـد والحريـه
ارض التجمع هـو حـزب المؤتمـر=والرابـطـه والشـعـب القومـيـه
والاشتراكي حزب فاشـي مشتهـ=ربالغطرسـه وافـكـاره الشوعـيـه
لما لقاء للشعب فـي الثالـث عشـر=في خـور مكسـر تصفيـه دمويـه
عشرين عاما ذي كسبته في الكمـر=روّح ضحـى للـزمـره الشـريـه
لكـن حمـدلله رئسـنـا انتـصـر=رمـز اليمـن والوحـده اليمنـيـه
واتحققـت الأمـال للشعـب الاغـر=ليلـة وقـع نقحـه لـراس الحيـه
في مؤسكو حزب القيـادات انكسـر=وتركتـنـا الكتـلـه الشـرقـيـه
واتحسنت لوضاع والامـن استقـر=هــذا بفـضـل الله والشرعـيـه
قم يالمعنى شـل خطـي ذي صـدر=فـي ميـج ستـه طائـره حربيـه
من فوقنا تعبر كمـا لمـح البصـر=بلـغ رسالـه عاجـلـه شفـويـه
لا عند بوسالـم مبـارك بـن عمـر=هـو بايترجمهـا وهـي مغـريـه
شيخ القبيله فـي عوافيهـا وشـر=يلمـي لـه البـراق فـي منشيـه
هو ذي يعدي في وطاهـاء والعسـر=من قـال حاجـه حاجتـه مقضيـه
والشيـخ عبـدالله يوفـي ماقصـر=ساعـد يمينـه لاوصــل عانـيـه
في ساعة الشـده يـزر الحبـل زر=يدحق على العقـرب وراس الحيـه
وانشد على بن سعـد ذي مايعتـذر=ذي هـو حصونـه عالجبـل مبنيـه
كل من دعاء منه على الداعي حضر=مايعتـذر لاقــد دعــاء داعـيـه
وانشد على محسن ومن عنده حضر=زبـن القبيلـه لا رعــد منشـيـه
عده في الشـده كمـا عشـره نفـر=يعـرف نواياهـا وهـي مخفـيـه
عده من اصحـاب القيـاده والمقـر=رجـل المهـام الصعبـه السـريـه
وانشد على غلمه يـزرون العصـر=اهـل الشجاعـه ضربهـم صدريـه
اهل التحـدي والشجاعـه والقـور=ذي ديعـوا مـأرب مـع العصريـه
ليلة طلقت الصيـح ياجـرو النمـر=جابـوا المشـوك قـوت للتركـيـه
في طين ساعه صدروا موجز خبـر=في كل جهه سـارت ميـة دوريـه
واتعرضـوهـم ذي يقـصـون الاثر=ناصـر وسعفـه مخلصيـن النيـه
اليوسفي وابـن المعيلـي ماعتـذر=مايعتـذر مـن شيمـتـه عربـيـه
كفـوا ووفـوا ذي يديـرون الفكـر=حلـوا مشاكـل عاطـرق قبلـيـه
قد قللـوا الميـزان محكـوم العبـر=خلوا الكفف بيـن العـدل مستويـه
رعضوا سيول الصيف في وديان سر=ليلة مسـى يرعـد وسـط منشيـه
ياوائيلـي قايـس وفكـر واعتبـر=خذها نصيحـه مـن ذهـب نقديـه
واحسب قبائل يقبلـون الحلـو مـر=مايكسـبـون الا ذخـيـره حـيـه
الجـد نعمانـي حكـم دولـة قطـر=واحنـاء حكمنـا الدولـه السبئيـه
والعفؤ لاشي زاد والا شـي قصـر=ماشـي معـي هاجـس ولا سكنيـه
والختم باصلي علـى سيـد البشـر=والال والاصـحــاب والـذريــه

********
********

- اهدء للمقدم سالم بن مبارك بن سميدع=
جاني خبر عاجل عصير الليل=من جول مأرب مهذر الرميان
قالوا المقدم فوق ظهر الخيل=واربعمايه سعفه من الشجعان
ياسد مارب بيكسرك السيـل=يرعد ويبرق لك جبل نعمـان
واهل الحراثه بايوفوا الكيـل=لاقامت الشوكه على الميزان
يابن سميدع صح على باجيل=وعلى البحيثي هـو باديـان
واحنا معك ذي بـارد الميـل=مالتعذر لاقد بداء لـك شـان
درعك وسيفك صبح والا ليل=رهن الطلب يامقصع العمدان
نحنا معك حتى لـوادي ويـل=والا صقر في موقد النيـران
***=*******
***=******
4- في استقبال الحكم باهيصمي=
حيابكم حيـاء تراحيـب المطـر=ياهل المحاكم والقضاء والديولـه
حيابكم مثني ميـه والفيـن كـر=ياقابضيـن التالـيـه والاولــه
حيابكم ياهـل الشدايـد والعسـر=ياذي تشلـون الحمـول المثقلـه
حيابكم ياهل الشجاعـه والقـور=ياهل النسب والاصل واهل المنزله
حيابكم ياهـل المعانـي والفكـر=ياذي لكم عـاده بحـل المشكلـه
حياء بقيدوم السريـه بـن عمـر=مرجـع قبائلنـا حـزوم القبولـه
شيخ المشايخ في عوافيهـا وزر=كل من غبيه الشار رد الامـر لـه
يومه من اصحاب البصيره والبصر=وقت الطلب يفتـح بـواب امقفلـه
وسط المقاعـد يفتقـد لاماحضـر=يومه من اهل السلطنـه والديولـه
قائد سفينة نوح فـي غبـة قمـر=والامر بيـده مـن سنينـه لولـه
يعتد في الشده كما عشـره نفـر=والجود والجودات حق اهله ولـه
حقك ولك كل جود ياوعـل النتـر=من قدم الجودات تبقاء ذكـر لـه
شل الثقيله حلها يـا بـن عمـر=ياسيف عـادل ياحـزوم القبولـه
ياشوكة الميزان محكـوم العبـر=ياحكم عـادل كـل واحـد يقبلـه
ان عاد شي حيله وشي وجهة نظر=شفني معي موضوع وابغاء حل له
منك يباء مجهود ياجـزل العجـر=من قبل ماتزلزل قضاعـه زلزلـه
لنته بغيت الجود ياجـرو النمـ=ركل من سعى للجود ربـي جملـه
لا زم تحط الهيج في رقاب البقـر=والسوق في الجدره حذر لاتهملـه
وان باتحمل قيـد اجمـال العسـر=عقل جمالـك كـل بـازل عقلـه
رد المخالـف والمعانـد والقـور=ذي ماحسـب للتاليـه والاولــه
شفناء ذرعنا ذرع وافي ماقصـر=من قرن بامسعـود لمـا المعملـه
لا ماذرع مثلـي ولا حـط القـور=قله بشـر بالويـل لـه والبهذلـه
والبخص بايصبح بمن ماله جـدر=لا مالحـق عامـل لمالـه يعملـه
ماناء معي هيّـج منيبـه للعسـر=عند المعاصر يعصرون الجلجلـه
بعبر بهم حيث المخيلـه تعتكـر=لاقد سمعـت ارعودهـا بالمسفلـه
في طين غمضة عين باصدر خبر=خل المراسل في الجزيـره ينقلـه
والختم باصلي على سيـد البشـر=يشفع لكل النـاس يـوم الزلزلـه

الفصل الخامس (قصائد البدع والجواب )

1- بدع من محمد بن صالح باعمر المشجري=
ابتـدي بالـذي يعلـم سرايـر خفـيـه=يعلم السرذي في خاطـر العبـد مكنـون
ربنـا لاتواخـذنـا بفـعـل الخطـيـه=وارحم العبد لاقد سـار للذنـب مرهـون
ياالاهـي رحـم ونظـر لحـال الرعيـه=واصلح الشان وانته مصلح جميع لشئون
يامفـرج علـى المسكيـن فـرج عليـه=زادت اهموم في الخاطر وذا القلب محزون
من زمن من زمن ومن السنيـن الرديـه=كم وكمن ولد غارق في اهموم وشطـون
لكن الصبـر مكسـب للنفـوس التقيـه=جنة الخلـد مفتوحـه لذيهـم يصبـرون
من سكنها سكن تحت الغصـون الطريـه=والملائكه معه من كـل جانـب يحفـون
والفلـل والعمايـر والقصـور الشبـيـه=مسكن الخلـد يانعـم الذيهـم يسكنـون
وبعد قال الفتـى ببـدع قوافـي شفيـه=تبلغ المملكه من عبـر فاكـس وتلفـون
بلغوهـا الـى نسـل الشـروع الوفيـه=جيد بن جيد واجـدوده مثيلـه يجيـدون
بلغوهـا لبوراضـي بساعـه رضـيـه=والمترجم معه هاجس وله قـول متقـون
بايترجـم قـوافـي بلهـجـه قـويـه=بالاشـاره ولابيخلـي النـاس يــدرون
يوم حط المطر والبـرق روس النشيـه=خضرت لرض في الوديان والغيث مسهون
ومن جماله معـه لاقـد عـزم عالسريـه=بايشل الثقل مـن عمـد لاخلـف سئـون
ولاتقـول الزمـن قـد فـرق الشافعيـه=عادهم عالمذاهب ذي يصلـوا يصومـون
بايحطو على العظم الوجيـع الـف كيـه=والاماره لهم مـن زام جعفـر وهـارون
بالقيـم والمبـادي والخطـط عسكريـه=والجيوش الشريفـه للمعـادي يعـادون
نارهم مـن جهنـم والنفـوس الشقيـه=يحرقوها وصرف النار شامي ومرشـون
حذروا ذي في الشرقـي وعقبـة سهيـه=واهل سده وذي هم في الشماري يعـادون
خايف البرق لايرشـن بـروس النشيـه=وان رشن مابضني من سيولـه يكنـون
ذا كـلام الحكـم محـكـوم بالبنـدريـه=يبدع الهاجس الخامس وله قول مـوزون
وبعدها بنشدك من شخـص قـد العطيـه=سخره ربنا في الانس لـه سـر مكنـون
منطـوي عاجميـع الجسـم ليـه بليـه=لـه منافـع ولـولاه الخلايـق يموتـون
حـروف اسـمـه نطقـهـا سرمـديـه=وحذف اثنين من لربع بصيغـه وقانـون
فكـروا فيـه لايهـل العقـول الذكـيـه=ذاكي العقل نشهد له على فعـل ميمـون
وختـم القـول بالذكـر لسيـد البـريـه=الف ضعف الف ضعف الفين ولفين مليون
والصحابـه يطوفـو بالعتـوم الهنـيـه=والطواغيت فـي وادي جهنـم يهيمـون
***=*****
***=*******
وهذا جواب طالب بن حسن باتيس ابوراضي=
يايـلاه البشـر عنـدك بسـري دريــه=انت تعلم بسري ذي في الجـوف مكنـون
كنـت مذنـب وماذلحيـن تائـب بنـيـه=اغفر الذنب فوق الظهر حملات واطنـون
مالنا غير عفـوك بعـد جـور الخطيـه=يامسامح وياباقـي فـي الارض والكـون
والف صلي على المختـار خيـر البريـه=ذي على الحق قد تبعـوه ميتيـن مليـون
بعـد ذلحيـن بارحـب ونفسـي تقـيـه=بالذي قد سكن في داخل العين والنونيسكن
بامجيمـر محمـد ذي تخـبـر علـيـه=شاعر البدو له في الشعر معنى وقانـون
وافي الشـرع وفروعـه عريقـه قويـه=كسبه الا ميازر قوتهـا كنـش مرشـون
بلغـوا لـه سـلام الفيـن بعـد التحيـه=عد ماطر خصب عالروس منقل وعالـون
لاتكلـم كلامـه مثـل طـعـم البغـيـه=مثل شهد العسل ذي هو مصفى ومشنـون
مـن تسمـع كلامـه قـال ذاء عالبتيـه=قال طيب وهو عائب وفي الهرج معطـون
ماحسبته مـن اهـل الحقـد والعنصريـه=يحسب اني بلا معنـى عميتـه ومجنـون
من كلامه عرفت ان لـه نوايـاء خفيـه=في ثبانه حنش عوراء وثعبـان هـادون
مادرى ان عاد بوراضـي دق كـل حيـه=ماحسب جيش بشمرقه ولاجيش بشتـون
مرحباء بك رعـد يارعـد راس النشيـه=اباء سيولك تصل لاخلف زاهر ولفحـون
بيدي اجواد فـي حـل الطلـب والدعيـه=يرعضون المصبح سرهـم سـر مكنـون
بيدي الفين في الشرقي رجـال السريـه=يطرحون القذاء للخصم في العين والنون
وان بلغ صيـح لاسـده وعقبـة سهيـه=يالقرين الزبينه عانقي حصـن سلمـون
بالـزوع جـبـال الـكـار بالنامسـيـه=والبلاجيك بازوع بها غلـوب واحصـون
باتشـوف الـذي شـارد بخبـره خليـه=بعد رد السلف بايضـوي الـدار مديـون
بعـد بوصيـك يلعانـي توكـل عشيـه=من بلاد السعـودي واهبـط الا بسئـون
في شبح اف ثنعشـر طائـره عسكريـه=سعف طيار في سرعته طايش ومجنـون
بعد ساعـه تصـل للديـره الحضرميـه=لاتوقف وتتأخـر ركـب جيـب صالـون
عالطلب لك موقف مـن غبـش لاعشيـه=ماتوضـب ولاتسمكـر ولاجـاه معجـون
كامل الوصب مش ديـزل عزومـه رديـه=جيب بترول يشرب له في المتـر جالـون
مايهـاب المصاعـب والعقـاب الشبيـه=والصحاري قهرها يوم لـه طقـم بالـون
مقصـدك جـول قـده مرتـع المعشريـه=مطرح اجواد للجودات دوب يسعونيسكـن
قلهم جيت عانـي مـن قصـور العليـه=ارض فيها الرخاوالناس فى هدؤ وسكون
لاتقهويـت بلـغ لـه كتـابـي هـديـه=فيه نظم القوافي ذي على اللحن مـوزون
قله انـي فتيتـك فـي محـازي عجيـه=حلك الدم لحمر غالـي الشكـل واللـون
مارخصتـه ولابرخصـه حـل السـريـه=كل فتان جـاء للطعـن ضويـه مطعـون
وانت بنشـدك يامـولاء الشـوع الوفيـه=حاز بحزيك من حرمه لها الناس يشنـون
تعشـق الارجـال العـزم والعنجهـيـه=زوجوها بزوج الويل من جنـس ملعـون
ماتفكـه وهـو ماكـن بحلقـه وخـيـه=يوم جابـوه بقيـوده مكبـل ومرصـون
دوب مقيـود وان فكـوه جـاب الاذيــه=لتلقي وذي فـي الصـف سـده يشلـون
وايش من زوج مايرابـع شويـه شويـه=لانطلق قيد يـده فـي بجنبـه يموتـوت
واختم القول مـن يتبـع رسالـة نبيـه=يسكون الا بجنه وسطها انهـار يجـرون