ردي على الشاعر الكبير حسن باقديم

[عبدالله الجعيدي]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

=نحمد الله ذي باالـعــقـل خــص الـبـنــادم لجل يعرف طريق الـصائـبه والـخــطـيه= =رغم قسمته مالقها سوى في الجماجم شي ملا نه وشي بحلف عـلــيها خـلـــيه = =ذا كلامي وبه كــلين عـــارف وفــاهـــم والغبي مالقي لــه مـــدرســه داخــلـــيه= =غير يقنع بقسمـــه لايــظـــلــــي يزاحـم صاحب المرتــبه والــقـمــه الــطــالعيه=

مرحبا قول من شاعر مخضرم وعالم =من لسانه عسل دايم يجيني بغية
عن حياض الادب دافع وساعات هاجم=سعف عربان جم واخوان ماهم شويه
واضح الفرق بين الباركر والمراسم =والكتب لي لقاريها تجيب الاذية
لو تمعنت في معنى حروف المعاجم=باتفك شفرة الموضوع قبل العشية
وانت شاعر ولك عادة لفك الطلاسم= بالمعارف حباك الله رب البرية
وان ستعجلت باترجع لسكتك لازم= بعد ماتعرف المكتوب لك فالوصية
لاتقيم الدعاوي ياحسن فالمحاكم= تتهمني وانا مخلوق مجني عليه

[حسن محمد سالم باقديم]

جواب شافي وكافي من شاعرنا الكبير عبد الله الجعيدي اهله ومعدنه لا غرابه
سلمت ووفيت وكفيت بارك الله فيك رفعت الراس دمت دخرا
اخيك حسن باقديم

[خالد بن مهنا]

بدع وجواب من ..شعراء لايشق لهم غبار ..الله يعطيكم العافيه لكم جزيل الشكر والتقدير

[علي فدعق الهاشمي]

سلمت وغنمت يابو سالم والطيب من معدنه لايستغرب جواب شافي وكافي لبدع الشاعر الراااائع / حسن باقديم سلمت على هالا بداع المتواصل ولاحرمنا الله من جديدك ومفيدك الذي يروي متذوقي الشعر لاعدمنااااااااااااك

[حسن محمد سالم باقديم]

اقتباس : المشاركة الأصلية كتبت بواسطة عبدالله الجعيدي [ مشاهدة المشاركة ]

مرحبا قول من شاعر مخضرم وعالم =من لسانه عسل دايم يجيني بغية عن حياض الادب دافع وساعات هاجم=سعف عربان جم واخوان ماهم شويه واضح الفرق بين الباركر والمراسم =والكتب لي لقاريها تجيب الاذية لو تمعنت في معنى حروف المعاجم=باتفك شفرة الموضوع قبل العشية وانت شاعر ولك عادة لفك الطلاسم= بالمعارف حباك الله رب البرية وان ستعجلت باترجع لسكتك لازم= بعد ماتعرف المكتوب لك فالوصية لاتقيم الدعاوي ياحسن فالمحاكم= تتهمني وانا مخلوق مجني عليه

جواب باقديم

جاني العزم عاجل من صحاب العزايم=من لواء نجد وربوع البلاد الزهيه
والمنادي نقز نومي وانا كنت نايم=قلت لبيك يامنادي تنادي عليه
بعطي المال رمحه والفلك والدراهم=شي يجي لك وشي تااتيه من غير نيه
ذي بغاني لقي ميفاء بثيبه وشاحم=جيب نورتي ليها زعبله عا المطيه
حسبه الله بايندبه مولى كراشم=والمحره ويجهم والمحيل البطيه
والشني ماحرق بن البري والمسالم=عاد صينه يحن ويصرف الشادليه

[علي بن طالب الحامد]

لله دركما بدع وجواب جزل من روس جزله

[بارق الدمع]

لايوجد هنا شي الا الابداع والكلم الطيب صح لسانك يلجعيدي وصح لسان باقديم ولكم الشكر ياعمالقة الشعر في حضرموت

[عبدالله الجعيدي]

اقتباس : المشاركة الأصلية كتبت بواسطة حسن محمد سالم باقديم [ مشاهدة المشاركة ]

جواب شافي وكافي من شاعرنا الكبير عبد الله الجعيدي اهله ومعدنه لا غرابه سلمت ووفيت وكفيت بارك الله فيك رفعت الراس دمت دخرا اخيك حسن باقديم

شكرا لك اخوي حسن على الرد السريع وتلك هي عادتك
وانتم المدرسة بل والجامعة والمعين الذي لاينضب التذ نستقي منه معارفنا . تحياتي .