يالواقعي وش وقع لك من قفا مسرور

[صبي العول]

الاخوان الكرام هذة الكلمات البسيطة
مداعبة للشاعر العملاق الواقعي
على خلفية قصيدته الاخيرة والذي ذكر فيها مسرور
ارجو ان تعجبكم هذة الكلمات والسموحه من القصور

ضيعت دراك ومسراحك=واليوم عليت باجناحك
واهل السقيفة معك طابور=
يالواقعي وش وقع لك قفا مسرور=
مسرور باسراركم داري=يمسي على نتكم ساري
وان جاب كلمة شفه مشكور=
يالواقعي وش وقع لك قفا مسرور=
باعطيك كلمة طواعية=لو سرت لما الصناعية
حط التواير على البابور=
يالواقعي وش وقع لك قفا مسرور=
واسرح مع الدرب طوالي=عرج على برها الخالي
واصمت ولا تفتح الحنجور=
يالواقعي وش وقع لك قفا مسرور=
وسير بدروب مفتوحه=فيها البلاجيك مسموحه
ادخل بها غرفة المامور=
يالواقعي وش وقع لك قفا مسرور=