هاجس الشعر

[ابوشحوف]

هاجس الشعر لاجاني وشرف مقامه = ينثر الا عبير الورد من حين لاحين
وسط صرح السقيفه بين هامه وهامه = بينكم يالوعول اهل القرون المحاجين
افتخر به ويفخربي ويطرح عمامه = فوق راسي يشرفني بوزن الموازين
وقت هاجسي هذا الوقت والزام زامه = كل شي يتضح وتبان منه تلاوين
كنه الا سحاب الغيث وسط الجهامه = لاطرح عامطارح ينبت الزرع فلطين
والغمامه اذا جاني يزيح الغمامه =يشرح الصدر ببياته ولو قال بيتين
في همومي يواسيني وجل اهتمامه = انني عيش مابين القمر والميازين
فلعلالي وذا طبعي وهذا نظامه =لا كذا لاكذا ولاكذا بين بينين
وان هجرني وطول غيبته واعتصامه = يوقف الدم لي يجري بوسط الشرايين
مثل غيبته غيبة زين حالي كلامه = كيف سوي اذا غابو علي كل لثنين
بات ساهر وليل الشوق طول ظلامه =مافي الوقت اعسر من فراق المحبين
هجرهم حطم افوادي وزيد هيامه = كل ماشفتهم ساعه يغيبون عامين
بعدهم جفن عيني ماهني له منامه = شوق زايد لهم فلصدر ثوَر براكين
كل مامر قمري فلسماء اوحمامه = قلت بالله ياذا الطير ماواك لاوين
كان بتمرهم ياطير يابو علامه = قلهم شف حياتي دونهم بين قوسين
لن جسمي بري لحمه وباقي عظامه = كل من شافني يشفق على الحال يازين
عندهم طب قلبي والدواء ببتسامه = مانفعني علاج الصيدله والمداوين
والدواء اليعربي بالسدر ولا البشامه=والطبيب المعالج لي يعالج من العين
بيده الطب لي له فلفؤاد احترامه =حي ذيك الربى لي حلها والمقاطين