شعب الجنوب الحر لابد ينتصر

[سيف رخيه]

السادة .. اعضاء وزوار منتديات سقيفة الشبامي
يسعدني ان انقل لكم هذه القصيدة وهي للشاعر سليمان احمد بن غانم امل ان تحوز على اعجابكم

اليلة الهاجس ضواء بعد السمر=يبدع قوافي زين من حلو القصيد
جاني على غفلة ولادري وين مر=وقال قم بعطيك كل ماهو جديد
حالي ترى غثيان متضجر ضجر=وفوق الكدر ذا الراس شف عاده عنيد
عارفه انا ميهاب من كثرالعسر=وقت الشدايد فالعناد الايزيد
ياكم وكم زامل مع وسطه ندر=ويزقل الابيات وينشدها نشيد
يظرب بسيف الحق مايوم انفدر=وصاحب الحق ترى قوله سديد
ياهاجسي بانشدك شي صادفك شر=قولك يبشرني بشي حاصل جديد
قال استعد بعطيك من عندي خبر=خبر عسى يارب منه نستفيد
بتونس الخضراء الشعب انتصر=وحسني مبارك نار في جوفه وقيد
والوضع في ليبيا ينذر خطر=كل يوم ياكماً وكم فيها شهيد
الطاغية فيها بصوته قد نهر=ويهدد الشعب بالقول الشديد
هو يحسب ان الزعامة بالقهر=وبالهرج يصنع له تاريخاً مجيد
اما معمرفي شعبه قد كفر=برضاً بها المختار للشجعان سيد
كفاك ياطاغي كماً عام مر=جاثم عليهم تحسب ان حكمك رشيد
وضع اليمن اليوم مابيستقر=فيها الغضب حاصل وكل ساعة يزيد
هذا النظام اليوم لازم يندحر=حكم المصالح والرشاوي مانريد
شعب الجنوب الحر لابد ينتصر=ولدولته وارضه لابد يستعيد
كل من طغاء لازم نهايته القهر=والعاد شي سلطه ولاعيشاً رغيد
في عامنا الالفين والواحد عشر=بايستعيد الشعب حكمه من جديد
بشائر النصر العظيمة قد ظهر=بيحقق الاسلام النصر الفريد
باتعود ايام من سابق وكر=ايام ابن زايد وخالد بن وليد
والختم صلو على النبي ذي بشر=شفيع امته في يوم الوعيد
صلو على احمد مية يتكرر=اعداد مايبرق ومايسمع رعيد

ودمتم في حفظ الله ورعايته