(( مــن زمـــن قـــال بـــو مـحـضـار لـلـنـاس عـبــره )) جديد :الشاعر / خالد بن مهنا

[خالد بن مهنا]

قال شاعر بني مره وانا نسل مره=لي حدودي ولي حجه سندها براهين
كل حاسد وكل حاقد عسى طول عمره=يندفن في لهب من قبل ندفنه في الطين
كل واحد وبانعطيه في الناس قدره=والعقول الكبيره فعلها بالميازين
من كبار العرب ماحسبت وهمرت همره=كيف لاعاد رخله... باذبحها بسكين
كن معي دوب متواضع ولتشل كبره=من يشوفك يضنك باتحرر فلسطين
لنت طيّب فنا اطيب يجي بالف مره=لنت شيطان شفني من كبار الشياطين
من مجانين نوخذ كنت حكمه وعبره=لكن اليوم يامكثر خراط المجانين
كل ماتجيه من علوى يردك لحدرى=شخص حاقد وحقده مثل حقد البعارين
هاجسي خلنا في العشق نكتب ونقراء=لاتثوّر وسط جوفي لواهب براكين
والشجر دايمأ لي غصنها فيه ثمره=يرجموها ويرجون العطيه مساكين
اسمعوا قول من شاعر تفرّد بشعره=قد قروله وسمعوا له قصائد ملايين
مايطارد ورى الشهره وقد حاز شهره=ماطلع قمة الابداع باليسر واللين
ماطلع غير في عقبه عسيره ووعره=صم عظمه ودحّق فوق رؤس الثعابين
والسقيفه وسط قلبي تظل مستقره=ماتزعزع ولو ثارت حمم من براكين
او تهاوت على راسي نجوم المجره=فوق صفحاتها اسمي مأمنه تامين
حضرمي من كبار الروس واهرج بنبره=ماتغير مع الاخدام ولا السلاطين
ماتربيت الا وسط وديان خضراء=ماتربيت في حله وحارة تكارين
جنبي اجواد كل واحد نعده بعشره=لاتعصر يعزه مسبته فيه ستين
واعرف الناس واعرف من ترنم بذكره=ساعة الموجبه لاثار زلزال بكين
يد مش سارقه ماتحسب القطع واخرى=سارقه في قلق والقطع ذلحين ذلحين
رد ملعبك لاماشي معك سيف كسرى=ذا كلامي ولاهو دوب لقّنك تلقين
واعذرك لو حفيت الجلد ياشوك سمره= ايش بيرجعك مثل الزهور الرياحين..!
هاجسي خلنا في العشق نكتب ونقراء=منطقك طوّره دايم وحسنه تحسين
(ساري الليل) بانسري انا وانت مره=انت قابل محبينك وانا لي محبين
كان عاد الزمن والظرف يسمح بنظره=بايشل التعب من قلب تعبان مسكين
اللقاء نفع واما الهجر منه مضره=مثل للعتم جف تذبل ورود البساتين
لاتفارق حبيبك واعط صاحبك جبره=لاتضره لان الضر مكروه في الدين
من زمن قال بو محضار للناس عبره=كسروا في الخزف مايصلح الكسر في الصين
من قصر قل.. والبالغ ثلاثين شهره=قالوا اهل الوفاء وافي و(شهرك ثلاثين)

[باسعيده]

اقتباس : المشاركة الأصلية كتبت بواسطة خالد بن مهنا [ مشاهدة المشاركة ]

ماطلع غير في عقبه عسيره ووعره=صم عظمه ودحّق فوق رؤس الثعابين

صم عظمه , وشهرك ثلاثين يالمري على كلام يصم الراس صم كفيت ووفيت على كلام راقي جزل من راس جزل .

[خالد بن مهنا]

اقتباس : المشاركة الأصلية كتبت بواسطة باسعيده [ مشاهدة المشاركة ]

صم عظمه , وشهرك ثلاثين يالمري على كلام يصم الراس صم كفيت ووفيت على كلام راقي جزل من راس جزل .

ولو انه غير مباشر,,لكني افطن..


الله يرحم جدي خميس بن لسود بن هلابي.

اخذ بقاله شراكه مع واحد وقال انا بمسك الشغل فيها.قالو له انته ماتقراء ولا تكتب ..قال صحيح مااكتب ولا اقراء لكني(((افطن)))

شكرا على المرور والاطراء والتنويه,,,,,,

[ليث الخطم]

اقتباس : المشاركة الأصلية كتبت بواسطة خالد بن مهنا [ مشاهدة المشاركة ]

قال شاعر بني مره وانا نسل مره=لي حدودي ولي حجه سندها براهين كل حاسد وكل حاقد عسى طول عمره=يندفن في لهب من قبل ندفنه في الطين كل واحد وبانعطيه في الناس قدره=والعقول الكبيره فعلها بالميازين من كبار العرب ماحسبت وهمرت همره=كيف لاعاد رخله... باذبحها بسكين كن معي دوب متواضع ولتشل كبره=من يشوفك يضنك باتحرر فلسطين لنت طيّب فنا اطيب يجي بالف مره=لنت شيطان شفني من كبار الشياطين من مجانين نوخذ كنت حكمه وعبره=لكن اليوم يامكثر خراط المجانين كل ماتجيه من علوى يردك لحدرى=شخص حاقد وحقده مثل حقد البعارين هاجسي خلنا في العشق نكتب ونقراء=لاتثوّر وسط جوفي لواهب براكين والشجر دايمأ لي غصنها فيه ثمره=يرجموها ويرجون العطيه مساكين اسمعوا قول من شاعر تفرّد بشعره=قد قروله وسمعوا له قصائد ملايين مايطارد ورى الشهره وقد حاز شهره=ماطلع قمة الابداع باليسر واللين ماطلع غير في عقبه عسيره ووعره=صم عظمه ودحّق فوق رؤس الثعابين والسقيفه وسط قلبي تظل مستقره=ماتزعزع ولو ثارت حمم من براكين او تهاوت على راسي نجوم المجره=فوق صفحاتها اسمي مأمنه تامين حضرمي من كبار الروس واهرج بنبره=ماتغير مع الاخدام ولا السلاطين ماتربيت الا وسط وديان خضراء=ماتربيت في حله وحارة تكارين جنبي اجواد كل واحد نعده بعشره=لاتعصر يعزه مسبته فيه ستين واعرف الناس واعرف من ترنم بذكره=ساعة الموجبه لاثار زلزال بكين يد مش سارقه ماتحسب القطع واخرى=سارقه في قلق والقطع ذلحين ذلحين رد ملعبك لاماشي معك سيف كسرى=ذا كلامي ولاهو دوب لقّنك تلقين واعذرك لو حفيت الجلد ياشوك سمره= ايش بيرجعك مثل الزهور الرياحين..! هاجسي خلنا في العشق نكتب ونقراء=منطقك طوّره دايم وحسنه تحسين (ساري الليل) بانسري انا وانت مره=انت قابل محبينك وانا لي محبين كان عاد الزمن والظرف يسمح بنظره=بايشل التعب من قلب تعبان مسكين اللقاء نفع واما الهجر منه مضره=مثل للعتم جف تذبل ورود البساتين لاتفارق حبيبك واعط صاحبك جبره=لاتضره لان الضر مكروه في الدين من زمن قال بو محضار للناس عبره=كسروا في الخزف مايصلح الكسر في الصين من قصر قل.. والبالغ ثلاثين شهره=قالوا اهل الوفاء وافي و(شهرك ثلاثين)

كفو لكل ما قلت يا بن مهناء

في هذه القصيده العصماء

صح لسانك وبدنك

وحماك الله من شر حاسدينك

تقبل مروري وتقديرك لشخصك الغالي

[ميراد باسودان]

خالد بن مهناء
الشعر هو منك وأنت منه وفي لمح البصر تقوله
حياك من شاعر لايسعني اقول الا
قـالـوا اهــل الـوفـاء وافــي و(شـهــرك ثـلاثـيـن)
يالمري يالمبدع
تقبل ودي وتقديري لسموك

[حسن البار]

عرفتك شهماً شجاعاً غيوراً ومغواراً .

عرفتك شاعرا رقيقا ، شابا خلوقا ، ومثقفا جسورا .

أما اليوم فقد عرفتك شاعرا مفاخرا تأبى الا أن تكون في القمم العاليات والجبال الراسيات .

جمعت بين تواضع الشجعان ، وبراعة الفرسان ، وسلامة الصدور .

فاخرت بثقافة العلماء ، وحكمة العقلاء ، وبلاغة الادباء مع خيلاء وتسامي وصلت به الى حدود المقبول .

هذه القصيدة وإن كانت واضحة المدلول ظاهرة المقاصد الا ان الشاعر إستطاع بقدراته الفائقة أن يجعلنا نعيش معة لحظات معاناته والآمه وكيف تصدي لها بايمان وثبات وقوة وجسارة .

كيف تغلب على مواطن الضعف ، ودخل ميادين البطولة والاستبسال فامتطي جواد الشجاعة والحكمة والكبرياء وأسترسل في عبارات المفاخرة والحكمة والاقدام .

ابن مهناء بالرغم من صغر سنه الا انه يمتك من الصفات الحميدة ما يجعله في الصدراة والتقدمة اينما حلّ وأرتحل وفي مقدمتة هذه السمات تواضعة ولين جانبه .

[ابوفضل سالم]

قصيدة مزلزله يا بن مهنا
قرأت نصاً شامخاً تفوح منه رائحة البارود والدم
من شاعراً مدافعا بكل مايملك من قوه عن حصنه المنيع من كيد الحاقدين
تحياتي
ابو فضل سالم

[زائر خفيف]

كلام رائع وجميل

[حكيم السقيفه]

كلام كلام يابن مهنا
قصيده شاعر غيور محب لسقيفته وحلانها

[بن احمد]

تثبيت اولا ولنا عوده يابوسالم