بدع الشاعر سالم بن علي بن لكسر وجواب الشاعر عزام احمد بن غانم

[سيف رخيه]

بدع الشاعر سالم بن علي بن لكسر وجواب عزام بن احمد بن غانم

بدع الشاعر سالم بن علي بن لكسر

بابــداء بـــه الله الكــون وادعيــــه يرحم= مالك الملك رب العرش والملك بيده
العزيز القوي لــي هو بكــل حـــال يعلــم= يالله ادعيه على الكفار ينصر عبيـــده
بعدها هاجسي جـــاب الكــــلام المنضـــم= يبدع القـاف وينظم حـروف القصيـده
مرسلي شل خطي بلغــــه حيث يلـــــزم= عند عـــزام حـــتى لـلمــسافه بـعيــده
بلغّــــه قولــنا وخــاف للقـــــول يفــهـم= قــلّـه الحـــــال متـكــدر ونـاره وفيــده
كــل ماجــيت بــخرج يـــوم والا تنســـم= حصّــل اخـبار تغــظبني وهمـي تزيـده
جاء خبر مـن هنـــا واخبـــارمــــن ثـــم= كل ساعـه وهي اخبــار تـاتي جديــــده
اخبار باتجيك على المجان لاتقول من كم= لاتخبـرت عبــد الســوء عنـده جريـده
عبــد يبغا لســانه قــص ونــرده اعجــم= او لحطــه بوســط القيــد ونــزر قيــده
لامتــــى وضعنـــا للخلـــف مابيتقـــــدم= عــاد شـي منقلب ذالوضــع مابانريــده
من خطـــاء قــــام يتعــــذر لنا اوتنــــدم= قلــــه ان النـــدم والله مابـــايفيـــــــده
لاعصد عبد ماحـــد من عصيده بيلقــــم= قل لعــــزام خل العبـــد يلقــــم عصيده
ذا كلامــــي وعبـــرته في الليـــل لظلــم= واســـــال الله ان يصـــلح يمنا السعيده
بعـــــد بحزيك مــن بازل ببيتــــه ملثــم= مامثيله يجيـــب المقـــربه والبعيــــــده
له مره زوجتــــه وان خذتهـــــا بيتحطم= ذاالمــــره لافقـــدها يفقـد اشياء عديده
قوتهــا نقود كــل مااعطيتها باتقول تــم= هــي حياته وماشـــي دونهـــا بايفيـــده
وانـت فكـر ولاحليــت ياابــن المقـــــدم= شيــــخ باقول حطوا فـوق راسه كشيده
واخر القــول صلــو عالنبي المكــــــرم= عـــد مايظهر البــارق وتسمـــــع رعيده

عزام بن غانم

اقــــــــول بســـم الله يارحمــــن ارحــــــم= اغفر لعبدك لوذنــــــوبه عديـــــده
نجنـــــــا من عذابك فــــي القبــــر لظلــم= لي تصبح النفـــــس وسطه وحيده
مــــاينفعــــــه اب ولاينفعـــــه عــــــــــم= تجيه اشياء ماهـــي علــى مايريده
ياتيــــه منكـــر يسالــــه عـــن ماتقـــــدم= ولوباينكـــر النكــــران مابايفيـــده
يالله عســــاء منه هــــذا اليــــوم نسلــــم= نخرج مـــن الدنياء بمــوته شهيده
والهاجــــس الليلــــه دعيتـــــه قـــال تــم= نظم لــــي اقـوال مــــوزونه جديده
برســــل بــــه المعتنـــي باقـــوله اعـــزم= لاعند سالم وصل الابيــــات ليـــده
لاعنــــد ولـــد بلكســــر الصقـــر لنشـــم= قله جوابي نظمته لهــم فــي قصيده
يابوعلـــــي بعطيك وانتــــه منـــي افهــم= وانته من اهـــل العقـول الرشيــــده
لايهمــــك الثرثــــار لي هــــو باينمنـــــم= هب الشمالي مايهز الجبـــال العنيـده
العبــــد صيح بصــــوته وللصمت الــــزم= ضربه من الشهـــم وقعت لـه شديده
ان جيــــت للتــــزوير وصلت رتبته فنـدم= ومن اجلها قده في مضايـــف شديده
وانت من قبيلـــــه تسقــــي عــدوها سـم= من سيف صلــــب مايفــــدر حديده
هــــذه نصيحـــــــه ولازم بهـــــا تعلـــــم= ان مثلك ماينازل اهل القلوب البليده
وانــــا عارفــــه اليــــوم انــــه بيلجـــم= دروس حصلت لــــه وخطــه باتعيده
وبعد وصل تراحيبي لبن بــــدر ويسلــــم= قلهم بوصولكم بيتنا بليلــــه سعيـــده
وبدخولكم لاهنــــــــا لوكــــان حــد يعلــم= بايخلي المــــرشون يشعــــل وقيــده
وبعد وصل للجعيدي وعيظه ســــلام ينهم= رجـــال متميـــزه بالخصــال الحميده
وبعــــــد ذا احزيـــــت من بازل ملثــــــم= مامثيله يجيــــب المقربــــه والبعيده
باقولك هو الرنــــان من نوكيــا مصمــــم= من بقاع الارض يجيـب اعلام مزيده
وزوجتـــه خـــط علــــى شركــــه منظــم= وقوتها وحـدات تنظاف لارصيــــــده
هــــذا جوابــــي حســـب ماكنــت اعلــــم= ان كـان كافــــي والا تــــرى بانعيده
والختم صلو على لي خاطب الناطق ولعجم= شفيعنا يوم تصبح جوارحنا شهيــده

[صوت سيبان]

بدع وجواب رائعين من شاعرين مبدعين لله دركما
تقبلوا مروري وتحياتي وودي

[سيف رخيه]

تسلم ابورائد على مورك الكريم تحياتي لشخصك الكريم