مساجلات الزامــــل الشعبي

[طارق صالح بن حيدره]

قولو لطالب باسنا عاده شديد = عاد المطارح زاحيه هي والجروب
عاد الامل في نسل هارون الرشيد = عند العراقي حب من زين الحبوب
واما الفلسطيني جبل مابايحيد =في ساحة الميدان له سبعه قلوب
النصر قادم لاتظن انه بعيد =خل الامل بالله ياباتيس دوبوالسلاااااااااااااااام

[طالب النعماني]

احسنت يابن حيدور
ولي ملاحظه بسيطه
عند كتابة القصيده افصل بين الشطرين بعلامة = مره واحده حتى يسهل تنسيقها
ارجوا ان تتقبل من اخوك هذه الملاحظه وشكرااااااااااااا

[طارق صالح بن حيدره]

ابشرررررررررررررررررررررررررر يا بو راضي ولا يهمك يا شاعرنا المميز
وين باااااقي الشعرااااااااااااااااااااااااااااااااااااااااااااا اااااااااااااااااء وينهم؟؟؟

[طالب النعماني]

ماحد معك مغوار يضرب بالحديد=عشره وعشره كلهم شفهم ذنوب
يرعا زمن حمزه وخالد بن وليد=ذي يحضروا في وقت فجار الجنوب

[سالم بادحس]

كلام يارجال
والله انكم ترفعون الراس

[طارق صالح بن حيدره]

سلمت يا بادح وهذا من ذووووقك يالطيب
ارجو ان تشاااركنا الحواااار يا اخ سالم0

[طارق صالح بن حيدره]

الاخ بوراااضي اسمح لي على قلب الربط0000

اليوم " يالعربي " سمع ( ياطارشي ) = والقابله ( صبوحه خطبها نصيب )
خل اليهودي في بلادك منتشي = يذبح ويركز فوق ( اقصاك ) الصليب
حكام حد خاين ولا خر مرتشي = وانته تغني واهل غزه في نحيب
ماشي سوى--لاحد يضايقني بشي = لاما صبحنا كلنا في تل ابيب
والسلااااااااااااااااااااااااااااااااااام ختااااااااااااااااااااااااااااااااااااام

[طالب النعماني]

خذ راحتك يابن حيدور المجال مفتوح للجميع

ذيب سعد الغلابه كم من قبيلي كسرنابه والذيب سعد هووووووووووووووووووووووو


قلوا لطارق بسأك هل عاد شي=مهنه كما الشيبان باتعمل طبيب
والا تبا طيار فوق اباتشي=بعطيك رتبه قال بوراضي نقيب

هههههههههههههههههههههههههه
نرجوا المشاركه من كل الشعراء

[طالب النعماني]

خذ راحتك يابن حيدور المجال مفتوح للجميع

ذيب سعد الغلابه كم من قبيلي كسرنابه والذيب سعد هووووووووووووووووووووووو


قلوا لطارق بسأك هل عاد شي=مهنه كما الشيبان باتعمل طبيب
والا تبا طيار فوق اباتشي=بعطيك رتبه قال بوراضي نقيب

هههههههههههههههههههههههههه
نرجوا المشاركه من كل الشعراء
غيروا الفصل

[طارق صالح بن حيدره]

هههههههههههههههههههههههههههههههههههههههههههههههههه ههههههههههه توك يا بو رااااضي

من مهنة الشيباان كم واحد غشي = من فعلهم كمن ولد راسه يشيب
ذلا الزمن مقلوب ما ينفع بشي = (وكوفي عنان ) اصبح في المنبر خطيب
ههههههههههههههههههههههههههههههههههههههههههههههه
وروح روح الغلااابه كمن قبيلي كسرنا نابه ولا قهووووووووووووووووووووووووووو

[(عسكر بن سويد)]

السلام عليكم ورحمة الله وبركاته اعذروني على عدم المشاركه فالايام السابقه.....
وهذا لسببين ..
الاول ظروف العمل والثاني عدم دخولي لسقيفه بعد التجديد والبدواه تحكم...
واما الان اسمحولي بالفصل .....


قولوا لبن حيدور قلبي قد تعب= ولعاد شي دبره ولاحتى فلك
كل ماشديت فالحبل انقطب=وان لان حبلي ياعرب ميشي سلك
وانت ياباتيس حذر بعض العرب=شفنا ولي العهد عينه عالمللك
خلك مع الي هو دايم عالطلب=ذى غبت عشر سنين عاده يمهلك

[طارق صالح بن حيدره]

حيا بعسكر عد مالكاتب كتب = يالفارس المغوار في الليل الحلك
ما با نقصر بالودي ما وجب = لما نصفي ذي علينا داخلك

[القسورة]

سم الله الرحمن الرحيم
=-=-=-=-=-=-=-=-
اخيكم لاول مرة معاكم هل ترحبون به
لقد اعجبت بالموا ضيع كلها

[الشعف]

قولوا لعسكر في الذي ودّف وحب؟=هل شي بصر له ؟ جيت عاني بسألك
قلبه تعب والعين لخرى تنتحب=والقلب هو والعين اغلى ما ملك

[جمال العطاس]

حيا الله أهل الزوامل :


لا يالشعف من حب في الجيلان خب = إمّا ظفِر بالحب وإلاّ قد هلَك
وأنا معي ياخوي هائم قلب صب = لكن في عشقته والله ماسلَك

وبغيناكم يارجال تدخلون في موضوع يناقش أوضاع اليوم !!
وإلا مالكم خاطر من اللي نشوفه ؟؟

وأرحب بالأسد وأقول له مرحبا بك وسهلا أخ عزيز

[الحضرمي 2003]

حياكم الله واسمحوا لنا بهذه المشاركه:


حبل المودة مرتبط بمن انت تحب= بتوافق الافكار والآراء ويعرف معدنك
من كأس المحبه كرع صافي شرب= تبقى المحبة تاج على رأسي ورأسك

وسلامتكم

[طالب النعماني]

شكرا لكم حبايب جميعا
ونرحب ترحيب حار بالاخ القسوه اهلا وسهلا بك يااخي
ونرحب بعودة
عسكر الصيعري
وجمال العطاس والشعف والحضرمي 2003
ونقول لهم نورتوا الساحه الادبيه بعودتكم
اهلا وسهلا بكم

[(عسكر بن سويد)]

حياك الله اخي الشعف وسررت بحضورك البهي....


شفني عنيد الراس مفتول الشنب=كمن ولد مغوار على يدي هلك
واعاند الشجعان في وقت الطلب=بالكنش والمرشون خصمي يمتلك
وان شفت ان الوضع يبغا ينقلب=باتشوف يالصاحب اشيا تذهلك

[(عسكر بن سويد)]

الرجا من الشعار عند كتابه رد الذهاب الي هيئية القصيده واختيار شكل منحدر من اجل قراة القصيده بتصميم افضل ....واترك هذه المهمه للمشرف طالب باتيس..

[طارق صالح بن حيدره]

ياسلاااااااااااااااااااااااااااااااااااااااااااااا ااااااام سلم
ما اجمل السماااء عندما تمتلئ بالنجوم وما اجمل السقيفه عندما تمتلئ بالشعااااار
اهلا وسهلا بك اخي القسوره ضيفا عزيزا وعالراس والعين
الشعف000انته كل شي عندك (بالعجل ) حتى الحب هههههههههه الله يعينك ويفك عقدتك
العطاس 00روعه كل ماتكتبه والله روعه
الحضرمي 2003 اهلا بك واحسنت
بن سويد 000 يا خي كل شي عرفت له الا تنسيق القصيده ولكن بو راضي ما يقصر نحنا نشعق وهو يرقع
ولناااااا لقااااااااااااء مع القصيد
وتحيااااااتي للجميع 0

[طالب النعماني]

عسكرتهددني تشب النار شب=واليوم تعذرني وانا مابعذرك
خذه نصيحه لا تقعلي لي بولهب=من قبل في الميدان ماحدك يهلكك

[طالب النعماني]

عسكر تهددني تشب النار شب=واليوم تعذرني وانا مابعذرك
خذها نصيحه لاتق لي بولهب=من قبل في الميدان ماحد يقتلك

[طالب النعماني]

عسكر تهددني تشب النار شب=واليوم تعذرني وانا مابعذرك
خذها نصيحه لاتقع لي بولهب=من قبل في الميدان ماحد يقتلك

وينكم ياشعار الزامل يحن

ذيب سعد الغلابه كم من قبيلي كسرنابه والذيب سعد هوووووووووووووووووووووووو

[طالب النعماني]

اعذروني على تكررار القصيده ماكان مقصود ولكن من الجهاز عندي يخبط شوي هههههه
كلما كتبت القصيده ماتطلع حاول كتابتها مره ثانيه ولا شي فايده وثالث مره طلعن مره واحده
نرجوا المعذره ياشباب والجواب مطلوب

[نايف باتيس النعماني]

مساالخير
اولا مبروك على التتغير رغم انه منعي من الدخول اكثر من مائة مره ولكن لم امنتع مهما منعتوني ههههههههههههههههه
وهذا من محبتي لكم مع العلم انني كنت ادخل باسم المجهول سابقا
واسمحولي على هذا الفصل


الليل ياشعار فكوا لي وسع=باتيس قد جاكم من اطراف الرمال
يشكي لكم همه وهم المجتمع=يشكي لكم من قهر جيش الاحتلال

[طالب النعماني]

نرحب بك يااخ نايف بين اهلك واخوانك في في هذا المنتدى
ونتمى من كل الاخوان الذي تعثر دخولهم ان يدخلوا باسماهم الحقيقيه مثلك
ونقول وداعا للمجهول واهلا بنايف
وهذا الجواب

لاحولوا بسيل ياطارف رفع= نايف حسن سيله يزوع بالجبال
في تركت الشيبان لمريكي طمع=من بعد فيصل وهو و ياالرئس جمال

[طارق صالح بن حيدره]

حياااااااااااااااااااااااااااااااااااا وسهلااااااااااااااااااااااااااااااا ببو راضي الثااااني
ارحبت يا باااتيس وعلى الراااس والعين يالنعمااااااااااااااااااااااااااااااااااني

يا مرحبا بك عد مالبااارق لمع = وعداد مايهمل على روس الجبااااال
من ذي ذكرته شف رفيقك به وجع = راحو رجاال العز لي كانو رجااااال

[طارق صالح بن حيدره]

وشفيه بوراااضي من الصحبه قنع = ولا تبع قوم الدرااهم والريااااال
دايم معه لو با يقع لي با يقع = واليوم شوفه زاغ من عندي ومااااال

[طالب النعماني]

ياولد بن حيدور لك عندي وسع=شوفك وعدك من دلاعيس الجمال
ماناء من اهل القرشاصحاب الطمع=الجود والمعروف عندي راس مال

[بوطارق]

باطلب الله رب العرش للعبد ينضر=رب يالله عفوك دوب والخير مسهون
لا طرق بابك المحتاج امرة تيسر=كله الكون بامرك كل ماتامرايكون
ليل ياهاجسي حل الدرك لا تعذر=واطلق القيد لا تخليه بالرجل مرصون
لجل بصعد في الوادي وقبل وحدر =جبر ذي هم يحطون القذا داخل النون
خلني باطلع بالشبك في الحيد لبتر=فوق صبرة رسيت القطب هو والرتون
يوم طارق شكى تعبان فالوقت لغبر=قال لما متى واحنا في الذل والهون
كن ماحد على المسكين منهم تخبر=وين ذي بايشل السيف بالحد مسنون
يدخل البحر وسط البحر لا يهاب يمهر=بايحصل صدف فالبحرواللول مدفون
بايجي يوم بيرجعه كل من تبطر=ما بدا طاغية طول وعمر على الكون
بامر ربي نجى موسى من البحر للبر=يوم هز العصا واغرق في البحرفرعون
شعب بغداد والموصل وتكريت قرار=للعدوكلهم في صف مرة يقومون
قالو احنا لها فالسلم والخير والشر=بالذوقة كاس المر خاين وملعون
ذي دخل جاب دبابة ومدفع وعسكر=يظرب الناس ذي هم في المساجد يصلون
يقتل الطفل والشايب وكم بيت دمر=والبقية طير واللي في السجن مسجون
بايجي دورهم ذي فدرو سيف عنتر =زرعوا الشوك منه كلهم بايلفون
من يقول الصراحة له بيفكون محظر=والملف عندهم والحكم صادر بقانون
بعد ما غاب ذاك الهيج ذي كان يهدر=كيف عيدك بغيت الكرد تنطح بلا قرون
واعذرو هاجسي لو كان زيد وقصر=طبع ذا الوقت يتقلب علينا بكل لون
والف صلوا على من عم نورة وبشر=عد ما زارو الكعبة ومن جو يحجون

[نايف باتيس النعماني]

كلااااااااااام يابوطارق
صح لسانك

[نايف باتيس النعماني]

قولوا لطارق ذاء السنه ياماوقع=ماهو على الخاطر ولا عاكل بال
من مصر لاسطنبول ماواحد نفع=صدام قد حطوا ايداته في الغلال

شكرا لك يااخ طارق على الترحيب الحار
واسمحولي بالمشاركه معكم لانني مانا شاعر ولكن متطفل

[نايف باتيس النعماني]

قولوا لطارق ذاء السنه ياماوقع=ماهو على الخاطر ولا عاكل بال
من مصر لاسطنبول ماواحد نفع=صدام قد حطوا ايداته في الغلال

شكرا لك يااخ طارق على الترحيب الحار
واسمحولي بالمشاركه معكم لانني مانا شاعر ولكن متعلم

[سالم بادحس]

غيروا الفصل
صراحه قصيده رائعه ويستحقها بن حيدره
قلوا لطارق بسالك هل عاد شي =مهنه كما الشيبان باتعمل طبيب
اكيد المهنه موجوده

[طالب النعماني]

ماحركوا الضراب من فوق القمع=ماحركوا القاده ميادين القتال
كلن لقاء نفسه من الداعي صقع=لما سقط مرعي وبوزيد الهلال

[(عسكر بن سويد)]

يامرحبا الفين بكبار القشع=بلقي لهم مقعد وبصب الدلال
نايف بانسقيه من صافي كرع=من شانه الليله بانكتب مقال
****
****
عز الله ان عسكر ماهو منقرع=وقت الطلب ياناس بيزر الحبال
بيشل ثلاث ارباع وبيخلي ربع=للي بغي يلقي على راسه عقال

[طارق صالح بن حيدره]

الله الله الله عليكم يا شبااااب شي يفرح القلب
مشكوور يانايف على الترحيب وعلى كلامك الحلو
اشكرك يا بورااضي وشفني ساعدك ليمن يالنعماااني
يا سلااااااااااااااام عليك يا بو طااارق قصيده رائعه ورد ما اجمل منه بس يا ريت نتعرف اكثر على بعض

[طارق صالح بن حيدره]

الاخ سالم بادحس مشاركتك غير واضحه وغير مفهومه
ارجو التوضيح حتى نتمكن من الرد كما يجب 000

[طارق صالح بن حيدره]

قولو لناايف با لغيب بالنصع = يدي على يدك 00دخلنااا للقتااال
من شان كل واحد يقايس --في الوسع = من قبل ما ينشب --يخلي له مجااال
والشيخ طالب جاء بسيفه واندفع = يتبع وشايه من خبيثين العمااال
ياما سقيته من زلااالي والكرع = وهوسقاني مر من بعد الزلااال

[طالب النعماني]

لاحول ثم لاحول يالهاجس بدع=واطرح كلامك في ميازين القفال
طارق شعق بيده ومن جنبه رقع=كنت احسبه طيب وهو عله وفال
لكن باوصيك ياطارق سمع=شفنا لبا القسمه على رؤس الرجال
خلك معي من حيث مابطلع طلع=لما لحط الوعل مثنات التفال

[جمال العطاس]

أولاً : التحية لكل الرجال !! وأرحب بالأخ الكريم نايف باتيس وأهلاً وسهلا به بيننا !!
وخذوا ذا القول :



الشعق مابين أهل سيهات إتسع = وسط الشوارع بينهم صار القتال
من قبل من ديد أُمهم كلن رضع = والأم لا جارت يعقّون العيال
* * *
جيوبهم كانت مليّة والكسع = لبسوا مشالحهم وكشخوا بالعقال
واليوم ولد ابليس فيهم قد طمع = ذا يومهم من سمح قالوا له تعال

[نايف باتيس النعماني]

يالهاشمي بين هذولا فرع=طالب وطارق بيهم قيلا وقال
الجود والمعروف حبله منقطع=ابيلس والشيطان قد حصل مجال
ماهو سوى هذا ولاهذا يقع=مابين لخوه ياصماصيم الرجال
نحنا لباكم سهم في عين الطمع=جنبا كما السادات والرئس جمال

شكرا للاخ جمال على الترحيب
وان شالله ان اكون من حلان السقيفه واعلمك يااخ جمال باني كنت عضو من سنه تقريبا باسم المجهول ولكن تعثر دخولي وسجلت باسمي الحقيقي

[طالب النعماني]

لاحول ثم لاحول يالهاجس بدع=واطرح كلامك في ميازين القفال
طارق شعق بيده ومن جنبه رقع=كنت احسبه طيب وهو عله وفال
لكن باوصيك ياطارق سمع=شفنا لبا القسمه على رؤس الرجال
خلك معي من حيث مابطلع طلع=لما لحط الوعل مثنات التفال

نرجوا الجابه يابن حيدور
هههههههههههههههههههه

[جمال العطاس]

ياطالب الوالد إذا جار وقمع =أو قيّد أولاده بهاذيك الحبال
وش تنتظر غير اللجاجه والفظع = والجور ماله مقدره وإلاّ إحتمال
* * *
ذا يومهم بطروا وغرقوا في الشبع = هذه عواقب كل من ساء الفعال
القل والشِدّه دهمهم والهلع = كل من يخالف شرع ربه ذو الجلال

[جمال العطاس]

وقت الظهيرة ساعة المبرِد هجع = تخالط الدخان مره والنفال
حنت رعود الشر والبارق لمع = ذا فعل ولد ابليس متشيطن وفال
* * *
يلقم دجاج الربع هاذاك الشكع = كلما بغوا بايقبضونه قام مال
وإن كانوا قدروا يقبضونه أو وقع = يظهر شكع ثاني وثالث يارجال

[طالب النعماني]

يالهاشمي مكتوب كا ماقد وقع=شف لي وقع والله ماله شي مثال
ابليس للرحمن والله ماركع=لما غراء ادم وزول به زوال

[جمال العطاس]

لاتم ذاك الشهر ياطالب وشع = أوحل في برج المتمّه والكمال
الفجر لاقد بان نوره أو سطع = باتختفي كل الكواكب والهلال
* * *
عدّا زمان الفخفخه هو والدلع = أيام ماكانوا يدحّوها جبال
عجوزهم مااليوم قد جاها الصقع = قشرا ومعكونه ولاتقدر بحال

[جمال العطاس]

ورّط عجوز أبليس هاذاك ( القدع ) = كلما تكلّم قال هاتوا لي ريال
ووقت الله الله مارقعهم مانفع =مغبون من يقبض بكمبار الحبال
* * *
هم حالفوا لحمر وسالم بافنع = وخانهم لحمر وعالبيعه حتال
هم حاسبينه لاقضى حاجه رجع = وهو قعد من أجل يوكل في الحلال

[الشعف]

حياكم الله يارجال
ما شاء الله الزوامل اليوم تخرع .. معاد خليتوا لنا شي ;)
حبينا نشارككم بالموجود ..

شف كلهم عينه مغني عند صقع=ما يعرفون الا لقرباع الطبال
منكر يشوفونه وما واحد ردع=والبر يتطيّر وكل من كال كال
كل من يجيه الدور في حينه ( قشع )=ولعاد شي يستره لامعوز وشال
عنكور ابوهم مرجلتهم في الوسع=ولا حنّت الرعده تخبّوا في الغيال

[طالب النعماني]

احسنت يا لهاشمي والله ماعندي جواب بعد هذاء
والشعف كلااااااااااامك في عين الصواب
هكذا ياشباب
وين بن حيدره وبن سميدع

[طالب النعماني]

هذه المرجوزه للشاعر ابو طارق قمت باعادتها الى مساجلات الزامل
بعد الاذن منه


الادمي كل ما قدم خطوة رجـع=خذها نصيحة لا تقع طبعي وفال
حط العلم للكي من فوق الوجـع=هذا كلام الصدق ما حب الخيال

[طارق صالح بن حيدره]

فصل باااقول والثااني حكمنااا فصوووله = لجل باشوف راعي الصاايبه والخطيه
يوم باتيس طالب شل كاس البطوووله = خيب الظن بو رااضي تكبر عليه
والخطا والزلل والله لاجيت حوووله = جيت له سير متعني على طيب نيه
كنني عادني بذكر ليااالي الطفووله = بين جدي وجده -- عالشروع الوفيه

[جمال العطاس]

يامرحبا بنايف باتيس !!
انت ( معروف ) وليس ( مجهول ) أنت من روس نعمان الكرام

يابو شعفان مساك الله بالخير . ومساء الخير يابن حيدره وكل الرجال !!
الحقيقة بالصدفة كنت في السقيفة وعارضت بوراضي يرد على عسكر بن سويد
قلت يالله نقعد مع بوراضي شوي قبل مايسري العرس وانا ساري عزومة ليلة الجمعة
ولكن يابوشعفان والكلام للجماعة بغينا بوراضي يرتب ليلة حتى على الماسنجر
ويدخلون ساعتين الشعار . ويطرحون موضوع محدد ويقع الضرب عليه .
وبعدين باينقله بوراضي إلى السقيفة !!
شوفوا الفكرة إذا مناسبة حاضرين ولايأمر عليكم ظالم !!

[طالب النعماني]

فكره رائعه يابن هاشم والله كانت على بالي من زمان
والاخ طارق قد سبق وان تكلم وقال خلوها في الدردشه في وقت محدد
وايدنا الفكره كلنا
والموضوع عليك يابن هاشم رتب يوم محدد في الاسبوع نلتقي فيه عبر الماسنجر او الدردشه
والفكره ممتازه وناجحه

[طالب النعماني]

قل لطارق فهمت اليوم كل ماتقوله=طعم قولك كما طعم العسل والبغيه
مثل سمصح مع الوديان تعزف سيوله=ريت للقلب من مورده شربه هنيه
والوفا والكرم والعز نعرف وصوله=وانت صمصوم واشروعك دواما وفيه
انت حصن الوفا والعز ماكن قفوله=شبل لجواد ذي كانوا يغتوا السريه

[الشعف]

ولكن يابوشعفان والكلام للجماعة بغينا بوراضي يرتب ليلة حتى على الماسنجر
ويدخلون ساعتين الشعار . ويطرحون موضوع محدد ويقع الضرب عليه .
وبعدين باينقله بوراضي إلى السقيفة !!
شوفوا الفكرة إذا مناسبة حاضرين ولايأمر عليكم ظالم !!

اولا التحية للجميع ...

خلاص يابو هاني .. عصب عليه :D
انتوا حددوا الموعد .. ولا لكم الا نحضر ان شاء الله ( بس بغينا كل الشعار يظهرون ;))
وان شاء الله تقع سمرة سبييييشل .. والا كيف ياشباااب .؟؟؟

واستمروا على الفصل .. وذلا ماشي هاجس الان والا كنت باشارككم ;)

قل لطارق فهمت اليوم كل ماتقوله=طعم قولك كما طعم العسل والبغيه
مثل سمصح مع الوديان تعزف سيوله=ريت للقلب من مورده شربه هنيه
والوفا والكرم والعز نعرف وصوله=وانت صمصوم واشروعك دواما وفيه
انت حصن الوفا والعز ماكن قفوله=شبل لجواد ذي كانوا يغتوا السريه

[طارق صالح بن حيدره]

مشكووووووووووور يا بو راضي على كلامك الجميل
واشكر الاخ جمال العطاس على تحيته وفكرته الجميله
واشكر الاخ الشعف على حضوره ومشاركته في كل (المجالات )
وانا من ناحيتي موافق على الفكره ومتحمس لها وماعندي مانع
حددو الوقت المنااسب ونحنا حاضرين وتحت الطلب

[بوطارق]

السلام عليكم
ومساكم الله بالخير
نشكر الاخ بوراضي وطارق بن حيدره والجميع على ما قدموا, وحبينا نشاركم بهذه المرجوزة وعسى ان تنال اعجابكم



يالشبامي سلامي ذا لكم واسمعو له=واردف اسلام للشعار هو والتحيه
عيد عيني بذاك الحب ذي في سبوله=بصربة لجل وزع للعرب بالسويه
مرحبا قول من شاعر نظم فالمقوله=يسقي الخصم لاقد جاه كاس المنيه
يدخل البحر مابيهاب عرضه وطوله=ما تهمه مواج البحر ذي هي قويه

[طالب النعماني]

كل واحد من الشعار ساهن وصوله=بعد ماشفت بوطارق تخبر عليه
قلت حيا وسهلا من دحق عارجوله=بايشارك في الزامل على طيب نيه

اعذروني مشاركه سريعه على الطاير

[طارق صالح بن حيدره]

مرحبا قول من شااعر عجبني بقوله = عد ما لاح برقه في رباااع النشيه
ذيب بن ذيب بو طارق تجمل فعوله = كل من عانده يسقيه سم المنيه

[الشعف]

لك سلامي يصل ياذي بدعت المقوله=شلّ منّه وخلّ لهل القلوب السليّه
وان بقي قسم عط منّه لأهل الرجوله=ذي يمدّون كل ظامي بشربه هنيّه
قال شعفان باب الجبر نعرف دخوله=مالبا شي عطاء .. ماجيت لجل العطيّه
جيت لجل السلى .. وان قد تعكّت قفوله=نعبر الباب ذي كانت قفوله بتيّه
مشكله يومنا قلبي يتابع فضوله=قاصد الخير ماقصده دروب الاذيّه

[مرعي صالح بن سميدع 1]

اعذروني على الغياب ولكن غصب عني
واسمحولي بالفصل


ياهاجسي ذلحين في وقت الطلب=اسال على طالب وهت اعلومه
اسال عليه اليوم قلي وين هب=يطعن بقصبي حدها مسمومه
شف مصر واسرائيل وابلاد العرب=والشرق الاوسط كلها منظومه
واجيوشها توقف مع كل من غلب=واشعوبها من حقها مظلومه

[طالب النعماني]

انستنا وارحبت ياذيب الذيب=احقوقنا من سمح هي مهظومه
والقائد العربي يفرت عالشنب=وان حنت الرعدان تقطب سومه
وان حد ركز راسه ولاجاء عالطلب=البيت لبيض بيقطب حلقومه
هذا كلام الصدق مافيه العتب=وشعوبنا لاعدائها محكومه

[بوطارق]

وقعوصحا بك قل لمرعي في مطب=ما بينهم تدرج حنش مسمومه
وتقول عيدك ذا الولد ما فيه طب=لما متى ما بيصحى من نومه
كلاً يقايس في حسابه لا حسب=ون حد غلط يا ناس ما بالومه
كلن يحط لومه على الثاني يسب=لان الثقة ما بينهم معدومه

[الوطواط]

جزاك الله خير

[طالب النعماني]

شفنا بلينا في عصابة بولهب=قلوا لبو طارق يشد اعزومه
ثوره لبار ياقيادات العرب=ردوا جيوش اعدائكم مهزومه

[نايف باتيس النعماني]

قلوا لبوطارق كلامك يرتغب=فيه القوافي كلها مفهومه
توزن كلامك في ميازين الهب=كل القوافي عالهدف منظومه
ناصح لنا طالب يوافق عالطلب=ماباه يوثق ياعمر في خصومه
لاجيب بارده ركز راسه غلب=ويقول كل شيطان معي له ثومه

[(عسكر بن سويد)]

الله الله ماروعكم ياشعار السقيفه......
بس عندي سوال للمشرف طالب باتيس وين الشعار الباقين
امثال الجعيدي والحامدي وبن ماضي رغم مشاركتهم في بعض المواضيع الاخرى...
واين الشعار السابقين امثال باعمران وسبع الليل والشيخ والرعد

[طالب النعماني]

هلا وسهلا
ياعسكر وين الغيبه
وبخصوص سوالك عن بعض الشعار ماهم موجودين في الزامل
لا يخفى عليك ان بعض الشعر ليسى شعراء زوامل ولا يجيدون الزامل
وهذا امر طبيعي وان شالله يشاركون معنا من عنده القدر على ذالك

[طارق صالح بن حيدره]

يقول طارق حس عظمااني حطب = ماعاد قامت للعرب شي قومه
ياهاجسي ماليوم جا وقت الطلب = هت لي معااني وافيه مزمومه
يا مرحبا بالشعف عد مالنود هب = وعداد مالصايم دعى في صومه
شاعر وفي صف الاوائل انكتب = لله دره ما تقل اعزومه
ياصاحبي خل الملامه والعتب = من نام خله يهتني بحلومه
مادام حبل الجبر يا خوي انقطب = انته وانا بنحرر القيصومه
مرعي وصل جاب الجواهر والذهب = والماس والياقوت وسط اهدومه
غيب علينا هكذا ما شي سبب = ماهو سوى دايم وهو في نومه
يا مرحبا به عد مالكاتب كتب = صاحب وفي 0 مبعد نسيت اعلومه
ونظرت بو طارق تحزم بالسلب = ان شي خطا بيصحح المعلومه
يوخذ ويعطي دايما عند الطلب = حتى ولو جارت عليه اهمومه
باتيس نايف شب فوق النار شب = الخصم بايمسكه من حلقومه
يرسل بيوته كنها كير اللهب = باتحرق الفيروس والجرثومه
والشيخ طالب شفت في فعله عجب = قايد وتلمع عالكتوف انجومه
خاض المعارك ما تعذر بالتعب = لكن من بعض الجفا بالومه
والقصد يالشعار شوماشي سهب = لا ما انتكس ابليس عا درثومه
لا مارجع مثناتنا صقر العرب = من شان نوهد من زعيق البومه
مابي قهد مادام فوق الناس رب = كلن في الدنيا يشل مقسومه

[طالب النعماني]

كلاااااااااااااااااااام يابن حيدور
لامانتكس ابليس عادرثومه

ههههههههههههههههههههههههههههههههههه

صح لسانك ان شالله نشوفه مثل تمثال صدام

[طالب النعماني]

اشباب مطلوب الفصل الجديد
الفصل مدحوق امتلاء

هوكوا وازتملوا
ذيب سعد الغلابه كم من قبيلي كسرنابه والذيب سعد هووووووووووووووووووووو

[(عسكر بن سويد)]

الفصل من عندك يابوراضي

[طالب النعماني]

ذا فصل ياعسكر فتحت الباب=وين المدافع والذخيره
خلك معي بالطرد الكذاب=ذي هو يعرقل عالمسيره

[ثابت بن ماضي]

ارق التحيات للمشرفي ورواد سقيفة الشبامي. فبعدغياب ليس بالقصير عدت لهذا الصرح العظيم

وكلي شوق لهذا الملتقى الرائع وهذه مشاركه متواضعه بمناسبه العوده
===========================================


الأدمي مهما بعد او غاب = يرجع لربعه والعشيره

وألى السقيفه عُدت يالحباب= وفي غيرها باقول خيره

فيها الشرف والعز والترحاب = والفائده فيها كبيره

والشعر فيها دائماً ينساب = واشياء خرى فيها مثيره

فيها الشبامي لاقرعت الباب = مايلقي الشقعه مطيره

ينوّرويكثر لك من الترحاب = وذا فرق مابينه وغيره

[طالب النعماني]

يامرحبا به ذي طرق عالباب=يامرحبا شيخ العشيره
الشيخ عده خيرة الاصحاب= في كل حاجه نستشيره

[طارق صالح بن حيدره]

حيا عدد ماماطره صباب = في كل شعب وكل ديره
بالشيخ لي فرت على لشناب = كنه جمل قايد قطيره

[(عسكر بن سويد)]

هذا الزمن ياصاحبي غلاب=وصفه معي ضاعت تعابيره
الذيب ذي يعوي بلا مخلاب=مكشوف باره في قناة الجزيره

[طالب النعماني]

بايوقف الشيبه بجنب الشاب=لاجات لقوام المغيره
باتسمع الصياح والنغاب=من خور مكسر للقويره
قد شفت عسكر كشر الانياب=ردوه ياصحاب البصيره
فوق المقص يدي وعاضراب=لايحسب ان يدي قصيره

[مرعي صالح بن سميدع 1]

الاخوه الشعار عندي اقتراح لكم
وهو عدم زيادة الابيات على بيتين لكل شاعر لفتح المجال للبقيه
واذا رغب بمشاركه اخرى يحق له المشاركه بقصيده اخرى مستقله
وايش رايكم

[طالب النعماني]

اللي تشوفه يابو فيصل
بيتين بيتين

[بوطارق]

كلام في محله يابو فيصل والى الامام

[طارق صالح بن حيدره]

وانا مواافق يا بو فيصل بيتين بيتين
بس يا خي لاتغيب عليناا واجد
خلها يومين يومين ههههههههههههههههههههههههههههههه
تحيااتي للجميع

[طالب النعماني]

وين القصيد وين الفصل
عندك يابن حيدور والا شف بادحس بايفصل

[بلقزع بن سعد]

من عندك يابوراضي

[ثابت بن ماضي]

العفو يالجواد عن الدخول فيما بينكم . ولكن حباً في مشاركتكم


ذا فصل والثاني عسا نلقا محل = وسط السقيفه بانكن الراس فيه

شولي زمن تعبان دوّر عا جمل= واتعبت لكن غصب بادور عليه

ماشفت شي مثله ينوّد بالثقل = من دلني لو نص عمري باعطيه

ماهوا كما الحشوان ذي يمسن همل =وبايسابقهن وحتى القيد فيه

[نايف باتيس النعماني]

يالشيخ شف باداس هيجه قد رحل=واليوم في لسواق من بايشتريه
يهويت ثم يهوين ماله شي مثل=والوم بالجمال يومه مايبيه

[ثابت بن ماضي]

الحمد له والشكر معطيني الأمل = ويمكن يعوضني وحصله شبيه

وان كان ماحصلت مثله باحمل = صيحه ومسبت خلف هيجي باخليه

[طارق صالح بن حيدره]

سبقني الشيخ يا بو راااضي 00 هههههههههههههههههههههههههه

ماباتبع قوم المكايد والحيل = مابسمع هرجه تجيني من سفيه
قولو لطاالب لي يشاور ماقتل = يدي على يدك وبالغزي عليه

[ثابت بن ماضي]

مابانزل حتى وذي سدي نزل=ومن علاني للمعالي باعليه

وأن قد غفل هاجسي عقلي ماغفل =وان قد ضربت العرم شوني ماخطيه

[طالب النعماني]

هكذا ياشباب
نرحب بعوده الشيخ للسقيفه
وفي انتظار الباقيين من الشعار

[طالب النعماني]

حقك ولك ياولد سلطان الدول=خيل الوفاء والعز دايم تعتليه
يومك تحب الطعن دايم في القبل=صاحبك ماتبيعه بجودك تشتريه

[ثابت بن ماضي]

حيا بمن قوله كما طعم العسل = ان حد سما الاجواد طالب باسميه

مايخرج العوجاء ومثله مايزل= وأن حد خطى أو زل قله ماعليه

نحنا وساع اصدور منه نحتمل = وبالزيانه لارسا بملي دليه

[الشعف]

يا هاجسي ماليوم قم خل الكسل=هت من لحون القاف ذي عقلك نسيه
وارحب ببوشيخان ذي جانا وصل=يامرحبا بالشيخ يامرحيب بيه
صاحبك لاكذ زان .. خل منّه وسل=وان عافت اطباعه تحمّل واتّقيه

[طالب النعماني]

مسموح لشعار تغيير الفصول=من بايجيب الفصل ذي نرضابه
هاتوا لناقافي في المسمر يطول=باقول حياء بالوفي ذي جابه

[ثابت بن ماضي]

زُرت المواقع كلها عرضاً وطول = وفي السقيفه كلي شي نحضا به

الجبر والتقدير من كل النسول = واطباعهم في المرجله تتشابه

يالشعف عا باب الزعل طارح قفول= وكل صاحب يحتمل لصحابه

[طالب النعماني]

قولك مثيل الغيث ومثيل السيول=مثل المطر ياشيخ من اسحابه
عندك لنا كل المخارج والحلول=والكنش والباروت قوت اسلابه

[طارق صالح بن حيدره]

كيف البصر فاهل السبب واهل الفضول = اهل الدجل والعالم النصابه
ماليوم يا لصحاب دقو عالطبول = لما حصان ابليس نكسر نابه

[الشعف]

يامرحبا بالقول ذي هو خير قول=ماشي كما قول الصدق نرضى به
قبول يابوشيخ عاقولك قبول=قفل الزعل مطروح عا ابوابه

[ثابت بن ماضي]

لاحول لاقوه علي صعب النزول = وبعضهم يالشعف يتزاهابه

دعوتي له بالعقل مالاقت قبول = ردوه ياربعه ويا أصحابه

وان كان متراجع تباني ايش قول= ماشي بيدي غير نتحذابه

[طالب النعماني]

انا قبضت اراس ماقبض بالرجول=يدي على البندق وعالضرابه
واحسب خروج الباب من قبل الدخول=العيب هو والهون قفل بابه

[ثابت بن ماضي]

غلطان واتسرعت لاتقع لي عجول = وارجع وباتشوف الزعل وأسبابه

وباتعرف اني شلت عا ظهري حمول= وقلت مانبغا هنا نتجابه

لكن رفيقك ماتنازل للحلول = مسوى يفرت دائماً عشنابه

ذا ذي حصل وان كان لك شي قصد قول= ومن سألني باعطيه أجوابه

[طالب النعماني]

قل للمشهر في ميادينه يجول=والخصم باسابق على غيابه
والبخص به ذي مالحق له شي ذلول=كل ماوقه له غصب بايرضابه
بنصحك لاتتبع خبيثين الدلول=واحسب حساب الذيب ذي بشعابه
واحسب حسابك في خروجك والدخول =من قبل ماتصبح ضحى لنيابه

[ثابت بن ماضي]

ان حد عوّر ماشاف او عينيه حول = ويضرب هدف ملتام لاماصابه

ذكرتلي في الذ ئب ذي يمسي يزول= اكيد يعرف عن اسود الغابه

[الشعف]

وش لي حصل ياناس صلّوا عالرسول=ذي عين صابتكم .. لها منصابه
وانكم تبون الشور .. قصروا ذي يطول=وان شي حصل دفنوه تحت ترابه

[طارق صالح بن حيدره]

ذا فصل والثاني لذيذ النوم عل = من يوم شفت الشيخ زود في الكلام
نحنا معه لاقد طلع ولا نزل = واليوم كثر في عتابي و الملام
ان شي معه حجه لباها في عجل = مازال عاد الجبر جم والاحترام
وان ما معه مسوى الخرافه والدجل = مابا يشل الجوهره من راس هام!

[ثابت بن ماضي]

الشيخ وسط المحضره سوس وحل = وحافظ على الجيره وحافظ عل الذمام

وجات زله قلت يمكن شي خلل = في الكمبيوتر او غُلط ابن الكرام

ما كان يقصدها ولكن قد حصل= وبايزول القُتم ويزول الغيام

واتكررت ووجدت نفسي في محل = لازم ارد ولاتوكل والسلام

وفضلت رد ومن بدا منه الخلل= بايعرفوه الناس ذي معنا تمام

وأن قد قبل للصلح مثله باقبل = وان قد دبروالله ماعطيه اهتمام

[طالب النعماني]

بين الجماعه واجبي عجل بحل=لبغا عدايل يالرجاجيل الحشام
ومن قبل بالصلح له عندي محل=ومن رفض بخرجه من صلح السلام

[مرعي صالح بن سميدع 1]

ابغاك ياطالب تصلي عالرسول=وايضاتسلم عاعلي واصحابه
واحسن تترك في المشاكل والفضول=والي على بالك تقفل بابه

هذا ردي على القافي الاول وساعود الى مساركم

[مرعي صالح بن سميدع 1]

ابغاء الرضاء والمخيره مابا الزعل=وعلى السقيفه من عبر يضرب سلام
لان الكلام العيف ماله شي محل=والا طرح عابابها شوكي وزام

[ثابت بن ماضي]

[
عشره ميازر وفي وجيه اربع قبُل = الحق بانعطيه لأن الامر هام

وان كان ماعدل ترى يدي تصل = وبانجيب الحق منه بالخصام

[طالب النعماني]

لنتوا تبونا ننتقد عند الدلل=اليوم قد نحنا على سدة شبام
والهيج ماله عذرمايشل الثقل=والا قطعت الراس مره والسنام

[ثابت بن ماضي]

لاجل المخوه والصداقه بحتمل = دح الجبال النايفه هي والدقام

وباشلها والله ماهم الثقل = وخل من جلس يجلس وكل من قام قام

وبامد له يمناي بنسا ماحصل= نحنا خوه واصحاب عاماً بعدعام

[طالب النعماني]

كلاااااااااااااام وينكم ياشباب

[طارق صالح بن حيدره]

اربع مواتر ليد طالب باتصل = في ساحة الناموس بازر الحزااام
ماباتعذر لو حصل مهما حصل = العز عندي طارحه اكبر وسااام
يالشيخ ماشي في كلاامي شي زلل = لكنني شوفك تدور للخصااام
تقديركم عندي كما وزن الجبل = لاتفرقون الشمل من بعد الوئااام

[طالب النعماني]

كلااام هكذا ياشباب

[الحضرمي 2003]

حياكم الله

يا طالب قل للشيخ يصغر كتابته يا أخي صرنا كما الحولان نروح يمين ونرجع شمال يخرج خارج نطاق التغطيه( الشاشه) ونحن نلاحقه .


وبارك الله فيكم على إثراء هذه السقيفه بالاشعار الجميله.

[ثابت بن ماضي]

اشكرك اخي حضرمي 2003 بخصوص ان الخط كبير كان ذلك في مشاركه واحده فقط لم تنسق بشكل

صحيح وطلبت من الاخ طالب تعديلها والظاهر ان بوراضي نسي. واعتذر عن ذلك . وبعدين مابيننا

واسطه تستطيع ان توجهني مباشره. وان كان الخط في كل المشاركات كبير ارجو ردك بسرعه كي

اتلافا ذلك في المستقبل . لك خالص شكري وتقديري

[طالب النعماني]

اشكرك اخي الحضرمي على ملاحضتك وان شالله سوف نقوم بتعديل الخط للاخ الشيخ سابقا الباش حاليا
واحب اعلم الاخوان الشعار بان الشيخ بعد اليوم لم ترونه ابدا
لانه غير الاسم الى الاسم الجديد
الباشــــــــــــــــــــــــــق نرحب بالاخ الباشق
ورحبوا معي جميعا

[ثابت بن ماضي]

اخواني وزملائي الاحباء

كنت في السابق اكتب في بعض المنتديات تحت اسم الباشق وفي البعض الاخر بالشيخ ولكن

عملاً بنصيحة الكثير من الاخوه الذين نصحوني بان اكتب تحت اسم واحد لما في ذلك من كسب

للوقت والجهد فقررت الكتابه تحت اسم ( الباشق)

فكل الحب والتقدير لكتاب وزوار سقيفة الشبامي

[الحضرمي 2003]

شكرا لكم إخواني طالب والباشق على هذا التجاوب مع تمنياتي للجميع بالتوفيق

[طارق صالح بن حيدره]

حيااااااااااااااااك الله ان كنت الشيخ او البااااشق
لكنني مازلت منتظر الرد هههههههههههههههههههههههههه
والخواطر صااافيه
تحياااتي للجميع

[ثابت بن ماضي]

اخي طارق اسعد الله اوقاتك. ويؤسفني ماحصل من سؤ فهم وخلاف ولكن يقولون مامحبه الا بعد

عداوه والله لايجيب عداوه بيننا .

وبخصوص انتضارك للرد اعتقد ان الباشق ليس طرف في الموضوع ولكن لكل بدع جواب اليس

كذلك؟؟؟؟؟

[طالب النعماني]

ذا فصل والثاني بدع يالباشق=هت لي خباره ذي تقدم صفنا
هل صاحبك عاده معانا صادق=والا رجع ذلين واقف ضدنا

[طالب النعماني]

اشياء خوافي بيننا ياطارق=والله ماضنيت تعرف سرنا
غاب القمر ذي كان فوقي شارق=من فوق وادي عمد غابت شمسنا

[طالب النعماني]

نرجوا منك التقيد بيتين بيتين في كل مشاركه
ولكم الحق ان تشاركون باكثر من مشاركه حتى مائه مشاركه
ولكن لاتتعدى الابيات الاثنين من اجل اتاحت الفرصه للمشاركه اكثر

[طالب النعماني]

اشياء خوافي بيننا ياطارق=والله ماضنيت تعرف سرنا
غاب القمر ذي كان فوقي شارق=من فوق وادي عمد غابت شمسنا

اقتبس لكم الابيات من اجل التواصل مع الفصل الجديد

[ثابت بن ماضي]

على الجبر والمعروف بانتسابق= وان حد دخل مابايفرق صفنا

من الامر هذا قل طالب واثق = ومن حكم في الساس حّكم في البنا

[ثابت بن ماضي]

الحمد له والشكر شفت البارق= يبرق ويرعد والمخيله فوقنا

بشر بها الحراث قله سابق= قل المعاذر سيل مقبل لرضنا

ودايم الرحمه تعم والرازق= الله ذي عالم بذي في قلوبنا

والشمس ذي غابت سناها حارق= منها كريم الوجه بايلطف بنا

[طارق صالح بن حيدره]

كل شي توضح بعد كنش الصافق = ليلة مسى الشباب يردف بالغنا
القو عماير من ثنعشر طابق = لجل الجواني فرطو في ارضنا

[طارق صالح بن حيدره]

حياااك الله يالشيخ ما بيننا الا كل خير ان شااء الله
وفعلا لكل بدع جواااااب
و تبقى اخ عزيز وغالي
تحيااتي للجميع

[طالب النعماني]

لانته بغيت الصدق ماشي فارق=لكنه المكتوب هذا حضنا
لاخيرفي الحاوه ولا في الحاذق=من يوم دار الخيل في ميداننا

[طارق صالح بن حيدره]

الفرق والواضح لاتكون مناافق = لما متى واحنا كذا في فقرنا
الذيب يسرقنا وشعبه سااارق = واحنا نقلب كفنا عا كفنا

[الشعف]

باقول كلمة صدق ما بانافق=ذي با ينافق شو مصيره للفنا
شوكم لكم مسكن بوسط الخافق=والنبض يهديكم عبارات الثنا

[الشعف]

ماشفت ردك لوّلي ياطارق=يومك تقدّمته علي وسبقتنا
شف لي يحب ارضه وفيها عاشق=مابايهمّه فقرها والا الغنا

[الحضرمي 2003]

حيا الله الشعراء وكذلك عشاق الزامل


الجمال في شعرك وانت صادق = ومحبتنا للوطن راسخه بفوادنا
احتفالات اليمن بالعده والبيارق = ولعيدها الرابع والعشرين هنينا

[ثابت بن ماضي]

الشمس غابتت والقمر ذي شارق = بسري بضوه خاف اوصل للمنا

أن كنت ترغب خلنا نترافق = خطوه بخطوه مانغير خطنا

وأن كنت لاشرقت تحب اتسابق= منته سعيفي في التطور والبنا

[طالب النعماني]

لانته بغيت الصدق ماشي فارق=لكنه المكتوب هذا حضنا
لاخيرفي الحاوه ولا في الحاذق=من يوم دار الخيل في ميداننا

حبيت اعادتها لكم لانها كانت هناك اخطاء في الطباعه
وطلعت ناقصه من حيث الوزن وقمت بتعديلها واقتباسها لكم من اجل يتبن لكم معناها
وتحياتي

[طالب النعماني]

الشمس غابتت والقمر ذي شارق = بسري بضوه خاف اوصل للمنا

أن كنت ترغب خلنا نترافق = خطوه بخطوه مانغير خطنا

وأن كنت لاشرقت تحب اتسابق= منته سعيفي في التطور والبنا








للعلم سوينا بننا شاهق=دستورنا واشعار حزي ديننا
لكن صوتك في المساجد خافق=مايوم قد شفتك تصلي بيننا
ماتعرف اني شمسي بيد الخالق=والخيل في الدنيا معرض للفنا

[طالب النعماني]

وينكم ياشباب
هوكوا وازتملوا
ذيب سعد الغلابه كم من قبيلي كسرنابه وتلذيب سعد هووووووووووووووووووووو

[سالم عوض باجخيف]

السلام عليكم ياشعارنا
والله انكم ترفعون الراس
وان شاااااااااالله نشارككم على الفصل الثاني لاني مااعرف اهدافكم الان

[سالم بادحس]

ههههههههههههههههههههههههه
ماتعرف الهدف والاماتعرف تقصد على الزامل
المهم انا والله ودي اشارك معكم ولكن احس اني غير مقبول عندكم
ماادري هل تسمحون لي بالمشاركه والكلام موجه للمشرف العام ومشرف الادب
والا ؟؟؟؟؟؟؟؟؟؟

ابو الدواحس
داحس الجلود
موجود

[طالب النعماني]

اولا نرحب بلاخ سالم باجخيف
ونحن نترقب مشاركتك على احر من الجمر
واذا حبيت تغيير الفصل لك الحريه وان حبيت تواصل معنا على الفصل لك الاختيار

وثانيا الاخ سالم بادحس او ابو الدواحس كما يحب
نحن نرحب بمشاركاتك لو كانت في حدود الادب وذه ساحة الادب كاتبها او شاعر يجب ان يكون مؤدب اولا
وبخصوص كلامك اذا سمحتوا لي بالمشاركه والا؟
وكأنك تهدد اعلم يااخي انه مايصعب علينا عمل اي شي ضدك اذا قليت الادب
وان صورتك وشكلك مازال في ذاكرتي منذو ان قابلتي في الخرج واقدر اجيب عنوانك في غمضت عين
واعلم ان شارع المشتل في الخرج معروف عندي ومحلات البويات اعرفها يجب ان تفهم كلامي وتحترم كل شعار السقيفه وحلانها واعتقد انك انت الوحيد الي فهم كلاااامي
تحياتي ياداحس الجلود
واذكرك التزامك بالحدود

[ثابت بن ماضي]

قي البدايه ارحب بالاخوان باجخيف وبادحس واقول للاخ بادحس والاخ طالب عفاء الله عما سلف برغم
انني لم اطلع على ماسار من خلاف ولكن في الاخير كلنا اخوان هنا ولاداعي للمشاده والخروج عن مادخلنا للسقيفه من اجله الا وهي الاستفاده والمتعه.

وعلى شان نغير الجو هكووووووووووووووووووا


الشمس غابت وحس بالجو بايبرد= الحمد والشكر للي بيده التغيير
وباتثور شاره وبايبرق وبايرعد = اكيد مادامها دخلت نجوم الخير
ومن يساير سعيد الحظ بايسعد= وما الشقي بايتمي نصف قوته مير

[لجهر]

الاخوه/الشعار اشكركم على ما تجود به قرايحكم الشعرية في هذا اللون التراثي الاصيل
ونحب ان اشارك معكم .
تحياتي: لجهر

[طالب النعماني]

شكرا لك اخي الباشق على الكلام الجميل
وارحب بالاخ العزيز لجهر وفي انتظار يابلجهر على احر من الجمر

يامرحبا مليون ببن الجيد=يامرحبا بك عند بن بلخير
ليلة لقاكم مثل يوم العيد=قلوا للجهر قائد التحرير
الشمس باتشرق على كل حيد=واستبشروا من ساعة التحجير
لاتحسب الاصلي كما التقليد=يالباشق الليله بشر بالخير

[سالم بادحس]

عفوااااااااااااااا
اعذروني والله اني من محبينكم ولاكان قصدي ازعلكم
ومحبتك ومعزتك يابوراضي في القلب يشهد الله اني من المعجبين بك وكم كانت فرحتي ليلة شفتك في الخرج
نرجوا ان تقبل عذري
واعتذر كثيرا للاخ الشعف على مابدرمني تجاهه وكنت قصدي امزح معه ولكن تطور الموقف الى ماوصل اليه اعتذاري له مره ثانيه
والاخ طارق بن حيدره ارجوا ان تقبل عذري وان تريد عداله والله اني معدل لك وانته انسان فوق كل المهاترات يااخي
ارجوا ان تتطلعون على الاعتذار وتقبلونه
واكرر اعتذاري لمشرف هذه الساحه الادبيه وشاعرها ابوراضي
والى المشرف العام ابوصالح اعتذار للجميع

[سالم بادحس]

وهذه قصيدة اعتذار

باتيس يابن الجيد يابن الجيد=انته وربعك كاسبين الخير
شعارنا من اي تحديد=هذا اعتذاري ياوجيه الخير

[سالم بادحس]

ان كان هناك قصور من حيث الوزن اعذروني جديد على الزامل والشعر كله
ههههههههههههههههه
ارجوا ان تنال رضاكم والا احذفوها لو مااعجبتكم

[ثابت بن ماضي]

قي البدايه نرحب بالاخ ( لجهر) وفي انتضار مشاركاته



السيّد يبقى قل لطالب سيّد =وحاشاه مامنه يجي تقصير

سوس وبايبداء في التشييد= وانته بعينك ناظر التعمير

نحنا ندور دايم التجديد= من شان وادي عمد يصبح غير

وان حد بغا المكسب ويبغا الفيد= يعمل عمل صالح بلاتاخير

واهل الفتن والحسد واهل الكيد= عسا نشبهم في قلال الخير

[طالب النعماني]

بوزيد بايرزح ولو بالقيد=في طين لحظه ذا السنه بايغير
واهل الفتن والظلم والتهويد=في كل وادي شجعوا التنصير
واسميت لي في السيد دايم سيد=وايش عادني باقول في التعبير
يوم المراعي طب للتبريد=قد زيدوا لنتاج في التصدير

[الشبامي]

عفوااااااااااااااا
اعذروني والله اني من محبينكم ولاكان قصدي ازعلكم
ومحبتك ومعزتك يابوراضي في القلب يشهد الله اني من المعجبين بك وكم كانت فرحتي ليلة شفتك في الخرج
نرجوا ان تقبل عذري
واعتذر كثيرا للاخ الشعف على مابدرمني تجاهه وكنت قصدي امزح معه ولكن تطور الموقف الى ماوصل اليه اعتذاري له مره ثانيه
والاخ طارق بن حيدره ارجوا ان تقبل عذري وان تريد عداله والله اني معدل لك وانته انسان فوق كل المهاترات يااخي
ارجوا ان تتطلعون على الاعتذار وتقبلونه
واكرر اعتذاري لمشرف هذه الساحه الادبيه وشاعرها ابوراضي
والى المشرف العام ابوصالح اعتذار للجميع


اخي سالم بادحس
في السقيفه متسع للجميع والجميع اخوه هنا
وجميل ان يعترف احدنا بخطئه والأجمل الأعتذار عن ذلك الخطأ والأجمل من هذا وذاك عدم تكرار ذلك الخطأ
مرحبا بك اخي سالم اخا عزيزا وبأنتظار مساجلاتك مع باقي الشعراء

[ثابت بن ماضي]

شعب اليمن بايحتفل بالعيد = ونحو البناء شوفه يحث السير

والي ربي على الشجب والتنديد= معروف قصده ياوجيه الخير

اتحالفو بو العبد هو وعبيد= ذي امس كفر نهجهم تكفير

وين المبادي وينه التشديد= ذلا لحا تعرف في التزوير

[طالب النعماني]

ميزان للكلمه مع الجاويد=وغيرهم مايعرفوا التشفير
اما تحد او تخطي التحديد=والا تغيير صيغة التقرير

[طالب النعماني]

ذا فصل والثاني صليب الراس=يوزن كلامه بالقفالي
حبك وعزك ياشديد الباس=ياولد بوزيد الهلالي

[طالب النعماني]

نحنا طرحنا البانيه عاساس=من شانكم ياراس مالي
والشمس باتشرق على كل راس=ياخيل بوزيد الهلالي

[مرعي صالح بن سميدع 1]

ياسلام عليكم ياشباب
واعذروني على الغياب الطويل ولكن ضروفي لاتسمح لي بدخول كل يوم
وان شالله نتواصل معكم كلما سمحت لنا الضروف

[طارق صالح بن حيدره]

الزير قد طالب بدم جساااس = ماقال بعمد في جبالي
اما شربنا كلنا بالكاس = بانشتري من كل غالي

[(عسكر بن سويد)]

اليوم بايبرك جمل باداس=بيحط حمله والثقالي
زام الغلامه راح والنوماس=راحوا شناطيب الجبالي

[جمال العطاس]

تحية إكباروإجلال للأخ بادحس على هذا الموقف المشرّف !!
هكذا هم الرجال لاتتردد في الإعتذار والرجوع للحق . فهذه المواقف
لايفعلها إلاّ الرجال .
شكرا لبادحس وهنيئاً له هذه الأخلاق الكريمة !!

[طالب النعماني]

نعم يستحق الشكر على هذا العمل الشجاع
ورحم الله امرا عرف قدر نفسه
وفي انتظار مشاركتك اخي جمال تراك هجرتنا كثيرا
والباشق وبقية الاخوان في انتظاركم

[بدر لجهر]

الأخوه الأعزاء جميعا السلام عليكم ورحمة الله وبركاته
أود منكم التكرم بقبولي عضوا جديدا فهل تقبلوني؟
بدايتة أحب أن أرفع الى جميع الأعضاء تحية اجلال على ما يقومون به من جهد جبار في احياء هذا التراث القديم ،والذي اذا ما نظرنا الى ما اثرونا به الآباء والأجداد من ابداعات عظيمة وغنية في كافة المجالات سنجد ان شعرنا الحاضر خالي من الكثير مما كان في الزمن الماضي ،فيجب علينا أن نتحرى الدقة في اختيار الكلمة (الجزلة) والمعاني السامية والهدف الجميل حتى نجعل متذوقي الشعر يجدون في مساجلاتكم( وجبة دسمة) لأن أسلافنا رسموا لنا الطريق ،فعلينا السير ولو بالقرب من نهجهم ونبتعد عن الكلام الغير لائق ونترفع عن سفاسف الأمور، وعلى كل مبتدئ مثلي أن يبحث عن الكلمات المناسبة قبل أن ينشرها .
ختاما آسف على زلل ولكم أجمل تحياتي

[طارق صالح بن حيدره]

ا للي فااااااااااااااااات مااااااااااااااااااااااااات
حصل خير يا بادحس
وارحب بالاخ الغائب الحاضر عسكر بن سويد واقوله وين الغيبااات
وارحب بالضيف الجديد بدر لجهر واقوله انست وشرفت والبيت بيتك
وتحياااتي للجميع

[مرعي بن سرور]

الزير قد طالب بدم جساااس = ماقال بعمد في جبالي
اما شربنا كلنا بالكاس = بانشتري من كل غالي


ليهم يحطون البنا عالساس=ماهو كما مبنا عالرمالي
وان كان بايغزوا شداد الباس=سنوا الرماح الدقالي
****
****
ماليوم كل واحد بغى الماس=ومنه العبيد تلبس دبالي
لقوا حلاقه شي زرا بالراس=من نوع كابوري تسالي
ولعاد بغوا العمه والالباس=يبغوا بناطيلن طوالي

[طالب النعماني]

انست وشرفت اخي العزيز بدر لجهر والنت منتور بك اليوم
ارجوا ان تفيدنا بالجديد والمفيد وفي انتظار مشاركاتك
وهذا بلاشك يشجعنا كثر

[نايف باتيس النعماني]

ذا فصل بتخر على الشعار=ذي هم يغتون السريه
من منهم باقي ومنهو سار=ياهل اللوله ردو عليه

[بدر لجهر]

مرحيب عد ما تثمر الأشــــــجار=وعــــداد من يـــذكر نــبيه
يا صاحبي بنشدك وش ذي سار=عنــــــد الوعول المعشرية

[طالب النعماني]

مرحيب مرحيب
صح لسانك يابدر احسنت

[نايف باتيس النعماني]

مولى البنا هدم رباع الدار=من بعد ماكانت قويه
وعادني خايف يضر الجار =لامالة القفله شويه

شرفت يابدر ونوره النت كله

[الشعف]

السلام عليكم ورحمة الله وبركاته
تحية اكبار واجلال للجميع
بخصوص اعتذار الاخ العزيز / سالم بادحس
آسف لانني لم اطلع عليه سوى الان .. واقول انني منذ البداية مسامحه وسبق ان اشرت لذلك .. وياراجل مافي بين الاخوان زعل .. اهم شي صفا النفوس .. وحسن النوايا .. وانا مسامحك من هنا الى يوم الدين يا أخ سالم .. واتمنى منك ان تنسى ماصار وتقبل مني اعتذاري كذلك اذا كنت قد أسأت اليك دونما قصد مني ,,,
وتحياتي للجميع هنا .. وبصراحة ذلا مشاغل الدنيا ( والتجهيز للقفص الذهبي ;) ) شلت الهاجس بعض الشي .. لكن حضورنا معكم بقلوبنا على الدوام .. والى الاماااام وبالتوفيق للجميع .


مولى البنا هدم رباع الدار=من بعد ماكانت قويه
وعادني خايف يضر الجار =لامالة القفله شويه

شرفت يابدر ونوره النت كله

[طالب النعماني]

شكرا لك اخي الشعف وهذا من طيب اصلك
والاخ سالم واحد مننا ولا في البال شي منه ابدا
المهم عودة الروح الى سقيفة الادب وفي انتظار مشاركاتكم

[طالب النعماني]

مولى البنا هدم رباع الدار=من بعد ماكانت قويه
وعادني خايف يضر الجار =لامالة القفله شويه

شرفت يابدر ونوره النت كله


من اجل نعود الى مساجلات الزامل والى اخر قصيده للاخ نايف باتيس

[ابن المنذر]

يا صاحبي وين هذة الدار

من بعد بغداد الابية

ضاعت وقدها مع الكفار
من بعد ذي هم يغتون السرية


اخواني محاولة مبتدى يتمنى منكم التشجيع

تحياتي.... ابن المنذر

[بن منيف]

سلام من عندي علحضار = اهل الماجوب والعنيه
اهل للمغزه وللمقدار = قد ترفعوا عن الدنيه
باقول بلي جرى وصار = في غربه تاليتها رديه
عفنا فيها طيب الاثمار = لي كانت تستاكل نيه
والعسل اليوم طعمه قار = والله يعلم بلذي بيه
ريت القدم مايوم قد سار = من ارض اليمن الابيه
باعود لك ياخير دار = دار تضم القلوب السليه
باعود لو طال المشوار = بنعم بقرب لهل والخويه

[طارق صالح بن حيدره]

ذا فصل والثااني بدعت ابيااات = ماشي خلل فيها ولا تكسير
ياقلب لاتحزن على مافااات = سامح رفيقك لا حصل تقصير

[بن منيف]

السلام عليك ورحمه الله وبركاته
تحيه طيبه لابناء بلدي العزيز
هذه حزيه (لغز)
واتمنى الجواب عليها بابيات من القصيد



بانشدك عن مخلوق سبحان لي فضله = ذكره واقسم به في كتابه الكريم
من تمسك به رفعه من مكانه وجلله = ومن فرط فيه سيره في دربا ظليم
سلاح لابد يكون بيدك وفي ثبانك تحمله = مخلوق ماهو من صنعنا افهمها يافهيم ترى الجواب سهل لكن القصد (المشاركه)
واتمنى ان تقبلوني في منتداكم ودمتم

[طالب النعماني]

اهلا وسهلا بالاخ بن منيف
ونسعد بمشاركاتك ولنا الفخر بوجودك بيننا
وان شالله نتمكن من حل لغزك بمشاركة كل الشعار في السقيفه

[طالب النعماني]

ذا فصل والثااني بدعت ابيااات = ماشي خلل فيها ولا تكسير
ياقلب لاتحزن على مافااات = سامح رفيقك لا حصل تقصير


كلام يابن حيدور والمسامح كريم فعلا

[طالب النعماني]

طالب حسن مايكسب القصرات=ولايحب الكذب والتزوير
معروف متربي على الجودات=مشهود له في جبهة التحرير

فصل رائع يابن حيدور وفي انتظار الشباب

[سالم بادحس]

بادحس مايجي في العثرات=قلوا لطالب ماغلط على الغير
وانته وطارق قدلكم عادات=من جودكم بايعجز التعبير

[سالم عوض باجخيف]

سالم يون قلبه من الحسرات=والكسر في ساقه بلا تجبير
ان عاد شي نقذه من السادات=بادحس قد عور على تعوير

اعذروني على التاخير العمل مايسمح لي

[سالم عوض باجخيف]

عندي ملاحظه لو بوراضي يسمح لي
ملاحظتي
بعض الاخوه الشعار مايلتزمون بالوزن وهذا مهم في الزامل
واساس القصيد وزنه
ارجوا ان يوضح هذا الاخ ابوراضي كونه مشرف الساحه الادبيه وشاعر المنتدى الشعري
اخوكم سالم باجخيف

[ثابت بن ماضي]

الجّيد يترفع عن الزلات= لاقد حصل من صاحبه تقصير

ماشي مثيل الجود والجودات=على السوم طولوا ياوجيه الخير

وانسوا الذي عدا وذي قد فات= لان كل شي قابل الى التغيير

[طارق صالح بن حيدره]

حيااك الله يالباااشق ومن طول الغيباات جاب الغنااايم
موضوع الفكره الجديده بانتظاار مشاركتك يالبااشق الرجاء القاء نظره عليها
وفعلا اخواني الشعار بعض الابياات غير موزونه
الرجاء من ابو راضي الانتبااه لها
تحياتي للجميع

[جمال العطاس]

خلوا نحن نجيب كلام ( مبعد ) وحاولوا بالتلميح والفهيم يفطنها !!


ولمس وقعت في ( الخ... ) هدّات = وابليس شب النار ذي في الكير
وبات بوعطفه على الصليات = وأحيان ماتسمع سوى ( التفج ....)

[ثابت بن ماضي]

كله سببه الشيخ بن عبدات=هو ذي دهق جساس فوق الزير

وبات يقرح حاكم الطيات= والسر عاده وسط عين البير

[طالب النعماني]

يالهاشمي لاتشجع العثرات=من حبهم والله مافيه خير
الشعب بايحزن على من مات=والمعتدي مدري متى بايغير

[جمال العطاس]

بين الجبال الشيخ ليله بات = وحد يقول انه وسط كشمير
برويز يدوّر له بدبابات = والشيخ مايهمه ورأسه تير

[طالب النعماني]

عاصوت بوقلعه وشاميات=يابوش زر ضلعك وهت ابلير
لبغا مدافعكم و طايرات=عاصوتكم كم من ولد بيطير

[بن منيف]

هاجسي ما يدحق على العثرات = يريض خطاه وثابت في السير
لا جته جوده يحسبها عدة جودات = يكرم راعيها ويفضله علغير
يترفع عن راعي الدنيه لو جات = منه كلمه تكدر الخاطر تكدير
هو شامخ مثيل الجبال الشامخات = لي متهتز بتصفيقه والصفير

[بن منيف]

هاجسي مايدحق على العثرات = يريض خطاه ومنتبه في السير
لو جته جوده يحسبهاعدة جودات = يكرم راعيها ويفضله علغير
يترفع عن راعي الدنيه لو جات = منه كلمه تكدر الخاطر تكدير
هو شامخ مثيل الحيود الشامخات = مايهتز من تصفيقه والصفير

[طالب النعماني]

احسنتوا ياشباب
هكذا
نريد الاخذ والرد
ومطلوب احدكم يفصل

[الاشتراكي]

من عندك يابوراضي

[نايف باتيس النعماني]

السلام عليكم ياشعارنا
والله لكم وحشه
سرنا نترقب الفرصه المناسبه من اجل نطلع على اخر القصيد
ولكن كل ماجينا لحناكم على موضوع وفصل جديد
هذا ماجعلنا نقلل من مشاركاتنا ولكن البركه فيكم والله مساجلاتكم جميله وخاص عندما يكونون الشعار مقسومين

[نايف باتيس النعماني]

وهوكوا وازتملواااااااااااااااااااااااااااا
ذيب سعد الغلابه كم من قبيلي كسرنا نابه والذيب سعد هووووووووووووووووووووو

[نايف باتيس النعماني]

وين الشعار في الانتظار نحنا
من عنده فصل جديد لايبخل علينا حتى ولو ,,,,,,,,,,,,,,,,,,,,,,,

[طالب النعماني]

ياهل السقيفه لو معي موضوع=حد بايساعدني بحله
من بايقربني قريب الشوع=قصرين ببناله وفله

[طالب النعماني]

حبل الوفاء مابيننا مقطوع=كم من وفي قطبوه حبله
بيت على فرشي كما المفزوع=مثل الذي قد مال عقله

[بن منيف]

بغدادصابها المرض والجوع = اصوبها تنزف بها مليون عله
كنا نسير والراس بها مرفوع = علوج ذوقونا اليوم كاس الذله

[بن منيف]

تزملوا وهكو
قحطان غلابه كم قبيلي كسرنا نابه.....................ولا كهم ولا كهم

[طارق صالح بن حيدره]

ماشي معك ذلا مسير اسبوع = ان عاد شي في الراس خصله
هذا كلامي والزعل مرفوع = ماشي يجيلك من محله

[طالب النعماني]

ماشالله تبارك الله
نشوف الهوكات تنوعت من كل قبيله متواجدين
ذيب سعد وقحطان وذيب حم وذيب روح وفي انتظار باقي الهوكات

[طالب النعماني]

ماشي معك ذلا مسير اسبوع = ان عاد شي في الراس خصله
هذا كلامي والزعل مرفوع = ماشي يجيلك من محله


الاخوان شعار السقيفه يشق على فراقكم كثير ولكن ان شالله سانعود اليكم بعد قضاء الاجازه الصيفيه في البلاد
واوصيكم بكل جديد ومفيد للسقيفه المحبوبه
واستودعتكم الله

[طارق صالح بن حيدره]

الله معك يا بو رااااااااضي
وريت منهو سعفك تروح وترجع بالسلااامه
والله بانفقد ركن مهم في السقيفه
بس لا تبطي علينااااا

[الشبامي]

تروح وتجي بالسلامه يابوراضي
ونحن ايضا نازلين اجازه هذه السنه لكن في آخر الأجازه لنا لقاء هناك ان شاء الله :)

[طالب النعماني]

الله يسلمك جميعا ولايحرمني ربي من رويتكم
وان شالله نشوفكم في البلاد

[سالم عوض باجخيف]

الله معك يابوراضي تروح وترجع بالسلامه
وغيابك عن السقيفه خساره كبيره ارجوا ان لاتقطعنا طويلا
في امان الله

[طالب النعماني]

مشكورررررين الله لايحرمني منكم

[طارق صالح بن حيدره]

وينكم يا شعااااااااااااااااااااااااااااااااار
هوكووووووووووووووووووووووووووو
واتزملووووووووووووووووووووووووو

[(عسكر بن سويد)]

يالله يابن حيدره عطنا فصل من عندك .........
وعلى فكره حصلت لك شغل ههههههههههههههههه
الرجا الاتصال على تيلفوني في اقرب وقت

[طارق صالح بن حيدره]

ابشر بالفصل ماداااااااام جبت الخبر ذا
الله يبشرك بالخير بتصل بك الليله

[طارق صالح بن حيدره]

ذا فصل والثاني سمعت احلى خبر = الصيعري حط النقط فوق الحروف
بسمر معك ماليوم عا ضو القمر = باشوف افعالك وابا منك تشوف

[مرعي بن سرور]

قولو لبن حيدور معي وجهت نظر=بقولها وفقه تقع ملهوف
قد شفت البارح لقيت البطر=قد جيت متعني وعكيت الصفوف

[طارق صالح بن حيدره]

يا مرحبا باقوال شاعر لاحضر = جاب القوافي من خبرها والهفوف
جين نشارك والعفو لاشي قصر = ذلا يكدر خاطري بعض العروف

[مرعي بن سرور]

بن حيدره لقى عالساس المدر=اردف سلامه للعنيه والضيوف
هاجس معه طير رماده والهبر=واعمى عين الشايب المعطوف

:tongue::tongue::tongue::tongue:

[الحاير]

ســلام

قل لبن حيدرة ماهو ذالخبر = بالاذن بسمع والعين با شوف

ياخوي قلي ترى حالي بشر = من مانعاني وحال الظروف

[مرعي بن سرور]

الظروف .....الله احسنت يالحاير وكثر الله من امثاللك

وهذا فصل...................وعجل يابن حيدره بالرد لاتبطي...

سلام لهل العز والشيمه=اهل الشرف والطيب والجودي
من شانكم بعطي بلاقيمه=مابيننا عادد ومعدودي

[طارق صالح بن حيدره]

اهلا وسهلا باخي الحاااير كلام جميل
ابشر يا بن سرور والله انك رهيب يا شيخ
ههههههه

يا مرحبا ماهلت الغيمه = وعداد ماحنت به رعودي
بالشيخ لي طبق تعاليمه = حافظ على عادات لجدودي

[سالم بن سلم]

شالسلام عليكم اخواني الجميع .... عساكم بالف خير والصراحه الفكره ممتازه وتستحق الاهتمام
راجيا منكم الاسراع في التنفيذ.... يكون ترسلون خبر عبر اليميل بس من شان تحديد موعد اللقاء بالشعار على الماسنجر.... مع شكري وتقدير يلكل اخواني الشعراء والمهتمين بالتراث
تحياتي اخوكم الشاعر: سالم صالح بن سلم

[سالم بن سلم]

يعلك بفرحات يا الصاحب عد ما نشتاق لقياكم
عد ما يشتاق لك قلبي وعد سحب الصيف ومزونه
منتظرساعات باشوفك منتظر لحظات ملفاكم
كل ما دقيـــــــــــــت تلفونك رجعت الدقات محنونه
كيف بسلى والدمع يجري كيف بنسى وقت ويّاكم
من رحلتوا مارحـــــل همي يامزيل الهم وحزونه
لحسايف الف في قلبي وانتوا الافراح جدواكم
والجروح اللي وسط قلبـــي ما لها تالي تشوفونه
ياعسى ذا المزن وبروقه يسقي وادي العين وحماكم
ويا عسى اوقاتكم تضحك في زمان ضاعت اوزونه

[طارق صالح بن حيدره]

حياك الله يابن سلم ونورت السقيفه بوجودك
بس ياخي هذا اقتراح قديم ولا تنفذ نرجو من كل الشعراء ابداء الرائ فيه باسرع وقت
وصح لسانك على الابياات اللي كتبتها فعلا رائعه
تقبل تحيااتي

[(عسكر بن سويد)]

هاه ياطارق وين الفصول الرائعه
لاتنسانا وتنسى اهل السقيفه ....................
تقبل تحايتي وسجل اعحابي نتظرك .....

[طالب النعماني]

السلام عليكم ورحمة الله وبركاته
وين القصيدياشباباشوفم تدورون لكم عمل الساحة الادبيه
المهم الله لاوصيكم فياحياءالتراث الاصيل الزامل الشعبي
ونحنامابالقصر كلما سمحةالضروف

[طالب النعماني]

مني سلام الفين واثنعشرميه=لهل الزوامل والمغناني والقصيد
صوت البرت عندي وصوت الشاميه=مثل المدافع في السماءيرعد رعيد

[الحاير]

هلا والله بطالب والحضور


حيى بشاعرنا ما يد حق في الواطيه= طالب ولد با تيس العنيد

با حــط القدم عنده ونفسي راضيه=وبانفتح بواب الحصون الحديد

في الوادي ترباء والحيود النايفه= دارس ومتعلم وهو ماهو بليد

كرع يشرب مايشرب من ماءالهمه= والقوت مجمر واللبن ليهو المفيد

[(عسكر بن سويد)]

حياك يابوراضي ....
واحب ان احي االاخوه طارق بن حيدره ومرعي بن سرور والحايرعلى تواصلهم...
واعذرني على عدم دخولي للموقع لكثرة المشاغل ...
واعذرني بعد على الرد السريع ......



في شان بوراضي جبنا القافيه=قد جيت متعني بدحق من بعيد
لابد مانبدع قوافي شافيه=والي طلب خلوه يطلب مايريد
بانولع الدنيا ولوها طافيه=بنحضر الهاجس بالقول السديد

[الحاير]

ســــــلام


سعفكم والنبي ولو رجولي حافية

= ماباخلف والله لجلة شهيد

النار في شان طالب بانخليهادافية

= الجود وقت الجود لحان الوطيد

طيبه لنا زايد وشروعة وافية

= لاتعكة يبديها مفاتيحة بيدة والقليد

[BAZHEER]

الاخ طالب باتيس شاعر السقيفة:
الزامل الحضرمي ياتي على عدة انماط وانت تعلم بهذا الشي (ولاحد يعرف عارف) كما يقول المثل
ولذا ارجو منك ان تفصل وتربط علي نوع آخرمن انواع الزامل لكي تتوسع المشاركات في هذا المجال0

[مرعي بن سرور]

مشكور يابوراضي على مشاركاتك التي تأتي من كل مكان...
اما بخصوص بازهير بنقول خل العربده ولو عندك شي قله بالواضح.....
اما بخصوص عدة المشاركات فالباب مفتوح للجميع وان عندك شي شاركبه ,,,,,
وان عندك فصل ياخوي افصل ولك الجواب الشافي

[BAZHEER]

الخ مرعي بن سرور
اولاًانا ليس بشاعر ولكن من محبي الشعروالاطلاع علية وانا لم اخطىْ عليك اوعلى بو راضي
ويحكمون حلان السقيفة0
ومن انواع الزامل هذا النوع:
يابن سرور الشاعر المقوار سبرت تبدي بالمهونة
والعربدة والزيف والبهتان ماني من اللي يعرفونة

وان كان في رايي خطاء معروف شعاركم باينقدونة
والعاد حاجة نكشف المستوركل من غلط بايرشدونة

[بن هاشم]

حيّابكم ياهل الشروع الوافية
ياهل البلد ذي هي بقلبي والوريد

قد جيت بارجّع ليالي ماضية
مابينكم كل يوم بانحسبه عيد

[بدر لجهر]

هرجك بغـــــية من جبوح الجانية
يا جيد يا بن الجيد تاريخك مجـــــــيد
وارض اليمن زينة وعندي غالية
بلّغ سلامي لاهلها من قشن لا بلدة زبيد

[الحاير]

بن هاشم تفظل لك روسناحانية
على العز والناموس وطلب ماتريد
بانفرش الارض لك فيساعة اوفيثانية
انت سيد ومقدار ماهو لخم ولاقديد

[BAZHEER]

خــــــــذ وهـــــــــــــاااااااااااااات!
الخ مرعي بن سرور وحلان السقيفة مايهونون:
هذا نوع من انواع الزامل سمعتة مره في زواج بمنطقة رخية وعلى مااعتقد ان الاخ طالب باتيس حظر هذا الزواج وبالذات في منطقة السفولة عند آل قربان0
حيث كان موجود الشاعر القفيل (رويس) وعمة
وقد بداء عمة بالقول:
عالمعايين***لايارب لرباب عنا***ماطرقنا سوى بابك بغينا المعونة

يالمقارين***ياحيا زمان اقترنا***اقترنا وكمن وعل حاني قرونة

فاجاب علية رويس وقال:
عزوا الدين*** لتروحون من خلف دنيا***دين لسلام بانفدي بلرواح دونة

والشياطين***عينة بوش ليهو شطنا***قد شطنا ولاشي عذر تكثر شطونة

[بن هاشم]

شلّوا على ذا الصوت ياهل البادية
واهل الحضر لا يغركم كل شي جديد

ورث البوة ماهو شياذر بالية
ورث البوة زينة بكل موسم وعيد

ذي مامعه أوّل فلا له تالية
وللي شروعه وافية مابايحيد

والحمد لله الزمن في عافية
وانتم هنا تحيون كل ماضي تليد

[بدر لجهر]

نبغا وله ياهل الشوع الوافية
والهاشمي معروف بالرأي السديد
با نحيي الماضي بهمة عالية
وتحركوا ياهل الزوامل والقصيد
وكل من حضر يحسب حساب التالية
يحسب لعزراييل قبّاض الوريد

[الحاير]

الحمد لك ربي علا ذل عافية
كل من سجد او صام قالو سعيد
هتلي خبر اهل الحيود النايفة
وهل السلا ليهم يفتلون الحديد
هل هي عسى سالت شعاب البادية
وزانت مراعيهم خبر بال اكيد

[بدر لجهر]

با نطلب المولى بنية صافية
يغفر ويرحمنا في أيام الوعيد
عسى مخيلة عالمدن والبادية
هذه نجوم الخرف ماطرها شديد
مكن ضميرك وأنتبه للساقية
وعرّب العربة ولا تسرح بعيد
با يفرح الشاوي ومن له راعية
وذي في سفال الواد واللي في الصعيد
والبدو ذي هم في الخبوت الخالية
لا خضّرت لشجار عنده يوم عيد
والجبح با توصل عليه الثانية
حتى البغية شف ثمنها با يزيد

[أجودي]

في سعفكم يأهل القلوب السالية -- يأهل الزوامل والقصيد

يرتاح قلبي لاسمعت القافية ---- والدم يتحرك ويجري فى الوريد

وأذكر جدودي والجبال العالية ----- وسد عيني شوف يقرب لي البعيد

[بدر لجهر]

يا لجودي فعلا حصاتك بانية
ـــــــــــــــــــــــــــــــــــــــــــــ لوكنت جندي تستحق رتبة عميد
ذكتني لدقام ذي هي عالية
ـــــــــــــــــــــــــــــــــــــــــــــ واليوم في الغربة أنا حالي سعيد

[الحاير]

ماشي مخيلة في الايام الخالية
.........................مادام كل واحد من الثاني بعيد

قدلي زمن شوف الكفة مايلة
.........................بشكي لربك ذالراي السديد

لجودي توصل في ساعة قايلة
........................ياخيرها ليلة بايقع فيها القصيد

حرب الشوارع في البصرة طايلة
.......................وعاد امريكا تهدد وتتوعد وعيد

[بن هاشم]

حياّبكم ياهل الشروع الوافية
يا مبدعين القول حكّام القصيد

كلامكم فيه الشفى والعافية
والعز والناموس قفله والقليد

[بدر لجهر]

كلن يخيّل عا مساقي واديه ــ والغيث عا دجلة يزقلها جنيد
والبعض عايش في حضون العافية ــ ويبات يشخر والعزوف 4وسيد
وين الفطاحل والعقول الزاكية ــ أحفاد ابن العاص واحفاد الوليد
واحنا نرقص للعقول الفاضية ــ والعلج مابا يطرده غير الحديد

[الحاير]

البنت حبلة قالو الناس ذي زانية__وش ذنب المقيد ويدة بالوريد

وعاد لهوال مابانت ليهي خافية__ياناصر المظلوم يالله يالمجيد

ابوجهل شارون بهمة عالية__في القدس لقى سدة وشل القليد

لبرش بوش وبلير ولد الزانية__في ارض الانبياء فعل كلن مايريد

[سالم بن سلم]

ابديت بك يالله الفرد الصمد يالواحد المعبود رب العالمين
باترّك الدنيا ولا دامت لحد كل من عليهاياصحابي راحلين
ياطير نا باوصيك الى ذيك البلد ود التحيه للخوه لي طيين
وانشد على الوالد وعاناسي نشد واهل العنيه قل لهم شوني حزين
جالس في الغربه وطرفي مارقد لاذكرتكم الكار في جوفي رشين

[الحاير]

منتة لوحدك ياصاحبي تبيت في نكد = جم من مثلك في ذاالزمن متنكدين

قوالك ذكرتنا بشي من زمن قدبعد = مخزن في القلب وفي جوفي دفين

متغرب في الغربة الدقايق عدها عد= من ذكرلي بلادي زادشوقي والانين

الله يفرجها علية التوكل وعلية العمد= في سيعة نويرة نلتقي ومتجمعين

[مرعي بن سرور]

هاجس معي لاقلت له وينك وفد=يلعب معي يسرا وساعه باليمين
يرطن بالجمله وساعه منفرد=ويلين القاسي ذي هو مايلين
يالحاير هون ولوقلبك نقد=عاد الخبر بيجيك والقول الرزين

[الحاير]

انا باقولك كلمة بعد قول الله وحد=وبعد بسم الله شف صاحبنا حزين

كل ما دك على باب بوجهه ان قلد= تشتت راح عقلة بين حذية والعنين

راح عقلة مايفند هذي بنت والاولد= طول ليلة و قلبة يردف عل ونين

[سالم بن سلم]

قد شفت كم من شيخ ماحصّل سند من بعد ماما توا خوانه الاولين
لي هو لحق له سيف غارق بالكبد ما بــا تداويه الابر والبنسلين
عنبوك ياصاحب في الشده شرد عنبوك ياتالي زماني والسنين
كل ما حسبتك ذيب تطلع لي جرذ كل مِا لقيتك تاج ترجع لي حذين

[سالم بن سلم]

قد شفت كم من شيخ ماحصّل سند من بعد ماما توا خوانه الاولين
لي هو لحق له سيف غارق بالكبد ما با تداويه الابر والبنسلين
عنبوك ياصاحب في الشده شرد عنبوك ياتالي زماني والسنين
كل ما حسبتك ذيب تطلع لي جرذ كل ما لقيتك تاج ترجع لي حذين