ــــــــــــــــــ باطل وجور ــــــــــــــــــــ

[غازي عمر بن مهناء]

قال المهناء بن عمر عانيت جم=في ذا الزمن مانا لحالي كم وكم
يضحك اذا ضحكو وهو كبده تفور=ماحد يقول اليوم ذا باطل وجور
مادامنا نقدر على دف النسم=بالغصب ماهو بالرضى نهتف نعم
على شروق الشمس لاقالو صفور=ماحد يقول اليوم ذا باطل وجور
حتى القلم ياناس وش ذنب القلم=خايف يدون ذلنا في كم كلم
يكتب لحلان البناقل والقصور=ماحد يقول اليوم ذا باطل وجور
يان المخبّا سد عيني وارتسم=جو لي يسنون الجنابي عا النشم
حسرة على ليهن يقدين النحور=ماحد يقول اليوم ذا باطل وجور
وين العداله والمُثل هي والقيم=حد قسمه المظبي وحد مسوى الكزم
بعد الصفاء جتنا الزواخي والعكور=ماحد يقول اليوم ذا باطل وجور
لكن عاد الله معانا عا الظلم=لابد ما المكوى يجي فوق العلم
ليله هنيه باتقع ليلة سرور=ماحد يقول اليوم ذا باطل وجور

اجمل تحيات /غازي عمر