قصيدددددددده موجهه للاخ بو راضي من طارق بن حيدره

[طارق صالح بن حيدره]

بسم الله الرحمن الرحيم هذه قصيده جديده اوجهها للاخ بو راضي وانتمى انه يرد عليها وان تنال اعجااابه واعجاب كافة المشاااهدين 0000وهي طويله شوي لكن منكم العذر والسموووحه 000

قال طارق بدعت القول بالله اكبر =مالك الملك سبحانه تعلى على الكون
يابديع السما في يدك الخير والشر =طالبك ترحم المسكين ذي بات محزون
ليل يا هاجسي خيف على سيف عنتر =خل ابوهم طير مابين شارد ومطعون
غص وهت لي صدف من داخل البحر الاحمر =وابدع ابيات موزونه على الواو والنون
خذ لطالب ولد باتيس مني مسطر =بلغه بالتحيه مننااااا ميت مليووون
قله ان كان شي جودات يالحيد لزور =حلها يارفيقي قبل لاموت مغبون
الصديق الوفي في ساعة الضيق يظهر =ولا حل الرخا ياكم صاحب ومظنون
جيت لك معتني والجو عندي معكر =حس بالقلب لا ياصاحبي كير مرشوون
جيت صيح بعالي الصوت راسي مكسر =خل لي ما درو ياطالب اليوم يدرون
لاتقولون عاشق همه الزين لسمر =راح زام المحبه بعد ليلى ومجنون
او تقولون هذا يشتكي طول مهجر =يا مسيكين قلبه في الوطن دوب محنون
لا ورب السما لاني بهذا مكدر =كل هذا بامر الله لاراد بيكون
التعب والشقاوي سبة الوقت لغبر =ذي لقالي كم ملقى في القدس شارون
يوم جور الزمن قد جاوز الخط لحمر =يوم صارو رجال العز بالهون يرضوون
من رجال الزمن لي قفزهم دوب مندر =وين ذولاك ياباتيس حمران لعيوون
وينهم لي لهم تاريخ بالعز يذكر =وين بوزيد وينه وين جعفر وهارون
الوفا والشجاعه والكلام المقهقر =والشرف والكراامه عندهم شرع قانون
يوم شوف الحنش تدرج مع الهام لصفر =والعقارب على حصن العراقي يحومون
واخوته كلهم ماحد نشد او ماتخبر =سوى الشجب والتنديد والراس مغفون
والعجيب العجب من قوم عجمان بربر =جوه با يدركونه يوم ماحصل العون
جات في ذا الزمن اشيا تشيب وتقهر =الوجع في عدن واهل المكلا يصيحون
يحسبون انهم ماهم مع محورالشر = يا مساكين لوكانو كذا بايظنون
كل واحد على قومه وربعه تجبر =بس لاقد ظهر هامان ياويل فرعون
بعدها بايقع مسمر وياخير مسمر =باتحن الزوامل والهوك با يهوكون
نار مابا تخلي عود يابس ولا اخضر =نار باتحرق اللي في حطبها يشبون
عاد شبل العرااقي بايرد كل مكسر =بايلامخ بانياابه شيااطين قارون
والنعاج السمينه ذي لبنها مطير =خلهم يارفيقي من لبنها يفتون
طالبك يا الهي سق لهم ريح صرصر =لا تعكت علينا منك النصر مسهون
من يبا العز يسكب دونه الدم لحمر =موت بالعز يا طالب ولا عيشة الهون
اه يا للاسف يانسل كمن غظنفر =اه من بعد ذاك العز يرضون بالدون
وختمها قال بن حيدور بالسيف لبتر =لي بحده يوقف كل عاصي وملعون
والف صلو على احمد عد مالطير فرفر =وعد ماسالت الوديان من روس عالون
وعد ماهلل المومن وسبح وكبر =وعد ما يرمي الرامي بطلقات مرشووون

انتهت والعفووووووووووووووووووووووو عالاطااااله
والسلاااااااااااااااااااااااااااااااام ختاااااااااااااااااااااااااااااااااام

[طالب النعماني]

شكرا لك اخي العزيز طارق بن حيدره
على هذه القصيده الرائعه واقول لك صح لسانك ياشاعر السقيفه
وان شالله يجيك الرد قريب
واعذرني على تاخير الرد وذالك لعدم وجود الوقت لدي ولكن اوعدك بالرد

[طارق صالح بن حيدره]

مشكوووور يا بو رااااضي وفي انتظاااااااااااااااااااار ردك بفااارغ الصبر

[باشراحيل]

قصيدة جميلة جدا اخي طارق باحيدرة
وطلب بالرد عليها من (ابوراضي) في
موضعه وهو اهلا للرد في الصميم ونحن
في انتظار الجواب الشافي من اخينا المبدع
شاعرنا (ابوراضي)..
تحية لكما وقد عطرتم اجوائنا بعبق الشعر
الشعبي الأصيل والى الأمام .

[عبدالله الجعيدي]

ياسلام يا بن حيدور ابدعت ابداع لابعده ابداع وطرزت السقيفة
بهذة الكلمات الجميله 000 لك الشكر والتقدير

[طارق صالح بن حيدره]

اشكركم من صميم القلب اخواني الاعزاااء باشراحيل والاخ عبدالله الجعيدي على مروركم الكريم وعلى كلمااتكم الرقيقه واتمنى ان اكون عند حسن الظن
وانا مثلكم بانتظار الرد بفارغ الصبر
وسعيد جدا بما سطرته اقلامكم والى الامااام جميعا

[مرعي بن سرور]

صح لسانك يالقرم
كلاااااام رائع ونتظر رد النعماني

[الشبامي]

رائع يابن حيدره رائع كما عودتنا دوما
وبالتأكيد مايبطي السيل الا من كبره مثل مايقولون والرد جاي من بوراضي
ونحن في الأنتظار

[طارق صالح بن حيدره]

اشكركم اخواني الاعزاااء مرعي بن سرور والاخ العزيز الشباااامي على مشاعركم النبيله
وبانتظااار الرد والسيل فعلا مايبطي الا من كبره