من هان نفسه مع أهل الوقت هان

[عزيز النفس]

أبـديت بك يـا الذي بك نتكـل= يا اللي عـليك الوكـل والارتكان
مـن تقبض بحـبلك مـا هـمل = ولا تخـلـيه في الـريـد الـبـان
بوسـا لم يقول اليوم طرفي زعل= وعـبر الليل كله لـما الفجـر بان
وبـيتتـنا حـليـلة ترتقــل= ياهـاجسي اغرف من البحر الملآن
عـبـود هـذا جـانـا يهـتبل= ولعـاد دور لخـرسـه والـوثـان
ماهـو سعف غير حبل ما وصل= أمـا أنا قد حسـبت الحـين حـان
عبود وش لآخوك في الجدرة قتل= تضوي بجـودة ومخـلص في الثبان
بايبطل الشـرج عـندك والحجل= ذيك الحـراثة وربشـك والـدمـان
عـبود مـن شلت غروبه تشـل= مـن بر با قريفة لحـقكم با لجـنان
وبغـيت له في مـناشي يحتري = دلهم على الظريفة ويمسك روس بان
ولعـاد يصـبح له سـوم مستقل = يزخى بطـينه في أوطـان العـدان
وأنا حسـبتك على المخوة تصل = مـثل الأجـاويد والـناس الـزيان
وأنثرك مـا أنت مسـاعد للمقل= ولا أنت سـند له ولا ممسى ولاكنان
بعـض العـرب عوده ألا يندخل = مطوي على عيب طيه عا الصـبان
وبعـد يا اللي في السيرة عجـل= توك إلى الهـند إلى سـوق الرهـان
سـلم على احمد وقل له هيا قبل= خـلك مـن ارض الـرويلا والـبتان
خـلك وحل في الزمان المر تذل= من هـان نفسه مع أهـل الوقت هان
وختـمها بالنبي لي حسنه كـمل= احـمـد حـبيبي وزبـين والكـنان

تجميع / سالم أحمد بن فائد بن ربيعه
ــــــــــــــــــــــــــــــــــــــــــــــــــ ــــــــــــــــــــــــــــــ