رحلة المليون ميل

[محمد عبدالله بن هادون]

سلام يالشّعار منّي عدما الماطر سبل=وعداد كل خطوه تجي وتروح عاخط السبيل
باخص حلان السقيفه باالتحيه عاالاقل =واجب علي وان كان ذا في حقهم طبعاَ قليل
كلامكم قد حل قلبي يا صحابي واستحل =عقلي وسمعي والبصر والقول بعده مستحيل
خير الجمال الدوسريه لي تنّود بالثقل= وعز رجال اللّي يخف بيداهم الحمل الثقيل
وسامحوا هادون لو في قافيه او وزن زل =شونا على بيتين امسي طول ليلي في زويل
ذلا ندور على القوافي مانثر شي مرتجل=ياصاب ولاّخاب يا في الراس ولاّ في الرجيل
هاجس معي قد كان لادعيته سعفنا مابخل=واصبح كما العنكوز لي عادقم لاخرف جاب خيل
واليوم يالعطاس بوهاني وياطالب قبل=عذري ولا يوحل معلم لا لحق جنبه قبيل
يامن تراعوا كل من شارك وتعطوه الامل =ودايماَ تبدا بخطوه رحلة المليون ميل
معاد باكثّر وخير القول ما قد قل ودل =يافهرسة الاوزان يامرجع لكل شاعر دليل