مساجلات الزامــــل الشعبي

[المشجري العد يلي]

.
وين طالب حسن ياناس مـا شـفــت ســــوده = لي سـنه مقـفـله منه بـديع الــــمـعـــا نـي
نجـم زاهــر في الزامل وشـــل من جــدوده = لا بدع قول في الزامل يــحـرك كــيا ني
كم تمنـيت أن ألـقـاه با رد عـــــــــــــــــوده = بادخل به في البحـر الغزير الــــمـلا نـي
لا دخلنا في الزامـل يحضر جـنــــــــــــوده = لا سقيته عسـل خـرفي بغـيه ســــــقا نـي
يـعرف القـول ذو معنى ويعرف بنـــــــوده = لاعطيتـه ثـنعـشر بند مثـلـه عــــــطـا ني
ما سـخابه لقـــلاب الـزمن والمكــــــــــوده = يـوم ذا الـوقت يتقلب على أهــلــه لــواني
قـله أن المطـر والسـيل حنـت رعــــــــوده = نـزله الا صـواعـق وين بـلحـــــق كنا ني
المهـونه مهـونه ذل والجـود جـــــــــــــوده = حـافظوا ع الوفـاء والجـود في كل مكاني
قل لطالب حسن شف بعضهم عيف عـــوده = ع صحابه يجي في صف حاسد وشــاني
قـال يصدق ولكن ميصدق في وعــــــــوده = وأن وعـد وعد يخلف لـقلقه با لـلســـا ني
حـط نزل المطر كل غيث عليا تـقــــــــوده = والحرث تركوا في المـال خـلو المسـا ني
وقـف الجيـش كـله يـــوم غـلق وقــــــوده = والقيـادات ع البـبـسـي ومـنقـا ورا نـــــي
غـير واحد خلاف الناس تــم يا جـهــــــوده = يحرث المـال وحـده هـويا شـخـص ثا نـي
أنـما الأ ن قـــد حـطـــت عـليــنـا بــــروده = والضحى و العـشـا لـحـم الكـبـاش السما ني
قله الموت بيجي مابيخلف وعــــــوده = والحـياه الـذي هي قصـدهـم والـتمـــــا ني
والـزعــيم المـنـا ضــل ما تهنا رقــــــــوده = بـاع دنيـاه والدنيا تـهــب في ثــــــــــواني________________________________
شكرا جزيلا للشاعر/ الأخ أحمد عبود الزبيدي على أبداعه الرائع في هذه الفقرات الرائعه من تراثنا الغالي وهو الزامل وصح لسانك يا أبا طــارق والى الأمــام ..
وتقبلوا تحياتي . أ بو علي

[سبع الليل]

صبرنا ماتحاكينا ونار الجوف مخفيه=ولا بظهر لكم باين معي لسرار مخفيها
معي سكين بوشوكه غلب كمين جنبيه=وشغل الجرمني عندي يسري في مساريها

[البكري]

لي في الجوف خله قد النار مطفيه ### وسرك احفظه بقلبك ونفسك به لاتحاكيها
والسكين بايفتر ولا بايسوى ربّيـه ### وشغل الجرمني عزّه اذا هو في مرابيــها


البكري

[سبع الليل]

عسى يالبكري الغالي تقع للناس فكيه=ونمشي مثل مايمشون ونسًبر مجاريها
رطنا رطنت الهندي وتعلمنا السواحليه=نسينا كل عادات العرب والكل ناسيها

[البكري]

سبرنا المجاري لهم وعدّ لنا الهابطيـه ### والماء على طوله بايمشي يتبع سواقيها
بانمشي على عاداتننا ذيك العاده لوليه ### نسلك طريق اجدادنا وكل عاده بانحاكيها


البكري

[سبع الليل]

قال سبع الليل باشوف المواقع مظلمه=ظلم من بعده ظلام
والسماء قدام عيني ياجماعه مقتمه=وين عراف الكلام
وينكم ياهل الزوامل عاد حد باكلمه=لامتى وانتو نيام
لكن البكري يسلمنا وانا باسلمه=بايرجع لي السلام
وين طالب وين عبدالله رجال المقدمه=وين بونمر الهمام
والمجًمل صاحب الافكار ذي بانفهمه=بايريضها تمام

[البكري]

يالسبع بارد السلام باختمه ### مليون سلام في ســـلام
والتقدم علينا لك والمعلمـه ### لك معزّه عندنا واحترام
وبوهارون معانا له اسهمه ### القانون يعرفه والنظـام
والعاقل واجب علينا نخدمه ### وكل واحد و لــه مقـــام


البكري

[مجمل]

مافصح هاجسي يالخوان ملقي تمتمه = ماعرف ينطق تمام
راح بوطالب حسن يالله سالك ترحمه = راح ذي يبناء الكلام
تجعل الجنه حلاله يامهيمن تكرمــــه = تكرم الناس الكرام
واجعل البركه بوراضي عساني معدمه =له معزه واحترام

[البكري]

كأس المنــايا ياعــرب كلنـــا بانطعمـــه ### الطفل والشيبه والغـلام
المولى لي حكــم عا حســن وذاحكمــــه ### نافذعلينا يابن الكـــرام
ذا عــزانــا لبوراضـي واهلــه وقومـــــه ### نعمك الرجال الحشــام
نسأل المولى يرفع درجتــه ويمــحو اثمه ### ويدخله الجنـه بســلام
عسى يصبرّهم ويعطيهم من الاجراعظمه ### ويدوم الاخاء والوئام


البكري

[عامر باتيس]

بوركتوا ياشباب الى الامام

[البكري]

بوركتوا ياشباب الى الامام

ياعامر معي هاجس لاضوى حرمنامن رقادي
بات طول ليلي بالمغاني ماتهنى شــي رقـــاد
ما باليد حيله ولا رد المقدّر وتحقيق المرادي
والامر له وحده عسى يبلغنا منا نا والمــراد


البكري

[عامر باتيس]

انا حنيت يالبكري لرضي واهل بلادي=يكفي من بعد وفراق انا مليت من هذه البلاد
ويحسبون الناس اني مثلهم الامر عادي= مادرو انه بقلبي نار وصرصر قوم عاد

[البكري]

عسى ياعامر نسير معاك عالسوى والقادي
والزين يحــب الزيـن ويسير معــه وينقــــاد
صبر علي ياخي بغيتك معي زادي ومزنادي
ولا بايقــرح بندقــه لي ماطرح يده عالزنــاد


البكري

[سبع الليل]

انت قيض حدك وانا بقبض حدادي=ماشي معي غير السكاكين الحداد
باقرب القرطاس عندي والمدادي=وانت ذهن تنسى الدفاتر والمداد
باقول للبكري تقبض بالشداد=مجمل وعامر من الرجاجيل الشداد
وصبر على الضوله وعامن باينادي=لا كثرت الاصوات راس الحيدناد

[البكري]

نعمك من مدحتهم اهل ذاك الـوادي ### ارض الجعيدي ونعمان ياخيـره من واد
هم سنح لي وبالقيهم عادنـا رفـادي ### كل واحـد مايكتفـي بقومـه يلقيلــه رفـاد
مابايهمنا كلام الشواني وحسّــــادي ### وكل بـاب باينفتــح عــاده عليـه حسّــاد
عالقفزان لعبوا وعا فقعة الزربـادي ### والماء من الحوض بايفذ اذا ماله رباد


البكري

[عامر باتيس]

قولو لسبع الليل با منك خبر= صدق المقاله من صفاتك والخصال
عن حضرموت الي شوقني النضر = في اهلها ساعه اطفال ورجال
وبناها العالي دي مبني مدر=دي يشرح الخاطر لا قد ضاق حال
هي عادها غبرا ولا سيل سر= خضر اراضيها وكل مسيال سال

[ابوهارون]

يهل الزوامل يا جزيلين العجـــــــــــــــر ## طول المراحل با تقربها الجمـــــــــال

ســـود الليــالي با ينورها القمـــــــــــر ## والفجر با يظهر ولآ بدأ ليل طـــــــال

[سبع الليل]

قولوا لعامر جبتها من كل بر=ياغالي القيمه ويازين الفعال
القول قولك وانت بداع الفكر=وحنا معك نمشي بحكمه واعتدال
وللشيخ بوهارون في قلبي مقر=مشهود له بالجود نضربه مثال
وبكري كريم النفس مامنه ضرر=ما يعتكي يرمي بسهم والنبال
الله يحفظكم ويبعد كل شر=من نظرت الحٌساد وخباث العمال

[البكري]

ياهل البصيره شي معاكم بصر ### العـم عـم ماحـد ينـدعيبــه خال
والاهل ياناس مامنهــم مفــــر ### ما حد تبراء من اهله والعيال
والفجر قــد بان ونــوره سفــــر ### عدت البكــره وساهن للزوال
والليل بايضوي وبايطول السمر ### وتـتـجدد الايــام عا كل حـــال



البكري

[عامر باتيس]

خايف على السكر ياكله القعر=شو ذا قعر يسري ماله شي حلال
ونحنا نضنه نوب يجنى عا الثمر=يطرح عسل صافي وهو قعرور فال
ان كان شي مقلوب فيهم قد ضهر=ياخير من خبر بمطلاع الهلال
يوم قد مد شفناه في بندر عمر = بتصوم له سيئون لما باعلال

[طالب النعماني]

شكرا لكم على تواصلكم ياشباب

[ابوهارون]

يا سامعين الصوت يكفي من سمــــر ## شو عاد نـــي مشــطون من أم العيــــال

لي راحو المقناص ماجا بو ظفــــــر ## ميجيب قشــــعه من ولف زين الظـــــلال

من لي في الخرطوم خذ حذ رك حذ ر ## ما يقتل الا من تربا على القتـــــــــال

[البكري]

ذا قادتنا مالنا منهم شي مفــر ### نشتكي لمول الملك عسى يغير الحال
بانصبر والصبر واجب عالقدر ### والامــــر لـــه وحده لي له الكمــــال
ام العيال لقحت ماعليها خطــر ### حذرك شفــها شغلتهـم قـــال قــــــال


البكري

[عامر باتيس]

دي يحفض القران وايات السور=يرد ورا الامام لابانت زلال
والثاني يسكت ويسمح لة النضر=و يرجع ورا يصلي في صف العيال
ماقد سمعنا ثور قالوقد هدر= او بدا صرخت دجاجة مع الزوال

[طالب النعماني]

احسنتوا بارك الله فيكم

[البكري]

لي مايشوف الشارقه قالوا عــور ### ومحال يعرف شي طـريق امحــال
وعيوب العود مايعرفونه الا النجر ### وكل عود في الصنعه ولـه مجـال
والواقع لي نعيشه مامنه شي مفر ### الاالنعامه تدس راسهافي الرمال


البكري

[عامر باتيس]

حياك الله يابو راضي
ونقول اهلا وسهلا فيك

[طالب النعماني]

شكرا لك اخي عامر
واشكرك على ابداعاتك الجميله وتميزك الدايم
الى الامام

[سبع الليل]

انستنا يالعزيز الغالي ياطالب والله يعلم اننا مشتاقين
لك جم جم جــــــــــــــــــــــــــــــــم
عذر معك ياخوي الله يعطيك العافيه
ورحمة الله على الوالد رحمه واسعه
ويسكنه فسيح جناته أنشــــــــــــــــــــــــاءالله
___________________________________________

ذي ما عرف يقراء يدقق للصور=ويشوف بعيونه الحقيقه والخيال
لا حد يقول ان المعاتن والستر=باتصلب الهامل وبتعز الجبال
ماليوم قدها الا معاتنا سفر=ورجالنا ماهم كما ذيك الرجال
مامنهم غير الكشافه واليضر=واللوم والتقصير في بعض الخصال

[البكري]

ذيك قدعبرت وربك لــي ستـر ### الستر ماتحمل اللاالقواسم والقبال
الحالي طعمه في لسانــي قــر ### صابتنا المراره من كثـر التحمــال
على ما صابناباتحمّد وبا شكـر ### الحمد والشكر واجــب عاكل حال
الوافي منّي ماشي عندي قصر ### من عطا نا مد نا با عطيه مكيـال


البكري

[سبع الليل]

وانعم ياالبكري نجومك في السمر=تزهاء على روس البواخر والدقال
انت استمر وحذف بذي هو في الكمر=ماحد مكمل غير لله الكمال
اما الذي هو بايناوط للقمر=قل له سكت خل القواره والبدال
الناس تتجابر وتبني ما اندثر=جبر الخواطر يعطي الشاعر مجال

[البكري]

الكمر مالمسته مكانه مصرور صر ### والميزان وافي شوكته في اعتـدال
دالا مـن راس البيـر بامليلك العبــر ### وباكيل بالوافي ماحـد مــعي كيّــــال
لي ما يعـرف للبير وسطـها طمــــر ### ولي يعرف لها ينزح بالدلي والحبال



البكري

[طالب النعماني]

حياكم الله ياشعار

[طالب النعماني]

غيروا الفصل

[عامر باتيس]

مني سلام الفين وماهل المطر=وما نست العليا من بعد الشمال
يامن لكم في العين يصحابي مقر=وخليت في قلبي لكم فسحه ومجال
من بعد ماكنتو تجيبون الصور= مثل الارت والنار ماغيره مثال
لاذا لمس لاخر سببتو شرر= انت يالبكري مع سبع الليال
واليوم ياصحابي ماشاف البصر =ذا مثلكم اخوان شفت وعيال خال
يالله عسى يديم المحبه في السمر= والود والاخلا ص مابين الرجال

[البكري]

يا عامر لا ضـوى الليل الصائم فطـــر ### وفي منى الحاج يرمي بعد وقت الزوال
ويطوف بالبـيـت في اي وقتن حضــــر ### لي ماعرف يسأل من يجـوّب عالسؤال
الطواف بالبيت ركـن للحاج والمعتمــر ### والسعي والحلق واجب به يتم التحـلال
وبايرجع لاهله في سعاده وذنبه اغتفر ### ومن ربّه منّـه تقبّل يدوم عاخيرلعمـال


البكري

[مجمل]

ذا فصل ياعامر سمع بيتين = انته وبن هاشم سمع فالحال
ماشي نعومه في بلاد الصين = ماتعرف الحرمه من الرجال
والصوت قاسي ما سمعت اللين = ماشي مناظر ذي تسر الحال

[سبع الليل]

في الصين قالوا لي لهم وجهين=وكيرانهم باتشبه النيبال
وديارهم ما هي حجر اوطين=ذالا سفر ومن فوقها طربال
من كثرهم بايوكلون الشين=لا عندهم مصراء ولا مكيال
مثل الرضه لي عالستر يشبين=يقضمن في لسهم وفي لقبال

[البكري]

بايغص من يوكل على شقّين ### قلــه تريــض وخـــــل الفـــــال
بالنقـداحســن لــك ولابالديـن ### خلك على الفوطه هي والشال
كذّاب من يعشق وله وجهيـن ### خــل المظاهر لي تغــر والمال
يالسبع ان كانك من الهجرين ### عاصنعــة المولى نشوفك زال
انته مكانـك في خيالي زيــــن ### عدّل كلا مـك لي سبـق ان طال
باتغلـط الرجــل بعــد العيـــــن ### واليـد تتبعهــم على الاهــــوال


البكري

[مبارك باكرموم]

سبحان من حكمه على الثقلين=والامر بيده والعطاء والمال

قادر يجمع بننا الاثنين=ويحقق المقصود لي عالبال

[طالب النعماني]

نرحب بالاخ الشاعر مبارك باكرموم
اهلا وسهلا بك اخي مبارك وفي انتظار جديدك مفيدك

[البكري]

يامبارك شرفت السقيفه والمحبين ### لي حطيت بينهم بعـد الترحال
الله بقــدرتـه يجمــع الضددّيــــــــن ### ويحب العبد لي يلح عالسؤال


البكري

[سبع الليل]

مافي كلامي يجرح البينين=ولا يحير صفوة العقال
بدخل بطيبة نفس من بابين=وقلبي مع كل البشر ميال
وان كان يالبكري كلامي شين=ماعذر ماتتعدل الاقوال
لي قسم في التركه ولك قسمين=ماشي زعل بين الولد والخال
انا من اجلك صافح اليدين=الصفو من طبعي وطول البال

[البكري]

كلامـك حكمـه وفيـه الليــن ### والغلط عنــدي عاكل حــال
الحكــم عنـدك حكـم حكميـن ### نقبل مايجي منك بلا تمطّال
صون العهد طبعي ولاباخين ### والخائن بانــزولبـــه زوال
وكــل راس وفيــه اذنيـــــــن ### ذي حكمــة الواحد المتعال


البكري

[عامر باتيس]

حيا بقوافي من بلاد الصين =من عند مجمل جات تسر الحال
سلام لك مليون وزيد الفين= رحله سعيد كثر التجوال
لاتحسب انك في وسط عارين =وتهاب من اشنابه طوال
ذلامعك نخره وسط عيينين= في الراس دي مثل التفال

[مايسه]

جميل ماخطته اناملكم وجادت به قرائحكم من اشعار رائعه وهادفه

[مبارك باكرموم]

ميزر معي بلجيك بومقصين=من صنعة الماضي صناعه عال

لانني عاشق واحب الزين=بازيد لك مصره على المكيال

[الصهدوود]

نشهد أن السقيفة بها مبدعين بل وأنجبت مبدعين

مشكورين جميعا

[طالب النعماني]

نرحب بعودة الاخت الغاليه مايسه
وعوده موفقه

[يسلم صالح بن عكعوك]

عساك تلحق يا عمر ثنتين=تندربهن لا صوطكم فالحال
الميد باتشرب على عتمين=واحد بسده عينة الشلال
وآخر يقع بابينهن لا بين=فعله حسايه لا ركب لسفال
من شان بتصاهر عيال الصين=ون حد قصر بالطوله طوال

[طالب النعماني]

ياعم يسلم مابعينا الصين=والهند مالباها ولا البنقال
من عندهم ماشي يجينا زين=هذه حكم قد قالها العقال
وانته طلع لصاط بايومين=حيث القبائل والكرم والمال

[مبارك باكرموم]

اسمحولي بفصل جديد


ياخصاره حوال الناس معاد تعجب=يجبرونك تقول الهرج لي مابغيته

يمدحونك اذا غلطان يبغوك تكذب=ويتركونك فعل في من تبي ماشتهيته

وان تكلمت بالقول الاديب المهذب=بايلوموك في الساحه على مابديته

كل مخلوق عاقل في زماني معذب=والمهوس رضي عايش بلي مارضيته

[البكري]

ياحيا باقوال مـن شاعــر مؤدّب ### قـدنا زمـن دور عليـه ماحصّليتـــه
اليوم جانا وعالهــدف يضــــرب ### باضرب حيث يضرب وان مافنّديته
هدفنـا كلنـا واحـــــد مافيــه غب ### ماحــد يلومــك غلـب عا ماحصيته
اليوم بفرز الصاحي من المعطّب ### لوحــدي نفرزه عادنـــا ما صفيتـه


البكري

[سبع الليل]

يامرحبا ببيات من شاعر مدًرب=من عند باكرموم بانضوي لبيته
يامكرم الضيفان يامبارك تزًهب=انت لها لا جاك بوصابر سقيته
ماليوم باكرموم قد جهز وقًرب=جبت الحقيقه كلها ماشي خفيته
لان المثل بيقول سال كلين مجًرب=لا تسال الجاهل ولا ذي ماهويته

[ابوهارون]

كلام يا با كرموم !! هذا الشعر والا بلاش ؟ مطلع للزامل وقول يخيّش بالرأس الله يبارك فيك .

[طالب النعماني]

احسنتوا ياشعار
كلام يصم الراس

[يسلم صالح بن عكعوك]

غيرت القافيه:

قال بوصالح الهاجس ضواني وسلم=قلت له مرحبابك عد ماطر وشاره
قالي بنشدك وين البعير المفدم=في زمن لولي كسر علوب الصداره
قلتله مادري والله شاهد ويعلم=يمكن إنه طرش به صاحبه للتجاره
او جرب فيه با يطلاه في غار مظلم= با يدفيه من برد الشتا والحراره
قالي شفه بارك في المراغه محطم=المرض فيه والغربان توكل فقاره
كان بازل جمل صمصوم يهدر وينهم=والمنيبه تهابه شارده من دماره
راح صاحبه ذي رباه في حي مدرم=سار خلاه ما بين الاسد والنماره
من فزع صاحبه مسكين دبر وسلم=يوم رشنت وليله صار يشبه نهاره
ما يبا الشر با كلكا مع بن مسلم=ترك الحصن ذي مبني رجع للزباره
عادلي مثل سابق عهده الي تقدم=قال بطلت في شل السلب والشطاره

[البكري]

يابوصالح لاتنام لا نمت باتحلم ### واصل الليـل كلـه لابغيـت البشـاره
لا تقول ناشيبه والعمر بي تقدّم ### شفنا نشوفك شباب تصلح للاماره
الثور لاعطيته كلام للكلام يلقــم ### والصقــر يفهــم منّـــك بالاشـــاره
صاحبه لقـى غلطـه عليها تنـدّم ### غلطــه كبيــره لوحــده قرر قـراره
ماحسب حساب المبنى لا تهــدّم ### حسب مبناه قـوي ومحــال انهياره


البكري

[يسلم صالح بن عكعوك]

مرحبا مرحبا البكري بصوته تنهم=كلمة الصدق يعلنها براس المناره
احسن القول ذي مازون يقرى ويفهم=ونت ارسلتلي نظمك بحسب الشطاره
مشكله وش مع لعور تمسك بلعجم=راح يأشر بيده مايشوف الإشاره
ون بقينا على المنوال ماظن لسلم=من غلطنا جنينا الفايده والخساره

[سبع الليل]

الف حيا وسهلا بالذي هو تكلم=جاب لخبار من بطن الجبل والمغاره
من كلامك انا ياصاحبي باتعلم=يشهد الله بان العلم غزرت بحاره
ماشربنا من الكاسات غيرالمسمم=والذي هو على بالك نباء له شراره
صاحبك ما عرفنا له مطارح مهيم=سيب المال العوران وباع السفاره

[البكري]

العوران عوران مامنهم شي مغنم ### مايمشون ياصاحبي قط غير بالسياره
حد يحفر بيدّه وحد منهم للحفريردم ### مخلين خلــق الله من افعالهـم حيـاره
ماحد منهم بالمواطــن يلطف ويرحم ### غير فكرهــم كله فـــي فكــر التجاره
بغو الحضرمي يخضع يقع لهم مردم ### وهم فوقـه عمــدوا علــى كـل قــاره


البكري

[طالب النعماني]

غيرت القافيه:

قال بوصالح الهاجس ضواني وسلم=قلت له مرحبابك عد ماطر وشاره
قالي بنشدك وين البعير المفدم=في زمن لولي كسر علوب الصداره
قلتله مادري والله شاهد ويعلم=يمكن إنه طرش به صاحبه للتجاره
او جرب فيه با يطلاه في غار مظلم= با يدفيه من برد الشتا والحراره
قالي شفه بارك في المراغه محطم=المرض فيه والغربان توكل فقاره
كان بازل جمل صمصوم يهدر وينهم=والمنيبه تهابه شارده من دماره
راح صاحبه ذي رباه في حي مدرم=سار خلاه ما بين الاسد والنماره
من فزع صاحبه مسكين دبر وسلم=يوم رشنت وليله صار يشبه نهاره
ما يبا الشر با كلكا مع بن مسلم=ترك الحصن ذي مبني رجع للزباره
عادلي مثل سابق عهده الي تقدم=قال بطلت في شل السلب والشطاره



قل ليسلم هرج بصدق لو بتكلم=وانت عاقل ولاتحتاج همز الاشاره
بعد ماراح بن سالم وصلنا مسلم=ذي تفلت وضيع لي جحاء من حماره

[يسلم صالح بن عكعوك]

الف حيا وسهلا بالذي هو تكلم=جاب لخبار من بطن الجبل والمغاره
من كلامك انا ياصاحبي باتعلم=يشهد الله بان العلم غزرت بحاره
ماشربنا من الكاسات غيرالمسمم=والذي هو على بالك نباء له شراره
صاحبك ما عرفنا له مطارح مهيم=سيب المال العوران وباع السفاره



مرحبا الفين سبع الليل صوبي تقدم=ليته إلا معي يندر لعين المداره
با نرممك يالحصن القديم المهدم=با نخليه سد الناس مثل العماره
أبن عمران قد فرط بعيسى ومريم=وانته اصبر على كثر الالم والخساره
كيف باعلمك وانت بدورك معلم=لك تفاسير واعلنها براس المناره

[يسلم صالح بن عكعوك]

قل ليسلم هرج بصدق لو بتكلم=وانت عاقل ولاتحتاج همز الاشاره
بعد ماراح بن سالم وصلنا مسلم=ذي تفلت وضيع لي جحاء من حماره


مرحبا قول من شاعر وجده منظم=مرحبابه عدد بارق وخصبة مطاره
هاجسي لي جبرني تحت داري مخيم=يمكن انه يبا يسلم يحط وسط ناره

[طالب النعماني]

مرحبا قول منه كل واحد تعلم=والوفاء والشجاعه دايما هي شعاره
يسلم الشهم ذي يسوى ثنعشر مقدم=مابداء يوم للسائل قفل باب داره

[يسلم صالح بن عكعوك]

مرحبا قول منه كل واحد تعلم=والوفاء والشجاعه دايما هي شعاره
يسلم الشهم ذي يسوى ثنعشر مقدم=مابداء يوم للسائل قفل باب داره


مرحبا بالقوافي ساقها الوعل لبرم=ولد باتيس قد جاء معتني من دياره
قده من زام جده بالجماله معمم=من يبا منه الزايد لحق له شراره
كاسبين الجرامل طول ليام تنهم=ونشدوا منهم ريما وشعب القراره
يوم دارت رحاها خلطو الدم بالدم=كل صمصوم جيد مايفوت ظماره

[سبع الليل]

بانسوق الخبر في شهر اول محرم=قل باتيس وبن عكعوك اهل المهاره
صبحوا ناس من وادي المغاريم تلقم=ماكفاهم ذهب ارض القثم والمعاره
شربهم من شراب البير بارد معقم=مايشربون من قاع البرك والقذاره
عاد شهرين وبايطلع على الحيد لعجم=وبايخلي العرب تلبس ملابس عياره

[يسلم صالح بن عكعوك]

بانسوق الخبر في شهر اول محرم=قل باتيس وبن عكعوك اهل المهاره
صبحوا ناس من وادي المغاريم تلقم=ماكفاهم ذهب ارض القثم والمعاره
شربهم من شراب البير بارد معقم=مايشربون من قاع البرك والقذاره
عاد شهرين وبايطلع على الحيد لعجم=وبايخلي العرب تلبس ملابس عياره


سبع والله علي اسمك سبع وانك منظم=قد وزنتك وذنك من عيال النماره
معرفك غير قولك كسر الحيد لصيم=بانرشحك بعد اليوم ريس لداره
ذا شهاده لكم من عند عكعوك يسلم=ليس مني جماله بس منك شطاره

[ابوهارون]

ناد رأســـــي وفي رأســـي حليله تـــزغـــّم ## مثل بحــر المكلاء لي يلا طـــم قشـــــــــاره

يفــرح الحــال لا قد شفت عـُـــرُ ضـــي منظــّــم ## فيه عـذ ب القوافي من عيال النمـــــاره

شعركم يطلق الســـــاني وبه ما تلعــثـــــم ## انتم اهل المعاني والرقي والحضـــــــــــــاره

يالزوامــل اذا تهتي غـــزي عــند يســـــــلم ## با يــقــــــد رش با يلقيـــــش في غـلب داره

[طالب النعماني]

العم يسلم بن عكعوك لقد احييت الزامل بمشركاتك الرائعه
نرجوا منك تغيير الفصل ومشاركاتك الدايمه

[سبع الليل]

فصل بابلغ لبن عكعوع من عندي سلام=لي يجيد القول والكلمه بكل اوزانها
عاد بوراض صليب الراس باعده امام=ماسك القبله الوسيعه كلها باركانها
بفصح الكلمه وبازر العمامه والحزام=ماعليٍ قاصر لحمدالله ربي زانها
كلكم عينين في وجهي تجيدون الكلام=قل لبوراض ويسلم بيدكم ميزانها

[طالب النعماني]

احسنت يالسبع
فصل رايع وينكم ياشباب

[البكري]

حيــا بسبــع الليل عد بانّك همام ### ونسيــت لخوان لي معــك في ميدانها
لكــن من جــودي بارد الســــلام ### وباسلم على اهـل السقيــفه وحلانها
نعمك يسلم وبو راضي هم علام ### مايخفون قال بكري اللاعلى عميانها
لهم تاريخ معروف مـدون بلقلام ### وكــل قبيله بوصالــح بايبيــن بيانـها


البكري

[سبع الليل]

سلام للبكري صليب الراس مصلوب القوام=من عند سبع الليل ذي يرعى حقوق اخونها
واجب علي باقوم لك حشمه وطاعه واحترام=منته شوي عند وصوفك شاهده بعيانها
ياالجيد يا ابن الجيد ياابن الاجاويد الكرام=ماتنتسي الاجواد ولا الاخيار طول ازمانها
نبغاء زياره ياطويل العمر للصفراء شبام=ارضي لها عندي معزه غاليه بثمانها
هذه تحياتي لكم ياذي الرجاجيل النشام=يااهل السقيفه ياقواسم سقفها وعمدانها

[البكري]

مرحيب بك يالسبع في ارضك عالدوام ### الناس في كــل ساعه تشتـاق لاوطانــــها
ومسقــط الراس له تناغــم وانسجـــام ### لاغبت يوم عن ارضي ماغمضت اجفانها
عمدت ارضي لاكـن ضاع مني الزمـام ### مــن قبـل كانـت لرض لي ونا سلطانــــها
نحكــم فيها بعـدل وبيـدي نفـذ الاحكـــام ### واليوم شوف الحق ضايع مابين اسنانها



البكري

[حسن بن قيران بن حيدره]

بدع وجواب كلام رايع والله يزيدكم

[طالب النعماني]

اهلا وسهلا بك اخي حسن وين المغوبه

[بوسعيد]

احسنت اخي ابو نمرواحسن اللة ايليك

[أبونمر]

احسنت اخي ابو نمرواحسن اللة ايليكjpdhjd
تحياتي لك اخي واشواقي الحاره
لايفوتك المدروف الحق هههههه

[طالب النعماني]

هتوا فصل جديد ياشباب

[الذيب النعماني]

اسمحو لي اخواني ان اشارك معكم لأول مره بهذه الزوامل على فصل جديد وشكرا لكم جميعا



ابديت بك يالله يالــــــــفرد الصـــــــــمد = ياذي خلـــــــــقت الكون وانشيت الوجود
ياواســـــع الــــقدره وحــــلال الــــعقد = تغــــــــفر لعبدك في ركوعه والســـــجود
الــــذيـــــب ناصــــــرقال طرفي مارقد = ســـــــهران طـــــــول الليل والعالم رقود
من فــــــــــرقة الأوطان حالي في نكد = والدمـــــــــــع من لعيان يجري عالخدود
ذا فـــــــصل والثاني على القافي ورد = بالعــــــــــــطر والريحان مع عنبر وعود
بهديه للـــــــحلان ياكم مــــــــــن اسد = اهل السقـــــــــــــيفه ذي يذكــون الأسود
اعداد مايـــــــــــــبرق ومالراعد رعد = واعــــــــــداد مايمطر على روس الحيود
واعداد مالمــــــــــخلوق للباري سجد = ذي طـــــــــالب الغفران من بعد السجوداشكركم واسف جدا جدا على الأطاله...

[يسلم صالح بن عكعوك]

مرحبا بك ياالذيب النعماني في سقيفتنا الغاليه
وعسى ان تكون منزلا لأعمالك ومشاركاتك



نبغا دوا للعين لي فيها رمد=اتقول يمسي وسطها عشرين عود
حيا بقول الذيب لا عندي وفد=مرحيب بك مرحيب يا فهد الفهود
بتنشدك افيين حلال العقد=افيين هو قد سار مفتول الزنود
يا للأسف قالوا من الحلبه شرد=نكس وهو قد كان يطلع لك سنود
ماشي عسل لا كان ما يوجد زبد=وانت تشوف النوب فالمجنا يقود
ون كان شي محنك يشله بو حمد=وانت تسمر عالهبايب والبرود

[البكري]

ياحيا باقوال من شاعر تنفح بنــــد ### من عنـد ناصــرلي راسه لبلا ده ينـود
الله يعين كل من هو من بلاده بعــد ### مهما طـال الزمـــن الحي عاده يعــود
وبني آدم ربّه خلقه حياته في كبـــد ### مايهنا في حياته حتى يوسدفي اللحود
والعين لارمدت بوصيك عليها وهد ### لابــد ما ليلك كلــه تبيت فــي قهـــــود
بانشدك من حار دوب وقته ما بــرد ### حتى وان تركنــاه فــي مكان البـــرود
ويش من شي نقول قام وهو ماقعـد ### ونقول قـــد قام وهـو مع لي هم قعود


البكري

[طالب النعماني]

احسنتوا يابجنف وبن عكعوك

[عامر باتيس]

جيت بتسلى من بعد النكد= بسمر مع لصحاب وحبابي قعود
حصلت حد يصبي في المقعد وحد= يفتل على اشنابه والثاني ينود
واخر على التكيه متكرسع قعد= ومن قدهو نيم يوم حس بالبرود

[طالب النعماني]

احسنت ياعامر

[ابوهارون]

قدها مقاله كل من جـّد وجد ## يــا نســـل عوبث يا صــليبــــين العضــــود

يا لي لكم تاريخ شارق على البلد ## في القبوله خليتوا الشامخ ينـــــــــود

ما شفت حد لآ قامت الهدّه شـرد ## رأسي بكم مرفوع من زام الجــد ود

من كان سـيّركم تنـــعــّم وأستعـــد ## أمــّنتوا الخا ئف ووفيـتـــو العـهود

تشــهد شبام العاليه وأم الـــرقــد ## والبطح يشهد والســـوارح واليـــد ود

[طالب النعماني]

شكرا لك اخي ابوهارون على هذه الشاهده والتى تعنز بها

[البكري]

كان القبيلي يكرم من الى عنده وفد ### واليوم لقّوا فنادق وسيعه للوفود
ولقّوا مطـاعم كبيره عاراس المقــد ### راحـــوا لي كانـــوا قدّها والقدود
ويـن لي قد كـان يصــدق لاوعـــــــد ### مابقوا غيــر لي يخلفون الـوعود
والفظه اليــوم خلطــوها بالرشــــــد ### والتبرفي الاسواق غشوه اليهود



البكري

[بن عوبث]

احسنت يالبكري

[طالب النعماني]

وانته كمان يابن عوبث

[سفير الوادي]

شفني مكاني دائما نا مستعد=يابو محمد لي مضى مابا يعود
لابرق خلنا كن سحابك مارعد=أو هي سحابة صيف ماتلقي رعود

[سفير الوادي]

ذا فصل بذكر واحدا معبود=الله ربي خالق الاجناس
ياذي تحدى عادني موجود=بالله قابل كان شي في الرأس
حذرك تحاول تفتح المقلود=أبليس غرك جابلك وسواس
ادخل وشارك وافهم المقصود=ماشي مخفى عا عيون الناس

[العنجهي]

اولا احيي جميع الشعار في السقيفه
على فصلك با أجعلها اول مشاركه لي
اهلا وسهلا بالكبير العود***معروف دايم من خيار الناس
شف لك معزه مالها احدو***دمن سمح عندي ياصليب الراس
وقّف مكانك لاتقع عربود***انا تحدى من معه هواجاس
بدخل وبزمل والصفوف اعظود***والذي مفقم درسه دراس

[سفير الوادي]

شف بالمعزه والكرم والجود=داري تربع ركنها عا الساس
هاجسي جيد دائما في زود=ينثر لآلئ من ذهب وألماس
باتيس طالب والسبع موجود=وعكوك يسلم وأبن ال عطاس
شعار بذلوا لجلنا مجهود= خلوا السقيفه تاج فوق الراس

[البكري]

باقابل وباقابل وبافتح المقلود ### وباحذرك انته لاتقارب الســاس
واليوم اسهم الدار قدها تنـود ### والناس ماتستوي في الاحساس
وبانخليهم بيني وبينك شهــود ### وكل شي عنـــدي ولـــه مقيــاس
باقول بلساني مامعي لك عود ### ولا تقع قدامي كما جمــل باداس


البكري

[يسلم صالح بن عكعوك]

يامرحبا في الشاعر المحمود=قسم قوافية علينا خماس
هالشي دوا باينفع المارود=وانته مداوي من خيار الناس
مسكين شف شبل النمر مقيود=نابه تكسر هو ويا الخلاس
كل ماجراله شفه من مسعود=صلط عليه الوغد بانواس

[طالب النعماني]

نرحب بلاخ العنجهي
اهلا وسهلا به

[ابوهارون]

عـنـــدي في الأســــطبل كم من جــــــود ## أخيــــول ركـــــبوها بني العــبـــــــّـــــا س

يــــوم المعـــــارك يـنــقـلـــبن أيـســــود ## ويـحــــمســــن كــبد العـــداء حــمـــّـــــا س

[مجمل]

لاشك في هذا ولامنقود = جاب المشاكل كلها جساس
في ظهر صهره قد رما بالعود = وحال سالم قد مسا محتاس

[ابوهارون]

تركــة بني هاشم لهم كل زود ## ولهم محـــبّه خــــيرة الاجنــــــــــــــا س

وأبن الوزيــري في الكرم مشهــود ## والصــلح والاصـــلاح بين النـــا س

العوبثانـــي بســــيفه المجـــــرود ## الفيــــد جا بــــه من مدينة فــــأ س

الصيعري يحرس لنا لحـــــدود ## ونهد في الهـــدّه شد يد البــــــــــــأ س

وادي قضاعه كاسبين الجــــود ## لي فيـــه مــــرّه من زمن جــســــّـا س

واليافعـــي لي هو يزر لشد ود ## حكمه نفذ ملقي حرس وأجـــــــــر آس

وأمــّا الكثيري حبله المشد ود ## الحصن يشهد له دويل الســــــــــــا س

العــامـري رأسه غـلب ما يـنـود ## شرعه وفي أخماس في أســـــــدا س

والجابـــري ريت الزمــان ايعود ## بيقـــول نــــخ لا يا جـــمل با دآ س

والنوحـــي غيثه طلع ويقـــــــود ## والأحلكــــي صرفه ذهب والمـــــا س

وأمـّا الحمـــومي دائمــاً موجــود## ينقســـون القبــــــــوله نقـّــــــــــا س

وبن عوض قسمه معه بالـــــزود ## لا جيت با تــقا يســــه مــا يـنقــــا س

لي يطلعون ا لثــقــل في لســـــنـود ## نســــل العمـــودي يرفعون الــرأ س

وأهل الحراسه عآ زيـــارة هـــود ## هم يشعــــلون النا ر بالمـقبـــــــــا س

من رشخ غـيـبــر ظهرها جلمود ## بعض اللحا يا ريتها تــمتــــــــــا س

وأنتـه شرد يا من ربيت أشـرود ## قبص الذبر ميكون قبص الحــــــا س

تحجي عـلينا شامخة لحيـــــود ## والفســل يشبع نـــوح وتــنــهـّــــــا س

[طالب النعماني]

احسنتوا ياشباب

[طالب النعماني]

ذا فصل والثاني مراحل مبعده=واربع قضايا عاده وسط الدروج
وافينكم ياهل الجيوش المنجده=بغداد قد ضاعت على ايدات العلوج

[راس البركه]

مرحيب مرحيب

[يسلم صالح بن عكعوك]

بغداد قد راحت ويبغا مسعده=حتي ولا من دونها طرقات عوج
عاشق وعينه في العروس المسنده=قد مهرها موجود عنده فالخروج

[طالب النعماني]

هكذا يابن عكعوك
خلوكم على فصل العم يسلم

[مبارك بن عمرو]

سلام عالقاعده وصفوفهم متوحده
ذي هزو امريكا بتفجير البروج
والحرب في بغداد شفها مبعده
يحمونها اهل المطارح والشروج

[طالب النعماني]

اهلا وسهلا بك اخي بن عمرو
وفي انتظار ابداعاتك

[مبارك بن عمرو]

مشكور يا استاذنا القدير ونرجو منك ان تمتعنا بالشعر الرايع

[سلمان الفارسي]

هذه القصيده من
انت يحب كـل نفـر

انت ما يشـوف انـا

انا في يمـوت قهـر
انت لـو ينسـى انـا
انا في يبكـي مطـر
انـت مايكلـم انــا
انا في مسكيـن نفـر
انت في نـوم كتيـر
انا في واجد سهر </T
شاعر هندي

[عبد العزيز بن كده]

يااخوان اسعد الله اوقاتكم
(خدمه اخويه)
مقطع فديو لشرح حضرمي من سيوون والا من شبام 0(مزمار)

[طالب النعماني]

ان شالله تجد طلبك الغالي

[يسلم صالح بن عكعوك]

أسمحولي بتغيير القافيه:::


بعض العرب ليته مفدم=يلقون في خشمه فدامه
أتلوع نفسك لا تكلم=غشيم ما يفسر كلامه
با علمه وان ماتعلم=با حط في جمبه علامه
شف بعضهم حتى تنعم=شغله كما شغل النعامه

[اميرالعاشقين]

ياهل الزوامل رحبو باهل الكرم...... رحبو برشاش بو شبة جديد
وارفعو صوت الدان فوق القمم......سمعو اهل حبرة صوت الاجاويد
قولولبوراضي الرجل المحترم...... حنا تحت الطلب ان كانة يريد
دان يادان يبعد عني كل هم......ومقابلة الشاعر ماهي كما البريد
بن مـــــــــــاضي {{{{{{{{امــــــــ العاشقين ــــير}}}}}}
حبرة ::مسقط راسي

[سفير الوادي]

مولى الضمير الحي يندم=لازل يشعر بالندامه
أما الذي يعرف ويفهم=يحتاط لايصبح فهامه
قد قالها العم يسلم=لي هو على سدره وسامه
شف بعضهم مهما تعمعم=ماتصلب الراس العمامه

[طالب النعماني]

يامرحبا حيا المقدم=في كل محل تثبت قدامه
مابتعذر لاشفت يسلم=سلم علي بقيل سلامه
هذا السنه قالو تهمم=بايحل في وادي تهامه
والعم يسلم لاتكلم=ماعذر مايوفي كلامه

[البكري]

ياطالب مانتــه ملـــــوم ### ولا باتجيك منّي ملامــه
شفــت الفسل بيننا خيـم ### ماليــوم شعّقنا خيامـــه
هو يضرب علينا بلسهم ### ونحــن صدّينــا سهامه
والشبامي للوضع يحزم ### عالسقيفه شدد حزامه


البكري

[طالب النعماني]

شكرا لك يالبكري
انته موهوب رغم وقوف البعض ضدك

[عامر باتيس]

الله في خلقه تحكم =وكلا رضي بقدره وحكامه
وان حد على الثاني تزعم = باننتقد هذه الزعامه
رمموا الحصن المهدم= يثر على الناس اهتدامه
من زلزلو حيده تقسم= من بايرجع له قسامه

[طالب النعماني]

غيروا الفصل ياشباب

[يسلم صالح بن عكعوك]

جابولنا قسام يقسم عالغوا=يبغاله الزايد وانا قسمي هوين
لاكان بو راظي نظر هذا سوا=بصبر على الباطل وربعي صابرين
لانه مثقـف قد قري في لم ترا=وبعدها طبق رياض الصالحين
لسر الشاقي ولا تدفع شقا=على اللقل اعطيه لو نص الثمين

[البكري]

مابدا عاقل يقسّم الهوا ### ولا يقـدر يعيش بيــن المجانيـــن
المرض ربّك لقّالـه دوا ### ولا ضاع العقــل عسى الله يعين
ماحد من الصحراارتـوا ### لي في الواحات عاشوا راوييـن
قولوا ليسلم فنك احتـوا ### جميع الوان الشعر لك شاهدين


البكري

[عامر باتيس]

يادي في العلي مبغيت الوطى= يامن سكن فوق النجوم الزاهرين
ما تشوف حلان المدينه والقرا= مابينهم قد قطبو الحبل المتين

[البكري]

ياعامر لاتشد الحبل لي لتوا ### شف عاده كل قاسي يليـن
ولي مانفعه الدهن شفه كوا ### الكي يفيد من يد العارفين


البكري

[عامر باتيس]

قصدي و مقصودي انا صفي الهوا= دي هو معكر من تراب الزاخيين
انتو سلى قلبي وانتو له دوا= وانتو كنان الراس واليد اليمين
طالب حسن معروف من زام الصبا=بالعز والناموس والطبع الحسين
والعم بن عكعوك سلطان الملا=جرو النمر معروف علىمر السنين
وانت يالبكري مامثلك مشا=تمشي بطريق الحق مع منهم ماشينن

[طالب النعماني]

كلام يصم الراس صم
بارك الله فيكم ياشباب

[مجمل]

يابخت من يمشي على درب الهدى =يرضي به الرحمن رب العالمين
وان حد قفا الشيطان في دربه مشى = مسكين بايخسر بها دنيا ودين

[يسلم صالح بن عكعوك]

مقبوص من ثعبان عاده مرتقا=السم من نابه طحن عظمي طحين
كله من المغرور مقطوع الرجا=جابه لساس الدار وحنا غافلين
والسم في يده ويدعيبه دوا=دكتورهم فاسد كماهم فاسدين
اعوي كما سرحان في شعبه عوا=العد غلق ماه والمورد فيين

[مجمل]

الله بايحفظك من هذا البلا = ربي يصونك من عيون الحاسدين
لاتحسب الحيه دحقها بالحذاء = واحذر من الهمان ذي هم سامين
والحاصل ان الوقت شو ماشي سواء = نحنا صبرنا عاخلوفة سالمين
حطوا معالمهم وبلحمر كواء = ماحسبو الحسبه طلعنا خاسرين

[الحاير]

ســـلام
طلعنا خاسرين


الحب لي مطحون عاده على الرحا = لتكيل بالمكيال والمصرى فيين


والهيج لي مربوط شف قالوا ماحنا = الخوف لاقد هاج بايقطعه لي في اليدين


لاميل ميجي يوم وباتصفى السماء = قالها المحضار سحاب الصيق مايمطرين


ياخيرها ايام عدت قد كان فيها السلا= تسمر بعندل وتسري تبيت فالعنين

[مجمل]

الحمد بيه مقاليد الهناء = ماحد مخلد فالبسيطه عابرين
لنسان يصبر عاقريبه والضناء = واحنا صبرنا عالجماعه لولين
وذلحين بالصبر على قوم الحداء = ذي نصهم طلعوا علينا مرتشين
لكن رب الكون يايلطف بناء =دعواتكم لله وانتم ساجدين

[مبارك بن عمرو]

باسين بسم الله فيه المبتدا$$$$ يغفر ذنوب الناس لاجو تايبين
والفي صلاتي على نور الهدى$$ محمد المرسول للناس اجمعين
وبعد بالبدا مع اصحاب السلى$$ واول كلامي ببتدي باقول سين
من منهم ياناس ذي ماجا سوا$$ سالم خطى عاخوه ولاسالمين
قولو لنا من شان نعرف خصمنا$$ من شان مانطحن على ذي هو عجين

[الحاير]

ســـــلام
ونتم ساجدين

بانحكم الساس وبانحكم عليه البناء = بالجحربابني بيتي مابابني بطين

وسقفه مسلح خير منعود السناء = والحمرعوده ماهوا كماعود الظبين

صبرنا في صبرنا ماسال وادي بناء = ولاسالت نجوم الخرف ولانجم البطين

والعبد يسعا لا بغى عيشت هناء = يسعا على رزقه وربك معه بايعين

[طالب النعماني]

شكرا لكم جميعا

[أبونمر]

شكرا للجميع
ودنا بفصل جديد 00000(بدع) وموضوع جديد يتنافس عليه الشعار
يكون حول احداث العالم الأسلامي الأسهم الأنتخابات اليمنيه شي يكون وسيع ويحتمل كثرة الشعار وهمتهم هنا والبعد عن الحساسيات الشخصيه لأن الشعر هنا مجرد تسليه وترويح للنفس
مجرد فكره ولكم الشكر جميعا

[طالب النعماني]

فكره رايعه يابونمر

[النحوي]

تحية للشاعرباتيس
وياليت يتحفنا بشئ من الاشعار القديمة حتى يعرف جيل الان كيف كان شعر اجدادهم

[الحاير]

سلام

كلام بونمر في محلة
وياريت ياطالب تبدي انتة لكونك شاعر ومشهود لك ونحنا متعلمين ونستفيد منكم

تحياتي

[أبونمر]

,والله ودنا بابوراضي يفصل ويشوف موضوع مناسب

[مجمل]

ذا فصل يالشعار كل واحد يجي =نبغاء السمر منظوم كلن من قداه
حد منكم ضدي وحد لازم معي = والراي كل واحد يسجل ذي يباه
اما انا شوني مع الريس علي = والصدق مانبغا لنا ريس سواه
لازم نصوت للزعيم الوحدوي = حكمه يمانيه من الله قد عطـــاه
*****

[أبونمر]

في ذي تقوله صدق نا ماقول شي=والبار والعمده تقع دايم علاه
ومع علي مادام بالشرع الوفي =يحكم ويعدل في صحابه والشناه
لايقول ذا حقي وهذاحق بني = ويحط كل حاجه علينا في شواه
وحنا عياله كلنابه نقتدي = وان قد دعانا صوت بانبت لاقداه
بانثبت الوحده وقدها من بطي =وحدة يمنا ثابته وحنا فداه
بالروح والدم كل واحد بيفدي =موطنه والريس علي حامي حماه

[مجمل]

الرمز يبقا رمز دايم معتلي =وحد يمنا شف علي حقق مناه
وان شي غلط قد سار منه لجودي = غلطه بسيطه ماتنزل مستواه
المرجله حبوته دايم محتبي =قاد اليمن للمجد ذي اسس بناه

[الحاير]

ياسلام عليك يامجمل

خير ماسويت


من الله قد عطاه

يامرحبى ببيات من شاعر رضي = ببيات منضومه ماحد يعقب وراه

والكلمه العيفه حاشاه منه ماتجي= طيب ولد طيب فيه الخير لي رباه

انا معك في ماتقوله بس في علي = والا البقيه هو منهم والله براه

نحنى نشجع الوحده وبهانعتلي =لا وحدة سرق كلن يخبي في خباه

الخير في ارض اليمن و به بنبني = ونشيد مصانع ونطلب من الله رضاه

لكن مادامها كذا سحابه ماتنجلي = له الله المسكين مابا يحصل دواه

[مبارك بن عمرو]

غبني على مجمل معد هو لولي@@@@@@@@لول معي واليوم غير لتجاه
دخل معاهم صار فيــــهم مقتدي@@@@@@@@لكنني مابتركه با خب وراه
لكننا باننصحه قدام ضياع الحذي@@@@@@@ وان مانتصح باروح ببحث عن دواه

[أبونمر]

ماحد خلق معصوم فينا اوبري = والآدمي ذي لاخطأ صحح خطاه
بانسير عادربه وبه بانعتني = وبيعنينا دوب ذي هو بيعناه
ومرادنا والقصد بس ان تبتني = ارض اليمن بإيد الذي يحسن بناه
لانقول ذا زيدي ولا ذا شافعي =ونميز الجوي على ذي في المشاه

[الحاير]

انت تبغانا نمشي على مايشتهي = زين ولا عيف المهم عندك رضاه

الضاهر انت منه كيسك يمتلي = وين الذهب لي يشلوه من تحت الحصاه

والابار لي من الوادي هومنه بري= الفيد متناصف الخوف لا نصبح عراه

محنك امام الناس وجهه رضي = الهام مايخوف والحنش دورلك عارقاه

[أبونمر]

.مثلك وخس منك انا كيسي خلي =الحمد له والشكر مانشكر سواه
الواحد الرحمن ذاهو معتلي =والقاع قاعه والسماء فوقك سماه
ولامعك قوه ولا بالحول لك يالآدمي =والذي تشوفه بايبت سدك سداه
خلك معي بالصدق والهرج القدي = لاتقول ذا طيب ولا هاذاك فاه

[طالب النعماني]

احسنتوا بارك الله فيكم

[مجمل]

ياوعل ياحاني قرونه مربعي = بعض العرب ربي في الدنيا بلاه
سر بالحول ياوعل ماباتحتجي = لاتندر المجرا يشوفوك الرعاه
انته لها ذي فالهوينه ماتجي = هرجك عسل صافي من اشذابه جناه

[عامر باتيس]

يامرحبا مليون مالبارق لمي=حيا بشعار السقيفه والولاه
اما انا شو عاد ذا راسي قوي=راسي غلب باسير في ثاني اتجاه
الخير وين الخير يالوجه الوفي= غير الضما والجوع كم واحد لباه
وين راح بترول المسيله ياعلي= ولا معك مخزون ماحد اشتراه
اسنين عدت عادني ماشفت شي= لاتقول سوى خور وساحه للمشاه
يمدي المدينه والحواري من حلي= لاقد تعنى وطلع دي في الخباه
سوالهم ابع شجر يوم بايجي= قالو علي قايد سخي ماحد كماه

[مجمل]

الصدق ياعامر علي شوفه بري = ان شي خلل هوفالجماعه ذي تلاه
انته نسيت الزام لغبر لولي = لاجاك ضيف الظهر تحنب في غداه

[الحاير]

هاذا كلام الصدق ماهو عكي = المشكله فيهم بهم الله بلاه

وهو ماهو عيف ولنقول ماهوردي = وعاد الجمل العن لقد نزل لهاه

الزمن لي قدراح كلن منه يشتكي = لا كن فيه الامن ومن سرق قطعو يداه

[طالب النعماني]

مرحيب مرحيب

[مبارك بن عمرو]

مجمل تبلاني وانا به مبتلي= يالله عسى تبعد بلانا من بلاه
شل الجليله شلها الفارس علي = والزير وينه ماسمعنا عن نباه
وين المهلل يومنا به نعتزي= روح وخلانا في الرمضاء وراه

[طالب النعماني]

احسنت يابن عمرو

[مجمل]

الزير يابن عمرو ظهره منحني =جساس ذي خلاه يمشي في خلاه
سالم خسر ربعه وضيع كل شي = يبغا عباد الله تمشي عاهواه
دايم هوي سالم ومن صغره هوي = لكن سالم حط يده في عشاه
اما الجليله تعشق الرجل القوي = ذي شلها رجال ذو منصب وجاه
واستانست بالزوج ذي دايم رضي =ذي هو يحافظ عافروضه والصلاه

[الحاير]

ذلا غدر طعنوك يالهيج المعتلي = من خلف لي طعنوه جوله من وراه

والشمس باتشرق والليل لازم ينجلي = وعاد فوق الناس رب عالي في سماه

اما الجليله تحب السلم وله تنتخي = تصلح بين هذا وهذا وسالم عا عماه

[مبارك بن عمرو]

كل مانهدم ياخوي عاده يبتني= والحصن شونا بانجدد في بناه
صاحبك يامجمل يحكم عالبري= وانته تقول انه محافظ عالصلاه
ولاتغرك مسبحه بيده ماهو شي تقي= لكن حسابه عالذي عالي ورافع في سماه

[طالب النعماني]

ماقصرتوا الله يحفظكم

[شبل الاصلاح]

كلام رائع وكل الشعار في هذا المنتدى يستحقون كل شكر وتقدير على هذه الجهود الرائعه
وجهود واضحه للاخ المشرف طالب باتيس الذي لم تمنعه الضروف من متابعة عمله كمشرف على هذا المنتدى الادبي
مشكور اخوي ابو راضي والى الامام
وبالتوفيق للجميع

[عامر باتيس]

حسن الجليله راح معدهو لولي= ايام ماكان المهلل في الحياه
والابتسامه منها ماتختفي= حرمه شريفه ماينجسها الشناه
ماليوم شفها يامجمل ترتجي=غصبوها عازوج واحد ماتباه
اكال سارط باع ذهبها والحلي= ثم كل ضحاها بعد ماجابت ضحاه

[أبونمر]

كلام والله كلام هكذا نقحو ياشباب

[مجمل]

يابونمر شارك معي ذلحين = شارك معي يامقصع العمدان
لازم في الزامل تشل قسمين = لانك تجيب اللول والمرجان

[أبونمر]

باقول لك حاضر معك ياهوين =ماباخلف من حومة الميدان
مابا فتح وحده وباغض عين =ضاري نجازي بالحسن احسان
والجود والمعروف عندي دين =نوفيه للصاحب نهار الشأن
ماهو سلف من عرقة اليدين =والفضل والرحمه من الرحمن

[مجمل]

من دار زينه ياصبي العين = كلام ذي موزون بالميزان
اباك جنبي بانروح الصين = بانشتري حاجات للدكان
ان عاد شي فرصه نبا يومين = محتاج في خبرتك يافنان
تعرف خيوط الغزل ذي هو زين = تلبس شياذر غاليه لثمان
ونا مولد ماعرف مسكين = خايف من اليسرى على ليمان
لعوام قد عدت علي عشرين = في ذالبلد ياشاعر الرميان

[مجمل]

لاحول لاقوه من اللي صار =صارت مصيبه ماتجي عالبال
السهم قالوا قدسقط وانهار=وضيع المكسب وراس المال
بعض العرب غامر وباع الدار=زود دلاله تطمع الدلال
حتى الذهب باعه وخاب الشار = والكابرس باعه مع الجوال
يحلم يبا يصبح من التجار =يبغا يبدل بعد حاله حال

[عامر باتيس]

احلام واماني عمت لفكار=وهذا زمن ياصاحبي محتال
من لا رضي بما جابته لقدار =يصبر على ماجابته لا مال
فيهم من بيكمل المشوار=ماهمه المليون اذا قد زال
وبعضهم مسكين ضوا محتار = ماقد توقع اوطرى عل البال
من بعد ماكان يمتلك دولار= امسا يفحس من عيونه مغال

[طالب النعماني]

غيروا الفصل يامبدعين

[مبارك بن عمرو]

قالو دخل ساهم مع التجار=قلنا لهم ماشي معانا مال
قالو البنك بايعطيك بالدولار=عدي تخلي الحال احسن حال
شريت اسهم شركات اعمار=وبعدها ضيعت راس المال
وامسيت وسط السجن فوق النار= ما ليله الا وعيني دمعها سيال

[طالب النعماني]

شكرا لك اخي الكريم بن عمرو
مشاركاتك الرائعه منورة الشاشه

[أبونمر]

هاتولنا زامل يامي بانتنهم عليه يارجال

[مجمل]

هذا فصله على بوراضي لااااااااااااااااااااااازم يفصل مشتاقين لكلامه
هكوووووووووووووووو

[طالب النعماني]

يامعشر الشعار وايش السالفه=ماحد يباء يفصل لبا قافي جديد
كل من فصل عالصوت مابا خالفه=باكلف الهاجس يريد او مايريد

[البكري]

شفنا الشعار عالقول متحالفه = بغوا بوراضي يفصل في القصيد
نعمك ابوراضي كلن والفه = الكيل بايكيله وبايعطيكم مزيد


البكري

[أبونمر]

في الوقت هذا من تحبه خالفه =لاقال هذا سعد قل لاذا سعيد
وبغا عناء واتعاب جم ومكالفه=وبغاك تتمسك بمسكه من حديد
وانظر لذي هي واصله ما الذالفه =معاد باتنتال ذي قدها بعيد
ومن البضائع لاتشل التالفه =تفرح بخصم البيع والسعر الزهيد

[البكري]

يابونمر لا شفتها عالمكاوي والفه = حسب حسابك عالسبع لاتزيد
وان كان شفتها من المكاوي حالفه = اكوها شفها من الكي تستفيد



البكري

[صدق المشاعر]

Hggsdfdff.lhggu Gff

[عامر باتيس]

عندي لكم ياهل الزوامل سالفه= بكتب حروفه لكم من عبر البريد
دول التعاون دي هي متكاتفه= قالو اليمن لازم نباه ينضم اكيد
هذا مطر ولا تبونه عاصفه= بغينا خبر من عندكم وافي سديد

[مجمل]

قنفان ياعامر تراها صافه =باتشرب الوديان والزايد يزيد
الخرف ياعامر سيوله جارفه =الله يستر عاخميلة بايزيد

[أبونمر]

سلام مني عالحيود النايفه =ذي فوقها الجهمي بيض مثل الجليد
قدره إلاهيه قعت متراصفه =وجمالها من صنعة المولى فريد





جرى التعديل

[مبارك بن عمرو]

كلام والله كلام هكذا وبس

[ابومنذر النعماني]

البنت يالاصحاب شوها خايفه = من الذي قد صار في العام الجديد
من خوفها خاوت عيال الطايفه = قالت ياهلا الفين والزايد يزيد
من بعد ماكانت ضدهم متحالفه = وبالنار تكويهم في الحر الشديد

[مبارك بن عمرو]

كلام والله بس ياريت تغيرون القافيه

[يسلم صالح بن عكعوك]

هتوا فصل جديد

[البكري]

ذا فصل والثاني عدّا زمانها = لي ماتعرف الجودات والامر السوي
معنى سباعيّه جداد اصبانها = لي هي من القرطاس والخيط القوي
تزهى للنظر وتسرك الوانها = عامحاسن للوان كلها تحتوي
معنى مطيّه عارفه كرعانها = كلن روى منها وهي ماترتوي

[فهمي احمد بن سلم]

با رحب با ابيات القصيد
بـن سلـم قـد فـاق ترحيبـة
بـا القريـب يرحـب والبعيـد
مـا تهمرةالمسافـات البعـيـدة
لاطـرح قولـة الهاجـس يزيـد
يا اهل المحبـة مـن بـا يزيـدة

[سبع الليل]

يقول سبع الليل باسلم على حلانها=اهل الشرف والقدروالناموس والشرع الوفي
جينا لكم بخبار من شبانها وشيبانها=من ارض كنده حيث ماالغزلان واللحم الطري
تعكلست بقعه ولا تمت على عدانها=الزين هو والعيف ياصاحبي عدبه منتهي
الناس ذي الايام باتكرش على كيرانها=من لي تشوفه ياعرب لكن لمن باتشتكي
معاد شي ظاهر خلاف ألأ الكبب وامتانها=خلعوا ملابسها وعريوها عيال المرتشي

[%عنابي محترم%]

يامرحبا بالسبع عد ماطر يجي حنانها=قولك دخل قلبي وقيد مرقدي

[البكري]

بارد لك سلام منّي و نيابة عـن سكانها = لان رد السلام واجب علينا ياخوي
ارض لحقاف زينه من الفتن ربي صانها = والا مر بيده هو في سماه القوي
الشجره اذا كبرت فرعت وطالت اغصانها = وجذورها سبحت في الارض ماتنطوي

[سبع الليل]

ماليوم قد قبضوا عيال الخمبري باذانها=واحد يبيع الارض والثاني بغاء بايشتري
اما المنيحه يارفيقي يابسه ضرعانها=تبركعت في القاع ركبوها الشقي والمفتري
وعيالها في حرحره ضاعوا وسط دخانها=بالقات مثنات المجالس عالمخده متكي
مثل البرابر والبقر تحقص بحد اسنانها=كلين بايمشي وبيده قات وثبانه خلي

[البكري]

وين ذي كانت تحط قد شربوا البانها = ايام كانت قاسيه ماليوم باليد تلتوي
كان كل شي باسمها والميدان ميدانها = والنيران ذي شعلتها هي بها تشتوي

[يسلم صالح بن عكعوك]

اهلا بعودتك يا سبع الليل والبكري


قدهم من اول ضيعوها يومهم هبلانها=من عهد با نواس في بغداد هو والبرمكي
يوم واجهت بالخير قاموا عقرو قعدانها=علي يقسم وزرها بين البيع والمشتري
كل يوم بين المطرقه راسه معى سندانها=من خان في ربعه سوا ان مات عندي او حيي
راحت على بحـّارها ولا درا ربانها=وصاحبه خلاه ما بين الظليعه والنحي

[البكري]

ماتبعت البدو لا راحت مع عربانها = عجّزت ماليوم ولعادهالحد تهتوي
ايام كانت كانهم بايسارها وايمانها = ضاعت قدها بين ال**** عليها تعوي

[مبارك بن عمرو]

البنت يالاخوان باعوها بقل اثمانها=صارت ضحيه بين بايعها وبين المشتري
والمشكله ذي ضيعوها اولاد اعمامها=في السجن محبوسه بجنب العسكري
عقد عليها ولد عمها لاجل اموالها=ماهو محبه لها ولاهو مهتوي

[البكري]

والعسل لي في جبوحها كلته قعرانها = لاحضري مننا يلتام ولا لوم عالبدوي
عسى ربك يجملّها وتشترك مع جيرانها= لان التعاون واجب بيننا وله باننوي

[سبع الليل]

اسمحوا لي بالفصل
________________________________________

حيابكم مابين طيات الرمال=في حضرموت الخير وسط رمالها
يالله بتحسين العلاقه والوصال=ماينتسي قط ذكرها ووصالها
ويخضر الوادي مع رؤس الجبال=وتزين وديان اليمن وجبالها
الخير فوق الخير يعطي راس مال=تكثر مواردها ورؤس اموالها

[البكري]

حيّا بكم وعسى يصلح كل حال = وارض اليمن تصلح تزين احوالها
ربط في ما بيننا منّكم عم وخال = والام محتاره مابين عمها وخالها
اجمعونا معاكم شوالوقت طال = عدلواالمقاييس اقصارها وطوالها
شواليمن مغنم كم فيها من رجال = تكفي لونقول راس مالها رجالها

[سبع الليل]

وان كانه الأ شغلهم قيلاُ وقال=خرطان سالم بن علي قد قالها
هاتوا خبر ثاني يريض كل بال=يرتاح حال الناس ويهدى بالها
يكفي من الدوخه ويكفي من جدال=كل ماطلع حاكم يزيد جدالها
الحكم ماهو للبزوره والعيال=ولا لقطاع الطرق وعيالها

[البكري]

مايعترف الخير اذا ما له دال = وكل بيعه تتم فوقها دلاّ لها
نحنا شطنّا وزرينا الحبال = ماحسبناانهم بايقطعون احبالها
ماهمنامن هوعايش في خيال = كل العرب عايشين في خيالها
عسى المولى يرجّع كل زال = اويعجل لها بوقت زوالها

[مبارك بن عمرو]

ما حضرموت اليوم تبكي عالرجال=وكل واحد قال وين ارجالها
ذي هم يزيعون الرواسي والجبال=ياكم مره زوعو بجبالها
يالبنت عقدش كذب ولاهو حلال=ماعاد عرفنا حرامها وحلالها
رجالش ال***** عاد له شي بدال=ولاقنعتي من كثر بدالها

[النحوي]

صــحت ا لســــــــــنتكم ياشــباب
ويعطيـــــــــــــــــــــكم الف الف عافيه
وننتظــــــــــــرمنــكم المزيـــــــــــــــــــــد

[عامر باتيس]

سلمتو ياشباب

[عامر باتيس]

ذافصل والثاني خبر عاجل =شفته في التلفاز خبر منقول
جساس بن مره قتل وائل=في ساحة الميدان صبح مزقول
يومه على العدوان والباطل= تقطر دما من سيفه المسلول

[مبارك بن عمرو]

وين المهلل مانصر وائل= معقول يستسلم لهم معقول
لكن الجليله عادها حامل=والجرو عاده ببطنها محمول
بايحرق الحابل مع النابل = مادام بيده سيفه المسلول

[عامر باتيس]

صرفت لكم شاهي وبرد في المعشره=ولا شفت حد داخل في الغرفه ضيوف
لي منتضر يومين وسط المحضره= غلقت دخاني وسابر عل القطوف

[البكري]

السمر لابوك مامعي له شي مقدره = والخاطر منكّد ماغمضن الدفوف
ثلاث قد عبرن ونطلب منك المعذره = لاتعجل عالخبر باتجيك الوصوف

[بن عسيم]

سلام شي مثني وشي مردوف
مني لكم يااهل السقيفة
يااهل الوفاءوالطيب والمعروف
وقلوبكم دايم نظيفة
واخص اناطالب ذراء الملهوف
ياريتناكل يوم ضيفة
ولها تكملة ان شاءاللة

[يسلم صالح بن عكعوك]

يامرحبا ترحيب باهل الهوبره=ذي يطرحون الشكل من فوق الحروف
ذي يعصرون الدهن وسط المعصره=بجمال تهدر مابها ريبه وخوف

[مبارك بن عمرو]

الليل ماالهاجس ضوى بالمجمره=مزه من التمباك ذي ماله وصوف
جاني وانا ياناس مابا مسمره=غصبا وخلانا نصفق باالكفوف

[يسلم صالح بن عكعوك]

بن عمرو يتبدع وهو في منبره=مولى المضلع والجرامل والقصوف
تشهـد لـه القفله ويوم الهوبـره=ماحد خلـف نـدرو بدقـلات الصـروف

[فارس الباديه]

هاجس معي فالضيق مرحبه ولم==في ساعة الماجوب يتحدا العنيد
انا سلامي بلغه للاهل الشيم==للاهل اليمن يبلغ لجاري والبعيد
اهل الشروع الوافيه كمن وكم ==ياكم عاصي في اليمن باسه حديد
ذي وحدوها بعد ماكانت قسم == ذي لبسها العز باثوب لجديد

هذه الابيات المتواضعه اهدا الى كل يمني عامه والى الاخوه الشعار الكرام
في سقيفه الشبامي اخوكم مبارك بن زيد

[عامر باتيس]

حيا بكم ياشاربين المسكره= يهل الخناجر والجنابي والسيوف
في ساحة الميدان ليالي مغدره = لاقد هرا صاحب لزمتو بالوقوف


واشكر الاخ فارس الباديه
على هذه القصيده الرايعه
واتمنى له التوفيق والنجاح

[البكري]

لنا وقفات في الميدان ولنا مقدره = وكل من كذّب بعينه يشوف
وفرساننا فوق الخيول امشهّره = وسيطنا بالغ الى جاذب وحوف

[مبارك بن عمرو]

صناء وعلوجه حلها بن حيدره=ذي فاق وصفه على كل الوصوف
ذي ييبسون الريق وسط الحنجره= لاصاح صياحه تحصلهم وقوف
كم من قبيلي طعنو في منحره=بالعيلماني والجنابي والسيوف

[ابومنذر النعماني]

جبت القلم شوني وجبت المسطره = لاجل باحط النقط فوق الحروف
الحق يالاصحاب لازم نظهره = بانظهر المخفي من تحت الصروف
شعب اليمن يشكي كثر المسخره = اليوم قد شفته قارب عالنيوف
والسبب اشخاص ماهم مكثره = باعدهم باليد ماهم بالالوف
كلن جمر عالقرص وسط المجمره = وتقاسموا الاقراص مع لحم الخروف
والشعب مثل الذيب يرعى المصحره = لاشاف النمر يقنص بادر بالوقوف
لما متى الاوضاع في وطنا مدهوره = حان التلاحم قال شاعر في الصفوف
والعظم حان تجبيره فصوله مكسره = وحان وقت الميازر والقصوف
ياشعب اليمن كل من ظلمنا جرجره = وكل من مادرى بالعين لازم بايشوف

[فارس الباديه]

الجيد في الميدان كلن يذكره==حتى ولاهو خصم واجب لحترام
صدام واجب ياعرب بانصره== والمدعي الضالم يوجه لتهام
يهوين يابغداد سارت محشره==على مزاعم واهيه راحت عدام
والعار يبقا راعار هذه منكره== قالو رغد تاتي والسره والمدام

[فارس الباديه]

يامرحبا باحط كبودي براس المبخره==باطيب الشعار من بين الصفوف
ما هاجسي ا ليوم ماشي يعذره== لاقد برق بارق في القبله رفوف

[البكري]

مرحيب يالفارس عدبانك من اهل المخيره = ابديت بالزينه وبينت الخروف
اظهرت في قولك انك من اهل المقدره = وكلامك لي جبته بغيّه في القروف

[النحوي]

صحت ألسنتكم وسلمتوا يارجال

[ابو ذياب]

السلام عليكم

هذه ثاني مشاركه لي في لاملتقى عامه

هذا سلامي يا حلول المحضره = داخل عليكم بالبنادق والقصوف
وين المرحب ما سمعنا ميزره = ياهل البوادي والشناطيب النيوف
مشغول بالي في زمن قد حيره =وامسيت فكر واصتلي همي صنوف
ذري النماره يا عرب وش غيره = كيف النماره ترتضي عيشة خروف

[فارس الباديه]

=====================================
يامرحبا ترحيب نرجو المعذره==ياكاسب الجودات في الوقت الجحوف
عاد السما فيه النجوم الباهره==وباتشرق البيضا من بعد الكسوف

[الطامع]

سلام عا الشعار أهل المحضره * يا رافين الراس من فوق الكتوف
طالب مشرفنا واجب نذكره * من بعد ما فتح بوابه للضيوف
انتم لنا في كل ساحه مفخره * ذا شأنكم دام التلاحم في الصفوف
قد جيتكم عاني بيدي محبره * بكتب وبنخلي الهواجس تطوف

[alhemed]

بسم الله الرحمن الرحيم
صابر
بعيد العصر فوق الدرب قابلنا ******وأشر لي بغانا نفهم المعنى
اشارة منها قلبي مسى مدهوب
صابر قلبي المتعوب
من كثر المشقة دوب
بطرفة قال لي من حب لايتنا ****** يوحد الهوى والعاد يستثنى
ويبدل كل غالي في رضى المحبوب

[فارس الباديه]

ياذي رخيت الحبل لازم تقصره==واسمر على المدروف بايصحو النيام

[مبروك بن ماضي]

الـقـلـب كـن عــصار بــيـده يعـصره = من لي نشوفه من عْمال أهل الحرام
حطونا لنا جـيران سـؤ في الخاصره = قالوا لنا عـيـشوا معاهم في سـلام
إيـش العـمـل في ردعهم والمـبصره = نيران تتشقط في (البصره) (وشام)
لـبــنـان ماحـصـل مـناصـر يـنصره = لان العـرب مـن ما عـرفناهم نـيام
لاصاب ( ذا ) مكروه (لآخـر) يخـصره = ويقول ماسيبي 0 علي ماشي ملام!!!
حـتـى غــدت كل الايــــادي قـاصره = ولالها قــــدره عـلى جـرد الحسـام
وصارت دولــنا من عــداها محاصره = تـعـيـش عـصــر الـذل هـو الإنهـزام

[البكري]

لانكسر العظم لازم علينا نجبّره = ترجع كما كانت لا جبرت العظام
احوال العرب اليوم شوها محيره = الناس تتكلم وهم ماقدروا عالكلام

[النحوي]

سلمت وصح لسانك اخي بلقار
وهذا هو حال العرب والله المستعان

[أبونمر]

لو باتعتوتر ماتفيد العتوره =بانخسر اللعبه وبايروح الحزام
يوم البطوله في القناه مشفره =ماشي خلل في الديش عندي والنظام

[%عنابي محترم%]

لبنان تشكي ياعرب من ينكره=ماتت عيال الشعب وين الانتقام
لو كان سيدنا علي في منبره=مايسلمو الكفار عباد الصنام

[الشهاب الساطع]

عدى زمان العز وقت المفخرة *** مني لهم مليون واصل ياسلام
واليوم وقت الثوم هو والكزبرة** هذى برامجهم يغطيها العلام

[البكري]

لبنان شوها لليهودي مقبره = من دخلها يخرج حي منها حرام
والحبل لي طال لازم نقصره = شوفوه ان طال مايصلح زمام

[%عنابي محترم%]

عنتر تعنتر ماوراها عنتره =قد كان فالسابق صبي ولد الحرام
واليوم شله سيف يبغا مجزره=واحنا صقطنا من على ظهر السنام

[البكري]

الامور من المولى علينا مقدّره = ماتهمنا الدنيا عسى مسك الختام
وطريق المصطفى شوها ميسّره = هوالقدوه لنا هو خير الانام

[خليفه الصيعري]

يسلمووووووووووووووووووو
الله يعطيكم العااااااااااااااافيه
وب هذه الابيات تقريبا الماخوذه من الزوامل الحضرميه الرائعه ذات الطعم الخاص عندنا سوف نحافظ على تراثنا الحضرمي الجميل الاصيل فقط حبيت ان اسجل حضوري عندكم



خالص تحياتي تقبلوها
اخوكم
خليفه الصيعري

[الشهاب الساطع]

خائف على الفنجان لي بالمعشرة ** والصقر يدري فوقـــنا واقف يحوم
الهام لــــسود بايشل الجــــوهرة ** لي يقتـــــل العالم ولة عزواحنرام

[الشهاب الساطع]

سلا م للبكري بعزة واكثرة ** لي يعرف الحكمة ومقــاليد الـــــكلام
وابو نمر للضيق عندي مذخرة ** هذى الوسل بلقية على راسي وسام

[البكري]

الهيج لاجار علينا واجب نعقره = با يرغى مكانه ولا بايقوى عالقيام
والصقر لي يحوم فوقنا مانهمره = والهام ماهمنا بانزرقه بالسهام
ومن سلم علينا ياعرب بانشكره = وباادي الواجب وبارد السلام

[علي سالم البيض]

انا جديد بينكم وحبيت اني اشترك في منتداكم الرائع

فصل جديد

البيض واصلكم قدا داره عزم = وانتو لقوله رقم من فوق الرقوم
في يده المهره ورميان الحمم = والله ونعمك في رجاجيل الحموم
بايحرر المظلوم من ظلم الظلم = اصقور باتهجم حداها والرخوم
ياويلكم بالويل يبن الباكدم = من ولد بامزعب وجاره باسلوم

[البكري]

الحصن لي بنيناه عاده مانهدم = مايهدم الحصن من بيده قدوم
الطيرلا قطعوا جناحه دحق عالقدم = والهيج لا عقروه معد يقدر يقوم
الحي حي دام فيه يجري النسم = وبايعود لاداره وعزّه بايدوم
ما يلقط في القسمه من بيده قسم = ولا بايحصل قسم زايد عالقسوم

[الحضرمي 2003]

مشاركه ارتجاليه اجبرت عليها من شعر الاخ البيض

للأسف ضاعت الحسبه يوم اعتصم= سلم البقشه وخذ منها قسوم
الثعلب لبد في المرباه وللعبه فهم = تعشى بهم قبل ما يلهمونه لهوم
راحت ايام الذخيرة والعده والحمم = الرئيس قادم وبا يجي يوم العزوم

[علي سالم البيض]

استبشرو بالنصر يذياب الرهم=منهو تعنتر باتجي ريح السموم
باتجرفه والله بايذوق السقم=مادام عندي من يهزون الدقوم
واستبشرو بالوعل مفتول البرم= يرعى شعاب الطخم لاغربي بروم
ذلا وقع له صوب وقرونه سلم=لاصح من لصواب عاده بايقوم

[البكري]

ما يعود الطفل يرضع لانفطم = ولا يعود يحبي من بعد مايقوم
الوعل حسبوه في خلط الغنم = والشارقه ماتبين من بين الغيوم
من باع بالرخص مافاده الندم = عثر بالشور لي مايشاور الصروم
العور مايشوف وين حط القدم = قال نالي طلعت عاروس العروم

[الحضرمي 2003]

الكلب يعوي عندما زاد الالم = الذيب يفتك ويأكل ذي القسوم
مسكين صاحبنا عاده مافتهم = قل مقدارك يوم تخطيت العتوم
الذبر قد بعته ولفقت التهم = راجع المسيكن يحمل ذي الهموم
الشعب للثمن دافع ولكنه قسم = رجعتك صعبه باتقابل بالهجوم

[البكري]

يامولى عينات لكلامي فهم = الحضرمي شوفوه يفهم في العلوم
شباك الصيد ينصبونه في الخطم = ينصب في المسيال من يصيد البوم
الخو يحن عاخوه وعاابن العم = والسيل بايعبره من يشور يعوم
عسى المولى يجلي كل هم = وتصفى خواطرنا من جميع الهموم

[الحضرمي 2003]

يا البكري ما نقدر نجاريك لكن الحبيب البيض خلانا نخرج شوي عن الطريق.

[الحضرمي 2003]

كلامك زين ومرصع بالحكم = الحضرمي مقهور من بعض الخصوم
قسومنا ضاعت مع قسم الامم = سكت في ذاك الزمن وقع صمصوم
ضيعوا الصيد جمله في الخطم= قرح البنادق ضايعه في سطح الدكوم
وين المخوة وينهم اهل الذمم = اكلنا سموه معقول طرحوله سموم

[البكري]

يالحضرمي قبل ماتكوي علم = من لانفعه الكي بايبكي غموم
خذ لك نصيحه مني باربع كلم = استمع للنقد لك الفائده تدوم
حفظ لسانك وحفظ ماخط القلم = وبين الناس فعل الخير معدوم
لاتصدق ماقيل دون كيف(ن) وكم = قليل اليوم ذي مثل النجوم

[علي سالم البيض]

امسيت انا مضيوم من صوت الغنم = تنبح على سرحان مسكنه النجوم
سرحان لاقد جاع بايوكل لحم = لاقد نوا عالشر بيشن الهجوم

[البكري]

ماباتجيب الوعل هذاك الدهم = كمين رامي قد حنب بين الرزوم
شف للقناصه ناس تدحق عالسلم = لا جابها عامر ولا سالم سلوم
وانته تريض لاتقع مثل الغشم = شف للشبك طوعه وقدامه عروم
ما بانهم سرحان شف ذالا حلم = قبلك حيود الكار تطوي كل قوم
هاتو خبر ياناس في نبح الغنم = ولعاد باتكلم وبكره بانصوم
مابانشل الاكل لاذقته بقم = يقعد في البرمه وخلق الله نيوم

[علي سالم البيض]

مهما يطول القهر بصبر عالألم=من هو مثيلي ياضيومه بالضيوم
لازم يدور الدهر يرجم من رجم=لكن رجوم الغدر كسرتها عظوم
مبعد فقدت الياس من حيد النشم=حيد النشم ذي مايفكر بالخصوم
بالفكر باعـّود وبرموز القلم=استبشروبي يامجلين الهموم
باطور العمران ببني منهدم=بالجهد والاجهاد ماهو بالحلوم
صاروخ نصر الله من كتفي نهم=بايعقر البكري وبايكسح سلوم