مجلس الدان الحضرمي [الأرشيف] - الصفحة 26

محمد سعيد بن مخاشن

06-21-2010, 05:05 PM

سلامي قال بو صالح على شعّار نشميّه=لهم أقوال موزونه تفرّح خاطر المحزون
سعيد المشجري هو والوزيري يا العصاميّه=وجاء عيبون معكم با يفنـّـد كل ما تقولون
ولا ننسى العمودي شيخ له برهان ومْزيّه=ولا هو يغبط المطلق وعيسائي وبن شيهون
ونا ألاّ با سُـمُـر طارف لأني بوجه سفريّه=ولا تظنوا قدا تنزانيا خبّه قفا عبدون
مجرّد با نصل يثرب لنا ساعات مقضيّه=في الروضه وبا نعوّد قداكم حيث ما تكونون

مجرّد با نصل يثرب ..........

طلبتك يا إلهي تب على والديّ وعْـليّــه
طلبتك جنب قبر المصطفى ذي في الثرى مدفون

محمد في الثرى دفـْــنوه ... ويش إملوك طاغيّـه
ورؤساء كلـّـهم سرقان يا بليون هت بليون

وشعبك يا اليمن جايع مضت عشرين حوليّه
ولا شي في النفق شمعه تضاوي للذي يمشون

وعود الكذب يا عرقوب نقـّــص منـّــها إشويّه
وقل للشعب موتوا لنّ كل الناس بيموتون

مسرور

06-21-2010, 05:33 PM

سلب ملقي على كتفي قنص بااشعاب محجيه=وللغبشه معي شيذر سرح به حيث ماتسيرون
ولا ناضر هل الاحساء ولا مولى النعيريه=في العشقه وميز صفرها والماس والعرجون

أخي أبو صقر

عفوا

وللغبشه معك شيذر تسرح به حيث مايسيرون .

يطلق مسمى الشيذر في عدن على عباءة من صنف أو تصميم قديم شبه منقرض لا يزلن النسوة كبيرات السن يرتدينه حتى يومنا هذا .

هل هناك معنى آخر للشيذر ؟

سلام .

محمد سعيد بن مخاشن

06-21-2010, 05:34 PM

هلا بابيات من شاعر على العلّه يحط كيّه=ولا يمزح مثيل الناس لي بالنت يتسلون
صمد في معركه شرسه وصد غارات ذريه=وكان الله في عونه هزم جعجع وحارب عون
تمنيته بجنب الذيب يتكلّم بحريه=ويتنفس هوا منعش وفالغزلان يصطادون
مسابتهم ملانه والمخازن دوب محشيه=وحد بالكنش با يظرب وحد بالخارق المرشون

المعذرة معاد كمّـلت السمر البارح ودخلت اليوم ( عصرية الآثنين ) بعد الدوام .......
رحب مليون يا صقر الحباري والصّخيريّه
أنا منسيتكم والعذر منـّـك قال بن مخشون

قوالك تعجب السامع كما شعار ياميّه
ولكني غسلت القلب بالديتول والصابون

تباه الصدق يا صاحب ... عجزنا في السنافيّه
خدمهم حظي العاثر ... وساندهم كمن شارون

وولـْـد الذيب عندك با يفك إرموز جبريّه
وعادهم با يخِـتـْـنوا له ... ولا حد يختن المختون

جبـــــــــريّة = نسبة ً إلى علم الجبرة

ميراد باسودان

06-21-2010, 05:52 PM

مجرّد با نصل يثرب ..........

طلبتك يا إلهي تب على والديّ وعْـليّــه
طلبتك جنب قبر المصطفى ذي في الثرى مدفون

محمد في الثرى دفـْــنوه ... ويش إملوك طاغيّـه
ورؤساء كلـّـهم سرقان يا بليون هت بليون

وشعبك يا اليمن جايع مضت عشرين حوليّه
ولا شي في النفق شمعه تضاوي للذي يمشون

وعود الكذب يا عرقوب نقـّــص منـّــها إشويّه
وقل للشعب موتوا لنّ كل الناس بيموتون

رحب بالقول من شاعر يحط عالصوب والكيه=ويكوي عالبخص كيه يجي متقون
ولاشي وسط جوفه دوب يعلنها علانيه=ولابه خوف من مسعد ولابه خوف من سعدون
ومولى المصنعه منهار شلوها القديميه=مذمه دوم عا خصره وعالشيدر وعالصارون

الواقعي

06-24-2010, 12:19 AM

وين عشّاق السمر
وين محبي ابوطارق ربنا يرده سالم غانم (يااااااااااااااااارب)
السمرات ما تكتمل الا بصوت الدان

ابوشحوف

06-24-2010, 12:25 AM

وين عشّاق السمر
وين محبي ابوطارق ربنا يرده سالم غانم (يااااااااااااااااارب)
السمرات ما تكتمل الا بصوت الدان

صدقت والله

صوت سيبان

06-24-2010, 12:31 AM

وين عشّاق السمر
وين محبي ابوطارق ربنا يرده سالم غانم (يااااااااااااااااارب)
السمرات ما تكتمل الا بصوت الدان

حبيبنا الواقعي الظاهر بوطارق يعجبه اللون الداكن يقولون أنه مسافر لابلد أفريقي شي خبر عندك قل لي وبارسل له حد يجيبه فص ملح وذاب
المهم قمنا في المجلس وماشفنا منه تجاوب قلنا يمكن الرجال مايحب الغراب(الغراب ) أقصد الضيوف وليس ذاك الطير الأسود00 أسأل عنه ولوشي خبر قله يرجع لمجلسه
عيب يقفل في وجه الرجاجيل ولاتفهمني خطاء تقول بورايد يهمز ويغمز على أهل الوادي بأنهم لايحبوا الغراب(أي الضيوف)
لك التحيه والتقدير عزيزي الواقعي وأسأل ونا با أسأل والمفاهمه عند الأتفاق

الواقعي

06-24-2010, 12:40 AM

حبيبنا الواقعي الظاهر بوطارق يعجبه اللون الداكن يقولون أنه مسافر لابلد أفريقي شي خبر عندك قل لي وبارسل له حد يجيبه فص ملح وذاب
المهم قمنا في المجلس وماشفنا منه تجاوب قلنا يمكن الرجال مايحب الغراب(الغراب ) أقصد الضيوف وليس ذاك الطير الأسود00 أسأل عنه ولوشي خبر قله يرجع لمجلسه
عيب يقفل في وجه الرجاجيل ولاتفهمني خطاء تقول بورايد يهمز ويغمز على أهل الوادي بأنهم لايحبوا الغراب(أي الضيوف)
لك التحيه والتقدير عزيزي الواقعي وأسأل ونا با أسأل والمفاهمه عند الأتفاق

سوي دعاء صديق
وأخر خبر جاني من عنتر يقول انّه في ..... النعمه
ويا ويلنا ويا ويل عياله عليه لو صدقت الاخبار

صوت سيبان

06-24-2010, 01:05 AM

سوي دعاء صديق
وأخر خبر جاني من عنتر يقول انّه في ..... النعمه
ويا ويلنا ويا ويل عياله عليه لو صدقت الاخبار

سمر يالواقعي هتلي قليلك وأردفه بالجم = وكل كلمه تجي منك لها عندي ميت حسبان
يقولون الدوى حطوه يادكتور فوق السم=وهل تدري وتعلم أو كمانا دايماً غلطان
إذا تدري مصيبه ونك يادكتورماتعلم=مصيبه ثانيه أعمى وأيد دحقت العميان

الواقعي

06-24-2010, 01:30 AM

سمر يالواقعي هتلي قليلك وأردفه بالجم = وكل كلمه تجي منك لها عندي ميت حسبان
يقولون الدوى حطوه يادكتور فوق السم=وهل تدري وتعلم أو كمانا دايماً غلطان
إذا تدري مصيبه ونك يادكتورماتعلم=مصيبه ثانيه أعمى وأيد دحقت العميان

انا سلطتي ما وصلت لبحر الروم والقلزم=ولكن عارف ايش الوضع في بيشه وفي نجران
معي لصقه وفي شنطتي لوجاع الركب مرهم=وجاهل مهنة التجبير ياصاحبي فالعظمان

الفتى الرحال

06-24-2010, 03:21 AM

لامامعك دكتور فوق الجرح حط بلسم=بت ضل دوب لاياصاحبي خسران
مصيبه جاة من الصربي على المسلم=ولا خلو له حاله عيال الصرب و البلقان

صوت سيبان

06-24-2010, 12:31 PM

انا سلطتي ما وصلت لبحر الروم والقلزم=ولكن عارف ايش الوضع في بيشه وفي نجران
معي لصقه وفي شنطتي لوجاع الركب مرهم=وجاهل مهنة التجبير ياصاحبي فالعظمان

كلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااام

المكلا وبس

06-24-2010, 12:49 PM

كل ماصابنا من الحكام لي باعو الذمم= باعو الكرامه باعو شعوبهم بابخص ثمن
اسلامنا باقي غصب عنهم لاتشيل هم= كل ماتمادو تزداد قوتنا وتنزاح عنا المحن

ابوشحوف

06-24-2010, 01:23 PM

انا سلطتي ما وصلت لبحر الروم والقلزم=ولكن عارف ايش الوضع في بيشه وفي نجران
معي لصقه وفي شنطتي لوجاع الركب مرهم=وجاهل مهنة التجبير ياصاحبي فالعظمان

رحب ببات من شاعر طرحت الكي علمعلم = ولاانته من صحاب الزور والتظليل والبهتان
مثيل الغيث قولك فوق كمن شعب لادلهم = يرد اليابسه خضراء وتروى منه العضيان

المكلا وبس

06-24-2010, 02:17 PM

داء الملوك عندك تزداد اوجاعه ولألم= خل منك الكبره تقبل علاجك ودفع له ثمن
يابو شحوف شفتك طمرة طمره بالقدم=تخطيت كل المقالات كانك حرب عليها تشن

محمد سعيد بن مخاشن

06-24-2010, 02:20 PM

سمر يالواقعي هتلي قليلك وأردفه بالجم = وكل كلمه تجي منك لها عندي ميت حسبان
يقولون الدوى حطوه يادكتور فوق السم=وهل تدري وتعلم أو كمانا دايماً غلطان
إذا تدري مصيبه ونك يادكتورماتعلم=مصيبه ثانيه أعمى وأيد دحقت العميان

حسافه فاتني ذا الصوت ما ظنيت يا هيثم
بأنك بعد نص الليل با تنذخه صوت الدان

جميع الأمر كله مختلط ولعاد با نفهم
من الصادق ومن هو ذي يكوذب عا بني سيبان

وصار الطب تجاره كل مستوصف ولا يرحم
يزيحوا المويه البيضاء ولكن شفك مــ العميان

محمد سعيد بن مخاشن

06-24-2010, 02:29 PM

انا سلطتي ما وصلت لبحر الروم والقلزم=ولكن عارف ايش الوضع في بيشه وفي نجران
معي لصقه وفي شنطتي لوجاع الركب مرهم=وجاهل مهنة التجبير ياصاحبي فالعظمان

وجاهل مهنة التجبير ياصاحبي فالعظمان

خوالك يجبروا المكسور ... بن كوّر طبيب أفهم
وإنته لا بغيت العلم دوّر له وقع فهمان

ولكن المصيبه لا وقع مسعود كالأبكم
وقل لي كيف تتفاهم معا الصقعان والبكمان

صوت سيبان

06-24-2010, 08:45 PM

انا سلطتي ما وصلت لبحر الروم والقلزم=ولكن عارف ايش الوضع في بيشه وفي نجران
معي لصقه وفي شنطتي لوجاع الركب مرهم=وجاهل مهنة التجبير ياصاحبي فالعظمان

نته سلطتك عا شوال والقعده ومامحرم= وفبراير وأكتوبر لنا يامقصع العمدان
قبضني كل شي لاعاد تتغشمر وتتنقم=معي عيوه وبدره والعند والشامخه شمسان

المحتسب

06-24-2010, 09:53 PM

سلام الفين من عندي يصل لاعندكم ويعم = على ذا الصوت قد جينا سمعنا ضربكم حنان
ابا بيتين بنظمها وباغني وبترنم = كذا والا بلا ياناظمين الشعر والالحان
بغينا قايد الكفره على يدي هنا يسلم = كفا بس لاهنا حدك لعنه ابليس والشيطان

الواقعي

06-24-2010, 11:17 PM

نته سلطتك عا شوال والقعده ومامحرم= وفبراير وأكتوبر لنا يامقصع العمدان
قبضني كل شي لاعاد تتغشمر وتتنقم=معي عيوه وبدره والعند والشامخه شمسان

انا اشهد جيشكم جبّار فالميدان مايرحم=وفرقة صاعقه عندك جميع افرادها شجعان
وجو من عندكم عبّود في سعف البطل مدرم=يقودو ثورة التحرير من قمة جبل ردفان

محمد سعيد بن مخاشن

06-25-2010, 01:26 PM

محمد سعيد بن مخاشن

06-25-2010, 01:33 PM

فصــــل الجمعــــــــــــــــــة

سلامي قال بو صالح لبو رايد معا الشعّــار
جميعــا ما نفرّق بين خو وألاّ بن الأعمام

سعيد المشجري هت لي خبار الذ ّبْر هو والدار
معاين رحمة المولى تهل يا خوك هذا العام

ثنـــــــــــــــــــــــوى

نبا الإصلاح بالحسنى بلاشي معركة ذي قار
ونحنا يا سعيد اليوم نشبه دغش مـــ الأيتام

هلمّوا الحين يا الشعّار خلـّـوها علي سنجار
وجيبوا الواقعي لو هو شرد هانوي بالفتنام

وجيبوا الذيب خلاّ مجلسه مهجور فيه إغبار
ولو كانه معه عذره فهو مخلوق ما يلتام

ديناميت الجنوب

06-25-2010, 01:39 PM

فصــــل الجمعــــــــــــــــــة

سلامي قال بو صالح لبو رايد معا الشعّــار
جميعــا ما نفرّق بين خو وألاّ بن الأعمام

سعيد المشجري هت لي خبار الذ ّبْر هو والدار
معاين رحمة المولى تهل يا خوك هذا العام

رحب ببيات من شعار عدد ما دونعت لثمار=كلامه مثل صافي شهد ذي هو يبري الاسقام
لعاد تنشد على ذي هو سكن في حجر بن دغار=من اهل العرسمه مضلوم ياصاحبي مايلتام

عيبون

06-25-2010, 01:43 PM

فصــــل الجمعــــــــــــــــــة

سلامي قال بو صالح لبو رايد معا الشعّــار
جميعــا ما نفرّق بين خو وألاّ بن الأعمام

سعيد المشجري هت لي خبار الذ ّبْر هو والدار
معاين رحمة المولى تهل يا خوك هذا العام

هلا بالهرج من شاعر عدد ما حطّت الامطـار=وعد الرعد مابيّت يدمدم فوقنا دمـــــــــدام

هلا ملفاه بوصالح عدد ماقد خطا او ســــــــار=على شانك نجي نعبر تهايم او شبي بدقام

منين الصوت ذا سوى وسط كبدي كما الحفّار=وسط ارضي وودياني يخلينا ذكر ايـــــــام

انا والخل عامعيان نشرب من زلل مـــــدرار=غصيبه فرّقو ياخوك مابين الحزم وشــبام

ديناميت الجنوب

06-25-2010, 01:46 PM

ثنـــــــــــــــــــــــوى

نبا الإصلاح بالحسنى بلاشي معركة ذي قار
ونحنا يا سعيد اليوم نشبه دغش مـــ الأيتام

هلمّوا الحين يا الشعّار خلـّـوها علي سنجار
وجيبوا الواقعي لو هو شرد هانوي بالفتنام

وجيبوا الذيب خلاّ مجلسه مهجور فيه إغبار
ولو كانه معه عذره فهو مخلوق ما يلتام

على اصحابك نشد يالمخشني نقح بواب الدار=ونحن الله لنا ماحد نقح عادار بوهمام
ولاكن جيتكم لجل السلا يامكرمين الجار=وعاني عادها عالجوهره ذي هي براس الهام

عيبون

06-25-2010, 02:00 PM

ثنـــــــــــــــــــــــوى

نبا الإصلاح بالحسنى بلاشي معركة ذي قار
ونحنا يا سعيد اليوم نشبه دغش مـــ الأيتام

هلمّوا الحين يا الشعّار خلـّـوها علي سنجار
وجيبوا الواقعي لو هو شرد هانوي بالفتنام

وجيبوا الذيب خلاّ مجلسه مهجور فيه إغبار
ولو كانه معه عذره فهو مخلوق ما يلتام

سمانا تعتكر ياخوك ماشي صفو واستقـــــرار=يبات الذيب عاينهش في البقري معا لغـــــــــنام

ووعل الشعب ناخايف يصيبه الرصاص الحار=وقولوله تحذّر من رصاص الخصم شوفه سام

ديناميت الجنوب

06-25-2010, 02:07 PM

سمانا تعتكر ياخوك ماشي صفو واستقـــــرار=يبات الذيب عاينهش في البقري معا لغـــــــــنام

ووعل الشعب ناخايف يصيبه الرصاص الحار=وقولوله تحذّر من رصاص الخصم شوفه سام

تراذيب الخلا ياصاحبي عامد على لصبار=ولا سنحت له الفرصه دغر سرح خبر وعلام
وذلا مشكله فالعود ذي هو مزعج النجار=يبا حسبه دقيقه مايبا له عنف وتهنجام

عيبون

06-25-2010, 02:14 PM

تراذيب الخلا ياصاحبي عامد على لصبار=ولا سنحت له الفرصه دغر سرح خبر وعلام
وذلا مشكله فالعود ذي هو مزعج النجار=يبا حسبه دقيقه مايبا له عنف وتهنجام

في النجّار ماشي عيب زهدي العيب فلمنشار=برد حدّه ولاهو مثل ماقد كان قبل اعــوام

ولكن الامل باقي صبر باتسمع الاخبــــــــــار=وظني ذا هدو لي هو يجي قبل المهب وقتام

عيبون

06-25-2010, 02:16 PM

بانتغدى وراجعين

محمد سعيد بن مخاشن

06-25-2010, 02:21 PM

على اصحابك نشد يالمخشني نقح بواب الدار=ونحن الله لنا ماحد نقح عادار بوهمام
ولاكن جيتكم لجل السلا يامكرمين الجار=وعاني عادها عالجوهره ذي هي براس الهام

أفا يا الديناميت إللي لك القيمه معا المقدار
وإنته في فيافي الشعْـر وأشعابه كما الضرغام

قوالك ماكنه وإنته علمنا ذي عليه البار
دخل بي غبّة السبعين وإصّلني بلاد الشام

ديناميت الجنوب

06-25-2010, 02:23 PM

في النجّار ماشي عيب زهدي العيب فلمنشار=برد حدّه ولاهو مثل ماقد كان قبل اعــوام

ولكن الامل باقي صبر باتسمع الاخبــــــــــار=وذلّا ذا هدو لي هو يجي قبل المهب وقتام

اذا هذا كلامك صدق خذ مني ذهب قنطار=لاني منتضر قدلي زمن باشوف شهري تام
اذا شوع في القبله عصب يالسيد الهدار=حسب نحنا تركنا العاصمه وبقيق والدمام

محمد سعيد بن مخاشن

06-25-2010, 02:35 PM

هلا بالهرج من شاعر عدد ما حطّت الامطـار=وعد الرعد مابيّت يدمدم فوقنا دمـــــــــدام

هلا ملفاه بوصالح عدد ماقد خطا او ســــــــار=على شانك نجي نعبر تهايم او شبي بدقام

منين الصوت ذا سوى وسط كبدي كما الحفّار=وسط ارضي وودياني يخلينا ذكر ايـــــــام كيف حالك إن شاء الله دائما بخير ؟

انا والخل عامعيان نشرب من زلل مـــــدرار=غصيبه فرّقو ياخوك مابين الحزم وشــبام

أسرني قولك الساحر ويا عيبون يا السّـحّـار
معك هاروت والماروت في صحْوَك ولما تنام

تفضـّــل خل شوي للغير مــ الحكمه ومن لشعار
وظني إنـّــك إتربيت في نجران ديرة يام

نجــران ديرة يام = كناية عن إجادة قبيلة يام للشعر

ديناميت الجنوب

06-25-2010, 02:36 PM

أفا يا الديناميت إللي لك القيمه معا المقدار
وإنته في فيافي الشعْـر وأشعابه كما الضرغام

قوالك ماكنه وإنته علمنا ذي عليه البار
دخل بي غبّة السبعين وإصّلني بلاد الشام

انا الا مثل نقطه وسط بحرك ونته البحار=وربان السفينه والورق والحبر ولاقلام
ذا شفتو غلط مني بدر ياسيفنا البتار=نطقبه يازعيم المنتد ا وزع لنا لقسام

بن بريك

06-25-2010, 02:38 PM

حذر ياخوك من هام الوصر وطبعه الغدار = سريع الغدر مايرحم ويحكم دوب بالاعدام

وانا قدني على درب الخطر ماشي بلا سيار = عسى ربي يوفقني وعيد الحق للاعمام

عيبون

06-25-2010, 02:40 PM

اذا هذا كلامك صدق خذ مني ذهب قنطار=لاني منتضر قدلي زمن باشوف شهري تام
اذا شوع في القبله عصب يالسيد الهدار=حسب نحنا تركنا العاصمه وبقيق والدمام

انا ظني كذا لانه طرح ساسه على لقشــــــــار=موكّد بايطيح الحصن لا ماهو على صمّــــام

صبر برهه وباتنظر ركون الحصن وهي تنهار=وباترجع حصون البابلي لي عادير واحكــام

ولا قد طاح مبناهم يقع كل من سقط لاثـــــــار=وكل جيّد يشل نفسه وصلهم هيج بدون خطام

عيبون

06-25-2010, 02:54 PM

أسرني قولك الساحر ويا عيبون يا السّـحّـار
معك هاروت والماروت في صحْوَك ولما تنام

تفضـّــل خل شوي للغير مــ الحكمه ومن لشعار
وظني إنـّــك إتربيت في نجران ديرة يام

نجــران ديرة يام = كناية عن إجادة قبيلة يام للشعر

كلامك تاج عاراسي لقيته يارزين الشــــــار=وبروزته وحطيته بقلبي داخل الصمّــــــــــام

ونحن الا تلاميذك دخلنا بحرك الزغّـــــــــــار=يعين الله عالمواج عالشاطي تبات لطـــــــام

ولك صيتك في الوادي ولك شهره بحيد الكار=وعين الشمس تظهر ماتغطيها سحب وغيام

ولو تنشد على حالي تجرعنا العديد القــــــار=في الغربه ولكن نحمده لي للرزق قسّـــــــام

محمد سعيد بن مخاشن

06-25-2010, 03:10 PM

في النجّار ماشي عيب زهدي العيب فلمنشار=برد حدّه ولاهو مثل ماقد كان قبل اعــوام

ولكن الامل باقي صبر باتسمع الاخبــــــــــار=وظني ذا هدو لي هو يجي قبل المهب وقتام

وما المنشار بنـْــسنـّـه وبا تطرد خبثـْــه النار
خشب لو حِـمْـرْ با يقطعه لو تقبضه بالإبهام

وذلاّ ما نبا شي تكلفه عا ولـْـد بن نجّـار
وعند التاليه لا بد بنصحّـيـه كل من نام

تقبضه بالإبهام = المنشار حاد جدا لدرجة أنه يقطع وأنت ماسكه مسكة خفيفة.
ولـْـد بن نجـــار = آل نجّار فصيل من الشراشره وسيقومون بالواجب عند الضرورة.

عيبون

06-25-2010, 03:30 PM

وما المنشار بنـْــسنـّـه وبا تطرد خبثـْــه النار
خشب لو حِـمْـرْ با يقطعه لو تقبضه بالإبهام

وذلاّ ما نبا شي تكلفه عا ولـْـد بن نجّـار
وعند التاليه لا بد بنصحّـيـه كل من نام

تقبضه بالإبهام = المنشار حاد جدا لدرجة أنه يقطع وأنت ماسكه مسكة خفيفة.
ولـْـد بن نجـــار = آل نجّار فصيل من الشراشره وسيقومون بالواجب عند الضرورة.

يبا درجه على صخر النشم وبايلقي الابطار=ولكن ماظهر لي هو يسنّه يارجال احشـــام

بندق ماقتل ياخوك لاماله معاك اســـبـــــار=ولو كانه ملي مسبتك تحوز الصف ذي قدّام

عيبون

06-25-2010, 03:32 PM

والعفو منك ياعم محمد والله شاعر كبيرولا بانقدر عليك دمت بحفظ الباري خروج طاري

المستقل

06-25-2010, 11:17 PM

فصــــل الجمعــــــــــــــــــة

سلامي قال بو صالح لبو رايد معا الشعّــار
جميعــا ما نفرّق بين خو وألاّ بن الأعمام

سعيد المشجري هت لي خبار الذ ّبْر هو والدار
معاين رحمة المولى تهل يا خوك هذا العام

مؤكد كلنا اخوة حبايب كلهم اخيار=اسرة واحده قدنا هنا في واحة الاقلام
تعج بالمسك والعنبروريح الورد والازهار= تسرقلبك محاسنها وتبعث عندك الالهام

بن بريك

06-25-2010, 11:41 PM

يبا درجه على صخر النشم وبايلقي الابطار=ولكن ماظهر لي هو يسنّه يارجال احشـــام

بندق ماقتل ياخوك لاماله معاك اســـبـــــار=ولو كانه ملي مسبتك تحوز الصف ذي قدّام

زمنا انقلب والقرش صاير سيفه البتار = ومن لايملك القرش اندعس ماليوم بالاقدام

اذا تبغى تحارب هو المدفع والرشاش والاسبار = وهو تاج الشرف والعز ومصدر الاحكام

صوت سيبان

06-26-2010, 02:44 AM

الواقعي

06-26-2010, 08:56 PM

المستقل

06-26-2010, 10:35 PM

فسحنا ذالسنه ياسعيد فالساحل وفي صيده=وخايرنا في الهوري وفالشتري وفالشلمان
يمّر اسبوع والبحّار مردوده يقع عيده=وما الترناك والغوده تقع مردود للربّان

ذي في البحر با يصتاد اذا اتقن مصاييده=وذي في القاحلة مثلي فهو المحروم والضبحان
وشوف الواقعي يشكي وضحكني باناشيده= لانه عامد الخضراء بقربه مرتع الغزلان

النومسي

06-26-2010, 10:59 PM

فسحنا ذالسنه ياسعيد فالساحل وفي صيده=وخايرنا في الهوري وفالشتري وفالشلمان
يمّر اسبوع والبحّار مردوده يقع عيده=وما الترناك والغوده تقع مردود للربّان

عسى صاحبك يتجمل وتتحقق مقاصيده=وتبقى انته على باله وفي قلبه وف الوجدان
يروح عنك ميخوفك كل ساعه بتهديده=يلفق لك قضيه كذب بالتزوير والبهتان

بن بريك

06-26-2010, 11:18 PM

احب العيش في الوديان تركت العيش في جده = لها احساس عندي غير بقرب الاهل والخلان
رفيقي لاتواخذني وساعدني على الشده = سمحلي ياسعيد اليوم ترى العزه في الاوطان

بن بريك

06-26-2010, 11:41 PM

وجسمي قد نحل من كثر ماعانيت من بعده = وبلحق بالمحب ماليوم لو حافي في السيطان
وقلبي ماسلا لحظه خطامه صار في يده = كما فارس يدور مجد عند الحاكم السلطان

الفتى الرحال

06-27-2010, 12:32 AM

ونا مثلك نحل جسمي وحالي قد وصل حده=ولكن ذا السنه برحل على الوديان
وباترك انا الغربه وحبل الوصل بامده =ولا ضنيت بانرجع لذاك القهر والحرمان

المكلا وبس

06-27-2010, 12:37 PM

ونا مثلك نحل جسمي وحالي قد وصل حده=ولكن ذا السنه برحل على الوديان
وباترك انا الغربه وحبل الوصل بامده =ولا ضنيت بانرجع لذاك القهر والحرمان

[COLOR="Blue"]الفيافي مقحله من سنين ماعرفة الرحمه= في الصروم البدو والنشره لرحمة الله عادها في سهن
وانت با تترك بلاد العز لي لها حنه ورنه=ولاضنيت انك بالنهايه باتقطع الوصل باتسكن الوديان[/COLOR

عيبون

06-27-2010, 01:23 PM

يون القلب عاماضي عبر في الصوط والريده= وفي وادي قضاعه قال شاعر خيرت الوديان
عمر كايد وأنا زعلان من نصبه من كيده= مسوي لي عور شوفه يسوي مشيت العوران
ولا صلح لنا حاجه بمحجوره ولا بيده= مخرب كل شي في الشارقه والعاصمه جيزان
لان الواقعي يدعمه كيد الرجل من كيده= ومتفقين عاالشغله وعل المصرى وعل الميزان

هلا بالقول من شاعر يحب الشعر ويجيــده=وله صولات جم ماهي قليله داخل المـــــــيدان

وله عادات لا شاف العدو يدحره ويبــــــيده=وميزر فوق كتفه لاقـرح بايطحن العظمـــــــان

اذا قد شافك الهاجس طلق حرزه وفك قيده=بدون اشعور يدخلبي مواجك ياغبب سيــــــلان

وونين القلب عالوطان كما قمري وتغريده=وما حب الوطن يالمشجري يجري في الشريان

ولاقد جيت باتناسى ذكرت الشعب مع حيده=ولي فيه الضبا تشرب زلل من صافي المعيان

الفتى الرحال

06-27-2010, 02:09 PM

هلا بالقول من شاعر يحب الشعر ويجيــده=وله صولات جم ماهي قليله داخل المـــــــيدان

وله عادات لا شاف العدو يدحره ويبــــــيده=وميزر فوق كتفه لاقـرح بايطحن العظمـــــــان

اذا قد شافك الهاجس طلق حرزه وفك قيده=بدون اشعور يدخلبي مواجك ياغبب سيــــــلان

وونين القلب عالوطان كما قمري وتغريده=وما حب الوطن يالمشجري يجري في الشريان

ولاقد جيت باتناسى ذكرت الشعب مع حيده=ولي فيه الضبا تشرب زلل من صافي المعيان

كلاااام كلااااام
صحححح لسسسانك

عيبون

06-27-2010, 02:13 PM

كلاااام كلااااام
صحححح لسسسانك

صح بدنك اخوي الفتى الرحال ولا هان لك غالي

الفتى الرحال

06-27-2010, 02:16 PM

صح بدنك اخوي الفتى الرحال ولا هان لك غالي

جلست اردد الابيات واغني بها اكثر من عشرين مرره والله من اعجابي بها
وقليل والله شكرك على هذه الحاسه الشعريه والكلام الجزل

لك كل الود والتقدير

عيبون

06-27-2010, 02:21 PM

جلست اردد الابيات واغني بها اكثر من عشرين مرره والله من اعجابي بها
وقليل والله شكرك على هذه الحاسه الشعريه والكلام الجزل

لك كل الود والتقدير

تسلم ويعطيك العافيه كلك ذوق

احمدباعجره المشجري

06-27-2010, 03:07 PM

ومن تالي زمن عانيت لا مكسب ولا فيده =وكل شي محتفظ به ونهايه فعل ماضي كان
وجرحي مابراء بين الحنايا صعب تحديده =وكل اعضاءالجسد بعده عليها حضر وستبيان
ونا مابارضى من قال شورك ياالعوج سيده =مردّك لحتكم ونته ونا مابيننا الميزان

محمد سعيد بن مخاشن

06-27-2010, 10:52 PM

أحمد العمودي أبوفيصل

06-27-2010, 11:17 PM

أجل ما شي معانا غير كم عبره وتنهيده
وبا نصبر لأن الصبر هو تقوى وهو إحسان

وخل الذيب يفعل كل ما يعجبه ويريده
يبطل في الجمال الدوسريه ثـمْ يربّي ضان

رحب بابيات من شاعر يحب الشعر ويجيده = وهو شاعر يقول الشيخ له وزنه في الميزان
ضنيني قال أبوفيصل صبح يخلف مواعيده = ولادري كيف سويبه وهو ساكن في الوجدان

ابوشحوف

06-27-2010, 11:24 PM

رحب بابيات من شاعر يحب الشعر ويجيده = وهو شاعر يقول الشيخ له وزنه في الميزان
ضنيني قال أبوفيصل صبح يخلف مواعيده = ولادري كيف سويبه وهو ساكن في الوجدان

كلام كلام 00000000000

أحمد العمودي أبوفيصل

06-27-2010, 11:41 PM

اتسف الشطر الاول من البيت الاول مكرر من قصيدة الاخ عيبون ماشفته الا بعد مانزلت قصيدتي

محمد سعيد بن مخاشن

06-27-2010, 11:42 PM

رحب بابيات من شاعر يحب الشعر ويجيده = وهو شاعر يقول الشيخ له وزنه في الميزان
ضنيني قال أبوفيصل صبح يخلف مواعيده = ولادري كيف سويبه وهو ساكن في الوجدان

أظن الزين ذي ملقيك مثل إقلاده إبجيده
وجد غيرك حسن منـّـك ولا يلتام غصن البان

زقل ذيك القلاده ما بغى حبّك وتنكيده
لأن عمرك في الستين يا شايب معمّر حان

حـــــــان = حـــــــــــاني

أحمد العمودي أبوفيصل

06-28-2010, 12:03 AM

أظن الزين ذي ملقيك مثل إقلاده إبجيده
وجد غيرك حسن منـّـك ولا يلتام غصن البان

زقل ذيك القلاده ما بغى حبّك وتنكيده
لأن عمرك في الستين يا شايب معمّر حان

حـــــــان = حـــــــــــاني

وقلبي قال بوفيصل معه يامحمد اقليده = وفي يدي انا قلبه على كيفي مدى لزمان
ولا فكر يحب غير وقلبه كيف بيعيده = وهوملكي ونا ملكه محمد لاتقع غلطان

اابو صالح

06-28-2010, 04:38 PM

وقلبي قال بوفيصل معه يامحمد اقليده = وفي يدي انا قلبه على كيفي مدى لزمان
ولا فكر يحب غير وقلبه كيف بيعيده = وهوملكي ونا ملكه محمد لاتقع غلطان
كلام يابوفيصل كلام في الصميم
حي الله الصوفي والله

بن بريك

06-28-2010, 10:44 PM

وقلبي قال بوفيصل معه يامحمد اقليده = وفي يدي انا قلبه على كيفي مدى لزمان
ولا فكر يحب غير وقلبه كيف بيعيده = وهوملكي ونا ملكه محمد لاتقع غلطان

سمعت اقوال موزونه وخلي مد لي يده = وعاهدته على حبل الموده باحلف الايمان
ولا برضى بديله ياحمد لو طالت المده = تعال اليوم نتعاون على الشده في الاوطان

بن بريك

06-28-2010, 11:08 PM

تعبت اليوم يالصاحب وحالي قد وصل حده = وصرت اشتاق والله للسمر ذي صار من عيمان
ولا فارق خيالي يالمحب صوتك لنا مده = عسى ربي يجمع شملنا ويبعد الاحزان

بن بريك

06-28-2010, 11:12 PM

بسم الله الرحمن الرحيم
السلام عليكم ورحمه الله وبركاته
اتقدم بجزيل الشكر والعرفان للاخ العزيز بوصالح الشبامي والاخ عمر الذيب وكبار الشعراء
على اتاحت الفرصه لنا في الترويح عن مايدور في انفسنا عبر هذا المنتدى العزيز على قلوبنا
واتمنى لهم التوفيق والنجاح

أخيكم / بن بريك

بن بريك

06-28-2010, 11:58 PM

وبا شلك زياره لاشبام العز والعزه = ولا بنسى تريم العلم في قلبي لها وجدان
وبامر بك على سيؤن منها اليوم لي حزه = عسى خاطرك يهدى يالمحب ابريحة الاوطان

أحمد العمودي أبوفيصل

06-29-2010, 12:19 AM

سمعت اقوال موزونه وخلي مد لي يده = وعاهدته على حبل الموده باحلف الايمان
ولا برضى بديله ياحمد لو طالت المده = تعال اليوم نتعاون على الشده في الاوطان

ضنيني لابعد عني ولوطول علي بعده = تباني كيف عيش اليوم وخلي غايبن مابان

المكلا وبس

06-29-2010, 10:25 AM

نجوم السماء اقربلك وخلك نساه بعد عنه=كما هو نساك مع غيرك يالعاشق الولهان

المكلا وبس

06-29-2010, 11:06 AM

نحيى شاعر ومتمكن وصيته بالشعر ماحد تخطاه
كلام درريابو فيصل الغازي كلامك يأسر الوجدان
ولي اسرة قلبه بقيد الحب عليك وجب اليوم تقييده
نهنيك به ونت تهناله تديم العشره مامدى الازمان

أحمد العمودي أبوفيصل

06-29-2010, 01:42 PM

كلااااااااااااااااام يابوخالد تسلم بارد عليك في مابعد

بن بريك

06-29-2010, 11:41 PM

رحب بابيات من شاعر يحب الشعر ويجيده = وهو شاعر يقول الشيخ له وزنه في الميزان
ضنيني قال أبوفيصل صبح يخلف مواعيده = ولادري كيف سويبه وهو ساكن في الوجدان

سمر ياصاحبي واعرف دروس الحب وتجويده = وصبرك على المحب بالصبر تطفي نار بالوجدان
ومهما طال في بعده صبر بالصبر باتعيده = وذه حكمه اكيده من جربها ما صبح ندمان

أحمد العمودي أبوفيصل

07-01-2010, 12:36 AM

فصل جديده

صوت سيبان

07-01-2010, 04:44 AM

الصعائده وصلواااااااااااااااااااااااااا مساكم الله بالخير والعلوم الطيبه

ابوشحوف

07-01-2010, 07:10 AM

الصعائده وصلواااااااااااااااااااااااااا مساكم الله بالخير والعلوم الطيبه

هلا وغلا منور يابورايد

أحمد العمودي أبوفيصل

07-01-2010, 07:28 PM

الله يسامحك نحن صعايده

الواقعي

07-01-2010, 09:13 PM

حد من عشّاق السمر
حد من اهل الدان

محمد سعيد بن مخاشن

07-01-2010, 09:25 PM

حد من عشّاق السمر
حد من اهل الدان

نحن هنا الليله أما القابلة فزواج آل ثابت
بس الفصل عليك

محمد سعيد بن مخاشن

07-01-2010, 10:00 PM

نحن هنا الليله أما القابلة فزواج آل ثابت
بس الفصل عليك

فين وقـّـعت يا الواقعي؟؟؟

محمد سعيد بن مخاشن

07-01-2010, 11:57 PM

ابوشحوف

07-02-2010, 02:17 AM

بن بريك

07-02-2010, 11:54 AM

مادام ماحد فصل إليكم هذا الفصل

سلام ألفين يا شعار وين الحق دلـّـوني
معد شي صدق والقادي مسى منكوس

بلاد الهند في قبضة بشر نمرود فرعوني
ونص الشعب حد سارق وحد جاسوس

تصبحون علـــــــــــــى سرركم ما حد يتدحـرج

ولا خذها بقوة جات سهله من قدا اعواني = ولا هي دايمه مادام عاد الراس به ناموس
غريب الوقت هذا ماعرفنا الخصم والشاني = ومن هو منهم لا ياعرب ذي بيننا مدسوس

عيبون

07-02-2010, 02:38 PM

مادام ماحد فصل إليكم هذا الفصل

سلام ألفين يا شعار وين الحق دلـّـوني
معد شي صدق والقادي مسى منكوس

بلاد الهند في قبضة بشر نمرود فرعوني
ونص الشعب حد سارق وحد جاسوس

تصبحون علـــــــــــــى سرركم ما حد يتدحـرج

رحب بالمخشني قدرك لقيته داخــل اعيوني=وفي غرفة فوادي قد بطى محبـــوس

زمن عايب ومتقلّب خزا قد كسّر اقرونــــي=وجبح النوب في طرفه صبح مدبـوس

وقع للعايب الوافي في القسمه وانا الدوني=وروّح ساحل المهره ضحى قابوس

محمد سعيد بن مخاشن

07-02-2010, 03:30 PM

رحب بالمخشني قدرك لقيته داخــل اعيوني=وفي غرفة فوادي قد بطى محبـــوس

زمن عايب ومتقلّب خزا قد كسّر اقرونــــي=وجبح النوب في طرفه صبح مدبـوس

وقع للعايب الوافي في القسمه وانا الدوني=وروّح ساحل المهره ضحى قابوس

قوالك يا رفيقي زوّدت محقتي وشـْــطوني
ونا قدني من أوّل منكبد منهوس

ولكني نويت اليوم نهتم حيل بشـْــئوني
ورجّع ساحل المهره ولو بالفوس

عيبون

07-02-2010, 03:46 PM

قوالك يا رفيقي زوّدت محقتي وشـْــطوني
ونا قدني من أوّل منكبد منهوس

ولكني نويت اليوم نهتم حيل بشـْــئوني
ورجّع ساحل المهره ولو بالفوس

امل يالمخشني ماشي امل قد ضاعت احصونـــي=وروح حصن بن مانع وباكــــــردوس

ضحى راحت قدا المهتوف وياقهري وياغبونـــي=وقد شفت الجماعه ترّكو المخـــموس

نصارعها الرياح العاتيه ذي حطّمت خوني=وهم يمسو على المغنى وعالقمبوس

عيبون

07-02-2010, 04:05 PM

خروج للدوام العفو منكم

أحمد العمودي أبوفيصل

07-02-2010, 05:16 PM

قوالك يا رفيقي زوّدت محقتي وشـْــطوني
ونا قدني من أوّل منكبد منهوس

ولكني نويت اليوم نهتم حيل بشـْــئوني
ورجّع ساحل المهره ولو بالفوس

رحب بابيات من شاعر بها قد حرك اشجوني = وقلبي قد مسى يعزف كمى القنبوس
وذكرني عيال العم ليهم دوب يفدوني = وذكرني محمد شايبن مكلوس

ابوشحوف

07-02-2010, 07:20 PM

الواقعي

07-02-2010, 11:11 PM

صوت سيبان

07-03-2010, 08:25 AM

بدع يالهجس قيفانك وهن الشاعر الرايد = سعيد المشجري قد فاز وانته هن يامسرور
وشل الدرع والرايه وللشعار هو قايد = لانه شخص متواضع ولاعنده نفاق وزور
وانا لدعيت بيجيني يشل القسم بالزايد = وبيجيب الذهب والماس لي في كيسه المصرور
يحب الصدق ويقوله ولايوقف كذا محايد = وانا باقول له منصور يابن المشجري منصور

أنا مانا كما عبده ولازي راشد الماجد=ولا المحضارذي شيّد في العشقه فلل وأقصور
شويعر مبتدي خسران والمكسب مع الفايد=ولايكسب خلاف إلي في الشغله يلف ويدور
ومن عشق الغواني قد غسلت القلب باالتايد=معد شي للهوى رغبه ؟خلاف القدر والمحذور
ولاكن ماغبط بقشان والنهدي ولا العائد=يكفي ذي معي من زام باصره وبامجبور
هناء وجب التفسير لبعض ماورد هناء
1)عبده أختصرت أسم الفنان محمد عبده
2)الفائد: تاجر مصري عائش في بريطانياء صاحب متاجر هاردوز(أبنه كان على علاقه ب ديانا الليدي سبنسر) الذي قضت نحبها في حادث في فرنساء معا دودي الفايد
3)بقشان والنهدي راعي الصيدليات أعتقد أنهم معروفين لديكم ولكن وجب التنويه

صوت سيبان

07-03-2010, 08:35 AM

مميز دوب بورائد ولأصعب شارده صايد=في الزامل وفالمغني معه سلطه وله جمهور
جمل باداس يرقى بالثقل فالسهل والكايد=من المعنى بناء قلعه حصينه والجزاله سور

شهاده جات من شاعر بلا ناقص ولازايد= ولاشي مصلحه يهل السمر فالشاعر المغمور
خلاف الود والتقدير ؟ذي بارقه والراعد=يحن عاأرض فيها نكرهك يمساعد المامور

عيبون

07-03-2010, 01:35 PM

وانا قد جيت باهني وبابارك لبـــــــــورايد=بتعداد الجبال السود هي وترابها وصخــــور

عطوك التاج عاراسك معا الديباج وقلايد=دخلت الدار واسمك بايضل عابابها محفـــور

بلوغ العاليه مابايقع بالنوم على وسايــد=بغا مخلوق يسهرها ليالي والغباش ايثور

محمد سعيد بن مخاشن

07-03-2010, 04:34 PM

أنا مانا كما عبده ولازي راشد الماجد=ولا المحضارذي شيّد في العشقه فلل وأقصور
شويعر مبتدي خسران والمكسب مع الفايد=ولايكسب خلاف إلي في الشغله يلف ويدور
ومن عشق الغواني قد غسلت القلب باالتايد=معد شي للهوى رغبه ؟خلاف القدر والمحذور
ولاكن ماغبط بقشان والنهدي ولا العائد=يكفي ذي معي من زام باصره وبامجبور
هناء وجب التفسير لبعض ماورد هناء
1)عبده أختصرت أسم الفنان محمد عبده
2)الفائد: تاجر مصري عائش في بريطانياء صاحب متاجر هاردوز(أبنه كان على علاقه ب ديانا الليدي سبنسر) الذي قضت نحبها في حادث في فرنساء معا دودي الفايد
3)بقشان والنهدي راعي الصيدليات أعتقد أنهم معروفين لديكم ولكن وجب التنويه

ولاكن ماغبط بقشان والنهدي ولا العائد

ومن هو قد تولـّـع بالأدب بيعيش كالزاهد
ويا الله لو يرد قوته ولقمه تعبر الحنجور

وغيره تجري الدنيا قفا إثراته وهو راقد
شبيه الطبل فاضي كن صوته يجعلك مذعور

أحمد العمودي أبوفيصل

07-03-2010, 07:27 PM

كلام يابومخشن

الواقعي

07-04-2010, 10:07 PM

وين اهل السمر
حد موجود نبا فصل سمر الليله

خالد بن مهنا

07-04-2010, 10:49 PM

وين اهل السمر
حد موجود نبا فصل سمر الليله

هت الفصل ..والخط فصل:tongue: ولنحن عارفين نفصل على يات قافي:eek:

الواقعي

07-04-2010, 10:56 PM

براسك الفصل وانا والله مرهق من السفر ولاشي براسي
وبعدين بكره كل الخطوط تسبر

خالد بن مهنا

07-04-2010, 11:12 PM

براسك الفصل وانا والله مرهق من السفر ولاشي براسي
وبعدين بكره كل الخطوط تسبر

اوك..الحمد لله على السلامه.

السفر طال والدنياء تراها قصيره=غن بالصوت وانثر من جزيلات الا بيات
وانت شاعر ولك بصمات في كل ديره=وان نويت السفر تقطع بعيد المسافات
زاد شوق المهنا للشعاب الخضيره=والسكن والجبل ذي له في القلب حنّات
بانسافر وبنشوف الوجيه النويره=عندهم قلب حطيته بقسم الامانات

صوت سيبان

07-04-2010, 11:33 PM

اوك..الحمد لله على السلامه.

السفر طال والدنياء تراها قصيره=غن بالصوت وانثر من جزيلات الا بيات
وانت شاعر ولك بصمات في كل ديره=وان نويت السفر تقطع بعيد المسافات
زاد شوق المهنا للشعاب الخضيره=والسكن والجبل ذي له في القلب حنّات
بانسافر وبنشوف الوجيه النويره=عندهم قلب حطيته بقسم الامانات

كل شي زين وأحنا مشينا بالبصيره =بين عيبون ياخالد وبين القريات
شقعتي فتر شف ماهي ثنعشر مطيره =واكلي إلاّ عسل ماهو حلاوى وكتكات
ون طلعنا طلعنا في جبل بالبصيره = مالخربط ولا لرميبها حيث ماجات
وأطلب العفو من ربي وحب الستيره= يوم بيني وبين الموت ياناس هيهات

خالد بن مهنا

07-04-2010, 11:40 PM

كل شي زين وأحنا مشينا بالبصيره =بين عيبون ياخالد وبين القريات
شقعتي فتر شف ماهي ثنعشر مطيره =واكلي إلاّ عسل ماهو حلاوى وكتكات
ون طلعنا طلعنا في جبل بالبصيره = مالخربط ولا لرميبها حيث ماجات
وأطلب العفو من ربي وحب الستيره= يوم بيني وبين الموت ياناس هيهات

كلام يالمشجري ..لاانسى بدوري ان اهنيك..بالتميز..وعن جداره..وترى الفصل الاول امتلأ..وانت عاد ادرى..اسمروا والله كريم..

أحمد العمودي أبوفيصل

07-04-2010, 11:42 PM

بن احمد

07-04-2010, 11:46 PM

اوك..الحمد لله على السلامه.

السفر طال والدنياء تراها قصيره=غن بالصوت وانثر من جزيلات الا بيات
وانت شاعر ولك بصمات في كل ديره=وان نويت السفر تقطع بعيد المسافات
زاد شوق المهنا للشعاب الخضيره=والسكن والجبل ذي له في القلب حنّات
بانسافر وبنشوف الوجيه النويره=عندهم قلب حطيته بقسم الامانات

مرحبا هيج يشبي ف العقاب الشتيره=واسم خالد لمع في صفحة الشعر بالذات
انته استاذ وبيوتك قويه خطيره=مثل حرن يجمل صاحبه وقت هدات
يوم شفناك جينا كل ابونا قطيره=ونت تعرف لنا حل المواجيب عادات
ف المواقيف حنا اهل السيوف الشطيره=نحتميهاوما لعداء نخليهم اشتات

أحمد العمودي أبوفيصل

07-04-2010, 11:59 PM

أسم خالد لمع في وسط صفحه شهيره = يومه الا نشب في وسط طلعه ولفات
جابت اسمه في الموجز قناة الجزيره = قالوا الشيخ خالد بايدور فيتاتِ

بن احمد

07-05-2010, 12:26 AM

أسم خالد لمع في وسط صفحه شهيره = يومه الا نشب في وسط طلعه ولفات
جابت اسمه في الموجز قناة الجزيره = قالوا الشيخ خالد بايدور فيتاتِ
وش الفيتات يالغازي مجرد سوال

خالد بن مهنا

07-05-2010, 12:26 AM

أسم خالد لمع في وسط صفحه شهيره = يومه الا نشب في وسط طلعه ولفات
جابت اسمه في الموجز قناة الجزيره = قالوا الشيخ خالد بايدور فيتاتِ

شكرا على الاطراء يالشيخ..ممكن اخوي توضح لنا كلمة فيتات.. ايش معناها؟؟؟؟

خالد بن مهنا

07-05-2010, 12:28 AM

القلوب عند بعضها يابن احمد...!

المستقل

07-05-2010, 12:32 AM

ودي اسمر معاكم بس رجلي كسيّرة= خاف أكدر صفاكم واقلب الشرح ونات

اعذروني جميعاً يا لحشود الغفيرة= وانعموا في سمركم بالهنا ءوالمسرات

خالد بن مهنا

07-05-2010, 12:57 AM

وش الفيتات يالغازي مجرد سوال

ماجاني صبر يابو شيخ اتصلت عليه..وقال انه يقصد ..الفياتات ..جمع فيات ..سياره كبيره..تقول احد قاله اني ادور ابا فولفو شي على نظرك للبيع؟...:FRlol:

بن احمد

07-05-2010, 01:09 AM

ماجاني صبر يابو شيخ اتصلت عليه..وقال انه يقصد ..الفياتات ..جمع فيات ..سياره كبيره..تقول احد قاله اني ادور ابا فولفو شي على نظرك للبيع؟...:FRlol:
حليلة شيخ راسه كله سكن

أحمد العمودي أبوفيصل

07-05-2010, 01:27 AM

القصد يالخوان فياتات واسف على الخطا الاملائي ولو سالتوا بن مخاشن بيفتيكم والعفو منكم

أحمد العمودي أبوفيصل

07-05-2010, 01:29 AM

ودي اسمر معاكم بس رجلي كسيّرة= خاف أكدر صفاكم واقلب الشرح ونات

اعذروني جميعاً يا لحشود الغفيرة= وانعموا في سمركم بالهنا ءوالمسرات
يالمستقل انت ملح السمر وبدونك السمر لاطعم له وانا من المعجبين بشعرك

المستقل

07-05-2010, 03:14 AM

يالمستقل انت ملح السمر وبدونك السمر لاطعم له وانا من المعجبين بشعرك

كلك ذوق يابو عمود رعاك الله واحسن اليك على هذة الاسبرينه وقت اشتداد الألم في الراس..
وعجابك شهادة اعتز بها كثيراااااااااااااااااا الف الف شكر

عيبون

07-05-2010, 01:28 PM

اوك..الحمد لله على السلامه.

السفر طال والدنياء تراها قصيره=غن بالصوت وانثر من جزيلات الا بيات
وانت شاعر ولك بصمات في كل ديره=وان نويت السفر تقطع بعيد المسافات
زاد شوق المهنا للشعاب الخضيره=والسكن والجبل ذي له في القلب حنّات
بانسافر وبنشوف الوجيه النويره=عندهم قلب حطيته بقسم الامانات

الف حيا وسهلا ياجمال القطيره=ذي تصدّر ذهب صافي وخير العيارات

هيج باداس حليه جا يهف عالنصيره=شن وسط المعارك عاخصومه بغارات

يوم هرجك عجبني جيت خبه وسيره=من ذرا الجود حتمن دوب يجينيه جودات

يالمريري صواب الشوق شفها نفيره=مالحقنا مداوي للمرض والعلاجات

الدوا قال صالح شوف شعبي وديره=عشقها في فوادي قد بناله عمارات

رنين الوتر

07-05-2010, 01:34 PM

القصد يالخوان فياتات واسف على الخطا الاملائي ولو سالتوا بن مخاشن بيفتيكم والعفو منكمواشمعنى بن مخاشن

صوت سيبان

07-05-2010, 03:31 PM

واشمعنى بن مخاشن

لان بينهم ود ومزاح فكل واحد يعرف مايريده الأخر ويتوقع بما سيفعله هههههههههههههههه

أحمد العمودي أبوفيصل

07-06-2010, 12:36 AM

واشمعنى بن مخاشن
لانه خبير في كل شي

خالد بن مهنا

07-06-2010, 01:23 AM

لانه خبير في كل شي

ي:FRlol:..,,:FRlol:

محمد سعيد بن مخاشن

07-06-2010, 10:28 AM

واشمعنى بن مخاشن

لان بينهم ود ومزاح فكل واحد يعرف مايريده الأخر ويتوقع بما سيفعله هههههههههههههههه
( صوت سيبان )

لانه خبير في كل شي
( احمد العمودي ابو فيصل )

فصـــــــــــــــــــل جديـــــــــــــــــــــــــــــــــد

أنا شيخي هو القدوه هو العزوه هو الصاحب
وزيري أو عمودي ... كلـّــهم أعيان

في النقعه وفي الشعبه أنا في قربهم راغب
ويومه بعضهم غادر كما الدّهمان

الدّهمــــان = قبيلة دهــــم

ابو صقر..

07-06-2010, 11:42 AM

لان بينهم ود ومزاح فكل واحد يعرف مايريده الأخر ويتوقع بما سيفعله هههههههههههههههه
( صوت سيبان )

لانه خبير في كل شي
( احمد العمودي ابو فيصل )

فصـــــــــــــــــــل جديـــــــــــــــــــــــــــــــــد

أنا شيخي هو القدوه هو العزوه هو الصاحب
وزيري أو عمودي ... كلـّــهم أعيان

في النقعه وفي الشعبه أنا في قربهم راغب
ويومه بعضهم غادر كما الدّهمان

الدّهمــــان = قبيلة دهــــم

انا ماقول شي يالمخشني في الشاخ هو كاسب=من الجوده معه زايد بلانقصان
وعاقول السلف له اصل في لسواس كم ضارب=وتشهد له قبل من جملة العربان

ديناميت الجنوب

07-06-2010, 11:52 AM

لان بينهم ود ومزاح فكل واحد يعرف مايريده الأخر ويتوقع بما سيفعله هههههههههههههههه
( صوت سيبان )

لانه خبير في كل شي
( احمد العمودي ابو فيصل )

فصـــــــــــــــــــل جديـــــــــــــــــــــــــــــــــد

أنا شيخي هو القدوه هو العزوه هو الصاحب
وزيري أو عمودي ... كلـّــهم أعيان

في النقعه وفي الشعبه أنا في قربهم راغب
ويومه بعضهم غادر كما الدّهمان

الدّهمــــان = قبيلة دهــــم

نعم مرحيب بك يالذيب ذي فالغرق والحاجب=مراقب للفريسه ناوي الرعيان
تدور للغنم فوق القمم لاكن حذر حاسب=ترا هذ السنه ماهي كما عيمان

عيبون

07-06-2010, 01:23 PM

صباح الخير يالشعار جيناكم على الواجب=كلفني الضرب ذي هو قد مسى حنان

كلفت الهجس عالسيره وهو ماكان شي راغب=على عادتي ماباخلف على العدّان

دخلت البحر والامواج بالسنبوك تتلاعب=يعين الله عا موجة غبب سيلان

عيبون

07-06-2010, 01:44 PM

نبى لخبار من باداس شكله في العرق حانب=او جته الصوانك داخل العظمان

معي حسره في الخاطر على حصنه صبح خارب=وعالجدران صبحت تنعق الغربان

وبعد الصافيه نوبي يصبّح عالخمج شارب=تعكّر ماك لا ياقصبة المعيان

محمد سعيد بن مخاشن

07-06-2010, 03:27 PM

نعم مرحيب بك يالذيب ذي فالغرق والحاجب=مراقب للفريسه ناوي الرعيان
تدور للغنم فوق القمم لاكن حذر حاسب=ترا هذ السنه ماهي كما عيمان

أنا يا الديناميت اليوم شفت الجيد والكاذب
وسالم ما يسد خانه كما سلمان

على صاحبي شفني للأبد با ظل أنا عاتب
طلع خاين ونا حسبته من العتبان

محمد سعيد بن مخاشن

07-06-2010, 03:48 PM

انا ماقول شي يالمخشني في الشاخ هو كاسب=من الجوده معه زايد بلانقصان
وعاقول السلف له اصل في لسواس كم ضارب=وتشهد له قبل من جملة العربان

رحب بو صقر ذي جاني تقول ألاّ بغا راتب
وهو جاء عا الدّرك با يواسي الحزنان

وقل له شيخ يفرق عن شويّخ مبتذل خايب
يبدّل بالبصل تينه معا الرمان

بن بريك

07-07-2010, 02:26 AM

الا يالله يالمعبود ترحم عبدك الحابب = وتطرح له موده في قلوب أهل الوفاء والشأن
صغير السن مايرحم تكبر شافني ذايب = وخلا النار في قلبي كما جمر السمر رشان

ابو صقر..

07-07-2010, 11:14 AM

رحب بو صقر ذي جاني تقول ألاّ بغا راتب
وهو جاء عا الدّرك با يواسي الحزنان

وقل له شيخ يفرق عن شويّخ مبتذل خايب
يبدّل بالبصل تينه معا الرمان

محمد لا تسيء الظن ولا ريس ولا نائب=فقهلي وانتبه يالشاعر الغيان
مصالحنا تقع في الحل ذا وحده ولاسايب=يعكر شهدنا ذي من عسل جردان

ديناميت الجنوب

07-07-2010, 11:34 AM

ترا بعض العرب هرجه يجيب المغص والحالب=ولا له قابليه ولد بن شرمان
وخلك فالكنيسه رتب التوراه يالراهب=بطل سحرك على فرعون ياهامان

ابو صقر..

07-07-2010, 11:55 AM

ترا بعض العرب هرجه يجيب المغص والحالب=ولا له قابليه ولد بن شرمان
وخلك فالكنيسه رتب التوراه يالراهب=بطل سحرك على فرعون ياهامان

معك بالبدل الايجاب هذا اليوم بالسالب=ولاقبص الحنش يوقع كما الثعبان
ولكن حول الله قرب اعتادك وباقارب=وباتسمع خبر من ذيبي السرحان

بن بريك

07-07-2010, 08:45 PM

علي واجب أزور اليوم أهل العز والصاحب = نرد الدين ذي عندي لأهل الجود والاحسان
وهذا الوقت له نوبات ما تأمن له الجانب = جمال البدو ماتجفل ولا تفزع من السرقان
ولا شفت المطر وسمعت رعده بات له راقب = وطال الليل والمركب صبح يمشي بلا ربان

رنين الوتر

07-07-2010, 09:02 PM

بن بريك

07-07-2010, 11:24 PM

الشطر الثاني طويل حيل يابن بريك

سلمت أخوي رنين الوتر على ملاحظتك ومنك نستفيد
ولكن اخوي انت لو غنيت الابيات على لحن الدان والمزمار ما تلاقيها طويله بالعكس تنسجم معها اخر انسجام
بارك الله فيك ومشكور

بن بريك

07-08-2010, 12:20 AM

وليد الحضرمي وافي حشا ما ينقفل له باب = وانا قد جيت ابا سمره على صوت الوتر والدان
وذا صاحب معي حاضر بغيته يكتب المكتوب = وفي الشده تراني ياعمر حطك على الايمان

رنين الوتر

07-08-2010, 12:20 AM

اسف ياخواني ليس مكانها تسلمون

الواقعي

07-09-2010, 09:57 PM

الف حمد لله على السلامه يابوطارق
وبانتضار دخولك الى مجلسك

ابوشحوف

07-09-2010, 11:17 PM

ابوطارق وصل حمدا لله على سلامته شكرا يالواقعي على هذا الخبر السار

محمد سعيد بن مخاشن

07-10-2010, 12:19 AM

الف حمد لله على السلامه يابوطارق
وبانتضار دخولك الى مجلسك

با يشوف أهل الدار أول والوعد ألا بعد كم ليله!

أحمد العمودي أبوفيصل

07-10-2010, 12:31 AM

قايضوه بصميل يبغاله كم يوم يكمد

ابوشحوف

07-10-2010, 01:08 PM

قايضوه بصميل يبغاله كم يوم يكمد

هههههههههههههههه الله يلعن شيطانك ياشيخ

ديناميت الجنوب

07-11-2010, 10:17 AM

خرج ذا فصل يالجواد يوم النار مرشونه=وربع الحاضنه يستخدمون الكنش والمرشون
وبعض الناس لارّوح يجيب الوعل بقرونه=يفكر فالقناصه ما يفكر في ترك قارون

ابو صقر..

07-11-2010, 10:22 AM

خرج ذا فصل يالجواد يوم النار مرشونه=وربع الحاضنه يستخدمون الكنش والمرشون
وبعض الناس لارّوح يجيب الوعل بقرونه=يفكر فالقناصه ما يفكر في ترك قارون

عرب لاياعرب من بعد مايخلق يسمونه=وكل شي باسهاله لاحصل يمديكم اتسمون
وخلوا السرح لهله بالمعانق دوب مقنونه=حذاري ينطرح في الوحل هذا الميزر المقنون

ابو صقر..

07-11-2010, 10:31 AM

طبائع والطبائع دوب في الانسان مقرونه=وحد ماله في الواجب وحد ملقي ثنين اقرون
وحد يشنوه من خاطر وحد بالعكس يهوونه=وهو دربه عثك كله ويمشي في طريق الهون

ديناميت الجنوب

07-11-2010, 10:34 AM

عرب لاياعرب من بعد مايخلق يسمونه=وكل شي باسهاله لاحصل يمديكم اتسمون
وخلوا السرح لهله بالمعانق دوب مقنونه=حذاري ينطرح في الوحل هذا الميزر المقنون

معي ثروات من تحت الثرا يابوك مدفونه=ولا حد منكم شاطر ذكي بايعرف المدفون
وذي هو ماعرف قصدي يكون الله في عونه=ويصبر عالتعب لامالحق له ذالسنه شي عون

ديناميت الجنوب

07-11-2010, 10:50 AM

طبائع والطبائع دوب في الانسان مقرونه=وحد ماله في الواجب وحد ملقي ثنين اقرون
وحد يشنوه من خاطر وحد بالعكس يهوونه=وهو دربه عثك كله ويمشي في طريق الهون

حبيبي بارع القامه ترا جيته مسهونه=ونا ادريبه ومن زود الغلا في جيته مسهون
على ذكره صور فالعين مطبوعه بكربونه=يشابه حوري الجنه وهو منسوخ بالكربون

ابو صقر..

07-11-2010, 10:57 AM

معي ثروات من تحت الثرا يابوك مدفونه=ولا حد منكم شاطر ذكي بايعرف المدفون
وذي هو ماعرف قصدي يكون الله في عونه=ويصبر عالتعب لامالحق له ذالسنه شي عون

معك لو مامعك بيدي ذلق باتصلح اطعونه=وباتضوي هبا بين العرب بالجنبيه مطعون
وشف من مات له سيره تضل باذكر يروونه=كتب بالمخيره والطيب عامر الزمن يروون

ابو صقر..

07-11-2010, 11:13 AM

حبيبي بارع القامه ترا جيته مسهونه=ونا ادريبه ومن زود الغلا في جيته مسهون
على ذكره صور فالعين مطبوعه بكربونه=يشابه حوري الجنه وهو منسوخ بالكربون

انا مالي سنع في العشق ذلا تعجب اللحونه=وحب الجزل في الزامل بلا كسره ولاتلحون
وقبي لاهوي له عهد ماقد خابت اضنونه=ويمشي في الهوى سيده برغبة قلب في المظنون

ديناميت الجنوب

07-11-2010, 11:15 AM

معك لو مامعك بيدي ذلق باتصلح اطعونه=وباتضوي هبا بين العرب بالجنبيه مطعون
وشف من مات له سيره تضل باذكر يروونه=كتب بالمخيره والطيب عامر الزمن يروون

انا داريبكم كل من نشب ما با تبدونه=ولا شفتو نذوخه فالجبل لاخوك ماتبدون
مصيبه باجري قلو ترك داره وسيوونه=ومرت خمس تعشر عام وكثر مادخل سيؤن

ديناميت الجنوب

07-11-2010, 11:29 AM

انا مالي سنع في العشق ذلا تعجب اللحونه=وحب الجزل في الزامل بلا كسره ولاتلحون
وقبي لاهوي له عهد ماقد خابت اضنونه=ويمشي في الهوى سيده برغبة قلب في المظنون

انا مالي ومال الزين ذي هو كاحل اعيونه=معد بنشب معه وبعد برجع فرقزي ياعيون
وبرجع لاقدا واديي ذي هي تعجب احصونه=مباني شاهقه تعجب مصانع كلها وحصون

ابو صقر..

07-11-2010, 11:36 AM

انا داريبكم كل من نشب ما با تبدونه=ولا شفتو نذوخه فالجبل لاخوك ماتبدون
مصيبه باجري قلو ترك داره وسيوونه=ومرت خمس تعشر عام وكثر مادخل سيؤن

سرح صوبك معك نافر سرح لابايداوونه=وكثر الضرب اثروالدكاتر عيوا ايدوون
ومن صاحبك باتسمع خبر وعلوم مسهونه=وبتشوفه هنا منصوب في مطرحه كل مسهون

ديناميت الجنوب

07-11-2010, 11:42 AM

صلاه يا بو صقر ونا خوك لنا لقاء ان شالله

ابوفراس الهمداني

07-11-2010, 11:44 AM

معي ثروات من تحت الثرا يابوك مدفونه=ولا حد منكم شاطر ذكي بايعرف المدفون
وذي هو ماعرف قصدي يكون الله في عونه=ويصبر عالتعب لامالحق له ذالسنه شي عون

طهفنا للشرح ماهو لنا هـــــــــــم لي يكيلونه *** وهم من غلق الابواب بالقرصة وبالكالون
على المسكين ضاقت ياعرب من لي يسوونه ***ولاة الامر شي ناهي عجم من بيرنا يسنون

عيبون

07-11-2010, 01:41 PM

رحب بكلام من شعارعلى ذا الصوت ولحونه=دخلنا سعفكم تعجب صوات الدان والتلحون

وهذا اللحن هيّضني ولا باعود من دونه=ذهب صافي في المنجم ولاينباع قط بالدون

وخلني نسّم الخاطر ونسّم نفس محنونه=على فرق الوطن تمسي مثيل الحاشي المحنون

عيبون

07-11-2010, 01:59 PM

يهيض القلب لا شفت السما بالغيم مدهونه=ونستبشر بغيثه يحط على الدوفه وعا مدهون

ولا قد زانت الخطمه فروق الصيد مضمونه=فطوري من كبود الصيد صبح ياصاحبي مضمون

عمر الذيب

07-11-2010, 03:31 PM

تر كنا الساحه العنتر وغادرنا موانيها=ولكن الحقيقه عاد في قلبي معي حنات
يحن قلبي حنين النحل لازانت مجانيها=على مركب تركته حس قلبي يردف الونات

عيبون

07-11-2010, 03:47 PM

تر كنا الساحه العنتر وغادرنا موانيها=ولكن الحقيقه عاد في قلبي معي حنات
يحن قلبي حنين النحل لازانت مجانيها=على مركب تركته حس قلبي يردف الونات

هلا يامرحبا بحروف من شاعر معانيها=كما ماطر يجي عا ارض ويسقيها بعد لسنات

ويرويها مطارح من مقاصيها لدانيها=هلا بالذيب يجعل بوك يسكن واسع الجنات

عيبون

07-11-2010, 03:57 PM

العفو منك يابوطارق خروج للدوام اعذرنا ياعم عمر

أحمد العمودي أبوفيصل

07-11-2010, 04:06 PM

تر كنا الساحه العنتر وغادرنا موانيها=ولكن الحقيقه عاد في قلبي معي حنات
يحن قلبي حنين النحل لازانت مجانيها=على مركب تركته حس قلبي يردف الونات

مراكبكم يقول الشيخ كلن بايعانيها = وكم واحد ركب فيها وطاف البحر بالساعات
عمر لاقمت لك مبنا ولاطول مبانيها = ومكن قال بوفيصل ركان الساس عالعادات

محمد سعيد بن مخاشن

07-11-2010, 05:19 PM

تر كنا الساحه العنتر وغادرنا موانيها=ولكن الحقيقه عاد في قلبي معي حنات
يحن قلبي حنين النحل لازانت مجانيها=على مركب تركته حس قلبي يردف الونات

تركت العنتري من ثـَـــمْ يسني في مسانيها
وكم من مري دهماء قد لقى في خطامها ليّات

ونا تمّيت في جده معا حاسد وشانيها
ولا حد منـّـكم نبّا علينا لو لمقيل قات

عمر الذيب

07-11-2010, 07:48 PM

تركت العنتري من ثـَـــمْ يسني في مسانيها
وكم من مري دهماء قد لقى في خطامها ليّات

ونا تمّيت في جده معا حاسد وشانيها
ولا حد منـّـكم نبّا علينا لو لمقيل قات

كلامك كالعسل واحلى صواب القلب يشفيها=ولك في قلب بو طارق محل يا طيب النيات
ولو تبغا الخبر والعلم طفنى في نواحيها=وشفنى اللوز والهلبى وحب اسود في الغابات

عمر الذيب

07-11-2010, 07:56 PM

خاص الى الواقعي
تركنا الكوكب الدري ونجمه في مراسيها =ونمنا نومت المحسور وصحينا على الاهات
وليهو نوم التالي صلاته بايصليها=وبا يقراء قنوته بعد ماهو يتمم الركعات

المتمكن

07-11-2010, 08:47 PM

شعاب الارض قد سالت وقد عبرت مجاريها = وامس العصر قد عبرت سيول ايثول والشعبات
وسيل اليوم من دوعن حجز من بيعبر فيها = وبعد العصر عبروها وقصعوها بهايلكسات

ارجو ا توجيهي من اي خلل في الوزن

عمر الذيب

07-11-2010, 08:55 PM

شعاب الارض قد سالت وقد عبرت مجاريها = وامس العصر قد عبرت سيول ايثول والشعبات
وسيل اليوم من دوعن حجز من بيعبر فيها = وبعد العصر عبروها وقصعوها بهايلكسات

ارجو ا توجيهي من اي خلل في الوزن
جميل جدا

الواقعي

07-11-2010, 09:32 PM

خاص الى الواقعي
تركنا الكوكب الدري ونجمه في مراسيها =ونمنا نومت المحسور وصحينا على الاهات
وليهو نوم التالي صلاته بايصليها=وبا يقراء قنوته بعد ماهو يتمم الركعات

قليل العرف لي ينزح دليّه قبل يمليها=ولي يسحب على الزانه وقد ثلثينها ليات
ومن شب نار متعمّد بدمعه بايطفيها=على جنبه ذنوبه والندم مابايرد مافات
وبعض الناس ماهر لعتكت زانه يبديها=بسط صلته عا فارس وبارض الروم له رايات

محمد سعيد بن مخاشن

07-11-2010, 10:28 PM

هنيّا لك ببعض إطروش جو لك من شراقيها
نواحي الدّيس وقـْـصيعر وهي من خيرة الرّيدات

وقالوا لك قوالك فاقت المحضار ... طِـرْ تيها
خذاك السحر ذي سوّاه لك هارات والمارات

وصاحبك الذي ماهر ترى صعبه يخاويها
وتار العود لنـّـه يا رفيقي يجهل الرنـّـات

الواقعي

07-11-2010, 11:19 PM

تر كنا الساحه العنتر وغادرنا موانيها=ولكن الحقيقه عاد في قلبي معي حنات
يحن قلبي حنين النحل لازانت مجانيها=على مركب تركته حس قلبي يردف الونات

تحن للريم والغزلان لي ترعى مراعيها=ورمح الزير لي عين الحسد صابته في لحظات
ومن كثر الطمع ناوي عقاب الجحي تشبيها=نسيت العظم لي يصنك ودهن الفكس واللصقات
قصص عنتر في الميدان عا شيبوب يرويها=وبن علوان ناشب له ثلاث اسنين في عينات

نهلول

07-11-2010, 11:23 PM

سلام الفين من شاعر وباحكم قوافيها
وشف نهلول في قوله يشق الشعر بالقافات
بطي بعرف عمر بالخرج ذيه قد سكن فيها
ولي ذكرى معه في انس قدمرت علي ساعات

عمر الذيب

07-11-2010, 11:47 PM

قليل العرف لي ينزح دليّه قبل يمليها=ولي يسحب على الزانه وقد ثلثينها ليات
ومن شب نار متعمّد بدمعه بايطفيها=على جنبه ذنوبه والندم مابايرد مافات
وبعض الناس ماهر لعتكت زانه يبديها=بسط صلته عا فارس وبارض الروم له رايات

كفاه الله لي عطل على الضامي سواقيها=حسن لي ضيع المشنون في الروحات والجيات
قتل نفس المولع لي تمنى يوم يحييها=عسالك ياحسن هذي السنه حيه من الحيات

المستقل

07-12-2010, 12:04 AM

سئمنا نشرت الاخبار ونفس الشخص تغثيها=تروج فكر متخلف وتزرع في البلد ازمات
سياسة تخدم الحاكم وكبد اللشعب تكويها=وضاع العدل في دلهي قفا ما غانديها مات

محمد سعيد بن مخاشن

07-12-2010, 12:21 AM

تحن للريم والغزلان لي ترعى مراعيها=ورمح الزير لي عين الحسد صابته في لحظات
ومن كثر الطمع ناوي عقاب الجحي تشبيها=نسيت العظم لي يصنك ودهن الفكس واللصقات
قصص عنتر في الميدان عا شيبوب يرويها=وبن علوان ناشب له ثلاث اسنين في عينات

أظنه قد لقاها الموبقات(ي) معْ مساويها
بممباسه وفي دار السلام إللي بها القنـّــات

وحصّل ذيه يعرف كل طرق كمبو وملاويها
ودلّه عا الفعال الطيبه ودراسة التوراة ;devil

الواقعي

07-12-2010, 12:30 AM

أظنه قد لقاها الموبقات(ي) معْ مساويها
بممباسه وفي دار السلام إللي بها القنـّــات

وحصّل ذيه يعرف كل طرق كمبو وملاويها
ودلّه عا الفعال الطيبه ودراسة التوراة ;devil

كلام يا بن مخاشن قصيد مشفرر؟؟؟؟
:001sr6p0:

محمد سعيد بن مخاشن

07-12-2010, 12:47 AM

كفاه الله لي عطل على الضامي سواقيها=حسن لي ضيع المشنون في الروحات والجيات
قتل نفس المولع لي تمنى يوم يحييها=عسالك ياحسن هذي السنه حيه من الحيات

سئمنا نشرت الاخبار ونفس الشخص تغثيهـــا = تـروج فكـر متخـلـف وتــزرع فــي البـلـد ازمــات
سياسـة تخـدم الحاكـم وكبـد اللشـعـب تكويـهـا = وضاع العـــــــدل في دلهي قفـا مـا غانديهـا مـات
( المستقل )

تراها بينهم ألغاز ما نعرف خوافيها
فقه يا المستقل تستسهل الدخلات والخرجات

أحدهم ذيب والثاني نمر ... أنياب له ... فيها
سكن عزريل ... لا مرّت غزاله ما افرعت هيهات

خالد بن مهنا

07-12-2010, 12:49 AM

كفاه الله لي عطل على الضامي سواقيها=حسن لي ضيع المشنون في الروحات والجيات
قتل نفس المولع لي تمنى يوم يحييها=عسالك ياحسن هذي السنه حيه من الحيات

ههههههههههههه متابعين ,,ونقراء بس خلوا الواقعي والذيب:FRlol:

محمد سعيد بن مخاشن

07-12-2010, 12:59 AM

ههههههههههههه متابعين ,,ونقراء بس خلوا الواقعي والذيب:FRlol:

يعني الباقيين ينسحبون قصدك وألا نخلّي الواقعي والذيب بمعنى نتركهم وهم ينسحبون ويبقى الفقراء بن مخاشن والمستقل؟
والله مني والصدق لم أفهم ملحوظتك!

محمد سعيد بن مخاشن

07-12-2010, 01:06 AM

كلام يا بن مخاشن قصيد مشفرر؟؟؟؟
:001sr6p0:

هذا الشخص :001sr6p0: الذي إخترته أنت يطرش أم ماذا؟
أرجو الإفادة عاجلا

خالد بن مهنا

07-12-2010, 01:15 AM

تصبحون على خير

محمد سعيد بن مخاشن

07-12-2010, 01:18 AM

كلكم نمتم دون أن تستأذنوا؟

أحلاما سعيدة إذن! وتصبحون على خير

خالد بن مهنا

07-12-2010, 09:01 AM

كفاه الله لي عطل على الضامي سواقيها=حسن لي ضيع المشنون في الروحات والجيات
قتل نفس المولع لي تمنى يوم يحييها=عسالك ياحسن هذي السنه حيه من الحيات

يعينك ربنا والنفس لاطابت مراعيها=معد باتحتمل من بعد ذلك قحطها وسنات
من اجروح الزمن مالك دواء ذي بايداويها=ويضوي الطير لما العش مهما طالت الاوقات
ويوجد فرق شاسع بين قيّرها وحاليها=مثيل الفرق ذي بين نايل سات وعرب سات
ونينك يستمع للناس قاصيها ودانيها=ومن ماشي معه للوصل حيله يردف الونات

سالم السقاف

07-12-2010, 09:33 AM

سعيد وسعد ذلمره نسوا الدنيا بما فيها = تبدل ذوقهم من (كين كان) لويفر وكتكات
وملوا من حليب النوق لي حلت بواديها = تعزّك علبة النيدو يقول اسعيد بن عبدات

البكري

07-12-2010, 10:26 AM

كفاه الله لي عطل على الضامي سواقيها=حسن لي ضيع المشنون في الروحات والجيات
قتل نفس المولع لي تمنى يوم يحييها=عسالك ياحسن هذي السنه حيه من الحيات

فقة ياعمر قولي لعد تحن لماضيها = ترك ما ضاع قد ضاع ما بترده الحسرات
نفس الآدمي بيده هو يميتها ويحييها = ولحكم القدر سلم ترا تسلم من الزلات

ابو صقر..

07-12-2010, 06:00 PM

ذكرتني ماضي على خاطري مر=وانسيت يوم الهجر ماباودعك
لانك محبي ذي بقالي والامل=باسم عسى اللقياء قريب

ديناميت الجنوب

07-12-2010, 06:07 PM

ذكرتني ماضي على خاطري مر=وانسيت يوم الهجر ماباودعك
لانك محبي ذي بقالي والامل=باسم عسى اللقياء قريب

بوصقر قد ذكرتني وادي عمر=وايام لا غنيت كلن يسمعك
ايام ماكنا ندّحق فالعمل=من شان نضره فالحبيب

ابو صقر..

07-12-2010, 06:18 PM

بوصقر قد ذكرتني وادي عمر=وايام لا غنيت كلن يسمعك
ايام ماكنا ندّحق فالعمل=من شان نضره فالحبيب

لاقلت يالمظنون سمعي والبصر=قلبي يون من حيث انا باقربك
باعطيك مفتاحي ومامعي من فلل=من شان مارضابك تغيب

ديناميت الجنوب

07-12-2010, 06:23 PM

لاقلت يالمظنون سمعي والبصر=قلبي يون من حيث انا باقربك
باعطيك مفتاحي ومامعي من فلل=من شان مارضابك تغيب

ماليوم قد شيبت زامي قد عبر=والهيج ياصاحبي فالعقبه برك
منته كما ماكنت ياهذا الجمل=رغاي وعضامك عطيب

ابو صقر..

07-12-2010, 06:34 PM

ماليوم قد شيبت زامي قد عبر=والهيج ياصاحبي فالعقبه برك
منته كما ماكنت ياهذا الجمل=رغاي وعضامك عطيب

باعود للموطن وباسيب السفر=ومعي قصور السيف والزئد شرك
ماهي على بالي كفاء والقلب مل=بارضا بقسمي والنصيب

ديناميت الجنوب

07-12-2010, 06:40 PM

باعود للموطن وباسيب السفر=ومعي قصور السيف والزئد شرك
ماهي على بالي كفاء والقلب مل=بارضا بقسمي والنصيب

منته لحالك خوك روعه قد بدر=قدله ثنعشر عام في حالت ضنك
حيا زمن عدا على راس الجبل=بين المطالب والطليب

ديناميت الجنوب

07-12-2010, 06:42 PM

خروج لصلاه

ابو صقر..

07-12-2010, 06:54 PM

منته لحالك خوك روعه قد بدر=قدله ثنعشر عام في حالت ضنك
حيا زمن عدا على راس الجبل=بين المطالب والطليب

انا رقيق القلب ماقلبي حجر=ومعي ورق شاهد في العشقه وصك
يثبت محبه صادقه ماشي خلل=والطيب بايبدله طيب

ديناميت الجنوب

07-12-2010, 07:19 PM

انا رقيق القلب ماقلبي حجر=ومعي ورق شاهد في العشقه وصك
يثبت محبه صادقه ماشي خلل=والطيب بايبدله طيب

لو كنت صادق شدحبالك والمزر=ماهو تقرصع عندنا وتدق حنك
قم شطب العوده وبضربك مثل=بدعيك بو صقر الصليب

ابو صقر..

07-12-2010, 07:36 PM

لو كنت صادق شدحبالك والمزر=ماهو تقرصع عندنا وتدق حنك
قم شطب العوده وبضربك مثل=بدعيك بو صقر الصليب

ماهم شوي عندي كما التبر الحمر=بارخص وباضحي ولا في العشق شك
بارفع وبامكن شراعات الدقل=بالصبح من قبل المغيب

عمر الذيب

07-12-2010, 08:25 PM

ابو صقر..

07-12-2010, 09:36 PM

حيا بمن دق المخالع عالزبر=والقا لها غرضه وشد زام الفلك
بعد الخفيفه بايشل حمل الثقل=لاراس عبدالله غريب
الكلمه الزينه تسر الحال سر=وتحك لي صفره مكانه ما حتك
واليوم حك الصفر يازبن العول=في مجلسي ما با تخيب

يالذيب صاليها في الغربه قدر=كل مافتحت الباب لي مثله صتك
حتى هترى لحمي وعظاني وصل=والفعل ماهو من جنيب
ايام تمضي ماتهنى يوم جر=لا اخطيتها لفه يجي بعده عثك
كملتها بالقير و طرحت الدبل=لكن يبرم في كثيب

عيبون

07-12-2010, 09:41 PM

هذه تحياتي ميه والفين كر=وعداد لول البحر وعداد السمك

تبلغ وعول الحيد بسرعه والعجل=في شانهم مابانغيب

المستقل

07-12-2010, 09:46 PM

أمسك بحبل الله و اؤمن بالقدر = وحسك تخاف الهيم لاهو يلدغك
واحمل حمولك مثل ما غيرك يشل=والذيب ما يخشاه ذيب

ابو صقر..

07-12-2010, 09:54 PM

مجلسك عامر بالوفأ مايوم قر=وتجيب لا يالذيب من عالباب دك
مافيه حد يغلط ولا حد يوم زل=كلن على النهج الاديب
ولا الغلط وارد ونحنى الا بشر=نغلط ولكن دوب عازينه مسك
من شان تعطي لا دعى وقت القبل=وتكون لي فاطر منيب

عيبون

07-12-2010, 09:56 PM

ذلا ضروف الوقت واحكام القدر=قط ماتجي عالكيف او عامطلبك

والحظ لاشافك مصعّد هو نزل=ماقد طعمتك يالصبيب

باعيش في ارضي على قحي الفقر=بي صوب مابين المطاحن والحنك

كله سببه البعد وفراق السقل=والطير في عشّه يطيب

والوعل ناموسه حيوده والشحر=لكنهم صادوه ووقع (ف)الشبك

من بعد ماكانت قرونه بالقلل=الثعل يسحبها سحيب

المستقل

07-12-2010, 10:14 PM

شا مخ يهر عالي وما اطول يهر=مجنون من ظنه يهرنا بايدك
في الماء ترى ما غير يمتاس الطّفل=وللحجر ما هو مذيب

عمر الذيب

07-12-2010, 10:20 PM

متا بعكم وانا على احر من الجمر بس عندي ضيوف لذلك لا استطيع المشاركه
اعذروني بس انا متابع ابداعاتكم الراقيه على هذا الصوت

الواقعي

07-12-2010, 10:32 PM

حيا بمن دق المخالع عالزبر=والقا لها غرضه وشد زام الفلك
بعد الخفيفه بايشل حمل الثقل=لاراس عبدالله غريب
الكلمه الزينه تسر الحال سر=وتحك لي صفره مكانه ما حتك
واليوم حك الصفر يازبن العول=في مجلسي ما با تخيب

الشعب لخظر بعد ما رحتو غبر=والصدر ضيّق حس في حالي ظنك
=حتي العنب ذقناه ياصاحبي خل
=والعاد حد يطعم زبيب
لا بد من صنعاء ولو طال السفر=وان قدّر الرحمن بيدور الفلك
=دام الامل موجود يرجع من رحل
=ويخظّر الشعب الخصيب

عمر الذيب

07-12-2010, 10:54 PM

الشعب لخظر بعد ما رحتو غبر=والصدر ضيّق حس في حالي ظنك
=حتي العنب ذقناه ياصاحبي خل
=والعاد حد يطعم زبيب
لا بد من صنعاء ولو طال السفر=وان قدّر الرحمن بيدور الفلك
=دام الامل موجود يرجع من رحل
=ويخظّر الشعب الخصيب

في سعفتك لو قلت لي سطح القمر=باقول لك يالواقعي شفني معك
سعفتك مكسب بخت من عندك وصل=بي شب من بعد المشيب
انته وبو رائد وكم من معتبر=اذكره لاذكر تك ودائم اذكرك
اذكرك في ليلي وساعات المظل=لانك اخو منته جنيب

المستقل

07-12-2010, 11:06 PM

لشعاب حمراء لي تظنوها زّهر=ماغير فيها الشوك يدقدق والحسك
اما الصحاري عالاقل فيها اللعبل=ورملها ناعم رغيب

المستقل

07-12-2010, 11:38 PM

انا فضولي وعذروني يا عمر=ما غير بغيت الشيخ يراني في المحك
ويقول هذا الزّقر في عيني بطل=با أمنحه رتبه نقيب
وقالو لنا الشّيبان أعّثر تنّذكر= ولي ما رقص على الطبل قربع له تنك
وذا اّلعقل حنّب لك تظاهر بالّهبل=هذة نصيحة من نسيب

الواقعي

07-13-2010, 12:28 AM

انا فضولي وعذروني يا عمر=ما غير بغيت اللشيخ يراني في المحك
ويقول هذا الزّقر في عيني بطل=با أمنحه رتبه نقيب
وقالو لنا للشيبان أعّثر تنذكر= ومن ما سمع صوتك فاقرع له تنك
ولا للعقل حنب لك فامسك بالّهبل=هذة نصيحة من نسيب

يا محسن الحكمه مع بعد النظر=حتى في الرمله تسوي لك صرك
=ما تصمد القلعه اذا فيها خلل
=والحيد باين والكثيب
يالمستقل ما فيش داعي للسهر=شاعر معك فالشعر مُلكيّه بصك
=ليش الخصومه يا رفيقي والزعل
=خابت وما ظنّي تصيب

ديناميت الجنوب

07-13-2010, 09:49 AM

قدلي ثنعشرسنه والقلب مامله=وعطيه كل ماطلب حتى يبا قلبي
لاكن تركني وهب يالعنبو جده=مايرحم القلب ذي محتار

ابو صقر..

07-13-2010, 10:26 AM

قدلي ثنعشرسنه والقلب مامله=وعطيه كل ماطلب حتى يبا قلبي
لاكن تركني وهب يالعنبو جده=مايرحم القلب ذي محتار

هل شي في الكيس ولا في الكمر غله=واقروش يالدينميتي حلها عدي
بيجيك من خاطره لك بايمد يده=مادام ساسك قريب الدار

ديناميت الجنوب

07-13-2010, 10:37 AM

هل شي في الكيس ولا في الكمر غله=واقروش يالدينميتي حلها عدي
بيجيك من خاطره لك بايمد يده=مادام ساسك قريب الدار

كلن بدله ولاحد ينقلب دله=فيهم وفي مايخون العهد بالعربي
ماهو كما بعضهم كل من وقف سده=يعشقه هذا هو الغدار

ابو صقر..

07-13-2010, 10:56 AM

كلن بدله ولاحد ينقلب دله=فيهم وفي مايخون العهد بالعربي
ماهو كما بعضهم كل من وقف سده=يعشقه هذا هو الغدار

حافظ على القرن ووبه تهمل النصله=لانته عذيبي على صوت الذلق تبدي
باترعب الخصم ماظني يصل قصده=وتحط زيتك مكان النار

ديناميت الجنوب

07-13-2010, 11:03 AM

حافظ على القرن ووبه تهمل النصله=لانته عذيبي على صوت الذلق تبدي
باترعب الخصم ماظني يصل قصده=وتحط زيتك مكان النار

حيط العنب ريت بو سالم عمد ضله=من شان يشتاق في بعدي وفي قربي
والمسأله عشق ماشي بينا هده=بلقاه لا طولت لعمار

عمر الذيب

07-13-2010, 12:12 PM

حيط العنب ريت بو سالم عمد ضله=من شان يشتاق في بعدي وفي قربي
والمسأله عشق ماشي بينا هده=بلقاه لا طولت لعمار

جربتهم في الهوى وعرفتهم جمله=لاهب شرقي معه وان نسنس الغربي
بايتبعونه ايلما رقدة السده=من دون واحد طلعلي بار

محمد سعيد بن مخاشن

07-13-2010, 01:11 PM

قدلي ثنعشرسنه والقلب مامله=وعطيه كل ماطلب حتى يبا قلبي
لاكن تركني وهب يالعنبو جده=مايرحم القلب ذي محتار

و ِ مْسامحه بس أبا يا ذا العرب طلـّــه
لو طل من خلفته رجلي تزل دربي

ولو تغبّى تصيب المخشني كـَــبدِه
بدر السماء ذي عليه البار

ملاحظة: نكبّر الخط أحيانا للتأكد من ظهور علامات التشكيل

عيبون

07-13-2010, 01:24 PM

دوب المفارق حياته ماتقع سهله=لجل المحب قد تركته زادي وشربي

وطول الليالي نبيّت ياعرب قهده= والبعد قصّر في الاعمار

عيبون

07-13-2010, 01:45 PM

قال الذي حط مظنونه في المقله=قل النظر يوم راح الخل من جنبي

والشهر شوّع عليّا طالت المدّه=وامتاس حالي من الاسفار

محمد سعيد بن مخاشن

07-13-2010, 02:24 PM

دوب المفارق حياته ماتقع سهله=لجل المحب قد تركته زادي وشربي

وطول الليالي نبيّت ياعرب قهده= والبعد قصّر في الاعمار

خلـّـه محبّك يسانع لك على مهله
يمكن حبيبك من العذ ّ ال متخبّي

لا الود ودّه سقاك اليوم من شهده
مجناه منها خيرة الأزهار

المستقل

07-13-2010, 02:27 PM

يا محسن الحكمه مع بعد النظر=حتى في الرمله تسوي لك صرك
=ما تصمد القلعه اذا فيها خلل
=والحيد باين والكثيب
يالمستقل ما فيش داعي للسهر=شاعر معك فالشعر مُلكيّه بصك
=ليش الخصومه يا رفيقي والزعل
=خابت وما ظنّي تصيب

مادام ما حيلة ولا منها مفر=با قولها من صدق ولو فيها درك
انت الذي خليت دمعي ينهمل=
وشقيت صدري بالنحيب=
لما رأيت السيل في الوادي دفر=انت الذي فكيت يدي من يدك=
وشوفت الذيابه تنتهش لحم الحمل=
وخنجرك وسط العسيب=
اعذرونا على التجاوز الاطراري عندنا اسعاف.....

المستقل

07-13-2010, 03:49 PM

Then hate me when thou wilt; if ever, now;

Now, while the world is bent my deeds to cross,

Join with the spite of fortune, make me bow,

And do not drop in for an after-loss:

Ah! do not, when my heart hath 'scaped this sorrow,

Come in the rearward of a conquered woe;

Give not a windy night a rainy morrow,

To linger out a purposed overthrow.

If thou wilt leave me, do not leave me last,

When other petty griefs have done their spite,

But in the onset come: so shall I taste

At first the very worst of fortune's might;

And other strains of woe, which now seem woe,

Compared with loss of thee, will not seem so.

عمر الذيب

07-13-2010, 09:28 PM

يقول الذيب بو طارق عمر وحله =الى بات الجمل ضائع على الجمال
ولي حبيت من قلبي صعب وصله =تذكر ته ودمعي من عيوني سال

المستقل

07-13-2010, 11:21 PM

يقول الذيب بو طارق عمر وحله =الى بات الجمل ضائع على الجمال
ولي حبيت من قلبي صعب وصله =تذكر ته ودمعي من عيوني سال

وكم عاشق ومثلك اهمله خله=وكم يا كم جمل لازال عاده ضال
نصيحة اعط له مهله قفا مهله= وجددها عسى ما خابت الآمال
عسى في يوم يأتيكم على غفله= وتتبدّل بلحظة كلّها لحوال

رنين الوتر

07-14-2010, 12:41 AM

احمدباعجره المشجري

07-14-2010, 08:23 AM

يقول الذيب بو طارق عمر وحله =الى بات الجمل ضائع على الجمال
ولي حبيت من قلبي صعب وصله =تذكر ته ودمعي من عيوني سال

عمر ذكرتني عنتر وحب عبله =تعاني لامتى ياالفارس الخيال
ومن قال المحبه للمحب سهّله= تراهاصعب من بيفهم الجهال
وعمرك في المئه ذاحب من جهله = وعاد الذيب بو طارق عمر لازال

زوم الروم

07-14-2010, 11:11 AM

محمد سعيد بن مخاشن

07-14-2010, 01:58 PM

يقول الذيب بو طارق عمر وحله =الى بات الجمل ضائع على الجمال
ولي حبيت من قلبي صعب وصله =تذكر ته ودمعي من عيوني سال

لقي غيرك صغيّر شاب مكتمله
وصوفه يا عمر سالم وعنده مال

وإنته ويش عندك غيرها الشـُّـكلِـه
من الرّضحين شارد في خشامر حال:FRlol:

أحمد العمودي أبوفيصل

07-14-2010, 02:57 PM

وبومخشن وصل ماليوم عاغفله = يعاني قال بوفيصل مرض قتال
وريته في الهوى يمشي عامهله = لانه في الهوى مسكين عقله مال

ميراد باسودان

07-14-2010, 03:13 PM

يقول الذيب بو طارق عمر وحله =الى بات الجمل ضائع على الجمال
ولي حبيت من قلبي صعب وصله =تذكر ته ودمعي من عيوني سال

مصيبه لاصنف يالذيب ذي شغله=وشغله ثانيه يالذيب ماتخطرولاعالبال
وذي دموعك وماتأثر سكب من داخل المقله=عرف انك فقدته كل راس المال

المستقل

07-14-2010, 04:53 PM

صح لسانك وين المترجمين اقطع ذراعي ان ماكان الاخ المستقل عايش في كندا او مازال

انا راعي الغنم في الشعب والرملة=ونا ما رحت أوتاوا ولا البنغال
وخط النت يخلي المصّعبة سهلة= وقرب مطلع الدنياء مع لسفال

المستقل

07-14-2010, 05:03 PM

Then hate me when thou wilt
What happened? I"ll never do that

O great poet; to ye I bow
To the ground I kneel to my boss

I dont believe you will throw
A stone at your friend Mr. Foss

يا زوم الروم انا بهدي لكم قُبلة=وباقة ورد مرسولة مع المرسال
عجب أن الاسد يصنع كما النحلة= مثل مانته صنعتَ الشهد يارجال
قبلة=Kiss

الواقعي

07-14-2010, 11:16 PM

احد بالمجلس من الشعار الليله

زوم الروم

07-15-2010, 10:57 AM

يا زوم الروم انا بهدي لكم قُبلة=وباقة ورد مرسولة مع المرسال
عجب أن الاسد يصنع كما النحلة= مثل مانته صنعتَ الشهد يارجال
قبلة=Kiss

الا يا المستقل شفهم عرب جهله
ولا هم يحسبون الاولي والتال

وأنت الشعر في طوعك نتم اهله
واهل العلم والحكمه هديتو الضال

المدودي

07-15-2010, 12:13 PM

السلام عليكم .. إسمحوا لي يا أخوان بالمشاركة معكم في المجلس
والعفو يا أخ عمر لو حصل قصور أو كسر

شيبه جا قداكم حطته رجله = هنا في مجلس الأخيار لما جال
يحب الشعر لي به تشتفي العله = ومجلسكم في الأشعار عال العال

بن بريك

07-16-2010, 01:30 AM

يقول الذيب بو طارق عمر وحله =الى بات الجمل ضائع على الجمال
ولي حبيت من قلبي صعب وصله =تذكر ته ودمعي من عيوني سال

ولا باقي معك إلأ الدعاء لاجله = عسى ربي يهدّي سركم والبال
ويلهمك الصبر وتريّح المقله = ولا تدري وش إلي به صلاح الحال

ابو صقر..

07-19-2010, 05:49 PM

عمر لبا فصل طالبينك!!

محمد سعيد بن مخاشن

07-19-2010, 10:27 PM

عمر لبا فصل طالبينك!!

الذيب مش فاضي لكم هذه الأيام
وعلى كل حال إذا فضي وزقل فصل فأتركوا فصلي

إيقول بو صالح تروا رمضان يصحابي قبل
إتجهزوا للصوم وعباده تبا منكم خشوع

يا بخت من صامه وكثـّــر فيه من خير العمل
وكل العمد عا القلب ذي ينبض وسَـط ذيك الضلوع

ابو صقر..

07-20-2010, 10:04 AM

الذيب مش فاضي لكم هذه الأيام
وعلى كل حال إذا فضي وزقل فصل فأتركوا فصلي

إيقول بو صالح تروا رمضان يصحابي قبل
إتجهزوا للصوم وعباده تبا منكم خشوع

يا بخت من صامه وكثـّــر فيه من خير العمل
وكل العمد عا القلب ذي ينبض وسَـط ذيك الضلوع

مادام في الخاطر معك يالمخشني باقي امل=جدد تقات النفس قع مخلوق في الدنيا قنوع
عمرك في الستين ماباقولك شل الثقل=تتصاقب اعضامك في المنزل وتتصاقب اذا حان الطلوع

مجمل

07-20-2010, 01:24 PM

يامرحبا بالقول ذي طعمه كما طعم العسل = ذكرني الماضي وذكرني طويلين الشروع
حب الكلام الزين يابوصقر له عندي محل = وعادني حب المذنب ذي في انحور الخلوع

عيبون

07-20-2010, 02:04 PM

محمد سعيد بن مخاشن

07-20-2010, 04:30 PM

مادام في الخاطر معك يالمخشني باقي امل=جدد تقات النفس قع مخلوق في الدنيا قنوع
عمرك في الستين ماباقولك شل الثقل=تتصاقب اعضامك في المنزل وتتصاقب اذا حان الطلوع

نبّيك يا بو صقر شف عظمي كما أوّل لم يزل
ونطلع النخله بدون إحزام وعْليها نزوع

وأما القناعه نا معي قسمي ولي منها ذبل
وإتعبّد الرحمن وإخشع في سجودي والرّكوع

محمد سعيد بن مخاشن

07-20-2010, 04:50 PM

قد جيتكم طمعان نا (ف)الشاذليّه والجفل=ومسافة الاميال شوني باقصاها في سبوع

في سعفة الجاويد ماعوّدت عظمي يرتقل=الا اذا رقلت شجار السدر وكبار الجذوع

رغم الضروف القاسيه ومفارق اهلي والسقل=والشوق ذي هو للوطن وجبالها هي والربوع

يا فارس الجعده رحب في البنقله ( فــ ) أحسن محل
في العرض لـَـزْوَر با لقي لك حفل با ندعي الجموع

مرحيب بقدومك وإنت الشمس ... ما نبغى زحل
بسقيك صافي شهد ذي يشفي المتيّم والولوع

هت لي اللآلي والدرر ذي من سمعها ينذهل
وأقوال مصلوبه لها معنى عجيبات القطوع

أحمد العمودي أبوفيصل

07-20-2010, 05:11 PM

يا فارس الجعده رحب في البنقله ( فــ ) أحسن محل
في العرض لـَـزْوَر با لقي لك حفل با ندعي الجموع

مرحيب بقدومك وإنت الشمس ... ما نبغى زحل
بسقيك صافي شهد ذي يشفي المتيّم والولوع

هت لي اللآلي والدرر ذي من سمعها ينذهل
وأقوال مصلوبه لها معنى عجيبات القطوع

ونا باجيك لاجده وكني قال شاعر في عجل = ومطلوبي ترتبلي معك سمره تقع يوم الربوع
ونا لنشدت منك قم نحوي يامحمد واستقل = ماباك تنحر لي كبير القرن يامحمد ولاترشن شموع

عمر الذيب

07-23-2010, 11:22 PM

الواقعي

07-24-2010, 12:04 AM

مما قلت=
جمل باداس قال الذيب يتهدر=ولا يهتم بشي في ساعة الهدره
= يشل الحمل لما قبة الهدار
قنصت الطير لكنه علي فرفر=على غفله من ايداتي عطى فره
=لعد شفت الذي بيدي ولا لي فار
خساره البرتقال الزين ما تعصر=وهو يحتاج له عصره قفى عصره
=الى ما تحترق عصارة العصار

ومما سمعت

معي لثبات لي مكثوب فالمحظر=ولي قلته مع لصحاب في الحضره
=وقبة هود ماهي مسجد المحظار
سراء من قبل يتقرّص ويتصرر=ومولا البرّ شفته ياعمر صرّه
=وعاد الوقت بينسيك كل ما صار

رنين الوتر

07-24-2010, 12:27 AM

مما قلت=
جمل باداس قال الذيب يتهدر=ولا يهتم بشي في ساعة الهدره
= يشل الحمل لما قبة الهدار
قنصت الطير لكنه علي فرفر=على غفله من ايداتي عطى فره
=لعد شفت الذي بيدي ولا لي فار
خساره البرتقال الزين ما تعصر=وهو يحتاج له عصره قفى عصره
=الى ما تحترق عصارة العصار
ومما لا رايت ولا سمعت

مدامك في بحور العشق باتمهر=تحول ياعمر لا ساحل المهره
وكل غبه لها مهّار من مهّار=

محمد سعيد بن مخاشن

07-24-2010, 12:27 AM

مما قلت=
جمل باداس قال الذيب يتهدر=ولا يهتم بشي في ساعة الهدره
= يشل الحمل لما قبة الهدار
قنصت الطير لكنه علي فرفر=على غفله من ايداتي عطى فره
=لعد شفت الذي بيدي ولا لي فار
خساره البرتقال الزين ما تعصر=وهو يحتاج له عصره قفى عصره
=الى ما تحترق عصارة العصار

ومما سمعت
مـــــعـــــي لـــثـــبــــات لــــــــــي مـــكــــثــــوب فــالــمــحــظـــر = ولي قلته مع لصحاب في الحضره
وقـــــبـــــة هــــــــــود مـــــاهــــــي مـــســــجــــد الــمـــحـــظـــار
ســـــــــــراء مـــــــــــن قـــــبــــــل يــــتــــقــــرّص ويــــتــــصــــرر = ومـــــــــــــولا الــــــبـــــــرّ شــــفــــتـــــه يــــاعـــــمـــــر صــــــــــــــرّه
وعــــــــاد الــــوقــــت بـيـنــســيــك كـــــــــل مـــــــــا صـــــــــار
( الواقعي )

[CENTER]أخي الواقعي ... ( ولي قلته معا أصحب السمو يا الذيب والحضره ) طويل جدا بالمقارنه مع ما يقابله في بدع الذيب.
نرجو أن تثني أو يثني الذيب.

رنين الوتر

07-24-2010, 12:33 AM

وعاملقى المحب يالذيب بتصبر=ولا ظنيت قلبي بينفد صبره
ولجله بادحق عالشوك والصبّار=

محمد سعيد بن مخاشن

07-24-2010, 01:36 AM

وعاملقى المحب يالذيب بتصبر=ولا ظنيت قلبي بينفد صبره
ولجله بادحق عالشوك والصبّار=

الكلام يا وزران فيه لج وأبلج! با تصبر على ملاقاة؟؟؟؟؟؟؟؟؟ المحب أم با تصبر على مفارقة ( فرقا ) المحبب!!!!!
الإنسان يصبر على الشيئ البطال

عمر الذيب

07-24-2010, 01:44 AM

وعاملقى المحب يالذيب بتصبر=ولا ظنيت قلبي بينفد صبره
ولجله بادحق عالشوك والصبّار=

صبر مادام لك موقع على المنبر=وصوتك في رنينه عالي النبره
=يصل لما حدود الهند ومنيبار
وقع هادي وحذرك يوم تتوتر=وخذ لك في الهوى يا صاحبي تره
=ولكنك حذر لاتقطب الاوتار

عمر الذيب

07-24-2010, 01:49 AM

الكلام يا وزران فيه لج وأبلج! با تصبر على ملاقاة؟؟؟؟؟؟؟؟؟ المحب أم با تصبر على مفارقة ( فرقا ) المحبب!!!!!
الإنسان يصبر على الشيئ البطال
ابو صالح
رنين الوتر يقصد وعا ملقى المحب اي الين القاه باتصبر
مع كل التحيه والاحترام ارى التعبير صحيح بلهجة ارضنا
عمر الذيب

صوت سيبان

07-24-2010, 02:34 AM

صبر مادام لك موقع على المنبر=وصوتك في رنينه عالي النبره
=يصل لما حدود الهند ومنيبار
وقع هادي وحذرك يوم تتوتر=وخذ لك في الهوى يا صاحبي تره
=ولكنك حذر لاتقطب الاوتار

عوائد للبحور الطاميه تجزر= ون معجب بمد البحر أوجزره
= وحب المجزره واللحم والجزار
عمر هادسنه قمبس وقد زمر=وسوى زي علي ناصر مع الزمره
=وبيّت يشترح عا الطبل والمزمّار

الواقعي

07-24-2010, 02:40 AM

عوائد للبحور الطاميه تجزر= ون معجب بمد البحر أوجزره
= وحب المجزره واللحم والجزار
عمر هادسنه قمبس وقد زمر=وسوى زي علي ناصر مع الزمره
=وبيّت يشترح عا الطبل والمزمّار

كلاااااااااااااااااااام كلااااااااااااااااااااااااام
قمه يابورائد

صوت سيبان

07-24-2010, 02:45 AM

كلاااااااااااااااااااام كلااااااااااااااااااااااااام
قمه يابورائد

أن ماشي نوم سرى أخي الواقعي مشتاق لكلامك
وخل الذيب يحلم بأيام وادي عمد

الواقعي

07-24-2010, 02:53 AM

أن ماشي نوم سرى أخي الواقعي مشتاق لكلامك
وخل الذيب يحلم بأيام وادي عمد

محمد الشرفي يقول

انا لم اعد حُلم المخادع طار بي =حُلم المداخن فوق حُلم المخدع

صوت سيبان

07-24-2010, 02:58 AM

محمد الشرفي يقول

انا لم اعد حُلم المخادع طار بي =حُلم المداخن فوق حُلم المخدع

درر من ذهب أخي الواقعي أتأمل التعبير وقارنه بتفسيره

صوت سيبان

07-24-2010, 03:04 AM

بعد ثلاثين دقيقه من الأن
سيكون يمين الشاشه333 وشمالها1111
لغز يريد حل أخي الواقعي

الواقعي

07-24-2010, 03:11 AM

درر من ذهب أخي الواقعي أتأمل التعبير وقارنه بتفسيره

ما اخصب الخيال لدى الشعراء
وافة الانسان التفسير ... ياصديقي
كم عانت ارقى الامم من الهزائم نتيجة التفسير والتقدير الخاطي