مجلس الدان الحضرمي

[أحمد العمودي أبوفيصل]

كلنا بغينا فصل

[الواقعي]

إنثرك مكمن ومرقط وملسك ولا نحنا داريين بك. مستني غلطة
ولا نقول لك إلاّ: إللي يعمل يغلط وإاللي ما يعملش ما يغلطش
He who works goofs; he who does not work does not goof
دمت بخير

طالما انني متواجد بشرق افريقيا اي (سواحل) على قول الشيبان
يقولو با اللغه السواحليّه (salaleh)اي صلى الله عليه وعلى اله وسلم
قريبه من (صلعم) يا بو عوض والا ايش رايك

[محمد سعيد بن مخاشن]

من عيونه تتخ

هلا وألفين يا حيّا بــ ( صوت الكور ومْسندم )
أبو رايد لذي يحسب لكل شي عشر لا قدّام

ولكن الحساب أحيان قل للمشجري يطهم
يضيع الحاسب الحسّاب والحاسوب والكرّان





والله إنني ما لاحظت هذه الغلطة إلا ذلحين وإنت بنفسك يا بو طارق لو لاحظتها البارح إن كان قلت لي عليها
أكيد أبو عوض دزك علينا وإلا إن كانت مرت هذه الغلطة ولا من شاف ولا من دري.

[أحمد العمودي أبوفيصل]

ابوطارق هت فصل فرصه المخشني موجود

[عمر الذيب]

هلا وألفين يا حيّا بــ ( صوت الكور ومْسندم )
أبو رايد لذي يحسب لكل شي عشر لا قدّام

ولكن الحساب أحيان قل للمشجري يطهم
يضيع الحاسب الحسّاب والحاسوب والكرّان





والله إنني ما لاحظت هذه الغلطة إلا ذلحين وإنت بنفسك يا بو طارق لو لاحظتها البارح إن كان قلت لي عليها
أكيد أبو عوض دزك علينا وإلا إن كانت مرت هذه الغلطة ولا من شاف ولا من دري.
والله العظيم اني قد شفتها البارح في نفس اللحظه بس انا واثق انه غلط املائي مع السرعه لاني اعرف من هو بو صالح

[عمر الذيب]

ظهرابليس يتعكر على ليمان واليسره=ولا له شغل الا البحث عا الغلطات والزلات

[عمر الذيب]

ظهرابليس يتعكر على ليمان واليسره=ولا له شغل الا البحث عا الغلطات والزلات

عوض لا عوض كنك عصدت الفول في الجره=ولا هي لوله منك جرت وتكررت مرات

[محمد سعيد بن مخاشن]

ظهرابليس يتعكر على ليمان واليسره=ولا له شغل الا البحث عا الغلطات والزلات

ويومه عيف أنا حبّه ونمشي منـْـه بالستره
لأنـّـي بعرف إنـّـه ولـْـد جعفر!!! ذري بن عبدات

مغنّم من غنيمه شـُـفـْـه متربّي على الهدره
وعمّه بو شنب شاعر سكنه الله في الجنـّــات

[الواقعي]

عوض لا عوض كنك عصدت الفول في الجره=ولا هي لوله منك جرت وتكررت مرات


عوض مسكين يائس من عرب بغداد والبصره=ومن ولد الملوّح لي يمد بندقه عالزقرات

[محمد سعيد بن مخاشن]

عوض لايا عوض كنك عصدت الفول في الجره=ولا هي لوله منك جرت وتكررت مرات

عليك وحده ........ عوض لا يا عوض

[عمر الذيب]

ويومه عيف أنا حبّه ونمشي منـْـه بالستره
لأنـّـي بعرف إنـّـه ولـْـد جعفر!!! ذري بن عبدات

مغنّم من غنيمه شـُـفـْـه متربّي على الهدره
وعمّه بو شنب شاعر سكنه الله في الجنـّــات

الى هو ولد بن عبدات كانه يطرح الجمره=على البوري سوىماهو كذا من حيث ماقد جات

[محمد سعيد بن مخاشن]

عوض مسكين يائس من عرب بغداد والبصره=ومن ولد الملوّح لي يمد بندقه عالزقرات

فتيني قل لولـْـد الذيب في ذا القول ذي نـُـكره
ومَن ولـْـد الملوّح؟ هو من الرضحين أو لقلات

[أحمد العمودي أبوفيصل]

ويومه عيف أنا حبّه ونمشي منـْـه بالستره
لأنـّـي بعرف إنـّـه ولـْـد جعفر!!! ذري بن عبدات

مغنّم من غنيمه شـُـفـْـه متربّي على الهدره
وعمّه بو شنب شاعر سكنه الله في الجنـّــات

لمى متى وانته في زره قفى زره = وكن ابليس متقصد يدورلك على الغلطات

[عمر الذيب]

فتيني قل لولـْـد الذيب في ذا القول ذي نـُـكره
ومَن ولـْـد الملوّح؟ هو من الرضحين أو لقلات

انا مالي ومال الناس في سيحوت والمهره=ولا لي دخل في معمر ولا لي دخل في السادات

[أحمد العمودي أبوفيصل]

انا مالي ومال الناس في سيحوت والمهره=ولا لي دخل في معمر ولا لي دخل في السادات

عمر قد لي زمن منك ولاشفناك بالمره = ولاهذا سوى منك علينا قاطع العادات

[محمد سعيد بن مخاشن]

الى هو ولد بن عبدات كانه يطرح الجمره=على البوري سوىماهو كذا من حيث ماقد جات

رماد إتخلـّـف النيران والفارس يجيب زقره
وهاذي حكمة المولى بديع الأرض وسْماوات

[عمر الذيب]

لمى متى وانته في زره قفى زره = وكن ابليس متقصد يدورلك على الغلطات

قصر بندقك ماصاب الهدف في السدر لاتزره=ضرب ريض وباتضوي باقشعه من جبل عينات

[محمد سعيد بن مخاشن]

انا مالي ومال الناس في سيحوت والمهره=ولا لي دخل في معمر ولا لي دخل في السادات

نـْـتِـه عا راسك الرّمله ... تبا التهمه لباصرّه
وباصرّه مساير لك وبتدهبيه في شخرات

[الواقعي]

انا مالي ومال الناس في سيحوت والمهره=ولا لي دخل في معمر ولا لي دخل في السادات


عوض جابك مترجم تفتح الترّميز والشفره=لسؤ حظه طلعّت انته مخزّن نصف جخرك قات

[عمر الذيب]

رماد إتخلـّـف النيران والفارس يجيب زقره
وهاذي حكمة المولى بديع الأرض وسْماوات

اجل ماله ومال الشعر قله بيع لك خضره=ولا ما سلكت في الخضره لقه لك شاص بع لك قات

[محمد سعيد بن مخاشن]

لمى متى وانته في زره قفى زره = وكن ابليس متقصد يدورلك على الغلطات

أنا مخلوق عا توّي ومن دحدور لا حفره
وربّك يمتحن لنسان ذي عا صِكـّــتِـه سجدات

[عمر الذيب]

عوض جابك مترجم تفتح الترّميز والشفره=لسؤ حظه طلعّت انته مخزّن نصف جخرك قات

عوض ماهو على توه وعامد لي حجر عثره=ونا مهما حصل يا الواقعي ماداني العثرات
احب المنيبه لي تعصر الجلجل مية عصره=ولا لي دخل باهل الثلب انه حي وان قد مات

[موسوليني]

اجل ماله ومال الشعر قله بيع لك خضره=ولا ما سلكت في الخضره لقه لك شاص بع لك قات


يقول الموسليني مامعي بصره ولاخبره= كما لي قدعبر عمره وهو يسمر في السمرات
أرشدوني لو ماجا على اللحن

[عمر الذيب]

يقول الموسليني مامعي بصره ولاخبره= كما لي قدعبر عمره وهو يسمر في السمرات
أرشدوني لو ماجا على اللحن
مئه في المئه ياموس

[محمد سعيد بن مخاشن]

اجل ماله ومال الشعر قله بيع لك خضره=ولا ما سلكت في الخضره لقه لك شاص بع لك قات

وله إذنين هو يسمعك لا داعي لها الكرّه
فقط قل لي ثمار الدوم هل من بيعها أميات؟

[موسوليني]

مئه في المئه ياموس


الشكر لك على هذا التشجيع

[محمد سعيد بن مخاشن]

عوض ماهو على توه وعامد لي حجر عثره=ونا مهما حصل يا الواقعي ماداني العثرات
احب المنيبه لي تعصر الجلجل مية عصره=ولا لي دخل باهل الثلب انه حي وان قد مات


احب المنيبه لي تعصر الجلجل مية عصره

الوزن؟ نسمح لغيرك أما أنت فلا!!

[عمر الذيب]

وله إذنين هو يسمعك لا داعي لها الكرّه
فقط قل لي ثمار الدوم هل من بيعها أميات؟

يجا وبك العمودي ان معه يا صاحبي قدره=وحسب الظن با يجاوب وبا يسجل هدف لاشات

[الفتى الرحال]

ريالك ذاء السنه هو قد فقد سعره=وسعر الصرف هو نازل وبايصبح كما اليرات

[عمر الذيب]

احب المنيبه لي تعصر الجلجل مية عصره

الوزن؟ نسمح لغيرك أما أنت فلا!!
المن ي به

[موسوليني]

شربنا العام بالمرزم وغاث إسهيل والزبره=وماهذا السنه يظهر مقيظه عندنا وسنات
علوب الحاظنه يبست ويابس مشط بوشهره=رحمنا يامهيمن وقض لي حاجه من الحاجات

[محمد سعيد بن مخاشن]

عوض ماهو على توه وعامد لي حجر عثره=ونا مهما حصل يا الواقعي ماداني العثرات
احب المنيبه لي تعصر الجلجل مية عصره=ولا لي دخل باهل الثلب انه حي وان قد مات

عــــوض جــابــك مـتــرجــم تـفــتــح الـتـرّمـيــز والـشــفــره
لسؤ حظه طلعّت انته مخزّن نصف جخرك قات

أنا ما با تدخـّـل بين ضرس الثوم والقشره
وبا تمّي بجدّه ويش يحوجني على السّفرات؟

فضايح ظهرت ألاّ اليوم مثبوته لها نمره
وأيضـًـا إستمارتها لها توثيق ومْلفـّات

[أحمد العمودي أبوفيصل]

وله إذنين هو يسمعك لا داعي لها الكرّه
فقط قل لي ثمار الدوم هل من بيعها أميات؟

محمد قال بوفيصل عطيتك اذن هالمره = ولابسمح يقول الشيخ علينا تردف الزلات
وبطلع بك حسر عسره وهي عصره قفى عصره = ونا ماباك تستعجل تعدي فوق هالعصرات

[محمد سعيد بن مخاشن]

يقول الموسليني مامعي بصره ولاخبره= كما لي قدعبر عمره وهو يسمر في السمرات
أرشدوني لو ماجا على اللحن

رحب يا ولـْـد فاشستي نبا من وجهكم نظره
وفي روما ألا يا ريت لي (( قيرل )) تكلـّــم شات

وتطبخ معكرونه لا شـَــتـَـد في الظهر جم حرّه
ونص الليل تصحبني إلى دسكو من الدّسكات

[عمر الذيب]

عــــوض جــابــك مـتــرجــم تـفــتــح الـتـرّمـيــز والـشــفــره
لسؤ حظه طلعّت انته مخزّن نصف جخرك قات

أنا ما با تدخـّـل بين ضرس الثوم والقشره
وبا تمّي بجدّه ويش يحوجني على السّفرات؟

فضايح ظهرت ألاّ اليوم مثبوته لها نمره
وأيضـًـا إستمارتها لها توثيق ومْلفـّات


تركنا من غثيث الهرج واسمع مؤجز النشره=ترى بعض الحجج يا المخشني تكسب بها سيئات
تريض واحسب الحسبه وخل الوزن عا الشعره=وقايس قبل ما تقطع وتتندم على مافات
ترى نحنا خصمنا لك من اول في الميه عشره=وبعد اليوم ماشي خصم للبدوان في سيهات

[موسوليني]

عــــوض جــابــك مـتــرجــم تـفــتــح الـتـرّمـيــز والـشــفــره
لسؤ حظه طلعّت انته مخزّن نصف جخرك قات

أنا ما با تدخـّـل بين ضرس الثوم والقشره
وبا تمّي بجدّه ويش يحوجني على السّفرات؟

فضايح ظهرت ألاّ اليوم مثبوته لها نمره
وأيضـًـا إستمارتها لها توثيق ومْلفـّات



على حسب العوايد لوله بعطس من النخره= إذا شميت ريح الكزبره في مزرعة لقلات
ولاشفت المناحر والشرق بجلس على السفره=ومن لحم الغذالب بدهن الشارب مع ليدات

[عمر الذيب]

على حسب العوايد لوله بعطس من النخره= إذا شميت ريح الكزبره في مزرعة لقلات
ولاشفت المناحر والشرق بجلس على السفره=ومن لحم الغذالب بدهن الشارب مع ليدات
كلام كلام ياموس

[محمد سعيد بن مخاشن]

شربنا العام بالمرزم وغاث إسهيل والزبره=وماهذا السنه يظهر مقيظه عندنا وسنات
علوب الحاظنه يبست ويابس مشط بوشهره=رحمنا يامهيمن وقض لي حاجه من الحاجات

رحمنا يا مهيمن

حَسَن في الآخره يرحمك ما الدنيا لها ودره
وخلـّـيها إل علي صالح ولك في الآخره حسنات

وخلـّـيها لبن ثاني ألا لله يا درّه
بلايين الدّراهم في جيوبه وإنت لك فلسات

[محمد سعيد بن مخاشن]

تصبحون على خيـــــــر
روسكم ناشفه

[عمر الذيب]

على حسب العوايد لوله بعطس من النخره= إذا شميت ريح الكزبره في مزرعة لقلات
ولاشفت المناحر والشرق بجلس على السفره=ومن لحم الغذالب بدهن الشارب مع ليدات

كلامك نب لا ياموس مثل العود والبتره=يهيض زاكي المعنى ووزنه كامل الوزنات
عجبني جم وشل الشوش من خاطري والحسره=وذكرني زماني لولي ياطيب النيات

[عمر الذيب]

تصبحون على خيـــــــر
روسكم ناشفه
الليله الفصل على بن مخاشن يا جماعه قلتو ايه

[عمر الذيب]

الليله الفصل على بن مخاشن يا جماعه قلتو ايه
قلنا بو صالح هوه هو ه بو مخشن هوه هوه هوه

[عمر الذيب]

وين المخشني

[صوت سيبان]

قلنا بو صالح هوه هو ه بو مخشن هوه هوه هوه

كلام في مكانه وبي جيك ذلحين المخنشي لاتستعجل يا بوطارق

[موسوليني]

يمكن أستاذنا الكبير غير موجود وهذه محاوله يمكن تصلح ولاجاء الأستاذ بن مخاشن غيروها ون هناك غلط قلي ياذيب بارك الله فيك


يوم سني خمس تعشر كنت متولع وحب عشق الغواني= حيث ماسرحن سرح وسط الخبوت الخاليات
وأرتعش لمسيت عند البدو لي دايم يحبون المغاني= مي غمضلي جفن وعيوني يباتن ساهرات

[عيبون]

يمكن أستاذنا الكبير غير موجود وهذه محاوله يمكن تصلح ولاجاء الأستاذ بن مخاشن غيروها ون هناك غلط قلي ياذيب بارك الله فيك


يوم سني خمس تعشر كنت متولع وحب عشق الغواني= حيث ماسرحن سرح وسط الخبوت الخاليات
وأرتعش لمسيت عند البدو لي دايم يحبون المغاني= مي غمضلي جفن وعيوني يباتن ساهرات


مرحبا بكلام شاعر مثل ماقرص البغيّه في صياني=قد فرحبه خاطري وشفى الصواب النافرات

والبنادق تختلف والميزر النبّوت تعجبني قروحه ياخواني=والذي مايصيد يدوش يالعقول الزاكيات

[موسوليني]

مرحبا بكلام شاعر مثل ماقرص البغيّه في صياني=قد فرحبه خاطري وشفى الصواب النافرات

والبنادق تختلف والميزر النبّوت تعجبني قروحه ياخواني=والضرب لاماصاد يدوش يالعقول الزاكيات



يعجب المرشون لاسرج وتعجبني قروح العيلماني= ذي تهز القاع وتهز الحيود النايفات
تفرح الصاحب وترمي بالغثاء في كل شاني=لي يحب نفسه وبس من حيث ماضلا وبات

[عيبون]

يعجب المرشون لاسرج وتعجبني قروح العيلماني= ذي تهز القاع وتهز الحيود النايفات
تفرح الصاحب وترمي بالغثاء في كل شاني=لي يحب نفسه وبس من حيث ماضلا وبات


ويش هذا الهرج ذي هو شل همومي قال شاعر مع حزاني=والهروج الوافيه شفها كما سكر نبات

والعسل شغل العذيبي حس طعمه يارفيقي في لساني=والموارد صافيه شفها عتومك هانيات

[موسوليني]

ويش هذا الهرج ذي هو شل همومي قال شاعر مع حزاني=والهروج الوافيه شفها كما سكر نبات
والعسل شغل العذيبي حس طعمه يارفيقي في لساني=والموارد صافيه شفها عتومك هانيات



بن هلابي شيخ فالجعده وله عند القبايل وضع ثاني= فارضن نفسه وله تقدير في كل الجهات
موكبه معروف داريبه هناء وهناك كل قاصي وداني=فيه دبابه وفيه الميم ط والطائرات

[عيبون]

بن هلابي شيخ فالجعده وله عند القبايل وضع ثاني=فارضن نفسه وله تقدير في كل الجهات
موكبه معروف داريبه هنا وهناك كل قاصي وداني=فيه دبابه وفيه الميم ط والطائرات


ماعليكم زود قدرك فوق راسي انت لاياوعل حاني=مثل صيره قال شاعر في علوّه والثبات

من يقدرني انا بلقيه عاكتفي ومن فوق المتاني=ذه طبيعه (ف)الجعيدي شف شروعه وافيات

وانت تستاهل وحصنك عندنا مخصوص من بد المباني=شوفني عزّك كما عز العراقي للفرات

[موسوليني]

ماعليكم زود قدرك فوق راسي انت لاياوعل حاني=مثل صيره قال شاعر في علوّه والثبات

من يقدرني انا بلقيه عاكتفي ومن فوق المتاني=ذه طبيعه (ف)الجعيدي شف شروعه وافيات

وانت تستاهل وحصنك عندنا مخصوص من بد المباني=شوفني عزّك كما عز العراقي للفرات


الكلام الزين جلسني وخلاني مسمر في مكاني=وعصر الهاجس ورد على قوافي شافيات
جات من عيبون ذي ورد وصدر من غزيرات المعاني=ألف ياحيا وسهلا بالقصيد المقبلات

[عيبون]

غصب فارقت المحب ودموع عيني مثل ما طش المزاني=مارضي قلبي يتناسى الليالي ماضيات

والوطن عشقه وقدره قد رضعته قال شاعر في لباني=واذكره اكثر وقوتي في مظلّي والمبات

[بن احمد]

كلام ياموس وقر في حيد سجل اعجابي
والله وطلعت بتّار منت موس رايع ولا يهونون الشباب

[موسوليني]

غصب فارقت المحب ودموع عيني مثل ما طش المزاني=القلب قط ماطاع ينساها ليالي ماضيات

وامّا الوطن عشقه وقدره قد رضعته قال شاعر في لباني=واذكره اكثر وقوتي في مظلّي والمبات


فرقت المضنون والهجران صعبه عالكويتي والعماني=والبشر مره سوى من شله المولى ومات
والوطن حبه عباده أخلصيله يايساري يايماني=وأرخصي الغالي ورشي بالقروش الفليات

[عيبون]

الّلقا شوفه كما البستان وياكم غصن في الاشجار داني=والفراق الا كما صحرا الربوع الخاليات

كل ما مديت يدّي باتلافى الخل تعجز ماتوصّله يداني=بيننا والخل شفها جم مراحل مبعدات

اخوي موسوليني اعتذر منك خروج طاري ولا والله استهوتني ابياتك بيننا لقا انشالله

[موسوليني]

الّلقا شوفه كما البستان وياكم غصن في الاشجار داني=والفراق الا كما صحرا الربوع الخاليات

كل ما مديت يدّي باتلافى الخل تعجز ماتوصّله يداني=بيننا والخل شفها جم مراحل مبعدات

اخوي موسوليني اعتذر منك خروج طاري ولا والله استهوتني ابياتك بيننا لقا انشالله

كل الشكر لك وعذرك معاك كمان أستسمح أخواني على الخروج الأطراري وبيننا غداً أن شاء الله

[صوت سيبان]

أيش هذا الأبداع ياعيبون والموس فعلاً طلع سيف قطاع على قول بن أحمد أبدعتوا بيض الله وجوهكم
وين الشباب ياعم محمد بغينا سمره تصم الراس

[صوت سيبان]

الظاهر النوم أفضل

[صوت سيبان]

تصبحون على خير

[صوت سيبان]

أصبحنا وأصبح الملك لله00 وينكم البارح يابن مخاشن لاحس لك ولا للذيب

[محمد سعيد بن مخاشن]

أصبحنا وأصبح الملك لله00 وينكم البارح يابن مخاشن لاحس لك ولا للذيب

والله يا بو رايد جوني ضيوف البارح وإعتذرت حتى من (مجالس نهد )

المهم ... إليكم هذاالصوت وهو طيب للشعار يتمرنون عليه لأن فيه صعوبة شوية.
متأكد أنه لن يتواصل عليه إلاّ القلـّـه

&&&&&&&&&&&&&&&&&&&&&&&&&&&&&&&&&&&&&&&&&&&&&&&&

مبارك اليزيدي

اربع دقايـق فـي كل ساعة غـن يـالـمغـني = الـصـوت هذا ما با نملّه لـما تـغـيـب الـزاهـريـن


سالم بقشان


هات الحقايق خل الاشاعـة وابدع وثني = والا لماذا فحس الرياعة ذي تظهر الحق اليقين


محمد بن مخاشن

يا مصْعَبَه جم بدع اليزيدي غيّب بذهني
رددت دانه لـُـمّـا سحرني بابل بها السحر المبين

وسْـط المداره نرقص لوحدي ما حد لحقني
الظاهر إنـّـك يا الدقم وأهلك رحتوا قفا لعب الكرين

[الشافعي]

والله يا بو رايد جوني ضيوف البارح وإعتذرت حتى من (مجالس نهد )

المهم ... إليكم هذاالصوت وهو طيب للشعار يتمرنون عليه لأن فيه صعوبة شوية.
متأكد أنه لن يتواصل عليه إلاّ القلـّـه

&&&&&&&&&&&&&&&&&&&&&&&&&&&&&&&&&&&&&&&&&&&&&&&&

مبارك اليزيدي

اربع دقايـق فـي كل ساعة غـن يـالـمغـني = الـصـوت هذا ما با نملّه لـما تـغـيـب الـزاهـريـن


سالم بقشان


هات الحقايق خل الاشاعـة وابدع وثني = والا لماذا فحس الرياعة ذي تظهر الحق اليقين


محمد بن مخاشن

يا مصْعَبَه جم بدع اليزيدي غيّب بذهني
رددت دانه لـُـمّـا سحرني بابل بها السحر المبين

وسْـط المداره نرقص لوحدي ما حد لحقني
الظاهر إنـّـك يا الدقم وأهلك رحتوا قفا لعب الكرين


البال رايق لاياجماعه بذرى وبجني=ماباتخلى بابلغه حله ياهل العقول الرازيين

[عيبون]

والله يا بو رايد جوني ضيوف البارح وإعتذرت حتى من (مجالس نهد )

المهم ... إليكم هذاالصوت وهو طيب للشعار يتمرنون عليه لأن فيه صعوبة شوية.
متأكد أنه لن يتواصل عليه إلاّ القلـّـه

&&&&&&&&&&&&&&&&&&&&&&&&&&&&&&&&&&&&&&&&&&&&&&&&

مبارك اليزيدي

اربع دقايـق فـي كل ساعة غـن يـالـمغـني = الـصـوت هذا ما با نملّه لـما تـغـيـب الـزاهـريـن


سالم بقشان


هات الحقايق خل الاشاعـة وابدع وثني = والا لماذا فحس الرياعة ذي تظهر الحق اليقين


محمد بن مخاشن

يا مصْعَبَه جم بدع اليزيدي غيّب بذهني
رددت دانه لـُـمّـا سحرني بابل بها السحر المبين

وسْـط المداره نرقص لوحدي ما حد لحقني
الظاهر إنـّـك يا الدقم وأهلك رحتوا قفا لعب الكرين


الاجودي مابايغيّرها طباعه والجود فنّي=وامّا الشرف يرفع مقامك على الحيود النايفين

وبالقليله خلّها عندك قناعه ذا نصح منّي=يوم الطمع شفله عواقب ماتسر الطامعين

[الشافعي]

الوزن فايق ياهل الضلاعه ماهو بوزني=من قبل نبدى بحسب لحمله ذا حمل يالصاحب رزين

[عيبون]

الوزن فايق ياهل الضلاعه ماهو بوزني=من قبل نبدى بحسب لحمله ذا حمل يالصاحب رزين


شفني مفارق كل الجماعه والبعد هدني=والخل يقسى قلّه وقلّه اعطف علي لا يالظنين

من وقت سابق ناشر شراعه وبعيد عنّي=ماليوم اقفى وانحن لاجله وسط البحور الطاميين

[عيبون]

الحصن غارق سقطت رباعه يالي بتبني=حطّيت مبنى عاقاع سهله مكّن سواسك يافطين

لا لاح بارق في طين ساعه حذّرك شفني=من موج كبرى تاتي بغفله باتخلّي القاسي يلين

[محمد سعيد بن مخاشن]

البال رايق لاياجماعه بذرى وبجني=ماباتخلى بابلغه حله ياهل العقول الرازيين

100%
سلمت

[محمد سعيد بن مخاشن]

الاجودي مابايغيّرها طباعه والجود فنّي=وامّا الشرف يرفع مقامك على الحيود النايفين

وبالقليله خلّها عندك قناعه ذا نصح منّي=يوم الطمع شفله عواقب ماتسر الطامعين

فضلا راجع الأوزان

[عيبون]

فضلا راجع الأوزان

انا معك ياعم محمد في هذا وانا بغيت باعدّله معاد مداني ياريت احد المشرفين يقوم بحذفه
لكن البيتين الي بعدهم هل جينا عالوزن ولا لا

نورنا يالمخشني

[محمد سعيد بن مخاشن]

شفني مفارق كل الجماعه والبعد هدني=والخل يقسى قلّه وقلّه اعطف علي لا يالظنين

من وقت سابق ناشر شراعه وبعيد عنّي=ماليوم اقفى وانحن لاجله وسط البحور الطاميين

100%
سلمت

[محمد سعيد بن مخاشن]

الحصن غارق سقطت رباعه يالي بتبني=حطّيت مبنى عاقاع سهله مكّن سواسك يافطين

لا لاح بارق في طين ساعه حذّرك شفني=من موج كبرى تاتي بغفله باتخلّي القاسي يلين

100%
سلمت

[محمد سعيد بن مخاشن]

الاجودي مابايغيّرها طباعه والجود فنّي=وامّا الشرف يرفع مقامك على الحيود النايفين

وبالقليله خلّها عندك قناعه ذا نصح منّي=يوم الطمع شفله عواقب ماتسر الطامعين

ما يلي لمجرد توضيح كيفية الوزن ( وقد أدخلت أقل قدر ممكن من التغيير على نصّك الأصلي ):

الأجودي ما ترّك طباعه والجود فنـّي
وأما الشرف با يرفع مقامك فوق الحيود النايفين

وبالقليله لـُـذ بالقناعه ذا نصْح منـّـي
يوم الطمع شف بعده عواقب ذي ما تسر الطامعين

[محمد سعيد بن مخاشن]

هل فيه أحد غير الشافعي والحنبلي ( عيبون )؟
وسْـط المداره نرقص لوحدي ما حد لحقني!!!

[عيبون]

100%
سلمت


يانور شارق يعجب شعاعه نوّرت حصني=نورك تجلّى ياشهر قبله وينك ندوّرلك سنين

( ف)الراس حارق هاتو المداعه من سمح قدني=ماحسبت بقعى قطعن وجمله شف تاليتها فانيين

العذر من الجميع دوام ياعم محمد

[محمد سعيد بن مخاشن]

زهْر الشقايق في وسْط قاعه والله شظنـّــي
لا قلت: يا ذا! جوّب: إبلـّــه حارس على فـُـل ياسمين

[الواقعي]

جا بن مخاشن فاتل ذراعه*بو قرن محني=واهل المغاني من ظاع دلّه*نافّس كبار الناقدين
السوق خالي ماشي بضاعه*منتوج وطني=لي يعرضونه تحت المضلّه*حتى الجلب ماشي سمين

احد با ينقذ السمره الليله بفصل سمر

[الشافعي]

زهْر الشقايق في وسْط قاعه والله شظنـّــي
لا قلت: يا ذا! جوّب: إبلـّــه حارس على فـُـل ياسمين


لقيت عايق صبه رباعه قفزه تعبني=وان حد تحدى ويده طويله بايصير ضمن التايهين

[الشافعي]

جا بن مخاشن فاتل ذراعه*بو قرن محني=واهل المغاني من ظاع دلّه*نافّس كبار الناقدين
السوق خالي ماشي بضاعه*منتوج وطني=لي يعرضونه تحت المضلّه*حتى الجلب ماشي سمين

احد با ينقذ السمره الليله بفصل سمر

بايدك يالنشمي فصل وتوكل الله يبارك فيك

[عمر الذيب]

جا بن مخاشن فاتل ذراعه*بو قرن محني=واهل المغاني من ظاع دلّه*نافّس كبار الناقدين
السوق خالي ماشي بضاعه*منتوج وطني=لي يعرضونه تحت المضلّه*حتى الجلب ماشي سمين

احد با ينقذ السمره الليله بفصل سمر

ايقول بو طارق عمر هل عادشي مخرج وحل=والا تلاشى الخط مابين المحرم والحلال
هذي السنه حطيت حملي والثقل ظهر الجمل=وامسى بها يرغي الجمل يلعن ابو بعض الجمال

[صوت سيبان]

سمره رائعه ياشباب البارح النت أبطح بي لابارك الله فيه ولكن سنعوض الليله

[محمد سعيد بن مخاشن]

جا بن مخاشن فاتل ذراعه*بو قرن محني=واهل المغاني من ظاع دلّه*نافّس كبار الناقدين
السوق خالي ماشي بضاعه*منتوج وطني=لي يعرضونه تحت المضلّه*حتى الجلب ماشي سمين

احد با ينقذ السمره الليله بفصل سمر

إنتو بغيتوا ألاّ دُجُر وخصاره دُجُر
أي نفس الأصوات إللي قدكم تعرفونها
ولا يهمّك ... با نتبعكم على خبيط الرّماد
إنما للمعلوميّة أن هذا صوت شجي ( لو سمعته ) ومشهور في البلاد ولا يعيبه كونه صعب

[عمر الذيب]

سمره رائعه ياشباب البارح النت أبطح بي لابارك الله فيه ولكن سنعوض الليله
نعم البارح النت خذلنا ما ادري ايش فيه

[أحمد العمودي أبوفيصل]

وين الفصل

[عمر الذيب]

ايقول بو طارق عمر هل عادشي مخرج وحل=والا تلاشى الخط مابين المحرم والحلال
هذي السنه حطيت حملي والثقل ظهر الجمل=وامسى بها يرغي الجمل يلعن ابو بعض الجمال
هذا الفصل

[أحمد العمودي أبوفيصل]

حيا رحب بابيات من شاعر كمى طعم العسل = يشكي ويتشكا عمر من شعب قد ديع وسال
ونا ماباك تتشكى وخلك قال شاعر في المحل = عليك بالتقوى وذكر الله يغير كل حال

[محمد سعيد بن مخاشن]

ايقول بو طارق عمر هل عادشي مخرج وحل=والا تلاشى الخط مابين المحرم والحلال
هذي السنه حطيت حملي والثقل ظهر الجمل=وامسى بها يرغي الجمل يلعن ابو بعض الجمال

يا زين قافيّك وجبت القول ما قلاّ ودل
ما تحبّه التطويل مثل إللي تعوّد عا الدّلال

لكنني مفهمت ثاني بيت ... من فضلك رسل
معناه لي بالخاص ... عجّل بالكتابه والرّسال

[محمد سعيد بن مخاشن]

جا بن مخاشن فاتل ذراعه*بو قرن محني=واهل المغاني من ظاع دلّه*نافّس كبار الناقدين
السوق خالي ماشي بضاعه*منتوج وطني=لي يعرضونه تحت المضلّه*حتى الجلب ماشي سمين

احد با ينقذ السمره الليله بفصل سمر

ولا يهمّك! دُجُر وخصاره دُجُر

يا الواقعي دايم تشبّه قولنا بضرس البصل
مكفاك ذِسْمِه ( بو عوض ) عا المخشني بالسيف صال

و ( عاشق الظبيه ) يعاديني ولا عندي زلل
شلـّـه حميدة غـُـرْسْ يسقوني مصفـّـى من زلال

يا قاتل الله الحسد والبُك في قلب البطل
الشيخ ذي معروف مثل الغصن لا خضّر وطال

لكن مصيره ينعسف ترعاه حشواني الهمل
لا يظنني نايم وتأخذني التياسه والهمال

[محمد سعيد بن مخاشن]

بن عمرو ما تهزّه شعاف العكر لنـّــه كالجبل
يعرف طريقه لو زقلته في الوعر بين الجبال

يعطي العدو فرصه يكررها على مهله ذبل
وإنـِّه ركب راسه يشعّقها الملاحف أم ذبال

تمسّون على خير
خروج إضطراري

[عيبون]

عالصوت ذا باجيب كل ماهو مخبّى (ف)الوسل=بنشد على المضنون لي هو مانشد منّي وسال

فارقت مضنوني ورجلي مارضتلي ترتحل=ثقلت رجيلي يوم جا يوم السفر والارتحال

ومازلت عاشق فلوطن من عشقته مابانمل=مابانمل حتّى ولو جحلان قد غيّب ومال

نذكره في صبحي وليلي والعشيّه والمضل=وايّام عدّت والمحب جالس بجنبي( ف)الضلال

جحلان هذا اسم اكبر جبل في حريضه

[العائد1]

هذا الفصل


الحل بيدك يا عمر يكفي كفانا من جدل = قل العمل يالذيب والبلوى ترى كثر الجدال
ما بين هذا هو وذا كل شي تشابه والامل=لا صلحت النيات يتحقق باخلاص الرجال

[الواقعي]

ايقول بو طارق عمر هل عادشي مخرج وحل=والا تلاشى الخط مابين المحرم والحلال
هذي السنه حطيت حملي والثقل ظهر الجمل=وامسى بها يرغي الجمل يلعن ابو بعض الجمال




ماهو من الشيبه ولا لعمام فا الخال الخلل=ماحد يلوم الجيد لكن لي قصر شرع الخوال
والهيج له عادات كم حطو على ظهره وشل=ياكم وكم جمّال كسوتهم تقع شيذر وشال

[الشافعي]

نهنيكم ونبارك لكم بحلول شهر رمضان الكريم
وكل عام وانتم بخير

[الواقعي]

ولا يهمّك! دُجُر وخصاره دُجُر

يا الواقعي دايم تشبّه قولنا بضرس البصل
مكفاك ذِسْمِه ( بو عوض ) عا المخشني بالسيف صال

و ( عاشق الظبيه ) يعاديني ولا عندي زلل
شلـّـه حميدة غـُـرْسْ يسقوني مصفـّـى من زلال

يا قاتل الله الحسد والبُك في قلب البطل
الشيخ ذي معروف مثل الغصن لا خضّر وطال

لكن مصيره ينعسف ترعاه حشواني الهمل
لا يظنني نايم وتأخذني التياسه والهمال



يهناك شهر الصوم يا بن عمرو يا نسل الدول=من صدق عُمله نادره مثل الجنيهات الدوال
ما عاش من يحسدك والّأ يوم سبب لك زعل=يا تاج فوق الراس من جوهر ودُر من صنف عال
من بعد هذا اليوم باب المزح والهزل انقفل=با شل معي ميزان باوزن لك بميزان القفال
انته لي القدوه وشعرك دوب نظرب به مثل=يا صاحب الميزان لي ماشي لميزانك مثال

[عمر الذيب]

يهناك شهر الصوم يا بن عمرو يا نسل الدول=من صدق عُمله نادره مثل الجنيهات الدوال
ما عاش من يحسدك والّأ يوم سبب لك زعل=يا تاج فوق الراس من جوهر ودُر من صنف عال
من بعد هذا اليوم باب المزح والهزل انقفل=با شل معي ميزان باوزن لك بميزان القفال
انته لي القدوه وشعرك دوب نظرب به مثل=يا صاحب الميزان لي ماشي لميزانك مثال
كلام كلام يا الواقعي

[الشبامي]

يهناك شهر الصوم يا بن عمرو يا نسل الدول=من صدق عُمله نادره مثل الجنيهات الدوال
ما عاش من يحسدك والّأ يوم سبب لك زعل=يا تاج فوق الراس من جوهر ودُر من صنف عال
من بعد هذا اليوم باب المزح والهزل انقفل=با شل معي ميزان باوزن لك بميزان القفال
انته لي القدوه وشعرك دوب نظرب به مثل=يا صاحب الميزان لي ماشي لميزانك مثال
صح لسانك يابووليد
ويستاهل بوصالح الكلام الزين
وبين الخُوَه لي يسقط من الشارب تتلقاه اللحيه :)
نستغلها فرصه لنهنئكم جميعا بالشهر الكريم بعد إذن أخي صاحب المجلس عمر الذيب
شهركم مبارك جميعا وكل عام وأنتم بألف خير

[صوت سيبان]

يهناك شهر الصوم يا بن عمرو يا نسل الدول=من صدق عُمله نادره مثل الجنيهات الدوال
ما عاش من يحسدك والّأ يوم سبب لك زعل=يا تاج فوق الراس من جوهر ودُر من صنف عال
من بعد هذا اليوم باب المزح والهزل انقفل=با شل معي ميزان باوزن لك بميزان القفال
انته لي القدوه وشعرك دوب نظرب به مثل=يا صاحب الميزان لي ماشي لميزانك مثال


عيار 24خالص بدون إضافات تسلم وصح لسانك
كل عام وأنته بخير

[صوت سيبان]

كل عام وحلان وزوار هذا الصرح بخير ومن نجاح لنجاح إن شاء الله

[محمد سعيد بن مخاشن]

صح لسانك يابووليد
ويستاهل بوصالح الكلام الزين
وبين الخُوَه لي يسقط من الشارب تتلقاه اللحيه :)
نستغلها فرصه لنهنئكم جميعا بالشهر الكريم بعد إذن أخي صاحب المجلس عمر الذيب
شهركم مبارك جميعا وكل عام وأنتم بألف خير

صح بدنك وبدن جميع الحلان يا بو صالح
السقيفه بها بعض الغبار والعكر ولكن إذا نسنست العليا ( أنت ) يصبح كل ذلك مقبول
ونستأذن الذيب في التبريك للجميع بحلول الشهر الفضيل أعان الله الجميع على صيامه وقيامه

هنـّـي لكم بالشهر والقرآن ( فـ ) أيامه نزل
والشرك والطاغوت من أرض العرب قشـّـع وزال

أعانني بلجود وأيّاكم على خير العمل
وش ذي عليه البار يخواني سوى خير العمال

لولا عقيل الجود أنا والله ما ارضى ننزقل
وسْط السقيفه ... حقد فيها جم وفيها قيل قال

[محمد سعيد بن مخاشن]

فصـــل جـــديد لو سمحتوا

غلبنا ما نباه العيف جاء المقرود والأعيف
وقلنا حكمة المولى وبانصبر على ما راد

وكم يوجد صنم يا الذيب منسي داخل المتحف
وزد عادك صنم واحد إلى مجموعة التعداد

[محمد سعيد بن مخاشن]

أنا من وادي الأحقاف ما غالط ولا نزهف
خلوفة عاد لي موطن ويا نعمك خلوفة عاد

وربعي هم بني لادن معا بقشان معْ بغلف
وبن محفوظ والنـّـهدي ... ذيابه كلـّـهم وآساد

ولا بنسى العمودي شيخ له بيرق بطى يرفرف
ولا وزران ذي العبّاس جدّه من قديم آماد

وساداتي بني هاشم صحاب المطرح الأشرف
كبار القوم وأكرمهم وهم للمصطفى أحفاد

بهم ختـّـمت ذكر إسيوف يا مصقل ويا مرهف
وهل لسلام قد عابه وروده آخر الميراد؟

[المستقل]

كل عام والحلان بخير

ويومكم سعيد

[عمر الذيب]

فصـــل جـــديد لو سمحتوا

غلبنا ما نباه العيف جاء المقرود والأعيف
وقلنا حكمة المولى وبانصبر على ما راد

وكم يوجد صنم يا الذيب منسي داخل المتحف
وزد عادك صنم واحد إلى مجموعة التعداد

كلامك عندنا مثل الذهب في كل محل يصرف=وله قيمه كبيره والمعاني في الكلام الجاد
صبرنا واشتكينا ماقدرنا عا ولد بجنف=لانه ماسك السلطه وعنده دعم من نجاد
ونا وانته مراكزنا بدت يالمخشني تضعف=لان شاهينا قر واحتلج في قاعة البراد


=وكل عام والجميع بخير

[الواقعي]

كلامك عندنا مثل الذهب في كل محل يصرف=وله قيمه كبيره والمعاني في الكلام الجاد
صبرنا واشتكينا ماقدرنا عا ولد بجنف=لانه ماسك السلطه وعنده دعم من نجاد
ونا وانته مراكزنا بدت يالمخشني تضعف=لان شاهينا قر واحتلج في قاعة البراد


=وكل عام والجميع بخير



سيول المنخفض سالت وسيل ابليس قام اردف=كما فرعون جا له من قدى هامان مد واسناد

وكل عام وانتم بخير

[عمر الذيب]

سيول المنخفض سالت وسيل ابليس قام اردف=كما فرعون جا له من قدى هامان مد واسناد

وكل عام وانتم بخير
يقولون العرب من لا حذف يا الواقعي يحذف=وحذف المخشني شوفه بشعره عا الهدف ينقاد

[محمد سعيد بن مخاشن]

سيول المنخفض سالت وسيل ابليس قام اردف=كما فرعون جا له من قدى هامان مد واسناد

وكل عام وانتم بخير

ولكن تاليتها قد غرق فرعون وإتنتــّــف
وربّك قل لبو ناصر لكل ظلاّم بالمرصاد

شويه عادني بصبر وباحاسب وبتـْــوَتــَّــف
ومن بعد الظماء والجوع يا رمضان لي أعياد

[محمد سعيد بن مخاشن]

يقولون العرب من لا حذف يا الواقعي يحذف=وحذف المخشني شوفه بشعره عا الهدف ينقاد

وكل من لا حسبها زين قل للذيب يتحسّف
وفي لمثال (( يخـْـسارتك لا الماء عا طحينك زاد ))

[بن قطمان]

كل عام والجميع بالف خير
واخص الشاعر المبدع عمر الذيب صاحب هذا الموضوع
بن قطمان

[ابوشحوف]

كل عام وانتم بالف خير من العايدين

[ميراد باسودان]

من العائدين الفائزين الله يجمعنا في الأوطان

وكل عام وأنتم بخير

[الشافعي]

اللهم اجعل اعيادنا خير الاعياد
واسعدنا بها
واحفضنا من كل شر
عيد مبارك عليكم وكل عام وانتم بخير

[العائد1]

عيـــــــــــــــــــــــد مبارك وكل عام وانتم بخير

[أحمد العمودي أبوفيصل]

كل عام وانتم بخير

[سبع الليل]

ولكن تاليتها قد غرق فرعون وإتنتــّــف
وربّك قل لبو ناصر لكل ظلاّم بالمرصاد

شويه عادني بصبر وباحاسب وبتـْــوَتــَّــف
ومن بعد الظماء والجوع يا رمضان لي أعياد


محمد يامحمد صاحبك مردوف قد ودّف=طمر في بير عوراء مثل بوجعفر وباعباد
بغيت الصدق والمعقول قل له ليه تتوظف=وظيفه مالها معنى تراها ظلم واستبداد

[سبع الليل]

عيدكم مبارك وكل عام وانتم بخير

[الشافعي]

عيدكم مبارك وكل عام وانتم بخير

عيدك مبارك اخي العزيز ياصاحب الاخلاق الحميده
وكل عام وانتم بخير

[سبع الليل]

عيدك مبارك اخي العزيز ياصاحب الاخلاق الحميده
وكل عام وانتم بخير

الله يحفظك ويبارك فيك اخي الشافعي اصيل وابن اصيل بارك الله فيك يالطيب

[سبع الليل]

يقولون العرب من لا حذف يا الواقعي يحذف=وحذف المخشني شوفه بشعره عا الهدف ينقاد


يقولون العرب ذا الوقت كل مظلوم يتنصف=عمر ياصاحبي شفها قضيه مالها نقاد
فسحنا في عوض مرحب وصل نحن عوض لكشف=ولي مقبل اخس وارذل وكله من قداء الحساد

[عمر الذيب]

عيدكم مبارك وكل عام وانتم بخير
اهلا وسهلا ومرحبا باخي سبع الليل
والله اشتقنا لك ياسبع
من العائدين الفائزين وكل عام وانتم بخير في خير

[سبع الليل]

اهلا وسهلا ومرحبا باخي سبع الليل
والله اشتقنا لك ياسبع
من العائدين الفائزين وكل عام وانتم بخير في خير

الله يبارك فيك وفي ايامك اخي بوطارق أصيل وابن أصيل الله يحفظك ويطّول في عمرك يالنشمي
وكل عام وانتم بخير وصحه وسلامه عيدكم مبارك وكل عام وانتم بخير وصحه وسلامه

[سبع الليل]

سيول المنخفض سالت وسيل ابليس قام اردف=كما فرعون جا له من قدى هامان مد واسناد

وكل عام وانتم بخير


سفينة نوح قد رسيت ونحن عالرصف نزحف=متى يالواقعي بانعرف الغشماء من الرواد
وولد ابليس يتعزم بغاء بايحرق المصحف=ونحن في المقاهي نشرب الشاهي من البراد

[الشافعي]

يقولون العرب ذا الوقت كل مظلوم يتنصف=عمر ياصاحبي شفها قضيه مالها نقاد
فسحنا في عوض مرحب وصل نحن عوض لكشف=ولي مقبل اخس وارذل وكله من قداء الحساد


رصيد القوم واحد يارفيقي داخل المصرف=عوض مرحب عوض لعنه ولاحد قوم جونا جداد
قبل كل مايجي لاتقول ذا نعرف وذا معرف=وذي مايعجبك خله ولاتلقيه ضمن الزاد

[صوت سيبان]

كل عام وأنتم بخير

[سبع الليل]

رصيد القوم واحد يارفيقي داخل المصرف=عوض مرحب عوض لعنه ولاحد قوم جونا جداد
قبل كل مايجي لاتقول ذا نعرف وذا معرف=وذي مايعجبك خله ولاتلقيه ضمن الزاد


مصيبه قال سبع الليل ذا طبّل وذا درّف=وفي وسط المداره مادخل باني ولا حداد
دخل بوزيد وعياله ولا قدّر ولا شّرف=خلط جبره مع بزرق وشل الزاد والمزناد

[الشافعي]

مصيبه قال سبع الليل ذا طبّل وذا درّف=وفي وسط المداره مادخل باني ولا حداد
دخل بوزيد وعياله ولا قدّر ولا شّرف=خلط جبره مع بزرق وشل الزاد والمزناد


وحلنا في الزمن ولعد عرفنا كيف نتصرف=ولاعرفنا معه ياهل الهواجس كيف باننقاد
ملامح اهل باطرفي تشابه اهل بامطرف=ولكن صعب نخلطهم سوا في اهل باعباد

[صوت سيبان]

معي هاجس ذكي لكن من أفعال الزمن خرّف=ومن بعد الوقاره صار يتغشمر مع لولاد
وقل الفهم عنده ميقدر عا شي يتعرف = دخل شعبان في أبريل حط هجري معا الميلاد

[سبع الليل]

معي هاجس ذكي لكن من أفعال الزمن خرّف=ومن بعد الوقاره صار يتغشمر مع لولاد
وقل الفهم عنده ميقدر عا شي يتعرف = دخل شعبان في أبريل حط هجري معا الميلاد

ه
هجوسك رازيه يالمشجري واحنا بها اعرف=واقوالك دلاله عالوفاء يشهد لها شهاد
علمنا عاجبل شمسان وعاكل حيد قد رفرف=وبيقود المسيره حقنا عنتر بن الشداد

[بن بريك]

ه
هجوسك رازيه يالمشجري واحنا بها اعرف=واقوالك دلاله عالوفاء يشهد لها شهاد
علمنا عاجبل شمسان وعاكل حيد قد رفرف=وبيقود المسيره حقنا عنتر بن الشداد


زمن ماضي عليه اليوم ياصاحبي تتحسف = وماقد كان في الماضي قنع لابوك ماينعاد
طوينا صفحة الماضي عليه اليوم مانأسف = ولا برجع ورا ما دام عندي للعويله زاد

[بن بريك]

ادوّر عالتطور ونت مثل الناس بي عارف = ونسعى في صلاح الدار ونثبت لها اوتاد
ولا بسمح لجاهل في حقوق الناس يتصرف = وببني في صروح العلم للدعوه وللارشاد

[سبع الليل]

زمن ماضي عليه اليوم ياصاحبي تتحسف = وماقد كان في الماضي قنع لابوك ماينعاد
طوينا صفحة الماضي عليه اليوم مانأسف = ولا برجع ورا ما دام عندي للعويله زاد


فتحنا صفحة الماضي نباء شملول يتنظف=يساوي بين خلق الله لعاد تركي ولا اكراد
ويعدل شوكة الميزان والمكيال لي طفف=وكل مسؤل يتواضع لحكم المحكمه ينقاد

[صوت سيبان]

ه
هجوسك رازيه يالمشجري واحنا بها اعرف=واقوالك دلاله عالوفاء يشهد لها شهاد
علمنا عاجبل شمسان وعاكل حيد قد رفرف=وبيقود المسيره حقنا عنتر بن الشداد


ألا يامرحباء بالشهد لي مدبوس ومقرف= من السكر خلي كسب العذيبي هيّض النقّاد
نقم حبه وحب ردفان كله و النجف لشرف=وشف ماحد عراقي مايحب دجله ولا بغداد

[محمد سعيد بن مخاشن]

سفينة نوح قد رسيت ونحن عالرصف نزحف=متى يالواقعي بانعرف الغشماء من الرواد
وولد ابليس يتعزم بغاء بايحرق المصحف=ونحن في المقاهي نشرب الشاهي من البراد

على الشاهي وعا القهوه نحا يا السبع با ننحف
ولا شي بايقع لو حرقوا المصحف في الأعياد

مدام الحاكم الآمر من التجار زي بغلف
ولا هو زي صلاح الدين ذي عدّت عليه آماد

ننحف = نشرب بكثرة

[محمد سعيد بن مخاشن]

معي هاجس ذكي لكن من أفعال الزمن خرّف=ومن بعد الوقاره صار يتغشمر مع لولاد
وقل الفهم عنده ميقدر عا شي يتعرف = دخل شعبان في أبريل حط هجري معا الميلاد

معك هاجس ذكي يا الصوت من يسمعه يتشرّف
بسمعه يوم بو رايد في القمّه من الروّاد

أنا حب التواضع كنّ شوه إسعيد يـِـطـْـــرّف
في إتواضعه رد نفسه مخرّف غمْر كالمعتاد

غمْــر = مغمور

[صوت سيبان]

معك هاجس ذكي يا الصوت من يسمعه يتشرّف
بسمعه يوم بو رايد في القمّه من الروّاد

أنا حب التواضع كنّ شوه إسعيد يـِـطـْـــرّف
في إتواضعه رد نفسه مخرّف غمْر كالمعتاد

غمْــر = مغمور


لقفت البوسطه وهبيت ذي مكتوب ومزرّف=عسى يوصل بسرعه يامحمد لامقاطن عاد
وعنوان المحب متربه فوق الظرف والأحرف=طباعتها جليّه واضحه تتبند إتبناد

[سبع الليل]

على الشاهي وعا القهوه نحا يا السبع با ننحف
ولا شي بايقع لو حرقوا المصحف في الأعياد

مدام الحاكم الآمر من التجار زي بغلف
ولا هو زي صلاح الدين ذي عدّت عليه آماد

ننحف = نشرب بكثرة


محمد يالخشيني ربنا يرحم ويتلطف=ويشفق عاعباده من فعال الماكر الكياد
سلمنا من كلينتون جاء حنا نمرود يتعطف=يباء يقضي عل كل مابنته اسلافنا الاجداد

[محمد سعيد بن مخاشن]

لقفت البوسطه وهبيت ذي مكتوب ومزرّف=عسى يوصل بسرعه يامحمد لامقاطن عاد
وعنوان المحب متربه فوق الظرف والأحرف=طباعتها جليّه واضحه تتبند إتبناد

قِـرِه لوّل عسى يعجبك يا الزيزوم يا لحنف
ولو ما عجبك حطـّــه في رفوف الفاضله والماد

[محمد سعيد بن مخاشن]

محمد يالخشيني ربنا يرحم ويتلطف=ويشفق عاعباده من فعال الماكر الكياد
سلمنا من كلينتون جاء حنا نمرود يتعطف=يباء يقضي عل كل مابنته اسلافنا الاجداد

وإنثر شي عاد باقي يا أبو جمعان في المسلف؟
خذوا كل الوسل شفهم ولا با ينفع القلاّد

المسلف = مكان مثل السيب بين الدرجان والمخدم ( المطبخ الأرضي ) توضع فيه المئونة لتكون قريبة من المطبخ.

[الشافعي]

السلام عليكم ورحمة الله وبركاته وعيدكم مبارك

[الشافعي]

نحمد المولى عظيم الشان لي رد ابرهه=ابرهه ذيهو عزم بايهدم البيت العتيق
بعد ما عزمواعلى النيه ولقوا بهتره=جاتهم قدره من المولى وسحقتهم سحيق

[سبع الليل]

نحمد المولى عظيم الشان لي رد ابرهه=ابرهه ذيهو عزم بايهدم البيت العتيق
بعد ما عزمواعلى النيه ولقوا بهتره=جاتهم قدره من المولى وسحقتهم سحيق


ولي يلقي مثلهم لابد تقع له زرزره=باتصلهم نار حمراء باتحروقهم حريق
ذي قلال الخير ربيو عاللعب والكركره=لا لهم اول ولا تالي ولا صاحب رفيق

[سبع الليل]

كسّروا يالشافعي راس القلم والمسطره=يومهم غشمان ماعرفوا يدلون الطريق
مقايسينه بحر مابين الرقد والمحضره=والحقيقه لي عرفناها وسع يعقبه ضيق

[الشافعي]

ولي يلقي مثلهم لابد تقع له زرزره=باتصلهم نار حمراء باتحروقهم حريق
ذي قلال الخير ربيو عاللعب والكركره=لا لهم اول ولا تالي ولا صاحب رفيق


طبخة الملعون عدها ماصلت للمعشره=منتضر يسهن على عمه وع خوه الشقيق
لكن الله فوقهم سبحان ذي له المقدره=بايرجع كيدهم لازاد ماهم ع الدقيق

[الشافعي]

مشكله فينا نصدق في صداقة بربره=مانميز ياصليب الراس في عز الصديق
والذي يضحك لنا نلقي لضحكه مفخره=هكذا هو طبعنا والطبع هذا مايليق

[بن بريك]

سفينة نوح قد رسيت ونحن عالرصف نزحف=متى يالواقعي بانعرف الغشماء من الرواد
وولد ابليس يتعزم بغاء بايحرق المصحف=ونحن في المقاهي نشرب الشاهي من البراد


كما قال المثل خالف اذا كانك تبا تعُرف= وهذا الشخص قصده يشتهر اسمه كما الرواد
ومن حرّق مصاحفنا يجي له يوم با يعرف = وبايدفع ثمن باهض ولا باينفعه موساد

[سبع الليل]

طبخة الملعون عدها ماصلت للمعشره=منتضر يسهن على عمه وع خوه الشقيق
لكن الله فوقهم سبحان ذي له المقدره=بايرجع كيدهم لازاد ماهم ع الدقيق


عادها الايام بتشعفر ببوهم شعفره=مايدوم الحال عاحاله ولا رتبة فريق
مثل مالصومال ليهم في قويع المنتره=فضحّوا بالكبش لسود لي بغاء نفسه عريق

[سبع الليل]

مشكله فينا نصدق في صداقة بربره=مانميز ياصليب الراس في عز الصديق
والذي يضحك لنا نلقي لضحكه مفخره=هكذا هو طبعنا والطبع هذا مايليق


طبعنا معروف ياصاحبي كله فشخره=عالذهب والماس نتناحر وعاخير العقيق
ماحنا منهم رجاجيل العرك والهوبره=نرفع السبّاح على لكتاف ونسيب الغريق

[بن بريك]

عادها الايام بتشعفر ببوهم شعفره=مايدوم الحال عاحاله ولا رتبة فريق
مثل مالصومال ليهم في قويع المنتره=فضحّوا بالكبش لسود لي بغاء نفسه عريق


لا طلبت الحل قال الحل عندي عسكره = ما يحاور ولا يحفظ موده للرفيق
خاب من والاه والي دوم عنده ينصره = ما يضيع الحق ما دام المطالب له شقيق

[الشافعي]

عادها الايام بتشعفر ببوهم شعفره=مايدوم الحال عاحاله ولا رتبة فريق
مثل مالصومال ليهم في قويع المنتره=فضحّوا بالكبش لسود لي بغاء نفسه عريق



يارفيقي مشكلتنا من مخوة عرعره=لي كلف نفسه على حمله وهو مابايطيق
وين ذيك النهمره وفيين ذيك العتوره=يضهر انه لاشتد الحبل بايمرق مريق

[الشافعي]

طبعنا معروف ياصاحبي كله فشخره=عالذهب والماس نتناحر وعاخير العقيق
ماحنا منهم رجاجيل العرك والهوبره=نرفع السبّاح على لكتاف ونسيب الغريق


جبتها ع فصل لا يالسبع ياخو الشنفره=هكذا هو طبعنا هذا هو القول الحقيق
من محبين الذهب والماس ماشي عكوره=غير حط ابريق ع الشوله اذا خلص بريق

[الشافعي]

طبعنا معروف ياصاحبي كله فشخره=عالذهب والماس نتناحر وعاخير العقيق
ماحنا منهم رجاجيل العرك والهوبره=نرفع السبّاح على لكتاف ونسيب الغريق

هذه هي الحكمه ممتاز اخي السبع وهذه الابيات تكتب من ذهب

[سبع الليل]

لا طلبت الحل قال الحل عندي عسكره = ما يحاور ولا يحفظ موده للرفيق
خاب من والاه والي دوم عنده ينصره = ما يضيع الحق ما دام المطالب له شقيق


ضاع حقي بعد ماشلوا دخون المبخره=وين بانلقى بديله بعد ضرب المنجنيق
صاحب المونه ملقي عالوادم عنتره=وصاحب المكيال كل ساعه نهق فينا نهيق

[سبع الليل]

هذه هي الحكمه ممتاز اخي السبع وهذه الابيات تكتب من ذهب

بارك الله فيك اخي الشافعي شكرا جزيلا على هذا التواضع اللملموس اطال الله في عمرك يالطيب

[بن بريك]

طبعنا معروف ياصاحبي كله فشخره=عالذهب والماس نتناحر وعاخير العقيق
ماحنا منهم رجاجيل العرك والهوبره=نرفع السبّاح على لكتاف ونسيب الغريق


لا تعم ياخوي في الغابه سباع كاسره =تاكل اللحمه وهي نيه ولا ترضى بضيق
قد لها خبره في الميدان تمسي ساهره = لو بغيت الحق كل وا سع يخلونه يضيق

[الشافعي]

لا تعم ياخوي في الغابه سباع كاسره =تاكل اللحمه وهي نيه ولا ترضى بضيق
قد لها خبره في الميدان تمسي ساهره = لو بغيت الحق كل وا سع يخلونه يضيق


ذا كلامك صدق في بعض الشعوب المعسره=لكن الوالي معد خلى لهم في الحلق ريق
في حساباتي وضني ينكرون المنكره=ضاع راعيهم وترك يارفيقي في النعيق

[سبع الليل]

لا تعم ياخوي في الغابه سباع كاسره =تاكل اللحمه وهي نيه ولا ترضى بضيق
قد لها خبره في الميدان تمسي ساهره = لو بغيت الحق كل وا سع يخلونه يضيق


وينهم لي بايقهرون النفوس البايره=رحمة الله عالذي هم دحقوا الباطل دحيق
عالوفاء والشرع قاموا والوعود الحاضره=ماتربوا عالخيانه والتلاعب بالخليق

[بن بريك]

ذا كلامك صدق في بعض الشعوب المعسره=لكن الوالي معد خلى لهم في الحلق ريق
في حساباتي وضني ينكرون المنكره=ضاع راعيهم وترك يارفيقي في النعيق


خلها للوقت شف عاد الزمن بايجبره = والزمن دايم صديق الرجل ذي ماله صديق
لو تدوم الحد ماوصلت قداهم عابره = هكذا الدنيا وهو فيها كما عابر طريق

[الواقعي]

وين مولى الدار ما يفتح قفول المحضره=اعتزل صاحبي !! او زعلان عا ذي فالفريق
يمكن العيدان ما صلَحة لمولى المنجره=عارفه ما ينقُش الا الحمْرْ من علبه شقيق

[الخليفي الهلالي]

وين مولى الدار ما يفتح قفول المحضره=اعتزل صاحبي !! او زعلان عا ذي فالفريق
يمكن العيدان ما صلَحة لمولى المنجره=عارفه ما ينقُش الا الحمْرْ من علبه شقيق


أيش تقول يالواقعي كلام مليان؛ رجعتني عقود وكأني أقرأ لشعراء زمان ........!!!

[عمر الذيب]

أيش تقول يالواقعي كلام مليان؛ رجعتني عقود وكأني أقرأ لشعراء زمان ........!!!

لا ما طرحت احصاة ساسك والرباع امنخشره=بايسقط المبنى وهذا بالمعلم ما يليق
اما الزعل ماشي زعل ذلا الامور امبعثره=والشاهي الاخضر نسيته واحتلج وسط البريق

[عمر الذيب]

وين مولى الدار ما يفتح قفول المحضره=اعتزل صاحبي !! او زعلان عا ذي فالفريق
يمكن العيدان ما صلَحة لمولى المنجره=عارفه ما ينقُش الا الحمْرْ من علبه شقيق


لا ما طرحت احصاة ساسك والرباع امنخشره=بايسقط المبنى وهذا بالمعلم ما يليق
اما الزعل ماشي زعل ذلا الامور امبعثره=والشاهي الاخضر نسيته واحتلج وسط البريق

[محمد سعيد بن مخاشن]

وينهم لي بايقهرون النفوس البايره=رحمة الله عالذي هم دحقوا الباطل دحيق
عالوفاء والشرع قاموا والوعود الحاضره=ماتربوا عالخيانه والتلاعب بالخليق

رحمة الله عالذي هم دحقوا الباطل دحيق

بعد ما قد خارجوا وعل النـّـتر بن حيدره
با نزقـّــل بالميازر ما معانا ألاّ الزعيق

لطـْـلبوا منـّــك سراويلك وخلْع المسدره
قل لبو جمعان ما با ينقذك سالم بطيق

[محمد سعيد بن مخاشن]

وين مولى الدار ما يفتح قفول المحضره=اعتزل صاحبي !! او زعلان عا ذي فالفريق
يمكن العيدان ما صلَحة لمولى المنجره=عارفه ما ينقُش الا الحمْرْ من علبه شقيق

من كرم ذيبوه ما عنده بواب إمسكّره
بس يومه دوب بو طارق مهجول ما يليق

شف عمر نجار بارع في الغراء والصنفره
فوق ذا نواب ولْد الذيب يسقينا رحيق

[سبع الليل]

رحمة الله عالذي هم دحقوا الباطل دحيق

بعد ما قد خارجوا وعل النـّـتر بن حيدره
با نزقـّــل بالميازر ما معانا ألاّ الزعيق

لطـْـلبوا منـّــك سراويلك وخلْع المسدره
قل لبو جمعان ما با ينقذك سالم بطيق


يالخشيني بانخليها رقاب امطيره=في حلها وحلولها بنحملك مالا تطيق
لي يوقف في طريقي اطلبوا له المغفره=وكل ظالم مفتري بقطع زفيره والشهيق

[محمد سعيد بن مخاشن]

لا ما طرحت احصاة ساسك والرباع امنخشره=بايسقط المبنى وهذا بالمعلم ما يليق
اما الزعل ماشي زعل ذلا الامور امبعثره=والشاهي الاخضر نسيته واحتلج وسط البريق

يا عمر شف ولْد بكتم با يخب للمعصره
با يعصّر جلجله ... واليوم يضرب في العميق

راجع أقوالك ترى أنـّــك في بحيرة مرمره
والعضيده كلـّـها في بحر متوسّط غميق!!!

[الشافعي]

مساكم الله بالخير يالاجاويد

[الشافعي]

اسمحوا لي بهذا الفصل واذا ماعجبكم غيروه


يامعيّد في الوطن يهناك عيدك في وطانك=الفرح والعيد مايصلح سوا قرب الحبيب
يكتمل عيدك اذا كانوا عيالك ع يمانك=ينشرح خاطرك والقير وسط حلقك يطيب

[الشافعي]

كل آمر يهون لاكحلت بصورهم عيانك=فرق جم مابين ذي معهم وذي عيد غريب
يازماني العيف من فضلك وايضا من حسانك=خفف القسوه شوي ع بو يمن حاله كئيب

[الشافعي]

خفف القسوه شوي شف بو يمن حاله كئيب
هذا تعديل فقط للشطر الثاني للبيت الثاني

[الشافعي]

كل آمر يهون لاكحلت بصورهم عيانك=فرق جم مابين ذي معهم وذي عيد غريب
يازماني العيف من فضلك وايضا من حسانك=خفف القسوه شوي ع بو يمن حاله كئيب


ياليماني ايش باتلقي اذا عافك زمانك=مامعك لا الصبر ع زامك وحضك والنصيب
واطلب المولى بقلبك قبل ماتنطق لسانك=من دعى مولاه شف مولاه له بايستجيب

[سبع الليل]

ياليماني ايش باتلقي اذا عافك زمانك=مامعك لا الصبر ع زامك وحضك والنصيب
واطلب المولى بقلبك قبل ماتنطق لسانك=من دعى مولاه شف مولاه له بايستجيب


مامعك يالأدمي شي غير تزعل عاكنانك=الوطن غالي وبُعده جرح ماجابه طبيب
ايش باتلقي اذا مخلوق شل حقك وخانك=مامعك غير الدعى ياصاحبي ربك قريب

[الشافعي]

مامعك يالأدمي شي غير تزعل عاكنانك=الوطن غالي وبُعده جرح ماجابه طبيب
ايش باتلقي اذا مخلوق شل حقك وخانك=مامعك غير الدعى ياصاحبي ربك قريب


مشكله والله لا قد جاك خوفك حيث مانك=والامور اتعكست ياصاحب العقل اللبيب
مشكله لو بوك ماساواك من جيزت خوانك=باتضل تدعي على الوالد وتدعي ع النسيب

[محمد سعيد بن مخاشن]

ياليماني ايش باتلقي اذا عافك زمانك=مامعك لا الصبر ع زامك وحضك والنصيب
واطلب المولى بقلبك قبل ماتنطق لسانك=من دعى مولاه شف مولاه له بايستجيب

يا زماني العيف

لعنبو دنيا الندم فيها يحِـرْقونه قرانك
وإنت ساكت يا الشويفع ما معك غير النحيب

ما تسل سيفك ولا مقبضه عالق في بنانك
سيف صدّى من زمن ... في الغمد مَسْـرب يا الحبيب

[الشافعي]

يا زماني العيف

لعنبو دنيا الندم فيها يحِـرْقونه قرانك
وإنت ساكت يا الشويفع ما معك غير النحيب

ما تسل سيفك ولا مقبضه عالق في بنانك
سيف صدّى من زمن ... في الغمد مَسْـرب يا الحبيب


يامحمد بن مخاشن هكذا شاني وشانك=امرنا والشار قد سلبوه يالنشمي سليب
نا مقيد في رصاني ونت ايضا في رصانك=لو فتكينا نجيب الشرق لا عند المغيب

[محمد سعيد بن مخاشن]

يامحمد بن مخاشن هكذا شاني وشانك=امرنا والشار قد سلبوه يالنشمي سليب
نا مقيد في رصاني ونت ايضا في رصانك=لو فتكينا نجيب الشرق لا عند المغيب

قول صم رأسي ونا أدعي عانني ربي وعانك
قول مثل الصخر لا يا الشافعي هرجك صليب

وين شعّار السقيفه يدخلوا داني ودانك؟
ما سوى محفوظ باصويتين ذي قوله رهيب!

[الشافعي]

ياصليب الراس جهز مسبتك ع عيلمانك=عارفك في حلها بندقك لا ضربته يصيب
جهز العده وجهز للعدو صهوة حصانك=مقبله ايام سوداء تجعل اصغيّر يشيب

[محمد سعيد بن مخاشن]

خــــــــــــــــــــــــــــــــــوج المعــــــــذرة

[الشافعي]

خــــــــــــــــــــــــــــــــــوج المعــــــــذرة

شكرا ووفقك المولى

[محمد سعيد بن مخاشن]

ياصليب الراس جهز مسبتك ع عيلمانك=عارفك في حلها بندقك لا ضربته يصيب
جهز العده وجهز للعدو صهوة حصانك=مقبله ايام سوداء تجعل اصغيّر يشيب

يبدو إن قصدك في الفردوس با تعقد قرانك
با تـْـخُـذ سبعين حوريه ويهنى يا اللبيب

ماني ألاّ عادني ريّض وتعجبني لحانك
يا مغنّي الدان بالمدروف ... شبه العندليب

[الشافعي]

السلام عليكم ورحمة الله وبركاته

يابومخشن بغيناك تفصل يالغالي

[بن قطمان]

فصل والثاني حمولي عالجمال الدوسرية=من جبال الرابعه ومقصدي سدة شبام
باتسمر سعفكم روس القصور المعتلية=مسمر الشعار لا بعده ولاقبله منام

[سبع الليل]

فصل والثاني حمولي عالجمال الدوسرية=من جبال الرابعه ومقصدي سدة شبام
باتسمر سعفكم روس القصور المعتلية=مسمر الشعار لا بعده ولاقبله منام


الف ياحيا وسهلا بالذي نادى عليه=مرحبا بك في شبام العاليه ام اليتام
بارسل لك يالقطيمي الف من عندي تحيه=لكن وكل الناس ايظا بانبلغهم سلام
ذي شبام العاليه تشهد لها كل البريه=المروه والمعزه فاهلها والاحترام

[ابوشحوف]

قل لبن قطمان سعفك شلني ضهر المطيه = لاعزمتو باعزم سعف الرجاجيل الحشام
من جبال الرابعه لاجيت لاتعبر سهيه =سر طريق الرمل من تحت النفانيف الدقام
راح واقت الرابعه والخامسه والاووليه = يوم كانت عاصمتنا كنها باكنجهام

[محمد سعيد بن مخاشن]

الف ياحيا وسهلا بالذي نادى عليه=مرحبا بك في شبام العاليه ام اليتام
بارسل لك يالقطيمي الف من عندي تحيه=لكن وكل الناس ايظا بانبلغهم سلام
ذي شبام العاليه تشهد لها كل البريه=المروه والمعزه فاهلها والاحترام

أصبحنا وأصبح الملك لله
أول ما رأيت في هذا الصباح الجميل أبيات أخي سبع الليل
لم أجد أحدا قد صححها
حتى هو لم يلاحظ الخطأ

لـكـن وكــل الـنـاس ايـظـا بانبلـغـهـم ســـلام

(( لكن )) يقصد بها (( لك )) النون زائدة!

[محمد سعيد بن مخاشن]

قل لبن قطمان سعفك شلني ضهر المطيه = لاعزمتو باعزم سعف الرجاجيل الحشام
من جبال الرابعه لاجيت لاتعبر سهيه =سر طريق الرمل من تحت النفانيف الدقام
راح واقت الرابعه والخامسه والاووليه = يوم كانت عاصمتنا كنها باكنجهام

يـــــوم كـــانـــت عـاصـمـتـنــا كــنــهــا بـاكـنـجـهــام


با تعوّد مثلما كانت مناحلنا بغيّه
وعدن ترجع تنافس يا الشـُّـحُف دار السلام

والمكلا با تقع عينة دبي زينه و ريِّه
والطويله با يجوها من وراء مغرب وشام

دار السلام = سلطنة بروناي وليس دار السلام بتنزانيا

[:الميزان:]

كل عام والجميع بخير

[سبع الليل]

أصبحنا وأصبح الملك لله
أول ما رأيت في هذا الصباح الجميل أبيات أخي سبع الليل
لم أجد أحدا قد صححها
حتى هو لم يلاحظ الخطأ

لـكـن وكــل الـنـاس ايـظـا بانبلـغـهـم ســـلام

(( لكن )) يقصد بها (( لك )) النون زائدة!

نعم ياعم محمد بارك الله فيك وشكرا جزيلا لك ولكل الاخوان على سعت صدورهم
مثل ماتفضلت لك وكل الناس ايظا بانبلغهم سلام

[الشافعي]

البارحه لم تفتح لي السقيفه وحاولت كثير بس بدون فائده
برغم ان المنتديات الاخرى تفتح وبسرعه ولا ادري السبب
هل هو في الجهاز عندي ام في السقيفه
والمعذره من الجميع

[الشافعي]

يـــــوم كـــانـــت عـاصـمـتـنــا كــنــهــا بـاكـنـجـهــام


با تعوّد مثلما كانت مناحلنا بغيّه
وعدن ترجع تنافس يا الشـُّـحُف دار السلام

والمكلا با تقع عينة دبي زينه و ريِّه
والطويله با يجوها من وراء مغرب وشام

دار السلام = سلطنة بروناي وليس دار السلام بتنزانيا


ياصلاب الروس جيناكم على طيبه ونيه=قصدنا ساعه معاكم بانقضيها تمام
ريت كل من مات يرجع كان بايرجع نبيه=ما مضى يالمخشني ماضي وتطويه الليام

[سكتم بكتم في رمضان]

ياصلاب الروس جيناكم على طيبه ونيه=قصدنا ساعه معاكم بانقضيها تمام
ريت كل من مات يرجع كان بايرجع نبيه=ما مضى يالمخشني ماضي وتطويه الليام

اعتقد اخوي الشافعي ان هناك خلل في وزن البيت الاول

[الشافعي]

اعتقد اخوي الشافعي ان هناك خلل في وزن البيت الاول

وضح لي الخلل الله يجزيك خير

[بن بريك]

فصل والثاني حمولي عالجمال الدوسرية=من جبال الرابعه ومقصدي سدة شبام
باتسمر سعفكم روس القصور المعتلية=مسمر الشعار لا بعده ولاقبله منام


الف حيا ببن قطمان شيخ السرية = حيث ما حليت لك مني معزه واحترام
والسمر طاب ما دامك معانا عشية = لك معزه خالصة في القلب ياعالي المقام

[سكتم بكتم في رمضان]

وضح لي الخلل الله يجزيك خير


اسف حبيبي كنت اقرأ ( على طيب نيه ) لما لها من رسوخ في الذهن
ولم انتبه لكلمة ( طيبه ) اكرر اسفي . دائما الاستعجال غير محمود . امسحها في وجهي واكرر اعتذاري..

[الشافعي]

الف حيا ببن قطمان شيخ السرية = حيث ما حليت لك مني معزه واحترام
والسمر طاب ما دامك معانا عشية = لك معزه خالصة في القلب ياعالي المقام

اخي العزيز صدر البيوت عندك ليس على وزن البدع
والمفروض يكون كالتي
الف ياحيا ببن قطمان ياشيخ السريه
والسمر بايطيب مادامك معانا في العشيه
وارجو مسامحتي على التدخل في اقوالك

[سكتم بكتم في رمضان]

اخي العزيز صدر البيوت عندك ليس على وزن البدع
والمفروض يكون كالتي
الف ياحيا ببن قطمان ياشيخ السريه
والسمر بايطيب مادامك معانا في العشيه
وارجو مسامحتي على التدخل في اقوالك

كلامك صحيح 100%

[الشافعي]

اسف حبيبي كنت اقرأ ( على طيب نيه ) لمالها من رسوخ في الذهن
ولم انتبه لكلمة ( طيبه ) اكرر اسفي . دائما الاستعجال غير محمود . امسحها في وجهي

ماهنك اي عتب ياْخي ففي نقدك الخير لي ولامثالي
واقدر اهتمامك وهو محمود عندي وعند غيري

[الشافعي]

الاخ سكتم اعتقد انك شاعر دخل معنا وخل نحنا بانتوله

[بن بريك]

اخي العزيز صدر البيوت عندك ليس على وزن البدع
والمفروض يكون كالتي
الف ياحيا ببن قطمان ياشيخ السريه
والسمر بايطيب مادامك معانا في العشيه
وارجو مسامحتي على التدخل في اقوالك

اخي الشافعي
اخي سكتم
مع احترامي لكم ولارائكم الا انني لم اراء اخلل
حيث انك لو تغنيت بفصل بن قطمان وهذا الرد لوجدتهم على لحن واحد

[الشافعي]

اخي الشافعي
اخي سكتم
مع احترامي لكم ولارائكم الا انني لم اراء اخلل
حيث انك لو تغنيت بفصل بن قطمان وهذا الرد لوجدتهم على لحن واحد

اخي الحبيب غير صحيح ماقلت
الصحيح هو انك على وزن ثاني
وبن قطمان على وزن غير
ارجو ان تتغنى على ابيات بن قطمان
ثم ابياتك
وارجو السموحه فكل واحد معرض للخطاء

[الشافعي]

مرحييييييييييييييييييييييييييييييييييييييييييييييي ييييييييييييب

[بن قطمان]

باتوقع قال شاعر بالطريق الواقعية=باتسلا سعفكم يامن تصيغون الكلام
والامل لازال عاده بالقشاع المربعية=ذي يقود القافله مازال ماسك بالخطام

[سكتم بكتم في رمضان]

الاخ سكتم اعتقد انك شاعر دخل معنا وخل نحنا بانتوله

انا عاشق للشعر والكلام الزين الي حد الجنون وافرح حين مشاهدة قصيدة او بيت جميل
واعشق باحفي وباصرة وباسد وباقديم وصالح ربيع وغيرهم كثير واعشق قصائد الشيبان
الاوليين بل اكاد ان اكون حافظ للكثير من تلك القصائد عن ظهر قلب .وكم اتمنى ان اكون
شاعرا ولكن للاسف الا هذه لم ولن ابلغها مع العلم ان لي محاولات بسيطة ولكن غير
قابلة للنشر مهما كلف الامر ...

[الشافعي]

باتوقع قال شاعر بالطريق الواقعية=باتسلا سعفكم يامن تصيغون الكلام
والامل لازال عاده بالقشاع المربعية=ذي يقود القافله مازال ماسك بالخطام


خلني سعفك تسمر والخواطر سرمديه=باتسير القافله لاياكبيرين السنام
بانعبرها ولاطرّبت بيجون البقيه=والتجاره رابحه من حيث زحمات القدام

[الشافعي]

خلنا ياخوي نذكر ع السنين الاوليه=ياسلام الله ع ذاك الزمن ياخير زام
يوم كنا اغنيا بالفعل والكرعه خليه=مانهم الناس ذي جلسوا ولا ذيهم قيام

[الشافعي]

مرحيييييييييييييييييييييييييييييييب

[بن قطمان]

سلمت يالشافعي والله انك شاعر كبير لك التحية يالاجودي

[الشافعي]

سلمت يالشافعي والله انك شاعر كبير لك التحية يالاجودي

قطره في بحرك الله يسلمك ويعلي شانك

[محمد سعيد بن مخاشن]

اعتقد اخوي الشافعي ان هناك خلل في وزن البيت الاول

قــصــدنـــا ســـاعــــه مــعــاكـــم بـانـقـضـيـهــا تــــمــــام

أخي العزيز سكتم بكتم ... لا يوجد أي خلل وربما أنك قرأت كلمة ( بانقضيها )بكسر النون وتسكين القاف وكسر الضاد دون تشديد!

حاول أن تقرأها بفتح النون وفتح القاف وكسر الضاد ولكن مع التشديد.

هكذا .......... نـَـقـَـضـِّـــيـها

[محمد سعيد بن مخاشن]

ياصلاب الروس جيناكم على طيبه ونيه=قصدنا ساعه معاكم بانقضيها تمام
ريت كل من مات يرجع كان بايرجع نبيه=ما مضى يالمخشني ماضي وتطويه الليام

با يعود الخير با تغدي جيوبك ممتليّه
والحذر تقنط من الرّحمه لأن هذا حرام

ما يدوم الحال وإنته دون شك عندك دريّه
با يجيك الفجر لبلج بعد ساعات الظلام

[نجود]

أختكم شاعره وناقده هل من مرحب

[الشافعي]

با يعود الخير با تغدي جيوبك ممتليّه
والحذر تقنط من الرّحمه لأن هذا حرام

ما يدوم الحال وإنته دون شك عندك دريّه
با يجيك الفجر لبلج بعد ساعات الظلام



مرحبى بالذي حياء هاجسي من ميته بطيه=رد فيه الروح شفته قد جرت فيه النسام
ماقنط يالمخشني من مقدرة رب البريه=ذي لقاء لامته عيد الفطر من بعد الصيام
كيف نقنط من كريم الجود ذي يده سخيه=من قنط من رحمتة الله يامحمد بايلام

[الشافعي]

قــصــدنـــا ســـاعــــه مــعــاكـــم بـانـقـضـيـهــا تــــمــــام

أخي العزيز سكتم بكتم ... لا يوجد أي خلل وربما أنك قرأت كلمة ( بانقضيها )بكسر النون وتسكين القاف وكسر الضاد دون تشديد!

حاول أن تقرأها بفتح النون وفتح القاف وكسر الضاد ولكن مع التشديد.

هكذا .......... نـَـقـَـضـِّـــيـها

شكرا اخي بن مخاشن وجزاك الله خير
سكتم تعجل شوي وكان قصده جيناكم على طيبه ونيّه وهو قرأها جيناكم على طيب نيه
وقد اعتذر وقبلت اعتذاره .
وماقصرت يالحمومي يالاصيل

[المسافر @]

سعفكم ياصلاب الروس يلمربعيه=بايطيب السمر ولحون زينه مع انغام
سمرونا وشو دنيا الندم منتهيه=ماسوا الجبر والمعروف باقي والسلام

[الشافعي]

سعفكم ياصلاب الروس يلمربعيه=بايطيب السمر ولحون زينه مع انغام
سمرونا وشو دنيا الندم منتهيه=ماسوا الجبر والمعروف باقي والسلام

اخي الحبيب اذا كان قصدك على فصل بن قطمان فان ابياتك تبغا تعديل شوي
مثلا واعذرني وسامحني على التعديل

سعفكم لاياصلاب الروس لايالمربعيه=السمر بايطيب ولحونه وزينات النغام
سمرونا لو شوي في هذه الدنيه الدنيه=ماسوا للجبر والمعروف باقي والسلام

[الشافعي]

والمعذره ياخوان مشغول شوي
وان شاء الله الليله نلتقي

[المسافر @]

خرج ذا فصل والثاني معد حاجه سوا= ظهرلي نور ف القبله وف المشرق سواد
ولاكن باصبر طبعي انا دايم كذا=والصبر مفتاح الفرج لناس من رب العباد

[المسافر @]

اخي الحبيب اذا كان قصدك على فصل بن قطمان فان ابياتك تبغا تعديل شوي
مثلا واعذرني وسامحني على التعديل

سعفكم لاياصلاب الروس لايالمربعيه=السمر بايطيب ولحونه وزينات النغام
سمرونا لو شوي في هذه الدنيه الدنيه=ماسوا للجبر والمعروف باقي والسلام

تسلم واعذرنا لن المغني والمدروف مالسمعه رجم في ليل

[بحر القصيد]

ألفين باسلم على النبي خير البرية=كل من سمع ياناس يشرع مكرر بالسلام
دام الرضاء عنوان للوجوة الرضية=بادخل والقلب متشوق للرجاجيل الحشام

[الرقيب]

السلام عليكم ورحمة الله وبركاته

[الرقيب]

وينكم ياللي تزرون الحموله عالمطيه = مانشوف الجد مانسمع سوا خير الكلام
والعرب ضاقت من النكبات ياشر البريه = يوم جيت اليوم ياهاجسي شل عنك اللثام

[الرقيب]

وينكم ياللي تزرون الحموله عالمطيه = مانشوف الجد مانسمع سوا خير الكلام
والعرب ضاقت من النكبات ياشر البريه = يوم جيت اليوم ياهاجسي شل عنك اللثام


لا تجامل حد بغيت الصدق منك والحقيقه = لا تقع مثل الكذب ذولاك واولاد اللئام
من مشى بالخط سابر بايعجل في طريقه = من بغى العزه تصبر عالسفر لو عالسنام

[علي بن طالب الحامد]

لا تجامل حد بغيت الصدق منك والحقيقه = لا تقع مثل الكذب ذولاك واولاد اللئام
من مشى بالخط سابر بايعجل في طريقه = من بغى العزه تصبر عالسفر لو عالسنام

اخي الشاعر الرقيب
ربطك الاول ماهو على الثاني بغيت الناس على اي صوت يقصدون...!!!

[علي بن طالب الحامد]

باتوقع قال شاعر بالطريق الواقعية=باتسلا سعفكم يامن تصيغون الكلام
والامل لازال عاده بالقشاع المربعية=ذي يقود القافله مازال ماسك بالخطام


در عسجد لا تنظم من يدكم شيخي هديه=والسلا اهله نعم حييوا الرجاجيل الكرام
بانشارك سعفكم بالشهد من قرص البغيه=واتركوا لي قسم وافر عند تخصيص القسام

[الرقيب]

در عسجد لا تنظم من يدكم شيخي هديه=والسلا اهله نعم حييوا الرجاجيل الكرام
بانشارك سعفكم بالشهد من قرص البغيه=واتركوا لي قسم وافر عند تخصيص القسام


در عسجد لا تنظم من يدكم شيخي هديـه

عفوا يبن هاشم
هذا البيت ماعرفت اغنبه

[محمد سعيد بن مخاشن]

در عسجد لا تنظم من يدكم شيخي هديـه

عفوا يبن هاشم
هذا البيت ماعرفت اغنبه

أخي الرقيب ... الشطر موزون 100% والاشكال فقط في طريقة كتابة ( وبالتالي نطق ) كلمة لا تنظم
كان على الشاعر أن يكتبها ((( لا انتظم )))

إقرا الشطر وتغن به كما يلي: دُرْ ... رَعَسْ ... جَدْ ... لَنْ ... تـَـظَـمْ ...من يدّكم شيخي هديّه

[نجود]

أخي الرقيب ... الشطر موزون 100% والاشكال فقط في طريقة كتابة ( وبالتالي نطق ) كلمة لا تنظم
كان على الشاعر أن يكتبها ((( لا انتظم )))

إقرا الشطر وتغن به كما يلي: دُرْ ... رَعَسْ ... جَدْ ... لَنْ ... تـَـظَـمْ ...من يدّكم شيخي هديّه

استاذي معي شهاده من القسم التاني وهني ابي شهاده منك ههههههههههههههههه

شجعوني باتعلم بادرس في الثانويه=ني ذكيه بانجح في مدرستكم في شبام

[الخليفي الهلالي]

استاذي معي شهاده من القسم التاني وهني ابي شهاده منك ههههههههههههههههه

شجعوني باتعلم بادرس في الثانويه=ني ذكيه بانجح في مدرستكم في شبام

رد على الضيفة يابن مخاشن كنك شردت .


قل لها أهلا وسهلا يالطالبة المبتديّه = نا محمد بن مخاشن شوني مدرس على الدوام

ياحيّا وسهلا بالضيوف ؛؛؛؛؛

[الشافعي]

السلام عليكم ورحمة الله وبركاته

[الشافعي]

اسمحوا لي بهذا الفصل وهو على صوت بدوي قح واذا تشوفن انه مايناسب على طول يفصل واحد اخر


يالله يامن عليك الناس متوكله=من ماتوكل على مولاه يكسب ذنوب
ويكون خسران يوم البعث والزلزله=لامارجع لا قداء خالقه وعزم يتوب

[الشافعي]

ياكم وكم ناس في هذا الزمن غافله= وكل واحد على خاطره لايب يلوب
وعلى هموم الزمن جم خلق متحمله=ومن التحمال مايمشون لا بالحبوب

[الشافعي]

مرحيييييييييييييييييييييييييييب

[الشافعي]

وينكم يالدحاميل لا ماعجبكم فصلي عطوه الجدار وفصلوا

[محمد سعيد بن مخاشن]

رد على الضيفة يابن مخاشن كنك شردت .


قل لها أهلا وسهلا يالطالبة المبتديّه = نا محمد بن مخاشن شوني مدرس على الدوام

ياحيّا وسهلا بالضيوف ؛؛؛؛؛

راجع أوزانك أخي الخليفي الهلالي ومن بغاه كله فاته كله يعني إنته بغيت السقيفه العامة والتجارة والشعر والقبولة ... إلخ

أما قول الأخت نجود

شجعوني باتعلم بادرس في الثانويه = ني ذكيه بانجح في مدرستكم في شبام

فجوابي عليه


مرحبا بش عندنا لا يا البنيّه يا الذكيّه
دارسه بالإنتساب(ي) وإن بغيتي بإنتظام

وإعلمي لولا البنات إللي مثالش كامليّه
كان دنيانا كئيبه ما تساوي خـَـلْـس هام

دون شِعـرِش ذي مقفـّــى والرسوم السوبريّه
قل على ( عذب القوافي ) والسّقيفات السلام

باقيه في وسْط لاوعيي حروفش سرمديه
ما نـْــسى ما فات لو حتى رحلتي فيتنام

أو شمال الصين رحتي أو فيافي التيبتيّه
با يظل في قلب بو صالح لكم كل إحترام

[الشافعي]

جمعه مباركه ووفق الله الجميع

[نجود]

راجع أوزانك أخي الخليفي الهلالي ومن بغاه كله فاته كله يعني إنته بغيت السقيفه العامة والتجارة والشعر والقبولة ... إلخ

أما قول الأخت نجود

شجعوني باتعلم بادرس في الثانويه = ني ذكيه بانجح في مدرستكم في شبام

فجوابي عليه


مرحبا بش عندنا لا يا البنيّه يا الذكيّه
دارسه بالإنتساب(ي) وإن بغيتي بإنتظام

وإعلمي لولا البنات إللي مثالش كامليّه
كان دنيانا كئيبه ما تساوي خـَـلْـس هام

دون شِعـرِش ذي مقفـّــى والرسوم السوبريّه
قل على ( عذب القوافي ) والسّقيفات السلام

باقيه في وسْط لاوعيي حروفش سرمديه
ما نـْــسى ما فات لو حتى رحلتي فيتنام

أو شمال الصين رحتي أو فيافي التيبتيّه
با يظل في قلب بو صالح لكم كل إحترام
والله أنا فرحانه كتير أفرحتني شعرك حلوأستقبال لاختك حلو
أنت شيخ الشعر ومطوّع حروفه لبجديه=وأنت حاسوبه وعوده والأصابع والمقام
تختلف عن غيرهم أعطيتني أغلى هديه=ورد بيروتي نقي طب للسخونه والزكام

[سالم السقاف]

موهبة لك يا نجود الشعر فوق الجامعية = اختصاصية بطب القلب منتي طب عام
نفتخر بك أخت تتواجد بنكهة حضرمية = يوم شعر الدان والزامل دواء كل السقام

[نجود]

موهبة لك يا نجود الشعر فوق الجامعية = اختصاصية بطب القلب منتي طب عام
نفتخر بك أخت تتواجد بنكهة حضرمية = يوم شعر الدان والزامل دواء كل السقام

يسلموووووووووووووووا هناء كتير طيبين عندهم سمو خلق

ني تعلم وأفهم أستادي ولبله لجوديه=وأحفظ الواجب عليه أسهر عيوني ماتنام
من هوياتي قرات الشعر وكتب ني شويه= موهبه عندي ودفن الموهبه قالو حرام

[الواقعي]

والله أنا فرحانه كتير أفرحتني شعرك حلوأستقبال لاختك حلو
أنت شيخ الشعر ومطوّع حروفه لبجديه=وأنت حاسوبه وعوده والأصابع والمقام
تختلف عن غيرهم أعطيتني أغلى هديه=ورد بيروتي نقي طب للسخونه والزكام



يا أُم (أمة الله) دلى عا المخشني حنّي شويه=ما يزلي جول مسحه تاركينه فا لخيام
يعشق الخيصه وميّت فالعيون النرجسيّه=مطرح السدّه لقوْ لا مات قبره والمقام

[الشبامي]

يسلموووووووووووووووا هناء كتير طيبين عندهم سمو خلق

ني تعلم وأفهم أستادي ولبله لجوديه=وأحفظ الواجب عليه أسهر عيوني ماتنام
من هوياتي قرات الشعر وكتب ني شويه= موهبه عندي ودفن الموهبه قالو حرام

نعم دفن الموهبه حرام بل وألف حرام !!
أهلا بشاعرة السقيفه !!

[الخليفي الهلالي]

والله أنا فرحانه كتير أفرحتني شعرك حلوأستقبال لاختك حلو

أنت شيخ الشعر ومطوّع حروفه لبجديه=وأنت حاسوبه وعوده والأصابع والمقام
تختلف عن غيرهم أعطيتني أغلى هديه=ورد بيروتي نقي طب للسخونه والزكام


يستاهل المخشني كل مديح

ايش ذي نشوفه..؟! كلام روعة بل اننا في فنا مدرسة جديده في الشعر الحضرمي؛ الشاعره نجود أرى أن لديها ثقافة راقية عبر تنوع النغم وأختيار الكلم فلسفة شعريه تستحق الوقوف عندها من قبل ألأخوان الشعراء
.

أو أنا مخطئ ؛؛؛؛؛

[محمد سعيد بن مخاشن]

موهبة لك يا نجود الشعر فوق الجامعية = اختصاصية بطب القلب منتي طب عام
نفتخر بك أخت تتواجد بنكهة حضرمية = يوم شعر الدان والزامل دواء كل السقام

إستمروا يا شباب في هذا الصوت الشجي لو حتى تكررت كلمات القافيه فالمعاني مختلفة على كل حال


مرحبا بالبدر كسّف بالنجوم الزاهريّه
ولْد بو مسقف قواله بوح شاعر مستهام

من زمن غايب وهذا اليوم طل طلّه سنيّه
جابه الدان الشـّــجي ذي هو كتغريد الحمام

[محمد سعيد بن مخاشن]

يا أُم (أمة الله) دلى عا المخشني حنّي شويه=ما يزلي جول مسحه تاركينه فا لخيام
يعشق الخيصه وميّت فالعيون النرجسيّه=مطرح السدّه لقوْ لا مات قبره والمقام

في السنين أكبر أنا لكن لك خبره جليّه
للهوى والعشق تغزي لا بلد حام(ن) وسام

لا وقع قبري (بـ ) خيصه في مدينه ساحليّه
با يقع قبرك ( بـ ) اثينا عند ( كوبيد ) الغرام

كوبيد = كيوبيد ( إلهة الحب ... أستغفر الله ) عند اليونان والرومان

[محمد سعيد بن مخاشن]

يستاهل المخشني كل مديح

ايش ذي نشوفه..؟! كلام روعة بل اننا في فنا مدرسة جديده في الشعر الحضرمي؛ الشاعره نجود أرى أن لديها ثقافة راقية عبر تنوع النغم وأختيار الكلم فلسفة شعريه تستحق الوقوف عندها من قبل ألأخوان الشعراء
.

أو أنا مخطئ ؛؛؛؛؛

مَنـْـتْ مخطي يا الخليفي يا سليل القـَـبْيَـليّه
في الثقافه شف نجود اليوم من فوق السنام

بس خوفي ظبية الوادي يجفـّـلها بليّه
كم من صاحب كريم الخـُـلْق طردوه اللئآم

[محمد سعيد بن مخاشن]

نعم دفن الموهبه حرام بل وألف حرام !!
أهلا بشاعرة السقيفه !!

شكرنا وافر لبو صالح على هذي الحميّه
ذي يقدّر كل شاعر جم ويعطيه إهتمام

[نجود]

نعم دفن الموهبه حرام بل وألف حرام !!
أهلا بشاعرة السقيفه !!
لقب كبير كتير عليه مشكوووووووووووورمشكوووووووووووووووور مشكوووووووورالله يفرحك
قد بزغ ضوك بليله ماكماها قادريه= والسماءيهلال سارت نور من بعد الظلام
قابطن ماهر يمر مابين لمواج العتيه= من ركب في الباخره يوصل بلاده في سلام

[نجود]

يا أُم (أمة الله) دلى عا المخشني حنّي شويه=ما يزلي جول مسحه تاركينه فا لخيام
يعشق الخيصه وميّت فالعيون النرجسيّه=مطرح السدّه لقوْ لا مات قبره والمقام

مان تعب حد ني بنت ماحب الأذيه=حب عذب الشعرماحب المشاكل والخصام
متع أفوادك مثيله حبلك هاذك وذيه=أنت حر فالعشق وأما الحسد شف ماهو تمام

[الشافعي]

عند من ياناس بانشكي وزير الداخليه=مامعي قاضي تقي بالشرع يصدرها حكام
ياخصاره بعثروا قومي ملفات القضيه=بعد ماكنوا من اصحاب الوفاء والالتزام
يارع الله زام ذيهم يحملون الجرمليه=ذي يحلون المقد من حيث نفناف الجهام
باترفع مابغاء شوني الطريق الساحليه=باعمد من حيث ذاك الصقر قد ميح وحام

[صوت سيبان]

نعم دفن الموهبه حرام بل وألف حرام !!
أهلا بشاعرة السقيفه !!

ألف مبروك لشاعرتنا اللقب تستاهل أكثر من اللقب

[صوت سيبان]

مان تعب حد ني بنت ماحب الأذيه=حب عذب الشعرماحب المشاكل والخصام
متع أفوادك مثيله حبلك هاذك وذيه=أنت حر فالعشق وأما الحسد شف ماهو تمام


مرحباء مليار وأكثر بالعذيبي والبغيه=ذي من أشذاب الشجر والسدر ذي روس الدقام
والعسل سوقه صالح فالديس عند المشتريه= وزنهم بالرطل ماشي وزن بالكيلو قرام

[ابوشحوف]

جيت باشرك ورحب قال شاعر بالبنيه = شاعره وكلامها وافي يجي حسب النظام
الف ياحيا وسهلا بيش ياروده نديه =خالص التقدير مني يوصلش والاحترام

[صوت سيبان]

مرحباء مليار وأكثر بالعذيبي0 والبغيه=ذي من أشذاب الشجر والسدر ذي روس الدقام
والعسل سوقه صالح فالديس عند المشتريه= وزنهم بالرطل ماشي وزن بالكيلو قرام

تصحيح(والعسل سوقه صلح فالديس عند المشتريه)

[نجود]

الجميع وبدون استثناء أستقبالكم يدل على كرمكم وطيبكم كلكم أجواد
فشكرا لكم واحد واحد