مجلس الدان الحضرمي [الأرشيف] - الصفحة 27

صوت سيبان

07-24-2010, 03:36 AM

تصبحون على خير أخواني الأفاضل وبيننا باكر المعذره
سيتحوّل أرسالنا على الموجات القصيره والمتوسطه في أمان الله

عاشق رماله

07-24-2010, 11:11 AM

وليف الروح لاقدجيت يتعطر=ونا مشتاق له ماهمني عطره
على شانه عكست السيد والدوار
افيدونا على هي عل اللحن ولا من جنبه ولكم جزيل التحايا

عمر الذيب

07-24-2010, 12:21 PM

وليف الروح لاقدجيت يتعطر=ونا مشتاق له ماهمني عطره
على شانه عكست السيد والدوار
افيدونا على هي عل اللحن ولا من جنبه ولكم جزيل التحايا
نعم مئه في المئه
عمر الذيب

الفتى الرحال

07-24-2010, 12:51 PM

نعم بعد المطر ياصاحبي كل واد بي خضر=ونا ياريت لي فلوادي المثعوب بس نضره
=ولاقل النظر ياصاحبي باركب المنظار

النومسي

07-24-2010, 01:07 PM

نعم بعد المطر ياصاحبي كل واد بي خضر=ونا ياريت لي فلوادي المثعوب بس نضره
=ولاقل النظر ياصاحبي باركب المنظار
انت وين والوزن وين يالفتى عدّلها يحفظك ربي

رنين الوتر

07-24-2010, 01:23 PM

الكلام يا وزران فيه لج وأبلج! با تصبر على ملاقاة؟؟؟؟؟؟؟؟؟ المحب أم با تصبر على مفارقة ( فرقا ) المحبب!!!!!
الإنسان يصبر على الشيئ البطال
صدقت يابن عمرو فيه لج وابلج
انا بصبر (عاملقاه)اي على ماسواه في الحبيب يالحبيب تسلم يابوصالح

عيبون

07-24-2010, 01:39 PM

سلام الاف للشعّار ومكرّر=على ذا الصوت قط لا تقلبو المكره=ولا بامل هذا الصوت بالتكرار

وجبت العود والحمّي وباجمّر=وهذا الصوت طفّى (ف)الحشا جمره= كلفت الهجس يحط السخر (ف)المجمار

رنين الوتر

07-24-2010, 01:39 PM

صبر مادام لك موقع على المنبر=وصوتك في رنينه عالي النبره
=يصل لما حدود الهند ومنيبار
وقع هادي وحذرك يوم تتوتر=وخذ لك في الهوى يا صاحبي تره
=ولكنك حذر لاتقطب الاوتار

صبرنا ياعمر والحال يتمرمر=وهو يالذيب من كاساته المره
بيسقيني ف الليله ثلاث امرار=

عيبون

07-24-2010, 01:50 PM

دروب العشق بغت مخلوق يتبصّر=يفنّد بينها بغداد والبصره

=وكم فيها يضيع العقل والابصار

ولا يغرّك بديع الشكل والمنظر=في الغزلان لاتحكم على النظره

=كشف عالقلب ياصاحبي بالمنظار

وخلّك عينت الريموت ذي مشفّر=ولا تعطي لحد رقمه ولا الشفره

=يبيح السر لاقد عرفو الاشفار

عيبون

07-24-2010, 02:00 PM

صبرنا ياعمر والحال يتمرمر=وهو يالذيب من كاساته المره
بيسقيني ف الليله ثلاث امرار=

وانا مثلك تعبني العشق والمعبر=وسط وديان وهي تخنقني العبره

=وكم من حيد عديته عسر معبار

صبر عالرعد ذي قاصف وباتمطر=وباتخضب علوبك بعد ذا المطره

=اذا شحّت سنينك باتجي لمطار

الفتى الرحال

07-24-2010, 02:33 PM

وكسر الساق ماضنية هو يجبر=وفل كفه نعم بنخلي الكسره
=وبانقطع عليك الشك والاعذار

عمر الذيب

07-24-2010, 09:56 PM

تعا طف يا المحب لاتكون انته والزمن ضدي=كفاني ما جرالي من صحاب الظلم والبهتان
نصت لي واستمع لي لا تقع ظالم ومتحدي=ترى هرج الوشايه من تقبض به ضوى خسران
=عمر الذيب

صوت سيبان

07-24-2010, 09:58 PM

إليكم هذا الفصل الجديد أمل يعجبكم ول وزنية اللحن هذاا لبدع الأساسي يقول فيه

لاجيت باكلم ضنيني*دبر وخلاني وبت=ياحسف جودي والزيانه* فيهم قصيرين الشروع
الفصل الجديد

لاياطيور السعد حطي*بين المكلا والمقد=يالله عسى متع عيوني*في منظر السرب الجميل
مظلوم جم والظلم مبطي*ماشفت شي غير النكد=غارق وكابد في شؤني*بين الصحيفه والسبيل
ون قلت لاياعين شطي*ترفض بقوّه ياولد=وتقول هاذولاّ بكوني*وخلوا إدموعي تسيل

رنين الوتر

07-24-2010, 10:03 PM

كفو والله الفصلين كلهن راقيات من اساتذه راقيين
خلو كلن يقصد على الفصل اللي يباه

صوت سيبان

07-24-2010, 10:10 PM

تعا طف يا المحب لاتكون انته والزمن ضدي=كفاني ما جرالي من صحاب الظلم والبهتان
نصت لي واستمع لي لا تقع ظالم ومتحدي=ترى هرج الوشايه من تقبض به ضوى خسران
=عمر الذيب

البنادق تقارحت قريب من بعضها البعض يأجل فصلي لاخر السمر

صحاب الظلم من فوق الكنب ركاب فالقدي=وعاصوت المسجل ياعمر يتسمعون الدان
ولاحد منهم فكر في الشرقي ولا النجدي=وقد ضاعوا هباء بين الكفف والرطل والميزان

رنين الوتر

07-24-2010, 10:18 PM

تعا طف يا المحب لاتكون انته والزمن ضدي=كفاني ما جرالي من صحاب الظلم والبهتان
نصت لي واستمع لي لا تقع ظالم ومتحدي=ترى هرج الوشايه من تقبض به ضوى خسران
=عمر الذيب

ومن ظلم المحب يالذيب سال الدمع عاخدي=قسي قلبه علي واصبح شبيه ابصخرة الصمان
وجوه صار ثاني ماعرف حري ولا بردي=بعد ماغرروا به ضد خله شلة الشيطان

عمر الذيب

07-24-2010, 10:26 PM

البنادق تقارحت قريب من بعضها البعض يأجل فصلي لاخر السمر

صحاب الظلم من فوق الكنب ركاب فالقدي=وعاصوت المسجل ياعمر يتسمعون الدان
ولاحد منهم فكر في الشرقي ولا النجدي=وقد ضاعوا هباء بين الكفف والرطل والميزان

هلاء باللي كلامه ما يجي شيكات جاء نقدي=وبعد الضيق لي بي من كلامه خاطري ميدان
تفضل شل بدك قال بو طارق وخل بدي=على المرجاع با شله متى ما قدر الرحمن

صوت سيبان

07-24-2010, 10:34 PM

ومن ظلم المحب يالذيب سال الدمع عاخدي=قسي قلبه علي واصبح شبيه ابصخرة الصمان
وجوه صار ثاني ماعرف حري ولا بردي=بعد ماغرروا به ضد خله شلة الشيطان

عمر يشكي من البطره وأنا من قلت العدي=معي بسطه وهو عنده في الحله ميت دكان
ويعرف لكنت الجاوه ويعرف رطنت الهندي=وحافظ لهجت المصري ومتولع في السودان

الواقعي

07-24-2010, 10:38 PM

كلام يا شعار الله يهطيكم العافيه
متابعين و مستمتعين

مجمل

07-24-2010, 10:43 PM

انا حب الكلام الزين موروثه وراء جدي = وحب القول ذي طعمه بغيه من عسل جردان
وذلا الوقت يالخوان ذي هو قد وقف ضدي = وخلاني مقصر في وصالك ياغصين البان

ابوشحوف

07-24-2010, 10:44 PM

متابعـــــــــــــــــــــــــــــــــــــــــــــ ـــــــــــــين

عمر الذيب

07-24-2010, 10:54 PM

كلام يا شعار الله يهطيكم العافيه
متابعين و مستمتعين
الله يها فيكم

الواقعي

07-24-2010, 11:07 PM

الله يها فيكم

(قيزا) عند الشاطري يابوطارق
نسيت ليلة حسبوك الناس اعجم
هههههههههههههههههههه
:001w0wke:

عمر الذيب

07-24-2010, 11:07 PM

كلام يا شعار الله يهطيكم العافيه
متابعين و مستمتعين

رموني من على رفرك لا يالمؤتر الوردي=بالهجه ماعرفها ترجمولك اهل بن رتعان
ولكن بانجيبك وانقلابك بات عا يدي=ولو طال المدى لابد من قبضه في الشكان

صوت سيبان

07-24-2010, 11:17 PM

الله يها فيكم

كلام يا شعار الله يهطيكم العافيه
متابعين و مستمتعين

مراحي قدلعبي قبل مايلعبي أمردي= نسيت أشياء كثيره ياعمر في دار بوسفيان
بغيت الضاد شفني يصتلب يالعاشق الوردي=بغيته زي نقم وطويق راسخ أوجبل شمسان
فطورك قد لعبك0 والمصيبه أنك متغدي= ومن كثر من العيشه ببطنه بي مسي وحلان
نسيت الذبر0 هو والنخل ذي مسبي على المعدي= وكل شي سار عندك ياعمر في عالم النسيان

صوت سيبان

07-24-2010, 11:56 PM

وين الناس ؟لازال الوقت بدري والقو جميل

الواقعي

07-24-2010, 11:59 PM

رموني من على رفرك لا يالمؤتر الوردي=بالهجه ماعرفها ترجمولك اهل بن رتعان
ولكن بانجيبك وانقلابك بات عا يدي=ولو طال المدى لابد من قبضه في الشكان

الشكان ههههههههه يمهل ولا يهمل

اذا ماشي معك ليسن ذهن تجلس في القدّي=جلس وحدك في الصندوق وانشق ريحة الشكمان
لتعليم السواقه ينفع الكوري مع الهندي=وبو طارق يبا الا البنز يومه صنعة الالمان

صوت سيبان

07-25-2010, 12:23 AM

الشكان ههههههههه يمهل ولا يهمل

اذا ماشي معك ليسن ذهن تجلس في القدّي=جلس وحدك في الصندوق وانشق ريحة الشكمان
لتعليم السواقه ينفع الكوري مع الهندي=وبو طارق يبا الا البنز يومه صنعة الالمان

أنا طارح يدي يالواقعي قدني على كبدي= مخافه عا الخيّب0 وأنثر مصايبنا من الشيبان
ولوهو لمر لي والود كل المشجري ودي=وسط غابه رميناهم هواة الرعي والرعيان

الشبامي

07-25-2010, 12:32 AM

الله يها فيكم

ياسلام ايش الهلاوه هذي :FRlol:
والله حتى الموالده مايلقون كذا :FRlol:

الشبامي

07-25-2010, 12:41 AM

الشبامي

07-25-2010, 12:59 AM

عمر يشكي من البطره وأنا من قلت العدي=معي بسطه وهو عنده في الحله ميت دكان
ويعرف لكنت الجاوه ويعرف رطنت الهندي=وحافظ لهجت المصري ومتولع في السودان

ياسلام يالسيباني :)
وماشاء الله على عمر قاموس أكسفورد ناطق بكل اللغات واللهجات :)
بصراحه اليوم المجلس إبداع في إبداع !!

عمر الذيب

07-25-2010, 01:06 AM

الشكان ههههههههه يمهل ولا يهمل

اذا ماشي معك ليسن ذهن تجلس في القدّي=جلس وحدك في الصندوق وانشق ريحة الشكمان
لتعليم السواقه ينفع الكوري مع الهندي=وبو طارق يبا الا البنز يومه صنعة الالمان

بذلت الجهد واثمر قال بو طارق عمر جهدي=وضويت الكروزر من عدم لا قرن بن عدوان
وخذت التاج والنجمه ولكنه طلع جندي=من النقطه غشيم القلب واهبل جندي التنزان
وجير شيكي المضمون لي قد كان في يدي=ونا ما قدرت راجع يومنا اعجم بدون السان

رنين الوتر

07-25-2010, 07:39 PM

مساء الانوار وينك يابو طارق ووين ابو رايد

صوت سيبان

07-26-2010, 01:07 AM

مساء الانوار وينك يابو طارق ووين ابو رايد

موجودين يابن لجواد
وهذا فصل للسمر الليله أن أعجبكم أسمروا عليه ولاشوفولنا غيره

رنينك يالوتر ونغمتك هي تشرح الخاطر=وكل ماضقت دور للربابه أوحنين العود
وساب المدرسه تلميذ في ذي يدرسه شاطر=على شان الطرب والصفو وأصحاب العيون السود
على تقسيم نغماتك شرب بيدي من القاطر=حسن عندي من الصحه0 قرعنا يشفي المارود

رنين الوتر

07-26-2010, 01:54 AM

موجودين يابن لجواد
وهذا فصل للسمر الليله أن أعجبكم أسمروا عليه ولاشوفولنا غيره

رنينك يالوتر ونغمتك هي تشرح الخاطر=وكل ماضقت دور للربابه أوحنين العود
وساب المدرسه تلميذ في ذي يدرسه شاطر=على شان الطرب والصفو وأصحاب العيون السود
على تقسيم نغماتك شرب بيدي من القاطر=حسن عندي من الصحه0 قرعنا يشفي المارود

هلا يامرحبا بالقول مثل المزن لي ماطر=ينسّم خاطري منه يفوح الورد هو والعود
مدير المدرسه يسعيد جاب الثلب والفاطر=قسي قلبه وهذا طبع من قلبه حجر جلمود

عمر الذيب

07-26-2010, 06:23 PM

موجودين يابن لجواد
وهذا فصل للسمر الليله أن أعجبكم أسمروا عليه ولاشوفولنا غيره

رنينك يالوتر ونغمتك هي تشرح الخاطر=وكل ماضقت دور للربابه أوحنين العود
وساب المدرسه تلميذ في ذي يدرسه شاطر=على شان الطرب والصفو وأصحاب العيون السود
على تقسيم نغماتك شرب بيدي من القاطر=حسن عندي من الصحه0 قرعنا يشفي المارود

عمر وحلان مابين الذي صاعد ولي حادر=هنا افغان وهنا اهل باكستان جم وهنود
بغيت الصدق باقتر وبا قايس وبا ناظر=وباشوف الخساره اين هي وفيين هو المردود
ولا قترت با راجع حسابي قبل ما غامر=وتغريني حبيبات العنب ليهو في العنقود

أحمد العمودي أبوفيصل

07-26-2010, 06:33 PM

عمر وحلان مابين الذي صاعد ولي حادر=هنا افغان وهنا اهل باكستان جم وهنود
بغيت الصدق باقتر وبا قايس وبا ناظر=وباشوف الخساره اين هي وفيين هو المردود
ولا قترت با راجع حسابي قبل ما غامر=وتغريني حبيبات العنب ليهو في العنقود

ونا موجود في جده ولانا ياعمر كابر = ودورنا ابومخشن ولكنه هنا موجود

عمر الذيب

07-27-2010, 12:41 AM

رمانا حظنا مابين بائعها وشاريها=وطلعو عينة العينه ولا شي منهم مامول
خساره ما حسبنا قال بو طارق لتاليها=فتحنا الباب لكنه صبح في وجهنا مقفول

صوت سيبان

07-27-2010, 01:13 AM

رمانا حظنا مابين بائعها وشاريها=وطلعو عينة العينه ولا شي منهم مامول
خساره ما حسبنا قال بو طارق لتاليها=فتحنا الباب لكنه صبح في وجهنا مقفول

تسلح بالجلد وأصبر على أسوى لياليها= باتفرج لمولى أسمره والهند وأستنبول
ولازم يختلط يوليد قيرها بحاليها= ويمكن نستعد ياصاحبي للعالم المجهول

عمر الذيب

07-27-2010, 01:26 AM

تسلح بالجلد وأصبر على أسوى لياليها= باتفرج لمولى أسمره والهند وأستنبول
ولازم يختلط يوليد قيرها بحاليها= ويمكن نستعد ياصاحبي للعالم المجهول

يصيح الصبر من صبري وتشكي لي نواحيها= كما ما يشتكي من علته لي قد بطى معلول
وما بين الممرض وا لمريضه لي يصاليها= فضايح واجده لا عرفتها باتقول مش معقول

رنين الوتر

07-27-2010, 01:37 AM

رمانا حظنا مابين بائعها وشاريها=وطلعو عينة العينه ولا شي منهم مامول
خساره ما حسبنا قال بو طارق لتاليها=فتحنا الباب لكنه صبح في وجهنا مقفول

اذا شي غيث مقبل بايبين من عصاريها=برد يالذيب خل الهيج داخل مرصنه معقول
وخل مولى جنوبيها على مول شماليها=يطّرب له ويشرح له اذا عنده عذر مقبول
ترى المفتاح بيد الله خالقها وباريها=ابد ماتقفل ابوابه وسع في عرضها والطول

ابن كلاع الحميري

07-27-2010, 01:41 AM

يصيح الصبر من صبري وتشكي لي نواحيها= كما ما يشتكي من علته لي قد بطى معلول
وما بين الممرض وا لمريضه لي يصاليها= فضايح واجده لا عرفتها باتقول مش معقول

ولاجارالمرض ياالذيب ماحدبا يواسيها=وقالو نصفها لاخر صبح ياصاحبي مشلول

رنين الوتر

07-27-2010, 01:42 AM

صوت سيبان

07-27-2010, 01:45 AM

يصيح الصبر من صبري وتشكي لي نواحيها= كما ما يشتكي من علته لي قد بطى معلول
وما بين الممرض وا لمريضه لي يصاليها= فضايح واجده لا عرفتها باتقول مش معقول

إذا عاد المرض فالرجل بلحق من يداويها= ولكن لاوصل للراس مانا ياعمر مسؤل
درك نفسك بكي يمكن حريق النار يشفيها=وكل ذي من قروفه لتدلي في جبنها والفول

عمر الذيب

07-27-2010, 01:47 AM

اذا شي غيث مقبل بايبين من عصاريها=برد يالذيب خل الهيج داخل مرصنه معقول
وخل مولى جنوبيها على مول شماليها=يطّرب له ويشرح له اذا عنده عذر مقبول
ترى المفتاح بيد الله خالقها وباريها=ابد ماتقفل ابوابه وسع في عرضها والطول

املنا في عظيم الشان لا هبت علاويها=وبات الرعد يرعد بتصبح بقعا مطر وسيول
وامل ثاني بلي يعرف على الاوجاع يكويها=بكيه با يشوف العافيه بعد المرض سحلول

صوت سيبان

07-27-2010, 01:58 AM

[ولاجارالمرض ياالذيب ماحدبا يواسيها=وقالو نصفها لاخر صبح ياصاحبي مشلول[/poem]

على روس الجبال الشامخه ربي مخليها= تقتل فالحناش السود شي مصوّب وشي مقتول
وشي فالبر تقبرها وشي في البحر تهبيها=وصفت كل شي باقي صنم واحد كما بوالهول

الواقعي

07-27-2010, 02:01 AM

يصيح الصبر من صبري وتشكي لي نواحيها= كما ما يشتكي من علته لي قد بطى معلول
وما بين الممرض وا لمريضه لي يصاليها= فضايح واجده لا عرفتها باتقول مش معقول

دخول متأخر ما عليش

صدوع المصنعه من كل محل ماهو قباليها=ولي سوّس غلط لازم علا غلطته هو مسؤل
وكل من صافح ألاجذم بيدّه غصب يعديها= وكل من ساير اهل السل لازم با يرُد مسلول

عمر الذيب

07-27-2010, 02:02 AM

إذا عاد المرض فالرجل بلحق من يداويها= ولكن لاوصل للراس مانا ياعمر مسؤل
درك نفسك بكي يمكن حريق النار يشفيها=وكل ذي من قروفه لتدلي في جبنها والفول

وصل للراس له مده ولكن لي طمع فيها=الى صاحت عطاها اسبرو خلطه بالريدبول
وانا قلبي قنع منها ومن لي هو يهاويها=بغى الزقره وهو شيبه ويقحب عالوقاء مزقول

ابن كلاع الحميري

07-27-2010, 02:11 AM

كرهنها ياعمر منهو يجيب اليوم طاريها=ولاضني شي مطره تقع لاهبة الشملول

صوت سيبان

07-27-2010, 02:13 AM

عمر الذيب

07-27-2010, 02:16 AM

دخول متأخر ما عليش

صدوع المصنعه من كل محل ماهو قباليها=ولي سوّس غلط لازم علا غلطته هو مسؤل
وكل من صافح ألاجذم بيدّه غصب يعديها= وكل من ساير اهل السل لازم با يرُد مسلول

بغينا من شبكها ذي السنه نفسه يبديها=لان البنت والكذاب ماشي بينهم مدخول
زواج الغصب والمسيار تفشل في تواليها=حقيقه ثابته لاحد يصدق كذبة البهلول
رباع المصنعه ترقل ونبه في سواريها=وقاسمها انكسر والباب لا مفندق ولا مقفول

ابن كلاع الحميري

07-27-2010, 02:29 AM

عسل صافي نعم ياصاحبي ماليوم يعطيها=وبيردو لكم مكيالكم بزود والمدبول
تزوجها وفل عشرين ولا يرضى يطلقها =نعم مرتح مابه شي جنان اليوم او مهبول

الواقعي

07-27-2010, 02:47 AM

[QUOTE=الواقعي;537908]دخول متأخر ما عليش

صدوع المصنعه من كل محل ماهو قباليها=ولي سوّس غلط لازم علا غلطته هو مسؤل
وكل من صافح ألاجذم بيدّه غصب يعديها= وكل من ساير اهل السل لازم با يرُد مسلول [/][/QUO

على حيد النشم بصخرة الصيوان بانيها= وسوى بابها فولاذ من فوقه ثنين أقفول
معد باتنفتح ولعاد حد بايشترح فيها=خزاينها ملانه بالكتب ماهي تنك وطبول

جبال الصوت معروفه وسافلها وعاليها=وصوت المشجري معروف ماشي يشبهه بالطول
ولكن المزمّر لحيته ماباه يخفيها=وبو رائد كما خالد نعدّه سيفنا المسلول

صوت سيبان

07-27-2010, 02:49 AM

بغينا من شبكها ذي السنه نفسه يبديها=لان البنت والكذاب ماشي بينهم مدخول
زواج الغصب والمسيار تفشل في تواليها=حقيقه ثابته لاحد يصدق كذبة البهلول
رباع المصنعه ترقل ونبه في سواريها=وقاسمها انكسر والباب لا مفندق ولا مقفول

يحبوا بعضهم تعطيه ود والبعل يعطيها= وفاء وأخلاص وموده ولاهو بغيرها مشغول
وحتى أهلها حبوه هذا الأمر يكفيها=أمام الناس تفخربه مثيل الهاتف المحمول
وهو يعرف مطالبها ودارسها وقاريها=يجيب أغراضها يالذيب من روما ومن سيؤل

صوت سيبان

07-27-2010, 03:05 AM

[QUOTE=صوت سيبان;537916]

جبال الصوت معروفه وسافلها وعاليها=وصوت المشجري معروف ماشي يشبهه بالطول
ولكن المزمّر لحيته ماباه يخفيها=وبو رائد كما خالد نعدّه سيفنا المسلول

أنا حب الجزيره ك إذاعه زين ماضيها= ولافيها دسايس كل شي على الهوى منقول
برامج فيصل القاسم أشجعها وحييها=وحب يالواقعي كل ماتقوله بنتهم نيكول

صوت سيبان

07-27-2010, 03:09 AM

وتصبحون على خير لغبت ماحد منكم يساعدني
على قول عادل إمام
سائيبن الحراميه كلهم وجايين تقبضوا على الغلبان

عمر الذيب

07-27-2010, 03:22 AM

يحبوا بعضهم تعطيه ود والبعل يعطيها= وفاء وأخلاص وموده ولاهو بغيرها مشغول
وحتى أهلها حبوه هذا الأمر يكفيها=أمام الناس تفخربه مثيل الهاتف المحمول
وهو يعرف مطالبها ودارسها وقاريها=يجيب أغراضها يالذيب من روما ومن سيؤل

نتو منتو في الحسبه لها اولاد تحميها=جملهم قد برك والحمل فيما بينهم مفصول
وليهو سرح الزقره بنفسه با يضويها=لانه من جبل معروف حصيانه مثيل اللول
فقه تحسب عوض لعنه وقومه با يجليها=وهو يسمح لبنته بينهم تزفن بدون احجول

المستقل

07-27-2010, 03:12 PM

إذا باقي بقت بذّره فمزن الغيث يحييها=وتتضاعف وتتضاعف و تزرع عرضها والطول
أمل مازل في نفسي وما لليأس وسع فيها=وهذا الليل ومهما طال يأتي فجرنا الما مؤل

المستقل

07-27-2010, 03:27 PM

يصيح الصبر من صبري وتشكي لي نواحيها= كما ما يشتكي من علته لي قد بطى معلول

ليس غريب ..أنه عمر الذيب محضار وادي عمد..

بن احمد

07-27-2010, 11:48 PM

ليس غريب ..أنه عمر الذيب محضار وادي عمد..
بالفعل ونا اشهد انه بيت القصيد

عمر الذيب

07-28-2010, 12:09 AM

يقول الذيب بو طارق عمر طاب السمر حله=بغينا في المداره يا صحابي من سقط لاثار
بغينا علم من ليهو عصب حبله هو برجله=وبعد العصب على ظره وقعله ذي السنه ترتار

عمر الذيب

07-28-2010, 12:12 AM

يقول الذيب بو طارق عمر طاب السمر حله=بغينا في المداره يا صحابي من سقط لاثار
بغينا علم من ليهو عصب حبله هو برجله=وبعد العصب على ظره وقعله ذي السنه ترتار
سرى ياشباب

بن احمد

07-28-2010, 12:39 AM

يقول الذيب بو طارق عمر طاب السمر حله=بغينا في المداره يا صحابي من سقط لاثار
بغينا علم من ليهو عصب حبله هو برجله=وبعد العصب على ظره وقعله ذي السنه ترتار

ابو طارق يصم الراس واقواله تجي جزله=هلا ياعنتر المعنى رحب ياشاعر الشعار
انا بسري معاك الليل والدنيا لها غسله=ومن عادتي لا خاويت خاوي وافيين اشبار

عمر الذيب

07-28-2010, 12:47 AM

ابو طارق يصم الراس واقواله تجي جزله=هلا ياعنتر المعنى رحب ياشاعر الشعار
انا بسري معاك الليل والدنيا لها غسله=ومن عادتي لا خاويت خاوي وافيين اشبار

معك شي علم في رجال سبب ذي السنه قتله =وباعه سيده من بعد لي شافه وقع في الجار
يبيعونك بلا قيمه الى استكفو بني بله=ويشهد لي عزيز القوم لي روح وخلا الدار
وقعله شغل ما شافه ولا شي با يقع مثله=درجنا به وباحلافه وبتنا دار به مادار

بن احمد

07-28-2010, 12:47 AM

لشان الجيد بانتحمل الصعبه مع السهله=ودنيا ابليس ياذيبان مثل الكرسي الدوار
بن ادم لي بها مفتون وقته راح في غفله=وليته قبل مايورط حسب مدخله والمندار

عمر الذيب

07-28-2010, 12:52 AM

لشان الجيد بانتحمل الصعبه مع السهله=ودنيا ابليس ياذيبان مثل الكرسي الدوار
بن ادم لي بها مفتون وقته راح في غفله=وليته قبل مايورط حسب مدخله والمندار

اذا هو قد تورط قد ورطنا امس من قبله=من الجنه خرجنا واهتبدنا في حريق النار
وبتنا معن عا رفه كما البراد والدله=بغاها شلها وان ما بغاها كبها بازار

بن احمد

07-28-2010, 01:01 AM

معك شي علم في رجال سبب ذي السنه قتله =وباعه سيده من بعد لي شافه وقع في الجار
يبيعونك بلا قيمه الى استكفو بني بله=ويشهد لي عزيز القوم لي روح وخلا الدار
وقعله شغل ما شافه ولا شي با يقع مثله=درجنا به وباحلافه وبتنا دار به مادار

بن ادم يعتبر والوقت له طلعه وله نزله=يعيب الوقت ف اهل الوقت لن طبع الزمن غدار
ونا بحفظ لساني ياعمر شفني من الزله=ولكن المواقف تختلف والربع والانصار
احد يبقى على عهده وعالمبدا وعا المله=وحد حسب الهوى والمصلحه والقرش والدولار

عمر الذيب

07-28-2010, 01:06 AM

بن ادم يعتبر والوقت له طلعه وله نزله=يعيب الوقت ف اهل الوقت لن طبع الزمن غدار
ونا بحفظ لساني ياعمر شفني من الزله=ولكن المواقف تختلف والربع والانصار
احد يبقى على عهده وعالمبدا وعا المله=وحد حسب الهوى والمصلحه والقرش والدولار

كلامك صدق لكن ما تقع بالغصب شي دخله=وحسب الشرع دخلت غصب لهل البنت اكبر عار
ولكني مساهن ذي السنه حفله وهي حفله=كبيره باتقع يابن حمد بالطبل والمزمار
وبعد الحفل با تعبر على كل العرب نفله=وبا يصفى لك الصافي وبس في حجر بن دغار

صوت سيبان

07-28-2010, 01:06 AM

يقول الذيب بو طارق عمر طاب السمر حله=بغينا في المداره يا صحابي من سقط لاثار
بغينا علم من ليهو عصب حبله هو برجله=وبعد العصب على ظره وقعله ذي السنه ترتار

ألا يامرحباء بالمشترى والبيع والغله=وبالدكان والمكسب وبك ياتاجر التجار
على حس المرابح ياعمر دور على شغله= دركني قبل ذي في الطايره يذهب مع الطيّار

عمر الذيب

07-28-2010, 01:12 AM

ألا يامرحباء بالمشترى والبيع والغله=وبالدكان والمكسب وبك ياتاجر التجار
على حس المرابح ياعمر دور على شغله= دركني قبل ذي في الطايره يذهب مع الطيّار

سرى يالمشجري هتلي خبر من باهي الطله=ابا الموجز وبالتفصيل منك صافي الاخبار
ترى لحمي وعظماني لها ساعات في رقله=وفر النوم من عيني ولا عندي خبر وش سار

بن احمد

07-28-2010, 01:19 AM

كلامك صدق لكن ما تقع بالغصب شي دخله=وحسب الشرع دخلت غصب لهل البنت اكبر عار
ولكني مساهن ذي السنه حفله وهي حفله=كبيره باتقع يابن حمد بالطبل والمزمار
وبعد الحفل با تعبر على كل العرب نفله=وبا يصفى لك الصافي وبس في حجر بن دغار

شدادي فوق ريمي ياعمر ومعي عصا دقله=بيدي والزهاب اليوم جاهز لي عليه البار
على ذا العهد ماببكي ولي بعده ولي قبله=لان الفرق ماشي فرق شف عامر كما عمّار

صوت سيبان

07-28-2010, 01:30 AM

سرى يالمشجري هتلي خبر من باهي الطله=ابا الموجز وبالتفصيل منك صافي الاخبار
ترى لحمي وعظماني لها ساعات في رقله=وفر النوم من عيني ولا عندي خبر وش سار

حسبت أني رجل عاقل ولكن مامعي قفله=ضرب من هاهنا عا الجافله في حجر بن دغار
ولكن الرصاصه ماخطت صابته عاغفله=ولاهي حرفنه 00صابته بمر الواحد القهار

عمر الذيب

07-28-2010, 01:33 AM

شدادي فوق ريمي ياعمر ومعي عصا دقله=بيدي والزهاب اليوم جاهز لي عليه البار
على ذا العهد ماببكي ولي قبله ولي بعده=لان الفرق ماشي فرق شف عامر كما عمّار

نصحناكم من استهتاركم والبصق والتفله=ومن بعض الامور الخارجه والهرج ليهو حار
ركبتو روسكم وتقارنون الفيل بالنمله=وهذا ما يناسب حد داخل محمده والغار
وبعده ثارة الشاره وشربة ارض بن قمله=وبيت سيلها يعزف وديمه ليلها ونهار
ثلاثه في ثلاثه في ثنعشر اول الهمله=ولي مقبل يفزع او ترك فطوم يا غوار

عمر الذيب

07-28-2010, 01:42 AM

حسبت أني رجل عاقل ولكن مامعي قفله=ضرب من هاهنا عا الجافله في حجر بن دغار
ولكن الرصاصه ماخطت صابته عاغفله=ولاهي حرفنه 00صابته بمر الواحد القهار

انا عارفك ما تخطي تصيب العرم وتشله=ببو مقصين لي ضاري يكسر في النشم كسار
غزه من حيث ماتنوي وشل حمله قفى حمله=وكرر عالهدف لما يخر وترتخي الاوتار

ابن كلاع الحميري

07-28-2010, 01:45 AM

نظيفه بنت فل عشرين وهي قد ذاقة القبله=ولا ترجع لكم حتى ولا هل المطر مدرار
فقط شوفه بكى عنتر وحدي اليوم عاعبله=وضاق الحال في هذا الزمن ديهو عليهم جار

أحمد العمودي أبوفيصل

07-28-2010, 01:48 AM

مساكم الله بالخير من منتزه الساحل الشرقي بجده

عمر الذيب

07-28-2010, 01:53 AM

نظيفه بنت فل عشرين وهي قد ذاقة القبله=ولا ترجع لكم حتى ولا هل المطر مدرار
فقط شوفه بكى عنتر وحدي اليوم عاعبله=وضاق الحال في هذا الزمن ديهو عليهم جار

الى للامر ما بعده بغينا العلب والنخله=ولا با نقبل اليمنه تقع في بنصر الايسار
معانا الكنش والباروت والبلجيك والنصله=معد با نقبل الباطل ولا راس الحنش في الدار

صوت سيبان

07-28-2010, 01:59 AM

انا عارفك ما تخطي تصيب العرم وتشله=ببو مقصين لي ضاري يكسر في النشم كسار
غزه من حيث ماتنوي وشل حمله قفى حمله=وكرر عالهدف لما يخر وترتخي الاوتار

أنا دليت درب(ن)ياعمر عارفه ودله=خساره في خساره متكسب حاجه من المشوار
وذي في خاطرك هذا السنه ماضن توصله=ولكنك توله هاهناء وأسمر مع السمار

ابن كلاع الحميري

07-28-2010, 02:07 AM

الى للامر ما بعده بغينا العلب والنخله=ولا با نقبل اليمنه تقع في بنصر الايسار
معانا الكنش والباروت والبلجيك والنصله=معد با نقبل الباطل ولا راس الحنش في الدار

وانا ضني عمر هذا السنه بلقيله الجدله=ولا طبه سوى ياصاحبي بكويه بلمسمار
ويمكن بي صحئ ياصاحبي من هذه الغفله=وباذكرك ياصاحب نعم لاطالت الاعمار

ابن كلاع الحميري

07-28-2010, 02:20 AM

وفي ذاك الزمن شوفك سكنة القصر والفله=وفي هذا الزمن شوفك عكست السير والدوار
وزمرتكم نعم شفنا شويناهم على المله =ويبن الذيب انا شفني معك باكمل المشوار

صوت سيبان

07-28-2010, 02:26 AM

وانا ضني عمر هذا السنه بلقيله الجدله=ولا طبه سوى ياصاحبي بكويه بلمسمار
ويمكن بي صحئ ياصاحبي من هذه الغفله=وباذكرك ياصاحب نعم لاطالت الاعمار

خروجك سهل وأما المشكله يابوك في الدخله=على دربك قنابل حارقه فلهند ومنيبار
دروبك كلها قشرى ترى ماشي طرق سهله=بغيت الجنه الخضرى وأنته من صحاب النار

ابن كلاع الحميري

07-28-2010, 02:54 AM

خروجك سهل وأما المشكله يابوك في الدخله=على دربك قنابل حارقه فلهند ومنيبار
دروبك كلها قشرى ترى ماشي طرق سهله=بغيت الجنه الخضرى وأنته من صحاب النار

ونا خايف على عضمك تجيه اليوم شي رقله=لني عارفك ذاك الزمن ياصاحبي جبار
ولا هو ذا دخل سعفك بحط القيد في رجله =ولي تاريخ يشهدلي وتشهدلي جبال الكار

صوت سيبان

07-28-2010, 03:05 AM

ونا خايف على عضمك تجيه اليوم شي رقله=لني عارفك ذاك الزمن ياصاحبي جبار
ولا هو ذا دخل سعفك بحط القيد في رجله =ولي تاريخ يشهدلي وتشهدلي جبال الكار

كلام يابن كلاع الحميري
وتصبحون على خير الجواب بكره

ابوشحوف

07-28-2010, 12:55 PM

متابعين لكم واصلو السمر00000000000000000000000

عمر الذيب

07-28-2010, 04:55 PM

متابعين لكم واصلو السمر00000000000000000000000
بغينا فصل يا جماعه

عمر الذيب

07-28-2010, 06:47 PM

فصل يا جماعه فصل جديد

عمر الذيب

07-28-2010, 11:34 PM

فصل يا جماعه فصل جديد

فتحت الباب بسم الله كل واحد =يشل قسمه بلا زائد ولا نقصا ن
ونا قسمي معي من سمح بالزائد=جنيته في زماني من طرف لغصان

ابن كلاع الحميري

07-28-2010, 11:51 PM

فتحت الباب بسم الله كل واحد =يشل قسمه بلا زائد ولا نقصا ن
ونا قسمي معي من سمح بالزائد=جنيته في زماني من طرف لغصان

ولابتشل سوى قسم ولا نعطيك شي زائد=لنك من زمن تمشي بلانمره ولا عنوان
سوئ كانت معك رتبه ملازم كنت اورايد=هدى الوضع لاقد جيت نا لاساحة الميدان

الواقعي

07-28-2010, 11:58 PM

فتحت الباب بسم الله كل واحد =يشل قسمه بلا زائد ولا نقصا ن
ونا قسمي معي من سمح بالزائد=جنيته في زماني من طرف لغصان

رحب يالذيب عد البرق والراعد=وعد ما المزن عا(الزنقل) سرى هتان
نبا منًك علوم الظبي لي شارد=وقل لي كيف سوّى الذيب فالقطعان

الزنقل .... الغابه الافريقيه

عمر الذيب

07-29-2010, 12:08 AM

رحب يالذيب عد البرق والراعد=وعد ما المزن عا(الزنقل) سرى هتان
نبا منًك علوم الظبي لي شارد=وقل لي كيف سوّى الذيب فالقطعان

الزنقل .... الغابه الافريقيه

نشد غيري من الصادر ولي وارد=تركنا من محازي كان يا ماكان
انا مسكين كن غيري طلع مارد=وحط اصبعه في قصعه عسل جردان
وخربها على نفسه وبو ماجد=اظن انه لحاله لي طلع كسبان

الفتى الرحال

07-29-2010, 12:14 AM

كلااااام يا بن الذيب
صح لسسسانك
مايخفي عليك شي
قوووك الله

الفتى الرحال

07-29-2010, 12:22 AM

نته عندي كما عشره واللميدان له قايد=ومن خاوك لايذيب ماضني طلع خسران
زمانك لولي ياذيب ماضنيت هو عايد =وفي هذا زمن ماحد معي فرحان

الواقعي

07-29-2010, 12:26 AM

نشد غيري من الصادر ولي وارد=تركنا من محازي كان يا ماكان
انا مسكين كن غيري طلع مارد=وحط اصبعه في قصعه عسل جردان
وخربها على نفسه وبو ماجد=اظن انه لحاله لي طلع كسبان

نبا با نعرف العفريت والمارد=وهومن ياعمر يُملك ملوك الجان
وهومن لي على البيعه وقع شاهد=وهومن يا رفيقي غرّه الشيطان
وهومن تحسبه طيّب وهو حاقد=وهومن لي قطف زهره من البستان

عمر الذيب

07-29-2010, 12:48 AM

نبا با نعرف العفريت والمارد=وهومن ياعمر يُملك ملوك الجان
وهومن لي على البيعه وقع شاهد=وهومن يا رفيقي غرّه الشيطان
وهومن تحسبه طيّب وهو حاقد=وهومن لي قطف زهره من البستان

تركنا السهل دورنا على الكائد=طلع اكيد كيدنا قابض السكان
ولي هو غره الشيطان بو حامد=حسن ياريته الا ما معاه السان
وما ليهو قطف مهما مسى جاحد=انا عارفه وانته تعرفه يافلان

الواقعي

07-29-2010, 01:12 AM

تركنا السهل دورنا على الكائد=طلع اكيد كيدنا قابض السكان
ولي هو غره الشيطان بو حامد=حسن ياريته الا ما معاه السان
وما ليهو قطف مهما مسى جاحد=انا عارفه وانته تعرفه يافلان

على نيته جا بخته وهو راقد=وريح المسك هب صوبه وهو نعسان
ولا همه من العزال والحاسد=ومولا الدلو يحسد صاحب المعيان

الواقعي

07-29-2010, 01:13 AM

تصبحون على خير

عمر الذيب

07-29-2010, 01:20 AM

على نيته جا بخته وهو راقد=وريح المسك هب صوبه وهو نعسان
ولا همه من العزال والحاسد=ومولا الدلو يحسد صاحب المعيان

مصيبه لي مسى يزعب على البارد=غفت عينه وهو يالواقعي ضميان
ولي هو ماتعب متكرسع وقاعد=شرب لما ارتوى واضحك على البلهان

رنين الوتر

07-29-2010, 01:47 AM

مصيبه لي مسى يزعب على البارد=غفت عينه وهو يالواقعي ضميان
ولي هو ماتعب متكرسع وقاعد=شرب لما ارتوى واضحك على البلهان

اشوف الناس حد راكع وحد ساجد=في القبله وعاده مادخل رمضان
وواحد خلف اغاني راشد الماجد=ومتسلطن ينسنس لك بصوت الدان

المستقل

07-29-2010, 01:48 AM

انا مغبط سوى العابد الزاهد=ألا ياريت لو انسان مثل انسان
ولا واحد اظنه مثل ماواحد =وواحد مطلبه لا تخلفوا الميزان

الفتى الرحال

07-29-2010, 02:05 AM

وديهو قد مسى في جوه البارد =ماضنيت بايرجع على داره وهو حران
ولاقد شي خطاء ردوه على راشد=وذولا هم صحاب الزور البهتان

المستقل

07-29-2010, 02:13 AM

اشوف الناس حد راكع وحد ساجد=في القبله وعاده مادخل رمضان
وواحد خلف اغاني راشد الماجد=ومتسلطن ينسنس لك بصوت الدان

وقالواحصتك هي البرق والراعد=وخوكم حصته هي السيل والامزان
وذا القسمه ابد ما ترضي الوالد= ولا يرضى بها الصاحي ولاالسكران

عمر الذيب

07-29-2010, 09:48 PM

يعين الله على بعد المحب ايام وليالي=لان بعد المحب شي من جهنم يا صلاب الروس
وقربه جنة الدنياء الى بيت على جالي=واحيانا احس اني معه في جنة الفردوس

محمد سعيد بن مخاشن

07-29-2010, 10:04 PM

يعين الله على بعد المحب ايام وليالي=لان بعد المحب شي من جهنم يا صلاب الروس
وقربه جنة الدنياء الى بيت على جالي=واحيانا احس اني معه في جنة الفردوس

تركنا العشق قل للذيب ما يخطر على بالي
بنات آدم جميعا عشقهن مثل المهب والكوس

يخلنـّـك كما المرضان والممذوه وتـْـصالي
ولا بك شي مرض كنـّـك مثيل الصّعمر المنكوس

المستقل

07-29-2010, 10:21 PM

سنين وشهور متعذب واحس الحال مش حالي=وكلّه من جفا خلي وحظي العاثر المنحوس
ولا خلّي رحم حالي ولا عمي ولا خالي= وانا المجروح والمذبوح بحد المقطعة والموس

عمر الذيب

07-29-2010, 10:38 PM

تركنا العشق قل للذيب ما يخطر على بالي
بنات آدم جميعا عشقهن مثل المهب والكوس

يخلنـّـك كما المرضان والممذوه وتـْـصالي
ولا بك شي مرض كنـّـك مثيل الصّعمر المنكوس

غلط منك تذم النخل كله وانته الوالي=ومولا العرف لي منه اخذناها عبر ودروس
انا المسؤول عن نفسي ونا عارف ثمر مالي=لانه حب ماتجيه الشوائب والغشر والسوس

عمر الذيب

07-29-2010, 10:53 PM

سنين وشهور متعذب واحس الحال مش حالي=وكلّه من جفا خلي وحظي العاثر المنحوس
ولا خلّي رحم حالي ولا عمي ولا خالي= وانا المجروح والمذبوح بحد المقطعة والموس

هلا باللي شكى من لولي واشكى من التالي=وخلانه مع الدنيا مشو به لاورى معكوس
سمع يالمستقل مني وترك كل بطالي=وخذ صافي مصفى من ذهب لا تقارب المغموس

المستقل

07-29-2010, 10:59 PM

تركنا العشق قل للذيب ما يخطر على بالي
بنات آدم جميعا عشقهن مثل المهب والكوس

يخلنـّـك كما المرضان والممذوه وتـْـصالي
ولا بك شي مرض كنـّـك مثيل الصّعمر المنكوس

جانا الزير ابو الليل المهلهل شيخنا الغالي=ويوعظ من على المنبر وحط السيف هو والفؤس
وهذا حلم ولا علم ولاهو شك وخيالي=ولاهو شات متبادل ودق الطبل والقبوس

عيبون

07-29-2010, 11:22 PM

وانا قد جيت للمجلس وباصدّر من اقوالي=وباجيب الجفل والبن وباجيب العسل مدبوس

قفاكم بانجي لوتطلعون احسور وجبالي=وهذا الصوت هيّضني كلفتو الهجس والمهجوس

ومقدار المحب عزّه كما ماعز دسمالي=وعينت بدو (ف)الخطمه لهم عشقه في المخموس

دقم الزرق

07-29-2010, 11:28 PM

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

عيبون

07-29-2010, 11:33 PM

صبرنا عالسفر غصبى ولا به راضت اجمالي=تبات الليل عا حنّه قتلها الشوق والتنهوس

وذكري للوطن دايم على الخاطر ويطرالي=وتخنق حلقي العبره ونغديلك كما المكبوس

زمن غدّار ولبّسني في الملبوس والبالي=ولانا قط متعوّد على شيذر وهو ملبوس

بن بريك

07-29-2010, 11:40 PM

عمر ما جاء على بالي اشوف الزين ذا قبالي = ونخل اليوم يالصاحب مصيبه قد اكله السوس
وكل من شافني الا سألني وش على بالي = وضاعت حيلتي واصبح نهاري يا عمر منحوس

عيبون

07-29-2010, 11:48 PM

ووعل الحيد يسرح عالوكل بس يحذر الالي=ويحذر من شباك الصيد لايصبح بها محبوس

عسى بس تشرب اشعابه يجيها غيث همّالي=ولاشربت يزين الرعي وباتحيى عروق يبوس

عيبون

07-29-2010, 11:50 PM

تصبحون على خير

المستقل

07-29-2010, 11:51 PM

هلا باللي شكى من لولي واشكى من التالي=وخلانه مع الدنيا مشو به لاورى معكوس
سمع يالمستقل مني وترك كل بطالي=وخذ صافي مصفى من ذهب لا تقارب المغموس

انا ماسك بنفس الخط في صحراي وجبالي=وفي الطلعات انا هدي ولا الارض استوت نا دوس
ولا انته ريتني قد ملت وقف خوك لامالي= وانت استاذنا الغالي وانت الأب والناموس

عمر الذيب

07-29-2010, 11:53 PM

عمر ما جاء على بالي اشوف الزين ذا قبالي = ونخل اليوم يالصاحب مصيبه قد اكله السوس
وكل من شافني الا سألني وش على بالي = وضاعت حيلتي واصبح نهاري يا عمر منحوس

انا من حب وحبيته اشوفه شمس وظلالي=وحبه مثل ما حبة صلاله رمزها قابوس
احبه وافخر ابعشقه في المطلع ومنزالي=لان عشقه من اول في فؤادي من زمن مغروس

بن بريك

07-30-2010, 12:11 AM

انا من حب وحبيته اشوفه شمس وظلالي=وحبه مثل ما حبة صلاله رمزها قابوس
احبه وافخر ابعشقه في المطلع ومنزالي=لان عشقه من اول في فؤادي من زمن مغروس

مصيبه لا سقط ذا الوعل من عاليه للوادي = وقد اصبح فريسه بعد ماقد كان له ناموس
وقلبي قد تعب لا ياعمر من حب متعالي = بغيت اهل التواضع يا عمر باحطهم عالروس

بن بريك

07-30-2010, 12:31 AM

سمرت اليوم بالوادي وهو مازال عا بالي = وقلت اليوم باشوفه امامي ذلك المحروس
وقاطع مسمري كله وخلاني كما حالي = يعذبني ويتلذذ وراسي قد صبح منكوس

المستقل

07-30-2010, 12:43 AM

معي قوة معي قدرة معي ثروة معي رجالي=ولا اخشى قوة امريكا ولا لطليان هم والرووس
وحب السلم وسعى له وانشد خير لعمالي=وذيهم وقدوا الشمعه لهم با وقد الفانوس

الفتى الرحال

07-30-2010, 12:46 AM

ورديتو لنا ذيك السنين اللي بها الوالي=ومن هذا الزمن ياصاحبي خذلك عبر ودروس
لاشي خير في مصلح ولاقد جا من الدالي=قم حط الحمول المثقله عل فاطر الدقموس

محمد سعيد بن مخاشن

07-30-2010, 09:30 PM

جانا الزير ابو الليل المهلهل شيخنا الغالي=ويوعظ من على المنبر وحط السيف هو والفؤس
وهذا حلم ولا علم ولاهو شك وخيالي=ولاهو شات متبادل ودق الطبل والقبوس

هلا مرحيب بالغالي وذي هو منزله عالي
صدَق من قال شاعر ... بالقوافي صدر له مكبوس

بغيت الحق يا صاحب؟ أنا معْرفت مكيالي!
مغنـّـم في الهوى ساعه وساعه في الهوى محيوس

محمد سعيد بن مخاشن

07-30-2010, 09:53 PM

غلط منك تذم النخل كله وانته الوالي=ومولا العرف لي منه اخذناها عبر ودروس
انا المسؤول عن نفسي ونا عارف ثمر مالي=لانه حب ماتجيه الشوائب والغشر والسوس

كبّرنا الخط لإظهار حركات التشكيل
عمر يا خوك لتـْـجامل ولتـْـكن غِــر ومْثالي
ولولا أنـّـني نعرفك با ظنـّـك ولـَـد كركوس

بكل نخله وكل بقله يجيك السّري طوّالي
إذا حاولت تبغا لك مذنّب يشبه المدبوس

المستقل

07-30-2010, 10:51 PM

هلا باللي شكى من لولي واشكى من التالي=وخلانه مع الدنيا مشو به لاورى معكوس
سمع يالمستقل مني وترك كل بطالي=وخذ صافي مصفى من ذهب لا تقارب المغموس

ألا يا ذيب انت النون ذي غطيه با سبالي=وانت الصقر وانت النصر وحسنك فاق عالطاؤوس
وانت النيل والدجلة ومزن الغيث وشلالي=وانته نجمنا الهادي وانته لي قمر وشموس

موسوليني

07-30-2010, 10:58 PM

الله الله أبداع منقطع النظير أمتاع لحد الأشباع وين باقي المبدعين ولامسافرين من سافر يرجع لنا بالسلامه معافى سالم أنشاء الله

المستقل

07-30-2010, 11:23 PM

هلا مرحيب بالغالي وذي هو منزله عالي
صدَق من قال شاعر ... بالقوافي صدر له مكبوس

بغيت الحق يا صاحب؟ أنا معْرفت مكيالي!
مغنـّـم في الهوى ساعه وساعه في الهوى محيوس

انته رجل ذو خبره طوال الوقت جمالي=ولا بيتوه في الصحراء من مثلك معه تقيوس
قده فاطن ملاويها معها دوب ترحالي=وانته تعشق الترحال والتاجر هواه افلوس

المستقل

07-30-2010, 11:24 PM

بغينا فصل

صوت سيبان

07-30-2010, 11:48 PM

ابوشحوف

07-31-2010, 12:06 AM

فصل أن أعجبكم أسمروا عليه

عمر شوفه بلا معنى نسغ فاسه وشاكوشه=مع أهل الجنابي مايفيد الفاس والشاكوش
عساكر فالبلد كل(ن) برشاشه وطربوشه=وبدله فاخره وأحزام ناسف يحرس الطربوش
وعلب المشرقي راسخ معد حد شخص بي نوشه=غسل قلبك قنع أن عاد يدك في الركن بتنوش

رحب ببيات من شاعر ذهب والماس منقوشه =عمر ياسعيد لتلومه وخل اللوم عامنقوش
خرج من داره البارح وخلا الدار مفروشه = دخل صاحبك وتمكن بوسط البيت لي مفروش

ابوشحوف

07-31-2010, 12:21 AM

تصبحون على خير

صوت سيبان

07-31-2010, 12:31 AM

رحب ببيات من شاعر ذهب والماس منقوشه =عمر ياسعيد لتلومه وخل اللوم عامنقوش
خرج من داره البارح وخلا الدار مفروشه = دخل صاحبك وتمكن بوسط البيت لي مفروش

ضحك شفني ضحك من شخص يتنتع بفشفوشه=معد حد خلق تفزع ياولد من قرحت الفشفوش
طلعنا للفضاء0 ون قد نزلنا لرض مقروشه=كنسناها بخطه محكمه زايد ذهب وقروش

بن بريك

07-31-2010, 12:44 AM

سمر يا صاحبي والدار لك بالعطر مرشوشه = وشفت الجرب ذي امسى مذنب قد صبح محشوش
واذا تبغى عسل صافي حرس العلب من النوشه = واذا الشاري حضر يا صاحبي مايقبل المغشوش

المستقل

07-31-2010, 12:45 AM

فصل أن أعجبكم أسمروا عليه

عمر شوفه بلا معنى نسغ فاسه وشاكوشه=مع أهل الجنابي مايفيد الفاس والشاكوش
عساكر فالبلد كل(ن) برشاشه وطربوشه=وبدله فاخره وأحزام ناسف يحرس الطربوش
وعلب المشرقي راسخ معد حد شخص بي نوشه=غسل قلبك قنع أن عاد يدك في الركن بتنوش

صناعة متقنة اصلي مش تقليد مغشوشة=يوردها ولد سيبان ولا قد ورد المغشوش

صنعها هو على يده مش خبرات ملطوشة= لأن هذا الزمن قد زاد فيه اللطش والملطوش

عمر الذيب

07-31-2010, 01:03 AM

فصل أن أعجبكم أسمروا عليه

عمر شوفه بلا معنى نسغ فاسه وشاكوشه=مع أهل الجنابي مايفيد الفاس والشاكوش
عساكر فالبلد كل(ن) برشاشه وطربوشه=وبدله فاخره وأحزام ناسف يحرس الطربوش
وعلب المشرقي راسخ معد حد شخص بي نوشه=غسل قلبك قنع أن عاد يدك في الركن بتنوش

ترى منته لحالك جم عرب يا سعيد مغشوشه=ونا مالي سنع بكره الى جاء يشتكي المغشوش
عمر كانت طريقه من زمن بالشوك مفروش=ولكن ذي السنه بالورد شارع قرطبه مفروش
ترى ماشي مصالح من بشر كلن بعطبوشه=بنصف ريال بايبيعك الى حصل ملا العطبوش

بن بريك

07-31-2010, 01:07 AM

ولا شفت المتاجر ياعمر ليله ملا حوشه = حذر منه ومن صنعه تراه يكرتن المغشوش
ولي صاحب معي حاضر بغيته لا طرت نوشه = يجيني في الشدايد ياعمر والحصن له مفروش

المستقل

07-31-2010, 01:23 AM

اربش لك مع الرباش كل الناس مربوشة= حتى العقل ذي راجح انا شوفه قده مربوش
وحيرني فتى شا طر ابو غرزين منفوشة= ينوش مثل ذي نوش وغره جعده المنفوش

صوت سيبان

07-31-2010, 02:16 AM

تصبحون على خير

عمر الذيب

07-31-2010, 02:50 AM

اربش لك مع الرباش كل الناس مربوشة= حتى العقل ذي راجح انا شوفه قده مربوش
وحيرني فتى شا طر ابو غرزين منفوشة= ينوش مثل ذي نوش وغره جعده المنفوش

سمع يا المستقل بيتين في من حب قرقوشه=وقله شف مرضكم والبلا ء من عمكم قرقوش
قطركم بنت كذابه ولعابه ومحشوشه=وابوها وامها والجد اكبر ادمي محشوش
ونا من شغلهم لقبع على كبدي مست حوشه=وكل منهويحس من شغلهم كبده كماي اتحوش

الطامع

07-31-2010, 02:33 PM

وانته يا عمر شوفك ملقي للعرب دوشه = وعقلي طار من قولك وخلاني مسي مدووش

طرحت العين لا يالذيب ع محروس وقروشه = ولا ملحقت شي منه تفحس ديمك المقروش

موسوليني

07-31-2010, 02:45 PM

الجميع وبدون أستثناء مبدعين لله دركم أمتاع مابعده أمتاع

رنين الوتر

07-31-2010, 07:50 PM

الجميع وبدون أستثناء مبدعين لله دركم أمتاع مابعده أمتاع
زين اللي كبيت اللهجه المصريه ياموس

المستقل

07-31-2010, 11:33 PM

سمع يا المستقل بيتين في من حب قرقوشه=وقله شف مرضكم والبلا ء من عمكم قرقوش
قطركم بنت كذابه ولعابه ومحشوشه=وابوها وامها والجد اكبر ادمي محشوش
ونا من شغلهم لقبع على كبدي مست حوشه=وكل منهويحس من شغلهم كبده كماي اتحوش

كل انسان وهو مسؤول عن نفسه وعن بوشه=ونا حب اليمن وانته تردد دوب يلعن بوش
وذو لخلاق يكسبنا مش بالفرد وقروشه=ومحلى الحسن لو تجمع مع الحكمه ومعها قروش
مثل بلقيس نعشقها حكيمها جم ودردوشة= ألا ياريت لو الرائس كما بلقيس يقع دردوش

الشافعي

08-01-2010, 12:13 AM

قفزت الدرب ولحقت الجرب بشريم محشوشه=ولكني غلب مابارجع لو كل شي محشوش
وباشل قسم بالخيره ولابلقي لكم هوشه=ونا والله مانا من صحاب اللسلسه والهوش

عمر الذيب

08-01-2010, 12:40 AM

طلبت الله لي يعلم باولها واخرها=يسلمنا من الفتنه ويسلم راس صهر عماد
اشوف امؤامره كبرى علينا قطع دابرها=برفض المحكمه وما يحيكونه لنا الموساد

عمر الذيب

08-01-2010, 12:59 AM

فصل جديد
من ما قُلت (بتصرّف)

الذيب شو مجلسه نظرب به مثلْ=اجيال مرّت به صفف متواصله
=كل العرب قد جوه من تونس وشام
=جنة عدن دار السلام
يا الذيب من عندك بغينا اليوم حل=في شوكة الميزان لي هي مايله
=والحُصن لي مايل ولا يوم استقام
=جنة عدن دار السلام

ماشي عليكم زود يازبن العول=يالي بيداتك خطام القافله
=باتبعك لا صليت في القبله امام
=جنة عدن دار السلام
شي يحتمل عندي وشي ما يحتمل=لان المحاكم ذي السنه مش عادله
=في ظل مشهد زور باتصدر حكام
=جنة عدن دار السلام

الواقعي

08-01-2010, 01:05 AM

ماشي عليكم زود يازبن العول=يالي بيداتك خطام القافله
=باتبعك لا صليت في القبله امام
=جنة عدن دار السلام
شي يحتمل عندي وشي ما يحتمل=لان المحاكم ذي السنه مش عادله
=في ظل مشهد زور باتصدر حكام
=جنة عدن دار السلام

الحق حق يا بو طارق
سبقتني بالفصل ولم انتبه لفصلك ثم الغيت مشاركتي وتاجيلها للمستقبل
سوف نتابع على فصلك

الشافعي

08-01-2010, 01:08 AM

فصل جديد
من ما قُلت (بتصرّف)

الذيب شو مجلسه نظرب به مثلْ=اجيال مرّت به صفف متواصله
=كل العرب قد جوه من تونس وشام
=جنة عدن دار السلام
يا الذيب من عندك بغينا اليوم حل=في شوكة الميزان لي هي مايله
=والحُصن لي مايل ولا يوم استقام
=جنة عدن دار السلام
مجلسه والله مانبدل به بدل=والله ماهو حق ريى ومجامله
=منه تعلمنا تراصيص الكلام
=جنة عدن دار السلام
وان شي نقص من عندنا والا حصل=الناس ماهي ياصحابي كامله
=العذر هو والعفو شيمه فالكرام
=جنة عدن دار السلام

عمر الذيب

08-01-2010, 01:09 AM

الحق حق يا بو طارق
سبقتني بالفصل ولم انتبه لفصلك ثم الغيت مشاركتي وتاجيلها للمستقبل
سوف نتابع على فصلك
لا هذا الفصل احسن

الشافعي

08-01-2010, 01:11 AM

العفو منكم ياوجوه الخير
ماندري هل نتبع هذا الفصل ام لا

الواقعي

08-01-2010, 01:24 AM

طلبت الله لي يعلم باولها واخرها=يسلمنا من الفتنه ويسلم راس صهر عماد
اشوف امؤامره كبرى علينا قطع دابرها=برفض المحكمه وما يحيكونه لنا الموساد

خرابه يا عمر تسري مع الغدرى صعامرها=مصيبه حاسبين انه ضحيه لي هو الجلاد
ولو كان الضحايا با يعودو من مقابرها=بصابعهم يقولو ايش سوو فيهم الاوغاد

المستقل

08-01-2010, 01:41 AM

وحنا معك يا شيخ شدينا الجمل=والفرد دايم دوب يتبع عاقله
ودايم عيون الذيب تسهر ما تنام=
جـنـة عــدن دار الـســلام=
والقلب ابيض ليس به نقطه زعل=وان حد زعل مني فنفسي زاعله
وانت الحكم مافيش داعي للكلام=
جـنـة عــدن دار الـســلام=

عمر الذيب

08-01-2010, 01:43 AM

خرابه يا عمر تسري مع الغدرى صعامرها=مصيبه حاسبين انه ضحيه لي هو الجلاد
ولو كان الضحايا با يعودو من مقابرها=بصابعهم يقولو ايش سوو فيهم الاوغاد

حكام العدل ماتسري سوى الا من منابرها=واما الكذب والتزوير والبهتان ماقد فاد
الى عادو ترى اول ضحيه من سنايرها=وجعجعها وفتفتهاعسى لامثالهم لا عاد
جمل باداس لي يهدر ويتحدى مخاطرها=برك للحمل بايشله لحاله ان نقص او زاد
خبرت المحكمه تبحث على غيره لاساورها=لان مارون صعب اتسلمه ماهي كما بغداد

المستقل

08-01-2010, 03:25 AM

يلعن بوش
اي انه يعلن :بوش (الرئيس الامريكي السابق)...

موسوليني

08-01-2010, 12:16 PM

هذه المحاوله الآولى أنشاء الله تنال رضاكم

الذيب شو مجلسه نظرب به مثـلْ=اجيال مرّت به صفف متواصلـه
كل العرب قد جوه من تونس وشام =
جـنـة عــدن دار الـســلام=
يا الذيب من عندك بغينا اليوم حل=في شوكة الميزان لي هي مايلـه
والحُصن لي مايل ولا يوم استقام=
جـنـة عــدن دار الـســلام =

ياالواقعي لازال شف عندي أمل=اليوم والليله إلامّا القابله
قابله ذي حاصل على أعلى وسام=
جنة عدن دار السلام=
النوب حن يبغا جبوحه والوصل=والوصٍل وخيوطه ترى متواصله
مابينهم لثنين عام(ن) بعد عام=
جنة عدن دار السلام=

الشافعي

08-01-2010, 12:26 PM

هذه المحاوله الآولى أنشاء الله تنال رضاكم

الذيب شو مجلسه نظرب به مثـلْ=اجيال مرّت به صفف متواصلـه =
كل العرب قد جوه من تونس وشام
جـنـة عــدن دار الـســلام
يا الذيب من عندك بغينا اليوم حل=في شوكة الميزان لي هي مايلـه=
والحُصن لي مايل ولا يوم استقام
جـنـة عــدن دار الـســلام
[poem=font=",6,darkblue,bold,normal" bkcolor="transparent" bkimage="http://www.alshibami.net/saqifa//mwaextraedit2/backgrounds/2.gif" border="none,7," type=2 line=0 align=center use=ex num="0,black""]
ياالواقعي لازال شف عندي أمل=اليوم والليله إلامّا القابله=
قابله ذي حاصل على أعلى وسام
جنة عدن دار السلام
النوب حن يبغا جبوحه والوصل=والوصٍل وخيوطه ترى متواصله=
مابينهم لثنين عام(ن) بعد عام
جنة عدن دار السلام

وافيه 1000%100

موسوليني

08-01-2010, 12:31 PM

وافيه 1000%100

أستاذي الشافعي شكر(ن) لك بس تراه سار هناك تعديل المطلوب الأطلاع عليه وتقول رايك

الواقعي

08-01-2010, 10:12 PM

حكام العدل ماتسري سوى الا من منابرها=واما الكذب والتزوير والبهتان ماقد فاد
الى عادو ترى اول ضحيه من سنايرها=وجعجعها وفتفتهاعسى لامثالهم لا عاد
جمل باداس لي يهدر ويتحدى مخاطرها=برك للحمل بايشله لحاله ان نقص او زاد
خبرت المحكمه تبحث على غيره لاساورها=لان مارون صعب اتسلمه ماهي كما بغداد

قبائل ماتشرّف وانت ناوي با تصاهرها=ولاحد منّهم خالد ولا حمزه ولا المقداد
خيول الفرس لا سارت على ضهرك حوافرها= خلاف اهلك في الدنيا فقه مابا يجيك اسناد
خريف النخل قد ذُقّنا في البصره بوادرها=وجانا بُسر يذبح والمنصّف يحرق الاكباد

المستقل

08-01-2010, 11:11 PM

عيون الناس عالقبلة طوال اليوم تناضرها=خفي الشهر وتاخر ولم يظهرعلى الميعاد
ولا تلفاز ولا المذياع يطمنّها يخابرها=عسى يالواقعي تسمع تقولي قواد ولا باد

الواقعي

08-01-2010, 11:22 PM

عيون الناس عالقبلة طوال اليوم تناضرها=خفي الشهر وتاخر ولم يظهرعلى الميعاد
ولا تلفاز ولا مذيع يطمنها يخابرها=عسى يالواقعي تسمع تقولي قواد ولا باد

صباح الخير يا المستقل
ومنّك نستفيد

عمر الذيب

08-02-2010, 12:00 AM

قبائل ماتشرّف وانت ناوي با تصاهرها=ولاحد منّهم خالد ولا حمزه ولا المقداد
خيول الفرس لا سارت على ضهرك حوافرها= خلاف اهلك في الدنيا فقه مابا يجيك اسناد
خريف النخل قد ذُقّنا في البصره بوادرها=وجانا بُسر يذبح والمنصّف يحرق الاكباد

جربنا الاهل في الاقصى وفي ليهو محاصرها=وشفنا من على غزه قطع الارسال والامداد
تبين كل شي ماعاد شي مخفي بحاضرها=بنادم ما نفع نفسه معد با ينفع الاولاد
قنعنا من صور عيفه وشعقنا قنابرها=لان ماشي لها تاريخ لا هجري ولا ميلاد

الواقعي

08-02-2010, 12:33 AM

جربنا الاهل في الاقصى وفي ليهو محاصرها=وشفنا من على غزه قطع الارسال والامداد
تبين كل شي ماعاد شي مخفي بحاضرها=بنادم ما نفع نفسه معد با ينفع الاولاد
قنعنا من صور عيفه وشعقنا قنابرها=لان ماشي لها تاريخ لا هجري ولا ميلاد

بوابك صنعة الموساد خرجت من مناجرها=وقيد الاسر في غزه صناعة( بيقن) الحداد
جيوش الضلم والعدوان تعطيكم ذخايرها=واما المدفع الرشاش جاكم من حسن وانجاد
مصيبه ثورة التحري متهمّك خسايرها=ودم عرفات ماهمك ولا الشكعه ولا بوجهاد

عمر الذيب

08-02-2010, 12:54 AM

بوابك صنعة الموساد خرجة من مناجرها=وقيد اللاسر في غزه صناعة( بيقن) الحداد
جيوش الضلم والعدوان تعطيكم ذخايرها=واما المدفع الرشاش جاكم من حسن وانجاد
مصيبه ثورة التحري متهمّك خسايرها=ودم عرفات ماهمك ولا الشكعه ولا بوجهاد

سميت رجال معروفه وتتحدث ماثرها=ونا مابا نكر من كان سيفه عاليهودي حاد
رعى الله مامضى يالواقعي هت في حواضرها=واما مامضى معروف قد كنا به الاسياد
ولكن ذي السنه غزه معد غيره يناصرها=ونا باناصره كل من نصر غزه وفي ذاجاد
سمعني وانتبه لاحداث في وقتكك تعاصرها=تجمع اهلها واحنا تفرقنا لها احاد

المستقل

08-02-2010, 12:54 AM

تساوة هذة الدنيا يقول الناس لكافرها =وربك لامهل ما همل وكم ياكم امم قد باد
سبحانه فهو القادر ان يهلك اكابرها=مثل ذات العماد اهلك أو فرعون ذو الاوتاد

الواقعي

08-02-2010, 01:10 AM

سميت رجال معروفه وتتحدث ماثرها=ونا مابا نكر من كان سيفه عاليهودي حاد
رعى الله مامضى يالواقعي هت في حواضرها=واما مامضى معروف قد كنا به الاسياد
ولكن ذي السنه غزه معد غيره يناصرها=ونا باناصره كل من نصر غزه وفي ذاجاد
سمعني وانتبه لاحداث في وقتكك تعاصرها=تجمع اهلها واحنا تفرقنا لها احاد

مع اهل الطبل والمزمار زفّو قال شاعرها=وراء صوت الجزيره رددو للحان والانشاد
سيول النصر لي من(قم)تهناكم بشايرها=وغنّو ساعة التحرير الا يا راد يا عوّاد

عمر الذيب

08-02-2010, 01:21 AM

مع اهل الطبل والمزمار زفّو قال شاعرها=وراء صوت الجزيره رددو للحان والانشاد
سيول النصر لي من(قم)تهناكم بشايرها=وغنّو ساعة التحرير الا يا راد يا عوّاد

بشر بالنصر والتحرير من اغلى محاورها=عيالي الاربعه بايعلنو الهده على من هاد
تركنا من بشر من سمح قد ماتت ضمايرها=ولا لها رااي قال الذيب في الكفات والمداد
تقنع من عرب سكين رايس في خواصرها=وخص سلوك لي هو في العصيده حنب المعصاد

صوت سيبان

08-02-2010, 01:23 AM

سميت رجال معروفه وتتحدث ماثرها=ونا مابا نكر من كان سيفه عاليهودي حاد
رعى الله مامضى يالواقعي هت في حواضرها=واما مامضى معروف قد كنا به الاسياد
ولكن ذي السنه غزه معد غيره يناصرها=ونا باناصره كل من نصر غزه وفي ذاجاد
سمعني وانتبه لاحداث في وقتكك تعاصرها=تجمع اهلها واحنا تفرقنا لها احاد

عمر لاخوك لتصدق بيعها أو سماسرها=ولتصفق لبامهري ولاتطبل لبن سوّاد
مصالح واجده مابين تاسعها وعاشرها=ومن واحد إلى تسعه سقط سهواً من الأعداد
وكثر البربره إزعاج ترميبه حناجرها= وتيبس لاظهر بالمقصله جلادبن جلاد
طبايع في قبايل مارقه تظهر مشاعرها=بطيبه 0والحقيقه يطرحوا الزرنيخ وسط الزاد

المستقل

08-02-2010, 01:38 AM

مع اهل الطبل والمزمار زفّو قال شاعرها=وراء صوت الجزيره رددو للحان والانشاد
سيول النصر لي من(قم)تهناكم بشايرها=وغنّو ساعة التحرير الا يا راد يا عوّاد

أو يا نجم يا سمر ..اغاني جم ذاكرها=على عينك اغنيها و اغنّي حطموا الحساد
ولا يا مسهرني ..ومش ممكن ..اسايرها=وما يحتاج يا عيسى, ونا رديت ,عندي عاد

عمر الذيب

08-02-2010, 01:42 AM

يعين الله من ضيع ليالي العمر وايامه=بلا مكسب وسط بحر الهوى يتنك اتنكاس
هوى قلبه لعبه مثل مالعبت به اوهامه=ولي جابه من العشقه بكا ودموع وتنهاس

صوت سيبان

08-02-2010, 02:02 AM

يعين الله من ضيع ليالي العمر وايامه=بلا مكسب وسط بحر الهوى يتنك اتنكاس
هوى قلبه لعبه مثل مالعبت به اوهامه=ولي جابه من العشقه بكا ودموع وتنهاس

بحور العشق تبغا ناس سباحه وعوامه=وتتحمل مصاعب لالها نهايه ولا مقيّاس
سبب نفسه بنفسه من رعى فالشعب وأدقامه=لعد يشكي ولايبكي ويصبر عا الظفر والحاس

أحمد العمودي أبوفيصل

08-02-2010, 02:27 AM

بحور العشق تبغا ناس سباحه وعوامه=وتتحمل مصاعب لالها نهايه ولا مقيّاس
سبب نفسه بنفسه من رعى فالشعب وأدقامه=لعد يشكي ولايبكي ويصبر عا الظفر والحاس

ونا لادخلت بحر العشق انا باغوص كم قامه = وانا لاغصت باطلع من اعماقه ذهب والماس
وخل الذيب في عشقه يحب الليل وأظلامه = ولاخيم سواد الليل قال الذيب جاء لحساس

المستقل

08-02-2010, 02:33 AM

يعين الله من ضيع ليالي العمر وايامه=بلا مكسب وسط بحر الهوى يتنك اتنكاس
هوى قلبه لعبه مثل مالعبت به اوهامه=ولي جابه من العشقه بكا ودموع وتنهاس

مصيبه يا عمر منهو امامه ماتت احلامه=وغرسه ذي غرس ييبس والمخزون كلّه خاس
عساكم يوم ما تحزن ولا تندم تندامه =وكل صاحب وكل مسلم عسى يا لله لا ينحاس

صوت سيبان

08-02-2010, 02:41 AM

ونا لادخلت بحر العشق انا باغوص كم قامه = وانا لاغصت باطلع من اعماقه ذهب والماس
وخل الذيب في عشقه يحب الليل وأظلامه = ولاخيم سواد الليل قال الذيب جاء لحساس

حمد لاقد تعنى بايقض القفل ولحامه=وليهاب الشرح ذيهم على بابه ولا الحراس
مثيل الهيج ينذخ بالغشب يوصله لسنامه=وهو في الذود يهدر تعرف أن هذا جمل باداس

المستقل

08-02-2010, 03:14 AM

تصبحون على خير

صوت سيبان

08-02-2010, 03:33 AM

تصبحون على خير

عمر الذيب

08-03-2010, 01:01 AM

مصيبه يا عمر منهو امامه ماتت احلامه=وغرسه ذي غرس ييبس والمخزون كلّه خاس
عساكم يوم ما تحزن ولا تندم تندامه =وكل صاحب وكل مسلم عسى يا لله لا ينحاس

صبر يا المستقل عا الجرح مهما كانت الامه=ترى منته لحالك لي هنا مجروح بين الناس
جريح العشق والاهات قلنا اه قدامه=ومن قبله تجرعنا المراره والصبر بالكاس

محمد سعيد بن مخاشن

08-03-2010, 04:26 PM

يعين الله من ضيع ليالي العمر وايامه=بلا مكسب وسط بحر الهوى يتنك اتنكاس
هوى قلبه لعبه مثل مالعبت به اوهامه=ولي جابه من العشقه بكا ودموع وتنهاس

قـْـبَـل رمضان قل للذيب ألا يا بخت من صامه
يحقق بلكرم سوله وينصاه الخضر والياس

وبا نضرب عن أوصافه حسين الخـُـلق بو شامه
ونتفضى لذكر الله ذكره يا عمر نبراس

أحمد العمودي أبوفيصل

08-03-2010, 06:27 PM

مرحيييييييييييييب

محمد سعيد بن مخاشن

08-03-2010, 06:51 PM

صبر يا المستقل عا الجرح مهما كانت الامه=ترى منته لحالك لي هنا مجروح بين الناس
جريح العشق والاهات قلنا اه قدامه=ومن قبله تجرعنا المراره والصبر بالكاس

وصلنا في دروب الحب لا جاوه وفِتنامه
وفي القبله بلغنا لا نواحي كاز معْ مكناس

ولا لقينا الذي نطلب ... ظباء من شعب في رامه
لقيت الحضرميه ما لها عينه ... ذهب وألماس

صوت سيبان

08-03-2010, 09:19 PM

وين الشباب سرى الليل بغينا سمره تاريخيه ياشباب

الواقعي

08-03-2010, 11:03 PM

وين الشباب سرى الليل بغينا سمره تاريخيه ياشباب

وينك ووين الفصل يابو رائد

ابوشحوف

08-03-2010, 11:58 PM

لانامو الناس ذكر السمر بورائد

عمر الذيب

08-04-2010, 12:09 AM

يقول الذيب بو طارق حياتي دوب متعوبه=وكل من فارق اصحابه عبر عمره وهو متعوب
بغينا سيل في الوادي يشل الشرج وعلوبه=يجي من ريدة الدين ينقرها سمر وعلوب

الفتى الرحال

08-04-2010, 12:29 AM

يقول الذيب بو طارق حياتي دوب متعوبه=وكل من فارق اصحابه عبر عمره وهو متعوب
بغينا سيل في الوادي يشل الشرج وعلوبه=يجي من ريدة الدين ينقرها سمر وعلوب

وبعد السيل باتصبح شروج الخل مقلوبه =وبايشكون من حلو نعم فلوادي المثعوب
حقوق الناس في هذالزمن ياذيب مسلوبه=ولاضنيت بايرجع لنا ياعمر ذي مسلوب

الشافعي

08-04-2010, 12:40 AM

يقول الذيب بو طارق حياتي دوب متعوبه=وكل من فارق اصحابه عبر عمره وهو متعوب
بغينا سيل في الوادي يشل الشرج وعلوبه=يجي من ريدة الدين ينقرها سمر وعلوب

سمر يالذيب لاتيأس اذا دنيتك مقلوبه= وخل بقعه على المولى اذا كان الزمن مقلوب
ولو كل من تمنى باتجيله حسب مطاوبه= معد باقول شي لا غير يافتاح يامطلوب

ابوشحوف

08-04-2010, 12:41 AM

عمر لاهزت العليا تنقي الحب من شوبه = وتبقى الحبه العيفه اذا طار الغشر والشوب
ولاطفلتها يبقى الثمر كله بعذروبه =ولازم نقي حبوبي ولايبقى بها عذروب

الواقعي

08-04-2010, 12:56 AM

يقول الذيب بو طارق حياتي دوب متعوبه=وكل من فارق اصحابه عبر عمره وهو متعوب
بغينا سيل في الوادي يشل الشرج وعلوبه=يجي من ريدة الدين ينقرها سمر وعلوب

خلوفة عاد قال الله فالقرآن منكوبه=ولي حلّو خلوفة عاد كلّه ذريهم منكوب
وكسرى صاحب الايوان لا تفرّح بمندوبه=لان ابليس ما يرضى يقع للفارسي مندوب

الفتى الرحال

08-04-2010, 01:31 AM

انا دي قد بنيت الحصن لاولقيت له نوبه=بنيته قال بو ماجد حجر كله نعم والطوب
ودل الشرج نا كله ودل الخط وادروبه=وهذاك الجواد الاصل نا ملقيه لي مركوب

الشافعي

08-04-2010, 11:09 AM

خلوفة عاد قال الله فالقرآن منكوبه=ولي حلّو خلوفة عاد كلّه ذريهم منكوب
وكسرى صاحب الايوان لا تفرّح بمندوبه=لان ابليس ما يرضى يقع للفارسي مندوب

غريب الدار يالصاحب آسر قلبي باسلوبه=وفي اسر القلوب الضايعه عنده بصر وسلوب
ونا من قلة الحيله مشت رجلي على دروبه=لاني ضعت وآهلي ماهدوني ع طرق ودروب

محمد سعيد بن مخاشن

08-04-2010, 11:47 AM

يقول الذيب بو طارق حياتي دوب متعوبه=وكل من فارق اصحابه عبر عمره وهو متعوب
بغينا سيل في الوادي يشل الشرج وعلوبه=يجي من ريدة الدين ينقرها سمر وعلوب

يجيك السيل لا تِعْجَـل وشفها بزغت إطهوبه
وخايلت المناشي تِنـْـدِو ِس قنفانها وإطهوب

ووادي عمد با يغرق وكل لسوام مقطوبه
لأنـّــا قد تقبّضنا بحبل الكذب ذي مقطوب

الفتى الرحال

08-04-2010, 12:40 PM

رسل لاعندكم ياصاحبي قد جات مكتوبه=ولافكر ياصاحب لافل خط والمكتوب
ومن فعله لاياناس حس النفسه متعوبه=دعي ربي شفاء للقلب لي متعوب

عيبون

08-04-2010, 01:44 PM

خلوفة عاد قال الله فالقرآن منكوبه=ولي حلّو خلوفة عاد كلّه ذريهم منكوب
وكسرى صاحب الايوان لا تفرّح بمندوبه=لان ابليس ما يرضى يقع للفارسي مندوب

خلوفة عاد شفها قد سقتني السمن والروبه=ومن عشّانها شفني طعمت التمر ذي مربوب

وذلا الوقت يتقلّب وبوقرنين منصوبه=شكى من قحط فلوادي و(ف)الحيد الذي منصوب

معي ونّات فلخاطر من الاعماق مسحوبه=ولا شي نفس للمزمار والقطني وللمسحوب

على وديان نتحسّف من الضيفان محطوبه=دخلها ضيف وهذا اليوم يقطع نخلي المحطوب

محمد سعيد بن مخاشن

08-04-2010, 03:35 PM

خلوفة عاد شفها قد سقتني السمن والروبه=ومن عشّانها شفني طعمت التمر ذي مربوب

وذلا الوقت يتقلّب وبوقرنين منصوبه=شكى من قحط فلوادي و(ف)الحيد الذي منصوب

معي ونّات فلخاطر من الاعماق مسحوبه=ولا شي نفس للمزمار والقطني وللمسحوب

على وديان نتحسّف من الضيفان محطوبه=دخلها ضيف وهذا اليوم يقطع نخلي المحطوب

دخلها ضيف

دعيت الضيف يا عيبون وإنت إزهمت عا صحوبه
وجاك الضيف يجعش هو وربعه معتضد مصحوب

صِـبـِر ما اليوم في السيله على ضيفك وترتوبه
وقدّم كل ما يحتاج ... ما لك غير ذا الترتوب

عيبون

08-04-2010, 03:47 PM

دخلها ضيف

دعيت الضيف يا عيبون وإنت إزهمت عا صحوبه
وجاك الضيف يجعش هو وربعه معتضد مصحوب

صِـبـِر ما اليوم في السيله على ضيفك وترتوبه
وقدّم كل ما يحتاج ... ما لك غير ذا الترتوب

على شرب الصبر لا يامحمد نفس مغصوبه=ولا شي فايده (ف)القوت لنته توكله مغصوب

وشفها نار عالماضي في الوجدان مشبوبه=وعا عنتر وفرسانه وعا ولد عمهم شيبوب

عمر الذيب

08-04-2010, 04:08 PM

خلوفة عاد قال الله فالقرآن منكوبه=ولي حلّو خلوفة عاد كلّه ذريهم منكوب
وكسرى صاحب الايوان لا تفرّح بمندوبه=لان ابليس ما يرضى يقع للفارسي مندوب

ومن صدق زليخه لي بطت تلعب ببعقوبه=ونا عرف كذبها الاسود على يوسف ولد يعقوب
انا مالي سوى الا في نمر معروف خنتوبه=واسرائيل تعرف من طويل الناب والختوب
وانتم مالكم شغله سوى ذمه وتعتوبه=وهو صافي ذهب ما فيه شي لولا ولا تعتوب

محمد سعيد بن مخاشن

08-04-2010, 04:41 PM

ومن صدق زليخه لي بطت تلعب ببعقوبه=ونا عرف كذبها الاسود على يوسف ولد يعقوب
انا مالي سوى الا في نمر معروف خنتوبه=واسرائيل تعرف من طويل الناب والختوب
وانتم مالكم شغله سوى ذمه وتعتوبه=وهو صافي ذهب ما فيه شي لولا ولا تعتوب

تـُـرُك من هو يثبّط بك لذي خزبته مثقوبه
ودلوه منشعق والطست والكتلي كمن مثقوب

عليم الله ما عافاك لا قوته ومشروبه
يمن عا الناس لا قدّم لهم لقمه ومج مشروب

محمد سعيد بن مخاشن

08-04-2010, 04:44 PM

على شرب الصبر لا يامحمد نفس مغصوبه=ولا شي فايده (ف)القوت لنته توكله مغصوب

وشفها نار عالماضي في الوجدان مشبوبه=وعا عنتر وفرسانه وعا ولد عمهم شيبوب

أبد متفيدك الدمعات يا عيبون مسكوبه
وقد قالوا فــ ( لا تبكي إذا صار اللبن مسكوب )

خدم ضيفك وخلك مثل ما نعله ومركوبه
وإلاّ عا الفداء فأزحم وخل الثار لك مركوب

أحمد العمودي أبوفيصل

08-04-2010, 05:24 PM

ومن صدق زليخه لي بطت تلعب ببعقوبه=ونا عرف كذبها الاسود على يوسف ولد يعقوب
انا مالي سوى الا في نمر معروف خنتوبه=واسرائيل تعرف من طويل الناب والختوب
وانتم مالكم شغله سوى ذمه وتعتوبه=وهو صافي ذهب ما فيه شي لولا ولا تعتوب

خويك قال بوفيصل حباله دوب مقطوبه = لمى متى وانته تصلح في ضمير مقطوب
وجاك السيل لي مروس وشل النخل واعلوبه = وانا ماباك تتمدح على سمره وعالعلوب

أحمد العمودي أبوفيصل

08-04-2010, 05:31 PM

أبد متفيدك الدمعات يا عيبون مسكوبه
وقد قالوا فــ ( لا تبكي إذا صار اللبن مسكوب )

خدم ضيفك وخلك مثل ما نعله ومركوبه
وإلاّ عا الفداء فأزحم وخل الثار لك مركوب

حضرنا أمس لاجده وقلت اليوم انا توبه = ودورتك يقول الشيخ ومن كذبك متى بتوب
وقلت المخشن صادق بيجيني بترتوبه = ولاشفنا معك عده ولاشفنا معك ترتوب

ذيب الجعيدي

08-04-2010, 07:56 PM

ا مجلس عمر الذيب
لاخوان الاعزاء السلام عليكم ورحمة الله وبركاته واهلا وسهلا بكم في مجلس عمر الذيب للدان
ولكن من البدايه لا نريد مها ترات فمن عنده القدره على الكتابه في شعر الدان فليتفضل الى هذه المجلس
نريد مشاركات راقيه من جميع الا خوان الشعار ولكن اي كسر في بيت في هذا المجلس ساتحدث عنه بدون اي مجامله لا حد
غن يا مغني
يامن بامرك فوقنا السبع السموات اعتلت=ما نبتدي الا بذكرك يا مهيمن يا قدير
واثني صلاتي عا الحبيب الهاشمي ما طششت=وما سجد ساجد وبسمل داخل البيت النوير
وبعد ما ذلحين يا الشعار في خذها وهت=كل من معه همه يعلق زانته عا عين بير

حياك الله يبن الذيب

عمر الذيب

08-04-2010, 08:15 PM

تـُـرُك من هو يثبّط بك لذي خزبته مثقوبه
ودلوه منشعق والطست والكتلي كمن مثقوب

عليم الله ما عافاك لا قوته ومشروبه
يمن عا الناس لا قدّم لهم لقمه ومج مشروب

ترى يالمخشني الاحداث عند الذيب محسوبه=وعارف لي حسابه صفر واللي عندهم محسوب
ترك منك عجوز ابليس والكذاب وكذوبه=فعايلهم وما قالو محازي فاضيه وكذوب

الواقعي

08-04-2010, 10:41 PM

ومن صدق زليخه لي بطت تلعب ببعقوبه=ونا عرف كذبها الاسود على يوسف ولد يعقوب
انا مالي سوى الا في نمر معروف خنتوبه=واسرائيل تعرف من طويل الناب والختوب
وانتم مالكم شغله سوى ذمه وتعتوبه=وهو صافي ذهب ما فيه شي لولا ولا تعتوب

زقيرتكم من القفّاز مدعوله ومرقوبه= ولاحد غير(شتمه)بايداوي علّة المرقوب
مهندس صمم المبنى وعارف حد منسوبه=ويقدّر يهدم المبنى أذا قد جاوز المنسوب
وفي بُنيان جارك ما تَرك طوبه على طوبه=لأنهْ ما معهْ تصّريح يبنأ بالحجر واطوب

بن بريك

08-04-2010, 11:16 PM

ترى يالمخشني الاحداث عند الذيب محسوبه=وعارف لي حسابه صفر واللي عندهم محسوب
ترك منك عجوز ابليس والكذاب وكذوبه=فعايلهم وما قالو محازي فاضيه وكذوب

وانا عارف نوايا الخاين الكذاب ودروبه = وكل ما صار من عنده علينا ياعمر مكتوب
وهو قصر ورخى الحبل من عنده وذاسلوبه = يجامل في حقوق الناس حتى امننا مسلوب

عمر الذيب

08-04-2010, 11:26 PM

زقيرتكم من القفّاز مدعوله ومرقوبه= ولاحد غير(شتمه)بايداوي علّة المرقوب
مهندس صمم المبنى وعارف حد منسوبه=ويقدّر يهدم المبنى أذا قد جاوز المنسوب
وفي بُنيان جارك ما تَرك طوبه على طوبه=لأنهْ ما معهْ تصّريح يبنأ بالحجر واطوب

من ابنانا عجم وهنود والعربان مرعوبه=وليهو مرتعب بالامس شفته يرتقل مرعوب
متى لما متى وعيو نكم بالعصب معصوبه=طلق عصبه على عينك وبا تعرفه لي معصوب
كشفنا عمكم هذي السنه مدلبه وعيوبه=عيوبه واجده وانتو تقولو ماعليه اعيوب
كشفنا خطته يالواقعي واعرفت ملعوبه=لذي هو حالف الشيطان والعبه مئة ملعوب

صوت سيبان

08-04-2010, 11:27 PM

الواقعي

08-04-2010, 11:38 PM

الظاهر أنني جيت وقد طارت الصقور بأرزاقها
بغينا من الواقعي الليله الفصل 0وغير مقبول الأعتذار من الجميع
الليله أنا المتحدث الرسمي بأسمهم توكل على الله وقل بسم الله
المغنيين والمدرف جاهزون

سلمت يا بو رائد
لآسباب خارجه عن أردة الكبتن
الأجوا لن تسمح للكبتن بالهبوط سوى أضطرارياً

بن بريك

08-04-2010, 11:49 PM

زقيرتكم من القفّاز مدعوله ومرقوبه= ولاحد غير(شتمه)بايداوي علّة المرقوب
مهندس صمم المبنى وعارف حد منسوبه=ويقدّر يهدم المبنى أذا قد جاوز المنسوب
وفي بُنيان جارك ما تَرك طوبه على طوبه=لأنهْ ما معهْ تصّريح يبنأ بالحجر واطوب

مرضها يا رفيقي صعب فيها الكبد معطوبه = ومن كبده مريضه صار كل الجسم له معطوب
ومن هو في البلد والقلب عنده تنزف اصوابه = حياته في خطر يوم المعلم ما يداوي الصوب

صوت سيبان

08-04-2010, 11:57 PM

سلمت يا بو رائد
لآسباب خارجه عن أردة الكبتن
الأجوا لن تسمح للكبتن بالهبوط سوى أضطرارياً

إذاً عذرك معك والذيب فيه البركه ولاهو مقصر مع ضيوفه
ذلحين بايقرح بومقصين وباتسمع ردوده
أه؟نسيت حاجه0 بس ذكرت كنت باسألك هل شي برشوت معاكم ولاّ لا؟

عمر الذيب

08-05-2010, 12:12 AM

إذاً عذرك معك والذيب فيه البركه ولاهو مقصر مع ضيوفه
ذلحين بايقرح بومقصين وباتسمع ردوده
أه؟نسيت حاجه0 بس ذكرت كنت باسألك هل شي برشوت معاكم ولاّ لا؟

نشوف البرق والراعد على الوديان يتحطرم=وساهن سيل مروس با يبيت يفتك الوديان
سيول الخرف لاقد جات تقبض بالجبل تلطم=غواربها تشل وتحط في الوادي من الحنشان

بن بريك

08-05-2010, 12:17 AM

من ابنانا عجم وهنود والعربان مرعوبه=وليهو مرتعب بالامس شفته يرتقل مرعوب
متى لما متى وعيو نكم بالعصب معصوبه=طلق عصبه على عينك وبا تعرفه لي معصوب
كشفنا عمكم هذي السنه مدلبه وعيوبه=عيوبه واجده وانتو تقولو ماعليه اعيوب
كشفنا خطته يالواقعي واعرفت ملعوبه=لذي هو حالف الشيطان والعبه مئة ملعوب

علوم اهل البلد ماجت لنا واليوم محجوبه = ولاباتعرف اللي صار لاصار الخبر محجوب
ومن عنده ريالات السعودي نال مطلوبه = ومن قال الحقيقه بايبيت عندهم مطلوب

صوت سيبان

08-05-2010, 12:28 AM

نشوف البرق والراعد على الوديان يتحطرم=وساهن سيل مروس با ينقرها سمر وعلوب
سيول الخرف لاقد جات تقبض بالجبل تلطم=غواربها تشل وتحط في الوادي مشط وصلوب

سحابت صيف ماشي منها مكسب ولا مغنم= يبات الرعد يقصف في الهوى ماشي قنف وطهوب
ولاشي سيل منها ياعمر يوصل لبامهشم= ويسقوبه جواحز أو يسقوا في حجل منخوب

محمد سعيد بن مخاشن

08-05-2010, 12:31 AM

نشوف البرق والراعد على الوديان يتحطرم=وساهن سيل مروس با يبيت يفتك الوديان
سيول الخرف لاقد جات تقبض بالجبل تلطم=غواربها تشل وتحط في الوادي من الحنشان

مَسَاك الخير يا شاعر لِمَه يا خوك تتبرّم؟
تركها عا الذي خطط لنا الفقـّـوز يا ذيبان

إذا شربت وإن تمّت جروبك ذبر جلد أجذم
كتب ربي صنوف البوس عا البرصان والجذمان

عمر الذيب

08-05-2010, 12:31 AM

نشوف البرق والراعد على الوديان يتحطرم=وساهن سيل مروس با يبيت يفتك الوديان
سيول الخرف لاقد جات تقبض بالجبل تلطم=غواربها تشل وتحط في الوادي من الحنشان
يرفع للاطلاع

عمر الذيب

08-05-2010, 12:38 AM

مَسَاك الخير يا شاعر لِمَه يا خوك تتبرّم؟
تركها عا الذي خطط لنا الفقـّـوز يا ذيبان

إذا شربت وإن تمّت جروبك ذبر جلد أجذم
كتب ربي صنوف البوس عا البرصان والجذمان

هلاء باللي وصل عالصوت يتبرع ويتترجم=ويعرف لا طرح وزنه يعدل شوكة الميزان
كلامه زين لكنه على من حب يترحم=وعنده ياس في وجه الامل قد قلد البيبان

محمد سعيد بن مخاشن

08-05-2010, 12:40 AM

أنا أيّدْك بعض الشي وشوف البكر تتوحّم
ولاده قيصريه با تقع لا بنت بادحمان

عسى راس البنيّه ياخبيري اليوم بايسلم
وما المولود ما بي هم يسلم أو يجي عدمان

صوت سيبان

08-05-2010, 12:46 AM

نشوف البرق والراعد على الوديان يتحطرم=وساهن سيل مروس با يبيت يفتك الوديان
سيول الخرف لاقد جات تقبض بالجبل تلطم=غواربها تشل وتحط في الوادي من الحنشان

تخيّل غيث مبعد أومسهور ياعمر تحلم=وحاسبها حقيقه؟ والحُلم ميصدقه لنسان
ذهن صحصح وقم ياصاحبي من قبل ماتندم=ورتل أية الكرسي واتعوذ من الشيطان

عمر الذيب

08-05-2010, 12:53 AM

أنا أيّدْك بعض الشي وشوف البكر تتوحّم
ولاده قيصريه با تقع لا بنت بادحمان

عسى راس البنيّه ياخبيري اليوم بايسلم
وما المولود ما بي هم يسلم أو يجي عدمان

كفاها الله مشرطكم لانه حاد ومسمم=عساها عالطبيعه باتجيب البنت والزقران
ولا قد جو علي ترباتهم ماباك شي تهتم=كما ربيت الاول بانربي تالي الفرخان

بن بريك

08-05-2010, 12:54 AM

وانا لاقد سمعت الرعد بسري الليل بتحزم = وبرعضها مطارح دامني واحد من الحرثان
ولانخشى مطرها بس خوفي دايماً عالسوم = وبانعبر مجاريها كما من قد اصابه جان

صوت سيبان

08-05-2010, 12:59 AM

أنا أيّدْك بعض الشي وشوف البكر تتوحّم
ولاده قيصريه با تقع لا بنت بادحمان

عسى راس البنيّه ياخبيري اليوم بايسلم
وما المولود ما بي هم يسلم أو يجي عدمان

سمر يابن مخاشن خلها على الذي يعلم=بكل ماقد خفي على البشر والعول والغربان
وهو بمره وتصريفه يدل الفارس الملهم=طرق سهله في الوادي بها بايوصل الصيطان

محمد سعيد بن مخاشن

08-05-2010, 12:59 AM

تخيّل غيث مبعد أومسهور ياعمر تحلم=وحاسبها حقيقه؟ والحُلم ميصدقه لنسان
ذهن صحصح وقم ياصاحبي من قبل ماتندم=ورتل أية الكرسي واتعوذ من الشيطان

هلا وألفين يا حيّا بــ ( صوت الكور ومْسندم )
أبو رايد لذي يحسب لكل شي عشر لا قدّام

ولكن الحساب أحيان قل للمشجري يطهم
يضيع الحاسب الحسّاب والحاسوب والكرّان

عمر الذيب

08-05-2010, 01:00 AM

تخيّل غيث مبعد أومسهور ياعمر تحلم=وحاسبها حقيقه؟ والحُلم ميصدقه لنسان
ذهن صحصح وقم ياصاحبي من قبل ماتندم=ورتل أية الكرسي واتعوذ من الشيطان

ندم من سلم الحمله لاهل سوط بالعسم=كلوها قبل مايصحى صحاب الظلم والبهتان
كلو شي منها واشياءخبوها داخل المخدم=ومولى الحمل منذو شافهم مبعد رقد شبعان

عمر الذيب

08-05-2010, 01:07 AM

هلا وألفين يا حيّا بــ ( صوت الكور ومْسندم )
أبو رايد لذي يحسب لكل شي عشر لا قدّام

ولكن الحساب أحيان قل للمشجري يطهم
يضيع الحاسب الحسّاب والحاسوب والكرّان

بغيت الصدق خلق الله حد يضبح وحد ينهم=ولكن لي مع بو زيد في الحمله طلع كسبان
ولي ماهو مع بوزيد راسه ذي السنه ورم=من الدكاس والرفاس والاكثر من الكذبان

محمد سعيد بن مخاشن

08-05-2010, 01:10 AM

سمر يابن مخاشن خلها على الذي يعلم=بكل ماقد خفي على البشر والعول والغربان
وهو بمره وتصريفه يدل الفارس الملهم=طرق سهله في الوادي بها بايوصل الصيطان

ولكن الإله العادل الجبّار يا فـَــنْـدَم
يعاقب كل من ساء التصرّف وأنهك العربان

عسى الفارس يصل سالم وسيفه جـِـعْل ما يثلم
وما ملهم وما معصوم غير المصطفى العدنان

عمر الذيب

08-05-2010, 01:20 AM

سمر يابن مخاشن خلها على الذي يعلم=بكل ماقد خفي على البشر والعول والغربان
وهو بمره وتصريفه يدل الفارس الملهم=طرق سهله في الوادي بها بايوصل الصيطان

انا من يوم سايرتك ونا شربي صبر علقم=لانك تسرق انوابي وتشرب من عسل جردان
ونا معروف سموني هلي من سمح بو حضرم=فقه لا تحسب الموقف كذا بايكون ياعدنان
ترى بقعا ترج وتموج وانته نيم يا مقشم=صحه من قبل لاتغرق الما شحيمة الاذان

محمد سعيد بن مخاشن

08-05-2010, 01:21 AM

بغيت الصدق خلق الله حد يضبح وحد ينهم=ولكن لي مع بو زيد في الحمله طلع كسبان
ولي ماهو مع بوزيد راسه ذي السنه ورم=من الدكاس والرفاس والاكثر من الكذبان

وكل شي يا عمر يا الذيب مثل المزن لا دلهم
ولكن ينتهي والشمس تبزغ عا جبل شمسان

وبو زيد الهلالي غصب من كرشته با يفحم
ولا بتشلـّــه الرجلين ... با تزنع به أكبر تان

صوت سيبان

08-05-2010, 01:21 AM

ندم من سلم الحمله لاهل سوط بالعسم=كلوها قبل مايصحى صحاب الظلم والبهتان
كلو شي منها واشياءخبوها داخل المخدم=ومولى الحمل منذو شافهم مبعد رقد شبعان

سمع بالله مني وأفهم المقصود يامقدم= وخذهرجي بجد لاتاخذه من ماخذ الغشمان
تقرص كل شي والبدو حد يعصد وحد يلقم=ولابعطيك حاجه بس بغيتك تغسل الخيذان

عمر الذيب

08-05-2010, 01:23 AM

صوت سيبان

08-05-2010, 01:34 AM

انا من يوم سايرتك ونا شربي صبر علقم=لانك تسرق انوابي وتشرب من عسل جردان
ونا معروف سموني هلي من سمح بو حضرم=فقه لا تحسب الموقف كذا بايكون ياعدنان
ترى بقعا ترج وتموج وانته نيم يا مقشم=صحه من قبل لاتغرق الما شحيمة الاذان

نسيت القوت والمشروب ذي جبناه من زمزم=جريمه كل ملقيته ذهب لاعالم النسيان
مخليله همل مايوم قيدته ولاتخطم=وفكيته في الخطمه وهو مرصون بالمرصان
ولاقلت الخصال الطيبه مردوده بلذم=ومن أحسنت له جاحد نصفني ياعظيم الشان

عمر الذيب

08-05-2010, 01:37 AM

سمع بالله مني وأفهم المقصود يافندم=وخذ هرجي بجد لاتاخذه زي ماخذ الغشمان
تقرص كل شي والبدو حد يعصد وحد يلقم=ولابعطيك شي أبغاك بيدك تغسل الخيذان

انا للجرح مثل التيتوه والخصم يتقزم=قبالي لا نويت الضرب بايمسي يون وحلان
حسب حسبتك قايسها ترى غيثي الى دلهم=سيوله كابره باتشل طين الدار والحصيان

محمد سعيد بن مخاشن

08-05-2010, 01:38 AM

كفاها الله مشرطكم لانه حاد ومسمم=عساها عالطبيعه باتجيب البنت والزقران
ولا قد جو علي ترباتهم ماباك شي تهتم=كما ربيت الاول بانربي تالي الفرخان

بانـربـي تـالـي الفـرخـان
هههههه :FRlol::FRlol::FRlol: هههههه

ولـَـد بنتك كما و ِلـْـدَك ولو هو فرخ يا لسحم
مصيبه بس عيال الغير تطعمهم من البستان

تربيهم ولا لك حول في ترباة بللـّـعجم
ولا ترباة حشفرّه عيال الشيخ باكرمان

لسحم = الأسحم ( الذيب )

عمر الذيب

08-05-2010, 01:43 AM

نسيت القوت والمشروب ذي جبناه من زمزم=جريمه كل ملقيته ذهب لاعالم النسيان
مخليله همل مايوم قيدته ولاتخطم=وفكيته في الخطمه وهو مرصون بالمرصان
ولاقلت الخصال الطيبه مردوده بلذم=ومن أحسنت له جاحد نصفني ياعظيم الشان

حساباتك غلط مانا على مافات وتقدم=انا في الحاضر الناظر وما شوفه قبالي بان
سرقة الوجرمن اهله وسلمته لبا مهشم=وذه اكبر جريمه ياعوض ماشي كماها كان

صوت سيبان

08-05-2010, 01:47 AM

انا للجرح مثل التيتوه والخصم يتقزم=قبالي لا نويت الضرب بايمسي يون وحلان
حسب حسبتك قايسها ترى غيثي الى دلهم=سيوله كابره باتشل طين الدار والحصيان

معاك التيتوه والسم عندي ون تبى البلسم= وعندك جنبيه ومعي ميازر تطحن العظمان
وعندي مدرسه للصم والناطق ذي أبكم= نعلمه الحروف الأبجديه لو بدون ألسان

صوت سيبان

08-05-2010, 01:55 AM

حساباتك غلط مانا على مافات وتقدم=انا في الحاضر الناظر وما شوفه قبالي بان
سرقة الوجرمن اهله وسلمته لبا مهشم=وذه اكبر جريمه ياعوض ماشي كماها كان

لحقت البيعه من زام باقطمي وبلشرم=بلاقيمه يبيعواياعمر0شفهم بدون أثمان
ولولا حرصي الزايد 0وعا مبتاع ماتمم=في الحجلين ماضني تحصلك ثنين أودان

محمد سعيد بن مخاشن

08-05-2010, 01:56 AM

انا للجرح مثل التيتوه والخصم يتقزم=قبالي لا نويت الضرب بايمسي يون وحلان
حسب حسبتك قايسها ترى غيثي الى دلهم=سيوله كابره باتشل طين الدار والحصيان

وقالوا الخلق مجتمعين هبّوا عند بو يسلم
وحتى أهل الجبل نزلوا وبا يصدر لنا فـُرْمان

وباقي السبع ذي في الغار يعوي ما رضي يفهم
بأنه تعّب الأمّه ... غريسة لرض والحلاّن

محمد سعيد بن مخاشن

08-05-2010, 02:14 AM

ولا حد يربزه ذيبي وفي ما فات يتكلـّـم
ويلقيها مثيل أوّل (( قميصه سيّدي عثمان ))

بغينا الوضع يتصلـّـح ويتعدّل ويتلملم
وإلاّ ما حد(ن) قد شاف حد يخواننا الطـّــرشان

حسبناها حقيقه خلطة الحنـّـا معا العندم
إنثرها المسأله ذلاّ لجمع الأصفر الرنـّـان

تصبحون على خيــــــــــــــــــــــــــــــر

صوت سيبان

08-05-2010, 02:17 AM

تصبحون على خير

صوت سيبان

08-05-2010, 02:08 PM

وينك يالمخشني بانجرب الدان بغيناها عصريه غياضيه
أو ماحد يغني العصر

عمر الذيب

08-05-2010, 09:41 PM

وينك يالمخشني بانجرب الدان بغيناها عصريه غياضيه
أو ماحد يغني العصر
فصل يا جماعه

عيبون

08-05-2010, 09:56 PM

فصل يا جماعه

فصل ياهيج القطيره=ياجمل ضاري وترزح (ف)الحسور الملتويّه

=ماتهم الحسر وطلوع العقاب

جبت ميزر والذخيره=شف قسومي قال صالح من كبود المربعيّه

=وانت قانص قد معك خير السلاب
هذا فصل اذا عجبكم تولهو عليه وانا والله ساري

مناسبه عند واحد من الجماعه ووضعت الفصل على عجاله

الواقعي

08-05-2010, 10:31 PM

فصل ياهيج القطيره=ياجمل ضاري وترزح (ف)الحسور الملتويّه

=ماتهم الحسر وطلوع العقاب

جبت ميزر والذخيره=شف قسومي قال صالح من كبود المربعيّه

=وانت قانص قد معك خير السلاب
هذا فصل اذا عجبكم تولهو عليه وانا والله ساري

مناسبه عند واحد من الجماعه ووضعت الفصل على عجاله

الامر متروك لصاحب الدار وما يراه نراه

محمد سعيد بن مخاشن

08-05-2010, 11:01 PM

فصل ياهيج القطيره=ياجمل ضاري وترزح (ف)الحسور الملتويّه

=ماتهم الحسر وطلوع العقاب

جبت ميزر والذخيره=شف قسومي قال صالح من كبود المربعيّه

=وانت قانص قد معك خير السلاب
هذا فصل اذا عجبكم تولهو عليه وانا والله ساري

مناسبه عند واحد من الجماعه ووضعت الفصل على عجاله

يا هلا ساعه نويره = قال شاعر بدّعوا في القول يا زيان الطويّه
حلـّـقوا بي في السماء فوق السّحاب

محمد سعيد بن مخاشن

08-05-2010, 11:15 PM

الدواء في الزّمهريره = قرب خلـّـك يا المتيّم بو العيون الساحريّه
ذي يحبّك وإنت مثله فيه حاب

محمد سعيد بن مخاشن

08-05-2010, 11:36 PM

قد سقط دلوه ببيره = كَن بو طارق؟ معه ظنـّـي حليله مبتديّه
ما شبت عقبة حويره أو رحاب

تصبحـــــــــــون علـى خيـــــر

محمد سعيد بن مخاشن

08-05-2010, 11:53 PM

فصل يا جماعه

وينك يا بو طارق؟

أحمد العمودي أبوفيصل

08-05-2010, 11:59 PM

عليك يابومخشن

عمر الذيب

08-06-2010, 12:02 AM

قد سقط دلوه ببيره = كَن بو طارق؟ معه ظنـّـي حليله مبتديّه
ما شبت عقبة حويره أو رحاب

تصبحـــــــــــون علـى خيـــــر

يانقم ياحيد صيره=باشبيكم حبو قال الذيب عا شويه شويه
= بعد ما قد عدة ايام الشباب
ما معيه نص مطيره=من موال الناس لا والله شف ماشي معيه
=ماحضرت البيح وايام الصراب

محمد سعيد بن مخاشن

08-06-2010, 12:22 AM

يانقم ياحيد صيره=باشبيكم حبو قال الذيب عا شويه شويه
= بعد ما قد عدة ايام الشباب
ما معيه نص مطيره=من موال الناس لا والله شف ماشي معيه
=ماحضرت البيح وايام الصراب

يا الأخو عينك ضريره = كيف تشبي في الوعَر يا الذيب والشارة نشيه؟
والأمل حقـّـك كما فص ملح ... ذاب!!!

عمر الذيب

08-06-2010, 12:24 AM

يا الأخو عينك ضريره = كيف تشبي في الوعَر يا الذيب والشارة نشيه؟
والأمل حقـّـك كما فص ملح ... ذاب!!!
يابو صالح
ماشي معيه وليس مطيره
هذا هو القافي

محمد سعيد بن مخاشن

08-06-2010, 12:34 AM

وين روّاد المسيره؟ = إتحفونا يا جماعه بالقوال الشامخيّه
حوج ( مــ ) الهم في قليبي والعذاب

محمد سعيد بن مخاشن

08-06-2010, 12:38 AM

يابو صالح
ماشي معيه وليس مطيره
هذا هو القافي

ما فهمت عليك. وضـّح لي. أنا قلت:

يا الأخو عينك ضريره = كيف تشبي في الوعَر يا الذيب والشارة نشيه؟
والأمل حقـّـك كما فص ملح ... ذاب!!!

أين الخطأ؟؟؟؟؟؟؟؟

الواقعي

08-06-2010, 12:46 AM

البصل لي م المطيره=واللخم والضدح خلطه فالمطابخ عبقريّه
=تنطبخ فالطشت مرّه والكزاب
فقط محاوله

عمر الذيب

08-06-2010, 12:53 AM

ما فهمت عليك. وضـّح لي. أنا قلت:

يا الأخو عينك ضريره = كيف تشبي في الوعَر يا الذيب والشارة نشيه؟
والأمل حقـّـك كما فص ملح ... ذاب!!!

أين الخطأ؟؟؟؟؟؟؟؟
لا انت قلت والدنيا مطيره
ولكنك عدلتها بسرعه
وكنت انا قد علقت على ذلك
المهم انه لا يوجد غلط

محمد سعيد بن مخاشن

08-06-2010, 12:53 AM

البصل لي م المطيره=واللخم والضدح خلطه عبقريّه
=تنطبخ فالطشت مرّه والكزاب
فقط محاوله

لو خليتها على مبنى الشيبه كان أفضل
أي أن النص الذي حذفته كان موزون 100%
والنص الحالي موزون ما عدا ( واللخم والضدح خلطه عبقريه ) فقد أصبح قصير شويه. أيش رأيك يا بو طارق؟
لو قلت مثلا ( واللخم والضدح والفقـّــوز:FRlol: خلطه عبقريه ) فيكون موزونا.