المساعد الشخصي الرقمي

مشاهدة النسخة كاملة : مجلس الدان الحضرمي


الصفحات : 1 2 3 4 5 [6] 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49

أحمد العمودي أبوفيصل
03-20-2009, 03:40 PM
مريّم قد لها عشره

وعاده ما طلع برّه
ولدها ذي بطى في بطنها مركون
***
دواها قالوا البعره
وكيّـه تحتها السرّه
كراع الحامله ما يعرف القانون


ملاحظة: بعض الحالات المستعصية دواها أن يتدخن المريض ببعرة حوليّـه من تان ويفضـّــل أن يكون كراعها مكسور.



محمد بن سعيــد بن مخــاشــن

ياعم محمد
عيب ماهوسوى منك كل شي ولا 0000000000الحامله

صقر الوديان
03-20-2009, 03:41 PM
من رزقه الله شي ما بحسده يهل القويره=الحسد ماهو من اطباع الاصاله يااصيل
عمر الذيب




الحدد يالذيب دائم صوتهم شف صوت نيره = بن مخاشن منهم أو هم خواله بالقليل

محمد سعيد بن مخاشن
03-20-2009, 03:47 PM
من رزقه الله شي ما بحسده يهل القويره=الحسد ماهو من اطباع الاصاله يااصيل
عمر الذيب


بس تمنـّــى يكون عندي مثل ذي عندك ... أميره = ذا حسد يا الذيب وألاّ ذا تمنّي المستحيل؟

محمد بن سعيــد بن مخــاشــن

محمد سعيد بن مخاشن
03-20-2009, 03:51 PM
فـــــي أمـــــان اللـــــه

عمر الذيب
03-20-2009, 03:52 PM
بن مخاشن حسب علمي صقر وحدوده خطيره=من قرب منها محمد بايزول به زويل
من وقع خاله يقع في الخال ماحد له بصيره=من يقول انه تخير خال قله مستحيل
عمر الذيب

عمر الذيب
03-20-2009, 03:58 PM
فـــــي أمـــــان اللـــــه
ليه فين بغيت

محمد سعيد بن مخاشن
03-20-2009, 03:59 PM
الحدد يالذيب دائم صوتهم شف صوت نيره = بن مخاشن منهم أو هم خواله بالقليل


لين آدم لي نسب صافي من إقبايل عسيره = ما نذم الخو والصاحب ولو عقله خبيل


محمد بن سعيــد بن مخــاشــن

أحمد العمودي أبوفيصل
03-20-2009, 04:01 PM
ليه فين بغيت[/center]
بغى بيعشي 00000000000ن

صقر الوديان
03-20-2009, 04:02 PM
بن مخاشن حسب علمي صقر وحدوده خطيره=من قرب منها محمد بايزول به زويل
من وقع خاله يقع في الخال ماحد له بصيره=من يقول انه تخير خال قله مستحيل
عمر الذيب



هو حمومي صدق ولا من عدن وعيال صيره = جب خبر يالذيب ناضج خلنا نصهل صهيل

النومسي
03-20-2009, 04:02 PM
يامحمد بن مخاشن لاتشل حذفه كبيره= يالخشيني لنت من حاشد ولنته من بكيل

عمر الذيب
03-20-2009, 04:18 PM
هو حمومي صدق ولا من عدن وعيال صيره = جب خبر يالذيب ناضج خلنا نصهل صهيل


من ديار العرض لي كنزه المعانق والذخيره=والشرف والعسكره والجود والشرع الطويل
عمر الذيب

بن احمد
03-20-2009, 04:20 PM
بو محمد قال عاد السيف ماكن في جفيره =وان جردته قال سالم للركب دم بايسيل
ياعمر يالذيب شف ماللكسور الا الجبيره= وانت ياذيبان تتودد لمنسوع الجديل

صقر الوديان
03-20-2009, 04:26 PM
من ديار العرض لي كنزه المعانق والذخيره=والشرف والعسكره والجود والشرع الطويل
عمر الذيب




هو من إعيال البلد ولا خلق في غير ديره = وضحه ليو مخباء خلنا ننسم قليل

سبع الليل
03-20-2009, 04:32 PM
بن مخاشن لا دلاء دلوه تعكى وسط بيره=مادراء بالبير قدها بيد بوزيد الدخيل
وان بغاء الا حكم ثاني باتقع كمين كسيره=قد حلمها دار بصعر في خلافة بوعقيل

عمر الذيب
03-20-2009, 04:32 PM
بو محمد قال عاد السيف ماكن في جفيره =وان جردته قال سالم للركب دم بايسيل
ياعمر يالذيب شف ماللكسور الا الجبيره= وانت ياذيبان تتودد لمنسوع الجديل

ماحب رجم الليل يا وزران وطبول المسيره=ليهي تجيب اللوم وتذم البنادم لو قليل
واللي يذم الناس هو المذموم ودلوه حقيره=والرجل لي يوزن ويطرح وزن في الكفه ثقيل
عمر الذيب

البكري
03-20-2009, 04:37 PM
نا بومحمد عادنا بعطيك من عندي ذخيره = والسلب الي وعلماني ابوقصبه طويل
والوعد ناوياك في الميدان ماشي لك خيره = بايقع مابيننا من هو المصوب والقتيل

عمر الذيب
03-20-2009, 04:38 PM
بن مخاشن لا دلاء دلوه تعكى وسط بيره=مادراء بالبير قدها بيد بوزيد الدخيل
وان بغاء الا حكم ثاني باتقع كمين كسيره=قد حلمها دار بصعر في خلافة بوعقيل


الكل شي وقته وزامه بتجي ليله نويره=مثناتها ياسبع بن دوس المصوب والقتيل
والمخشني حقه وله لاقال ما يبغى مديره=هذا المدير العيف لي يغطل من الجوبه غطيل
عمر الذيب

محمد سعيد بن مخاشن
03-20-2009, 04:39 PM
بن مخاشن حسب علمي صقر وحدوده خطيره=من قرب منها محمد بايزول به زويل
من وقع خاله يقع في الخال ماحد له بصيره=من يقول انه تخير خال قله مستحيل
عمر الذيب


ما عليكم زود لا يا الذيب لصمع في الحجيره = غرت عا الريده وهينن وعا غنيمة بن عقيل

محمد بن سعيــد بن مخــاشــن

صقر الوديان
03-20-2009, 04:41 PM
بو محمد قال عاد السيف ماكن في جفيره =وان جردته قال سالم للركب دم بايسيل
ياعمر يالذيب شف ماللكسور الا الجبيره= وانت ياذيبان تتودد لمنسوع الجديل



رحبوا بالشيخ مولى الغيل يا روس العشيره = الكرم طبعه ونا شاهد أبد ماهو بخيل

عمر الذيب
03-20-2009, 04:42 PM
نا بومحمد عادنا بعطيك من عندي ذخيره = والسلب الي وعلماني ابوقصبه طويل
والوعد ناوياك في الميدان ماشي لك خيره = بايقع مابيننا من هو المصوب والقتيل

كلام هكذا انا اريد يالبكري

بن احمد
03-20-2009, 04:48 PM
عاد شي شف ياعمر او ضاع شفك والبصيره =او رموبك صرت عهل العشق والعشقه دخيل
كيف يالهيج القوي ردوك في ذيل القطـــــــيره=بعد ماركيت زقلوا بك على خـــــــط السبـــــيل

محمد سعيد بن مخاشن
03-20-2009, 04:54 PM
يامحمد بن مخاشن لاتشل حذفه كبيره= يالخشيني لنت من حاشد ولنته من بكيل

قرأت مرّه في كتب الأنساب أن الحموم يرفع نسبهم إلى بكيل والفخيذة إذا كبرت تستقل عن القبيلة الأم وتستغني عنها للمعلومية:


ما همرناهم وقد قدنا إلى الجول القطيره = وعادني يا النومسي بلقي هوَل ما له مثيل


محمد بن سعيــد بن مخــاشــن

بن احمد
03-20-2009, 04:58 PM
رحبوا بالشيخ مولى الغيل يا روس العشيره = الكرم طبعه ونا شاهد أبد ماهو بخيل

مرحبا ياصقر لا حومت كل واحد وطيــــــره =يختبي من مخلبك لايردبلاجنحه وذيل

بن احمد
03-20-2009, 04:59 PM
قرأت مرّه في كتب الأنساب أن الحموم يرفع نسبهم إلى بكيل والفخيذة إذا كبرت تستقل عن القبيلة الأم وتستغني عنها للمعلومية:


ما همرناهم وقد قدنا إلى الجول القطيره = وعادني يا النومسي بلقي هوَل ما له مثيل


محمد بن سعيــد بن مخــاشــن
كفو ياخال ونا اشهد

محمد سعيد بن مخاشن
03-20-2009, 05:03 PM
بن مخاشن لا دلاء دلوه تعكى وسط بيره=مادراء بالبير قدها بيد بوزيد الدخيل
وان بغاء الا حكم ثاني باتقع كمين كسيره=قد حلمها دار بصعر في خلافة بوعقيل


بقطب الزانه إذا تعكّت بجنبيّه وثيره = ساري البارح تلاحق به ألا يا سبع ليل

محمد بن سعيــد بن مخــاشــن

عمر الذيب
03-20-2009, 05:04 PM
عاد شي شف ياعمر او ضاع شفك والبصيره =او رموبك صرت عهل العشق والعشقه دخيل
كيف يالهيج القوي ردوك في ذيل القطـــــــيره=بعد ماركيت زقلوا بك على خـــــــط السبـــــيل

يابن حمد طبع الزمن لا هكذابعده وغيره=من قال ان الصدر با يقدر على حيد الجزيل
بو عدي زقلت به الدنيا ولا انكرتو النكيره=تنكرون الذيب لي حفيان يدحق عا لرجيل
من زقلبي بازقلبه في شموس القنطريره=من قداء لي ما يباني با غسل قلبي غسيل
عمر الذيب

بن احمد
03-20-2009, 05:10 PM
ايش ذا من نومسي لي جاب شره مع شريره= مامعه شي علم جاب النار قدام الفتيل

صقر الوديان
03-20-2009, 05:15 PM
عاد شي شف ياعمر او ضاع شفك والبصيره =او رموبك صرت عهل العشق والعشقه دخيل
كيف يالهيج القوي ردوك في ذيل القطـــــــيره=بعد ماركيت زقلوا بك على خـــــــط السبـــــيل



نبرتك يا بن حمد عالذيب ذي نبره خطيره = نعرفه يشبي بحملِه ما يعول بالنقيل

بن احمد
03-20-2009, 05:27 PM
غيرو ذا القاف شيّب يهل لوجيه السفيره=و امتلايالصقر ماذلحين هت قافي جديد

عمر الذيب
03-20-2009, 05:29 PM
صوت جديد بيتين اعجبتني للشاعر عبد الرحيم القحم العمودي

ودع اهلي وقلبي منهم مي تاثر=شخص واحد فراقه قطب القلب قطاب
صب يا دمع عيني عالقمر بعد ماغاب
دمع عيني لغيره ما بدا يوم قطر= وان تغثيت منه بيت الدمع صباب
صب يادمع عيني عالقمر بعد ما غاب

بن احمد
03-20-2009, 05:30 PM
غيرو ذا القاف شيّب يهل لوجيه السفيره=و امتلايالصقر ماذلحين هت قافي جديد

طبعا بعد اذن معزبنا ابو طارق واسمحوا لنا بعشر دقايق تايم اوت

عمر الذيب
03-20-2009, 05:36 PM
صوت جديد بيتين اعجبتني للشاعر عبد الرحيم القحم العمودي

ودع اهلي وقلبي منهم مي تاثر=شخص واحد فراقه قطب القلب قطاب
صب يا دمع عيني عالقمر بعد ماغاب
دمع عيني لغيره ما بدا يوم قطر= وان تغثيت منه بيت الدمع صباب
صب يادمع عيني عالقمر بعد ما غاب


هو بنادم مثيل الخلق او فيه اكثر=لي لشانه تجاهلت القرايب ولحباب
صب يا دمع عيني عالقمر بعد ما غاب
عاد كمن فلنطه في الميادين تذكر=ضربها بالمشوك وقف الجاي والهاب
صب يا دمع عيني عالقمر بعد ما غاب
عمر الذيب

عمر الذيب
03-20-2009, 05:52 PM
طبعا بعد اذن معزبنا ابو طارق واسمحوا لنا بعشر دقايق تايم اوت

وين راحو صحابي وين سيفي وعنتر=وين ابن الوزيري لي يحب خير لطياب
صب يا دمع عيني عالقمر بعد ماغاب
عمر الذيب

بن احمد
03-20-2009, 06:13 PM
الوزيري مثيلك ياعمر قلبه اخضر= بس ليام راحت ياعمر والشعر شاب

صقر الوديان
03-20-2009, 06:14 PM
هو بنادم مثيل الخلق او فيه اكثر=لي لشانه تجاهلت القرايب ولحباب
صب يا دمع عيني عالقمر بعد ما غاب
عاد كمن فلنطه في الميادين تذكر=ضربها بالمشوك وقف الجاي والهاب
صب يا دمع عيني عالقمر بعد ما غاب
عمر الذيب


مكتسي حسن يوسف لابس أبيض مخصر = خلاء الذيب يالحلان يحسب له إحساب

صب يا دمع عيني عالقمر بعد ماغاب

في حظاتم ضباء يالذيب بالحسن تبهر = قم ظهر لا قداهن كان عاده معك ناب

صب يا دمع عيني عالقمر بعد ماغاب

عمر الذيب
03-20-2009, 06:24 PM
مكتسي حسن يوسف يلبس أبيض وأخصر = خلاء الذيب يالحلان يحسب له إحساب

صب يا دمع عيني عالقمر بعد ماغاب

في حظاتم ضباء يالذيب بالحسن تبهر = قم ظهر لا قداهن كان عاده معك ناب

صب يا دمع عيني عالقمر بعد ماغاب



عاده الناب لايا صقر مبعد تكسر=وعاد عيني طويله عالعنب روس لشذاب
صب يا دمع عيني عالقمر بعد ماغاب
عمر الذيب

عمر الذيب
03-20-2009, 06:33 PM
الوزيري مثيلك ياعمر قلبه اخضر= بس ليام راحت ياعمر والشعر شاب
اه
اه في اه ياوزران حالي مكدر=كدرته الليالي السود بارض التغراب
صب يادمع عيني عالقمر بعد ما غاب
ون ياقلب وتنهس ثلا ثين مخطر=لا ذكرت العسيله والبطانه ولشقاب
صب يادمع عيني عالقمر بعد ما غاب

العسيله علب عندنا يجلوسن تحته الشيبان ماشي كما ظلا له
والبطانه ولشقاب احسن قطعتين في وادي عمد اه في اه

صقر الوديان
03-20-2009, 06:53 PM
اه
اه في اه ياوزران حالي مكدر=كدرته الليالي السود بارض التغراب
صب يادمع عيني عالقمر بعد ما غاب
ون ياقلب وتنهس ثلا ثين مخطر=لا ذكرت العسيله والبطانه ولشقاب
صب يادمع عيني عالقمر بعد ما غاب

العسيله علب عندنا يجلوسن تحته الشيبان ماشي كما ظلا له
والبطانه ولشقاب احسن قطعتين في وادي عمد اه في اه



لا تون يا عمر لق قصر في خور مكسر = با تشوف الثمار اليانعه شل ماطاب

صب يا دمع عيني عالقمر بعد ماغاب

عمر الذيب
03-20-2009, 07:10 PM
لا تون يا عمر لق قصر في خور مكسر = با تشوف الثمار اليانعه شل ماطاب

صب يا دمع عيني عالقمر بعد ماغاب


خير من قصر كسرى دار في الجول لحمر=والحديقه المجاري والمقايف ولشعاب
صب يادمع عيني عالقمر بعد ما غاب
عمر الذيب

عيون المكلا
03-20-2009, 07:15 PM
خير من قصر كسرى دار في الجول لحمر=والحديقه المجاري والمقايف ولشعاب
صب يادمع عيني عالقمر بعد ما غاب
عمر الذيب


غار لحمر وقدامه وخلفه تغير = منظر الخور في عين المحبين خلاب
صب يادمع عيني عالقمر بعد ماغاب

عيون المكلا
03-20-2009, 07:22 PM
كلما اشتكينا مننا الحاكم تعذر = ليش دلهي تحاصر دار مندر وميتاب ؟


دار مندر وميتاب ممثلان من ابناء الهند المعروفيين.

عيون المكلا
03-20-2009, 07:25 PM
اذا خرجت عن الخط تجاوزوا مشاركتي ودعوني متابعه معكم .

عمر الذيب
03-20-2009, 07:26 PM
غار لحمر وقدامه وخلفه تغير = منظر الخور في عين المحبين خلاب
صب يادمع عيني عالقمر بعد ماغاب


مرحبا بالكلام الزين لي جاء معطر=بذكر بندر عمر والديس لي فيه لصحاب
صب يا دمع عيني عالقمر بعد ماغاب
بارك الله من خطط وشيد وعمر=ولعنة الله على مخرب ومجرم وكذاب
صب يادمع عيني عالقمر بعد ماغاب
عمر الذيب

عيون المكلا
03-20-2009, 07:32 PM
مرحبا بالكلام الزين لي جاء معطر=بذكر بندر عمر والديس لي فيه لصحاب
صب يا دمع عيني عالقمر بعد ماغاب
بارك الله من خطط وشيد وعمر=ولعنة الله على مخرب ومجرم وكذاب
صب يادمع عيني عالقمر بعد ماغاب
عمر الذيب

الكلام الذي من قلب فيها تفطر = بعد ماشاف جانب حالته في تقلاب
صب يامدع عيني عالقمر بعد ماغاب
من كسب في المكلا ثاني اليوم يخسر = والخساره الكبيره في مواطن لجناب
صب يادمع ..............

عمر الذيب
03-20-2009, 07:34 PM
كلما اشتكينا مننا له تعذر = ليش دلهي تحاصر دار مندر وميتاب ؟


دار مندر وميتاب ممثلان من ابناء الهند المعروفيين.

صبر ياعيون بيتيسر لنا ماتعسر=بعد ما تعرفون الصدق يااؤل للباب
صب يا دمع عيني عالقمر بعد ماغاب
عمر الذيب

صقر الوديان
03-20-2009, 09:50 PM
صبر ياعيون بيتيسر لنا ماتعسر=بعد ما تعرفون الصدق يااؤل للباب
صب يا دمع عيني عالقمر بعد ماغاب
عمر الذيب



السياسي ترى كذاب هرجه تبخر = إحذره إحذره يالذيب حتى ولو تاب

صب يا دمع عيني عالقمر بعد ماغاب

صقر الوديان
03-20-2009, 09:58 PM
إيش سوو علي وعلي وصالح منصر = فسر الامر لي ياذيب لتقول تعبان

صب يا دمع عيني عالقمر بعد ماغاب

صقر الوديان
03-20-2009, 10:09 PM
حزبهم يا عمر والجيش مسرع تكسر = سلموا الشعب با عونا كما بيعة الضان

صب يا دمع عيني عالقمر بعد ماغاب

صقر الوديان
03-20-2009, 10:19 PM
سلمونا لزيدي يا عمر قهر يقهر = في الخطم زقل إعيال وسارق وزعلان

صب يا دمع عيني عالقمر بعد ماغاب

سبع الليل
03-20-2009, 10:21 PM
زام هارون وألى وانتهى زام جعفر=الحصون المنيعه ماتديف بلا اسباب
صب يادمع عيني عالقمر بعد ماغاب

البكري
03-20-2009, 10:22 PM
حزبهم يا عمر والجيش مسرع تكسر = سلموا الشعب با عونا كما بيعة الضان

صب يا دمع عيني عالقمر بعد ماغاب



انا شوف القافي هنا قد تغير نتبع الفصل لول او قلدتوا ذالباب

سبع الليل
03-20-2009, 10:30 PM
فارق النوم من عيني وقلبي تكدر=قالوا العشق متعب والهواء شفه نشاب
صب يالدمع عيني عالقمر بعد ماغاب

سبع الليل
03-20-2009, 10:35 PM
انا شوف القافي هنا قد تغير نتبع الفصل لول او قلدتوا ذالباب



يالبكيري نباء بيتين في الوقت تذكر=من كلام الحبايب لي يرد حس الاحباب

صب يادمع عيني عالقمر بعد ماغاب

البكري
03-20-2009, 10:44 PM
يالبكيري نباء بيتين في الوقت تذكر=من كلام الحبايب لي يرد حس الاحباب

صب يادمع عيني عالقمر بعد ماغاب



عالنكد لي بحالي هووالبلا باتصبر = وباتسمر معاكم لا شفت السمر طاب
صب يادمع عيني عالقمر بعد ماغاب =

بن احمد
03-20-2009, 10:46 PM
عظم بوشيخ ياذيبان مبعد تجبر= والفواد احترق من عشقة الغيد قد ذاب

القنّاص
03-20-2009, 10:59 PM
ياعمر لاتخاطر في دروبك تحذر = لاتجيك الغوارب تنذفك وسط مسراب
في المساري توقع بين خيله وعجز = والمطاحن قويه للجمل زد ولنياب
صب يادمع عيني عاقمر بعد ماغاب=

أحمد العمودي أبوفيصل
03-20-2009, 11:27 PM
عظم بوشيخ ياذيبان مبعد تجبر= والفواد احترق من عشقة الغيد قد ذاب

عطم بو شيخ جابر من يبارزه يخسر = في الهوى والهويه يطرح القفل عالباب
لاتلوموا مولع لانشد اوتخبر = عاصحابه ودمعه بات عالخد سكاب

أحمد العمودي أبوفيصل
03-20-2009, 11:32 PM
قل لبو صالح القناص ذريك مطير = ماسمعت النصيحه غبت في وقت لصراب
وانت يالذيب لاصعدت صاحبك حدر = قد ركب امس في صالون وانته بقلاب

سبع الليل
03-20-2009, 11:54 PM
ياعمر لاتخاطر في دروبك تحذر = لاتجيك الغوارب تنذفك وسط مسراب
في المساري توقع بين خيله وعجز = والمطاحن قويه للجمل زد ولنياب
صب يادمع عيني عاقمر بعد ماغاب=




الف حيا وسهلا بالعزيز الموقر=في حضورك يزيد الخير يااعز الانساب
تهدي اقوال تنفح بالورود المعطر=تصلح الأ مناهج في المدارس لطلاب
صب يادمع عيني عالقمر بعد ماغاب

محمد سعيد بن مخاشن
03-21-2009, 12:14 AM
صوت جديد بيتين اعجبتني للشاعر عبد الرحيم القحم العمودي

ودع اهلي وقلبي منهم مي تاثر=شخص واحد فراقه قطب القلب قطاب
صب يا دمع عيني عالقمر بعد ماغاب
دمع عيني لغيره ما بدا يوم قطر= وان تغثيت منه بيت الدمع صباب
صب يادمع عيني عالقمر بعد ما غاب



يا قمر في السماء في ليلة السّبعتعشر=لا تغب عن عيوني بعدك العيش ما طاب
ويش في الكون كلّه غير كأسه وسيجر=والمحب لا سقاك الشّهد يا ذيب ورْضاب؟
لعنبوها السياسه منّها منتظفّر=خلّها لا كلنتن أم مخلب معا ناب



لا مؤآخذه ما عندي وقت أرجع للخلف لإحصاء كلمات القافية التي سبق أن حرقها البعض في أبيات زي وجوههم.

محمد بن سعيــد بن مخــاشــن

خالد بن مهنا
03-21-2009, 12:19 AM
كان خلي يقول الصدق لكنه اغتر=في المحبه رجع مخلوق خاين وكذاب
كنت شوفه كما روحي وقلبي واكثر=طارحه في وسط عيني وتحرسه لهداب

محمد سعيد بن مخاشن
03-21-2009, 12:35 AM
نمت يا الذيب وألاّ عادك ألاّ تسهور؟=بخت من هو يصبّح درفشه تحت مرزاب
ونحا اليوم في جده بلا ماء مكرر=ماء من آبار في وسْطه زيوتات وتراب



محمد بن سعيــد بن مخــاشــن

عمر الذيب
03-21-2009, 12:42 AM
كان خلي يقول الصدق لكنه اغتر=في المحبه رجع مخلوق خاين وكذاب
كنت شوفه كما روحي وقلبي واكثر=طارحه في وسط عيني وتحرسه لهداب


شي تصوره في الدنيا وشي ميتصور=وشي يهدي وشي يلحق بتوتير لعصاب
صب يا دمع عيني عالقمر بعد ما غاب
وحد خلق زين من ربه وحد جا معزر=حمد لله لي محبوب سا حر وجذاب
صب يا دمع عيني عالقمر بعد ما غاب
عمر الذيب

سبع الليل
03-21-2009, 12:42 AM
كان خلي يقول الصدق لكنه اغتر=في المحبه رجع مخلوق خاين وكذاب
كنت شوفه كما روحي وقلبي واكثر=طارحه في وسط عيني وتحرسه لهداب




عانك الله ياخالد على ذي تكبر=بعضهم من وراء ظهرك يذمك ويغتاب
ان سقيته عسل مولى العيافه مجرب=ناكر الجود كاذب طول عمره وعياب
صب يادمع عيني عالقمر بعد ماغاب

محمد سعيد بن مخاشن
03-21-2009, 12:48 AM
كان خلي يقول الصدق لكنه اغتر=في المحبه رجع مخلوق خاين وكذاب
كنت شوفه كما روحي وقلبي واكثر=طارحه في وسط عيني وتحرسه لهداب


كان خلي يقول الصدق لكنه اغتر=في المحبه رجع مخلوق خاين وكذاب
كنت شوفه كما روحي وقلبي واكثر=طارحه في وسط عيني وتحرسه لهداب



هل بقي قل لخالد وسْط ذا الليل مسمر؟=لا تذكّر حبيبك ذيه للقلب معذاب
مد ظهرك ودندن ضوّه الفجر يظهر=بعد لحظات ... خل منّك جمالات ورْباب



محمد بن سعيــد بن مخــاشــن

القنّاص
03-21-2009, 12:54 AM
الف حيا وسهلا بالعزيز الموقر=في حضورك يزيد الخير يااعز الانساب
تهدي اقوال تنفح بالورود المعطر=تصلح الأ مناهج في المدارس لطلاب
صب يا دمع عيني عالقمر بعد ما غاب


في صدور المجالس بك ياسبع نفخر = لاجل قولك تحية عز ايضا وترحاب
لاجل قدرك وشانك عضم ساقي نكسر = والحسور العسيره نطلع لاجلك ولعقاب
صب يا دمع عيني عالقمر بعد ما غاب=

سبع الليل
03-21-2009, 01:05 AM
هل بقي قل لخالد وسْط ذا الليل مسمر؟=لا تذكّر حبيبك ذيه للقلب معذاب
مد ظهرك ودندن ضوّه الفجر يظهر=بعد لحظات ... خل منّك جمالات ورْباب




محمد بن سعيــد بن مخــاشــن




يامحمد ترى قصر المريري منور=الكرم والضيافه فيه بالخير سحٌاب
مانقلد باب خالد قط ولا هو مسٌمر=يقصدونه صحابه دوب والناس لغراب

صب يادمع عيني عالقمر بعد ماغاب

محمد سعيد بن مخاشن
03-21-2009, 01:05 AM
شي تصوره في الدنيا وشي ميتصور=وشي يهدي وشي يلحق بتوتير لعصاب
صب يا دمع عيني عالقمر بعد ما غاب
وحد خلق زين من ربه وحد جا معزر=حمد لله لي محبوب سا حر وجذاب
صب يا دمع عيني عالقمر بعد ما غاب
عمر الذيب

محبوبك يا عمر إن شاء الله دفـْــر للجنـّـــه!!!


دفر يا الذيب للجنّه حبيبك تصبّر=عا صباحك وخشمك مثل سنقوف لِغْراب
وإنت مثله قدا الجنّه يدفوك وتِدْفَر=شخص مسكين عا النيّه عسى الذيب لا خاب


محمد بن سعيــد بن مخــاشــن

محمد سعيد بن مخاشن
03-21-2009, 01:18 AM
يامحمد ترى قصر المريري منور=الكرم والضيافه فيه بالخير سحٌاب
مانقلد باب خالد قط ولا هو مسٌمر=يقصدونه صحابه دوب والناس لغراب

صب يادمع عيني عالقمر بعد ماغاب



نعم والله بك يا السبع ذي جيت تزأر=والمريري أخونا حيد شارف على هضاب
ما ذكرناه بالسوء عندنا فوق مجوّر=وفوق ذي فوق فوقه ساعة الموت ما يهاب


الظاهر ما عندكم عمل!!! تصبحون علــى خيــر.

محمد بن سعيــد بن مخــاشــن

صقر الوديان
03-21-2009, 02:01 PM
(( مشاركه سابقه تم تعديلها ))





إش سوو علي وعلي وصالح منصر = إشرحوا الأمر لي يالي تعرفون لأسباب

صب يا دمع عيني عالقمر بعد ماغاب

صقر الوديان
03-21-2009, 02:08 PM
(( مشاركه سابقه تم تعديلها ))


حزبهم يا عمر والجيش مسرع تكسر



سلموا الشعب هو والأرض لإنسان كذاب



صب يا دمع عيني عالقمر بعد ماغاب

صقر الوديان
03-21-2009, 02:18 PM
(( مشاركه سابقه تم تعديلها ))

سلمونا لزيدي يا عمر قهـر يقهـر



في الخطم زقل إعيال وفيهم ترى عاب




صب يا دمع عيني عالقمر بعد ماغاب

عمر الذيب
03-21-2009, 09:20 PM
فصل جديد يهل السمر

عمر الذيب
03-21-2009, 09:24 PM
حبك وقدرتك ولا قد جيت بذبح لك جمل =وانك عور متشوف دربك با تخربطك الجمال
وان كان حد مغرور بعد اليوم با نسقيه خل=معنا جهاز الامن با يلقي لكل واحد خلال
الشاعرمحمد عمر القحم العمودي
عام 1978 م

عمر الذيب
03-21-2009, 09:34 PM
يا بن مخا شن يا صليب الراس شي مخرج وحل=والا تمردنا وقلنا الضرب في الميت حلال
من بعد ما ربيتها وكبرتها بين الدول=راحت وخليتني بدال الذال تبعت حرف دال
عمر الذيب

المطلع
03-21-2009, 10:24 PM
يا بن مخا شن يا صليب الراس شي مخرج وحل=والا تمردنا وقلنا الضرب في الميت حلال
من بعد ما ربيتها وكبرتها بين الدول=راحت وخليتني بدال الذال تبعت حرف دال
عمر الذيب
هذه محاولة بصراحه انا في الدان ضعيف جدا واحس بصعوبه فيه ماهو كما الزامل شلات معروفه

ماحسنت شي ترباه فيها ياعمر والهرج دل =اكبردلاله انها معها دلع زايد دلال
وان جا ء لها خاطب طلبها منك بسرعه قبل = لاتحد للخطاب ظهرك استقل دايم قبال

سبع الليل
03-21-2009, 10:28 PM
يا بن مخا شن يا صليب الراس شي مخرج وحل=والا تمردنا وقلنا الضرب في الميت حلال
من بعد ما ربيتها وكبرتها بين الدول=راحت وخليتني بدال الذال تبعت حرف دال
عمر الذيب



ماعذر ترجع لك سوى من بحر والا من جبل=ماحد يسيب صاحبه لوهو على روس الجبال
صبرك عليها لاتقع مثل الخشيني لنفعل=الوقت له ساعات معلومه وردات الفعال

محمد سعيد بن مخاشن
03-21-2009, 10:39 PM
يا بن مخا شن يا صليب الراس شي مخرج وحل=والا تمردنا وقلنا الضرب في الميت حلال
من بعد ما ربيتها وكبرتها بين الدول=راحت وخليتني بدال الذال تبعت حرف دال
عمر الذيب


يا بو طارق ... عادنا ألاّ وصلت ذا الحين من زامل باتيس:


كم من ملك يا الذيب يرفل في وقاء رومي و زل=خذ عشر وألاّ خمستعشر بعدها ولّى وزال
لو كان هي دامت لغيره ما قداه الحظ وصل=شفني نباك ألاّ تحدّثني عن الحب والوصال


محمد بن سعيــد بن مخــاشــن

المطلع
03-21-2009, 10:44 PM
ماعذر ترجع لك سوى من بحر والا من جبل=ماحد يسيب صاحبه لي كان يسقيه الزلال
صبرك عليها بالسهب ان جاءت والا بالحيل=الوقت له ساعات معلومه وردات الفعال

راجع القافيه مقيده في البدع والجواب ياسبع الليل ولك فائق الأحترام
جبل -----------جبال
الحيل ------------حيال

البكري
03-21-2009, 10:53 PM
يا بن مخا شن يا صليب الراس شي مخرج وحل=والا تمردنا وقلنا الضرب في الميت حلال
من بعد ما ربيتها وكبرتها بين الدول=راحت وخليتني بدال الذال تبعت حرف دال
عمر الذيب


لا ياعمريالذيب صبرك لا يجي منك الزلل = كل من سمع ذا القول منك بايقول انسان زال
المشكله ان المقسم ذي قسم بين الرعيه ماعدل = ويقول الميزان قايم ولافيه شي اعتدال

عمر الذيب
03-21-2009, 10:54 PM
يا بو طارق ... عادنا ألاّ وصلت ذا الحين من زامل باتيس:



كم من ملك يا الذيب يرفل في وقاء رومي و زل=خذ عشر وألاّ خمستعشر بعدها ولّى وزال
لو كان هي دامت لغيره ما قداه الحظ وصل=شفني نباك ألاّ تحدّثني عن الحب والوصال



محمد بن سعيــد بن مخــاشــن


العشق له يابن مخاشن في وسط قلبي محل=امحال نتناساه قال الذيب بو طارق محال
حب المغاني والسلا والشهر لاشوع وهل=واموت لا عدا قبالي رمح بو زيد الهلال
عمر الذيب

محمد سعيد بن مخاشن
03-21-2009, 11:04 PM
يا بو طارق ... عادنا ألاّ وصلت ذا الحين من زامل باتيس:



شفني نباك ألاّ تحدّثني عن الحب والوصال



محمد بن سعيــد بن مخــاشــن



ليله معا المحبوب لو صبغك ولو عرق البصل=بتذب فيك العافيه ويروح كل صانك و صال
جالس على شطفه بريم الدار قده البدر هل=وتنسنس العلياء ويسقيك السلاوي خو الهلال


ومع السلامة. الشبكة بطيئة جدا الله يشبّكها بزيادة.

محمد بن سعيــد بن مخــاشــن

عمر الذيب
03-21-2009, 11:06 PM
هذه محاولة بصراحه انا في الدان ضعيف جدا واحس بصعوبه فيه ماهو كما الزامل شلات معروفه

ماحسنت شي ترباه فيها ياعمر والهرج دل =اكبردلاله انها معها دلع زايد دلال
وان جا ء لها خاطب طلبها منك بسرعه قبل = لاتحد للخطاب ظهرك استقل دايم قبال

كلام جميل ومحاوله نا جحه يا لمطلع اطلع على نفس النهج
عمر الذيب

المطلع
03-21-2009, 11:07 PM
العشق له يابن مخاشن في وسط قلبي محل=امحال نتناساه قال الذيب بو طارق محال
حب المغاني والسلا والشهر لاشوع وهل=واموت لا عدا قبالي رمح بو زيد الهلال
عمر الذيب

قهويتني شاهي ونا قهوتي من اول جفل =هت لي حبوب اليافعي لاقدك جم شاجع وفال
كلما شبكت الخط باكلمه تلفونه انفصل =ونا مع الوحده وهو شكله يحب الأنفصال

عمر الذيب
03-21-2009, 11:08 PM
ليله معا المحبوب لو صبغك ولو عرق البصل=بتذب فيك العافيه ويروح كل صانك و صال
جالس على شطفه بريم الدار قده البدر هل=وتنسنس العلياء ويسقيك السلاوي خو الهلال


ومع السلامة. الشبكة بطيئة جدا الله يشبّكها بزيادة.


محمد بن سعيــد بن مخــاشــن

صح كلامك فيه خلل الليله

المطلع
03-21-2009, 11:10 PM
تصبحون على خير

عمر الذيب
03-21-2009, 11:15 PM
قهويتني شاهي ونا قهوتي من اول جفل =هت لي حبوب اليافعي لاقدك جم شاجع وفال
كلما شبكت الخط باكلمه تلفونه انفصل =ونا مع الوحده وهو شكله يحب الأنفصال


با جيب مبغيته وبا سقيكم من الصافي عسل=من ارض زينه اهلها ما يوم قد غشو العسال
هذه طباع الوقت يالمطلع تشيب بالسقل=كل من حكم يومين له صاحب غدربه واستقال
والعاد شي داعي على ما قول نضرب لك مثل=مادمت متمرس ومن ليهم يضربون المثال
عمر الذيب

عمر الذيب
03-21-2009, 11:18 PM
تصبحون على خير
وانت من اهله

محمد سعيد بن مخاشن
03-21-2009, 11:22 PM
العشق له يابن مخاشن في وسط قلبي محل=امحال نتناساه قال الذيب بو طارق محال
حب المغاني والسلا والشهر لاشوع وهل=واموت لا عدا قبالي رمح بو زيد الهلال
عمر الذيب

الفرق بين هلالك وهلالي ( أي تكرار هل/هلال ) ثمان دقائقز بس والله العظيم لي مدة طويلة وأنا أحاول إدخال مشاركتي.

عمر الذيب
03-21-2009, 11:26 PM
الفرق بين هلالك وهلالي ( أي تكرار هل/هلال ) ثمان دقائقز بس والله العظيم لي مدة طويلة وأنا أحاول إدخال مشاركتي.


عادي يارجل بو زيد معروف ب

ابوصالح النهدي
03-21-2009, 11:26 PM
يا بو طارق ... عادنا ألاّ وصلت ذا الحين من زامل باتيس:





كم من ملك يا الذيب يرفل في وقاء رومي و زل=خذ عشر وألاّ خمستعشر بعدها ولّى وزال
لو كان هي دامت لغيره ما قداه الحظ وصل=شفني نباك ألاّ تحدّثني عن الحب والوصال



محمد بن سعيــد بن مخــاشــن




ان قلت راحت قل مع الزاخي قطعنا الياس منها والامل=ولا تبحث في الدفاتر كل من قد مال ! مال
من هو يروم المنفعه لابد من النيه و اخلاص العمل=ما قد حصل يكفي وحذرك من خبيثين العمال
والعفو منكم جيت متأخر وطبع الادمي دايم عجل= في صحبة الاجواد واهل الشعر لابد أ عتجال

محمد سعيد بن مخاشن
03-21-2009, 11:36 PM
العشق له يابن مخاشن في وسط قلبي محل=امحال نتناساه قال الذيب بو طارق محال
حب المغاني والسلا والشهر لاشوع وهل=واموت لا عدا قبالي رمح بو زيد الهلال
عمر الذيب


الرّبط لا يا الذيب شفه أحيان بيسبب ملل=من شان ذا كمّين شاعر شفه عن مجلسك مال
وذكرت لي في الرمح ذي كلّين من صابه إنقتل=خير السلوبه الرمح يصلح للحرابه والقتال


محمد بن سعيــد بن مخــاشــن

عمر الذيب
03-21-2009, 11:40 PM
بشر يالمخشني بسقيك في حله=على عتم المروه والكلام الزين
عمر الذيب

عمر الذيب
03-21-2009, 11:43 PM
بشر يالمخشني بسقيك في حله=على عتم المروه والكلام الزين
عمر الذيب
وفي بحر الهوى والعشق بالقفله=بغينا وزنها ياوعل بو قرنين
عمر الذيب

البكري
03-21-2009, 11:54 PM
الكلام الزين لا يالذيب مامله = ان سقيتني حفن باسكيك باليدين

عمر الذيب
03-21-2009, 11:58 PM
الكلام الزين لا يالذيب مامله = ان سقيتني حفن باسكيك باليدين

ومن له قسم يا صاحبي بيشله=يقع من قلت والا صافي النهرين
عمر الذيب

البكري
03-21-2009, 11:58 PM
وجيت باقهويك بالفنجان والدله = فنجان الخزف عندي ماهو الصين

محمد سعيد بن مخاشن
03-22-2009, 12:03 AM
با جيب مبغيته وبا سقيكم من الصافي عسل=من ارض زينه اهلها ما يوم قد غشو العسال
هذه طباع الوقت يالمطلع تشيب بالسقل=كل من حكم يومين له صاحب غدربه واستقال
والعاد شي داعي على ما قول نضرب لك مثل=مادمت متمرس ومن ليهم يضربون المثال
عمر الذيب


الغش مستشري ومن عينيك يسرقه الكحل=كمّين سارق يا عمر في وسْطنا باني وحال
إن قلت هذا بو لهب وإن قلت هذا بو جَهَل=سرقوا معونه جات للمرضى ولِبْزوره جَهَال



محمد بن سعيــد بن مخــاشــن

سبع الليل
03-22-2009, 12:05 AM
وفي بحر الهوى والعشق بالقفله=بغينا وزنها ياوعل بو قرنين


عمر الذيب



لقينا بحرها ومروجها سهله= وعدينا بهمه داخل البحرين
وعيني ماترى الا ذي في القبله=وجبناها مسافة شهر في يومين

الطامع
03-22-2009, 12:07 AM
محـــــــاولـــة

هرج يالذيب ونا بقول اي بله = وهات الوصف لي من ناعس الطرفين

من اوجانه بدأ في الوصف لاسفله = ورسم النقش في اليدات والرجلين

عمر الذيب
03-22-2009, 12:15 AM
محـــــــاولـــة

هرج يالذيب ونا بقول اي بله = وهات الوصف لي من ناعس الطرفين

من اوجانه بدأ في الوصف لاسفله = ورسم النقش في اليدات والرجلين


شعره اسود وكل خصله على خصله=وقل يالله بسترك من سواد العين
وله خدين بي منها مية قتله=سفرجل من بلاد الشام حالي زين
عمر الذيب

البكري
03-22-2009, 12:21 AM
بدا بالراس يوصف لك في خله = وبعد الراس ثنا لك بالخدين

محمد سعيد بن مخاشن
03-22-2009, 12:23 AM
بشر يالمخشني بسقيك في حله=على عتم المروه والكلام الزين
عمر الذيب


بدع بو طارق المهجوس إي بلّه=وذكّرني عرب في الديس والبقرين
فراقك يا المحب والله ما أقدر له=ومن فرقاك دم عيناي بيهلّين


محمد بن سعيــد بن مخــاشــن

البكري
03-22-2009, 12:25 AM
وبايثلث بالمبسم والاسنان بالجمله = عرفه نا يالذيب له وجهين

عمر الذيب
03-22-2009, 12:32 AM
وبايثلث بالمبسم والاسنان بالجمله = عرفه نا ذا ذيب له وجهين

حرقة الوصف يالبكري على غفله=هداك الله ملقي سيف او سيفين
بغينا الوصف بالترتوب من اهله=وكل واحد على القافي يحط بيتين
عمر الذيب

البكري
03-22-2009, 12:39 AM
حرقة الوصف يالبكري على غفله=هداك الله ملقي سيف او سيفين
بغينا الوصف بالترتوب من اهله=وكل واحد على القافي يحط بيتين
عمر الذيب


عفه عني نا لا وقعت في مزله = والزايد انا بعطيك فوق الدين

صقر الوديان
03-22-2009, 12:39 AM
شعره اسود وكل خصله على خصله=وقل يالله بسترك من سواد العين
وله خدين بي منها مية قتله=سفرجل من بلاد الشام حالي زين
عمر الذيب


خائف عليه الذيب ينسى وينها القبله = يصلي لا قداء المحبوب بو نهدين

الطامع
03-22-2009, 12:41 AM
شعره اسود وكل خصله على خصله=وقل يالله بسترك من سواد العين
وله خدين بي منها مية قتله=سفرجل من بلاد الشام حالي زين
عمر الذيب


وعن سنه تخبرتك وكم قد له = تنعشر ياعمر او قارب العشرين

وخبرني عن القلسان في البدله = هل هن ماكنات بالخيط متدلين

محمد سعيد بن مخاشن
03-22-2009, 12:44 AM
شعره اسود وكل خصله على خصله=وقل يالله بسترك من سواد العين
وله خدين بي منها مية قتله=سفرجل من بلاد الشام حالي زين
عمر الذيب


عليك الله لا يا الذيب حد مثله؟=بنات آدم فما يسوَن ولو كثرين
فنيت العمر في حبّه وناظر له=وما ذا اليوم شفني قول لا يهوين


تصبحون على خير من صدق هذه المرة.


محمد بن سعيــد بن مخــاشــن

سبع الليل
03-22-2009, 12:45 AM
اذا شفت الحكم يالمخشني قله=نباء هوكه وتنصوره براس الزين
بغاء الا بايلاعبنا على مهله=ونا قلبي مشوقله على نارين

عمر الذيب
03-22-2009, 12:47 AM
وعن سنه تخبرتك وكم قد له = تنعشر ياعمر او قارب العشرين

وخبرني عن القلسان في البدله = هل هي ماكنه بالخيط متدلين

تبا لوصاف يالعايب وبتدله=ولا بتفيدنا ياريت او يهوين
عمر الذيب

صقر الوديان
03-22-2009, 01:00 AM
تبا لوصاف يالعايب وبتدله=ولا بتفيدنا ياريت او يهوين
عمر الذيب



وإسمه يا عمر طامع حذر يالذيب ليشله = وبيخليك تذرفها دموع العين

الطامع
03-22-2009, 02:01 AM
حلال الراعيه يالذيب تكمن له = وفي دارك تقسمها رباع اثمين

فقه للصقر في واديه يقنصله = ولا بتطول اذا قد حام بو جنحين

وغير الله للطامع ابد من له = ولا يدرون خلق الله سرح لفيين

الطامع
03-22-2009, 02:05 AM
يا عم عمر لا تتردد في ابداء اي ملاحظة في الوزن

البكري
03-22-2009, 07:09 AM
نبا لوصاف في ورده وفي فله = ونعرف المسراح والمضوى الى وين
نعم باقول فيه الزين من كله لا كله = كان الخشم لا يالذيب ابوحدين

البكري
03-22-2009, 07:18 AM
نوير الوجه ماشي فيه اي عله = ولا تبسم زاد النور من جهتين

البكري
03-22-2009, 07:52 AM
واللقمه تمر في الحلق له سهله = واما الماء ناشوفه بنون العين

البكري
03-22-2009, 07:59 AM
واما الصدر قط ماشوف شي مثله = امامك تراه ولا جيته من الجمبين

محمد سعيد بن مخاشن
03-22-2009, 08:16 AM
دعيت البارحه عا النت له شلّه=وعا المشرف لذي يدعوه باصبرين
حرمني ما نصل في الوصف لا رجله=وسيقانه بياض الشمس ويجهرين
وفي رجله لبس ظبي الفلاء حجله=يهز الأرض بالحجّال يا عمرين


محمد بن سعيــد بن مخــاشــن

محمد سعيد بن مخاشن
03-22-2009, 08:27 AM
دعيت البارحه عا النت له شلّه=وعا المشرف لذي يدعوه باصبرين
حرمني ما نصل في الوصف لا رجله=وسيقانه بياض الشمس ويجهرين
وفي رجله لبس ظبي الفلاء حجله=يهز الأرض بالحجّال يا عمرين


محمد بن سعيــد بن مخــاشــن

محمد سعيد بن مخاشن
03-22-2009, 08:30 AM
واما الصدر قط ماشوف شي مثله = امامك تراه ولا جيته من الجمبين


تصحيــــح:


أمامك تراه ولا جيته من الجمبين ... الأفضل من ناحية الوزن أن تقول: ((( من القدّام نافر بان والجنبين ))).
واما الصدر قط ماشوف شي مثله = امامك تراه ولا جيته من الجمبين


تصحيــــح:


1) أمامك تراه ولا جيته من الجمبين ... الأفضل من ناحية الوزن أن تقول: ((( من القدّام نافر بان والجنبين ))).

2) نوير الوجه ماشي فيه اي عله = ولا تبسم زاد النور من جهتين
الأفضل من ناحية الوزن ((( يزيد ))) بدل: زاد

البكري
03-22-2009, 08:53 AM
تصحيــــح:


أمامك تراه ولا جيته من الجمبين ... الأفضل من ناحية الوزن أن تقول: ((( من القدّام نافر بان والجنبين ))).



تصحيــــح:


1) أمامك تراه ولا جيته من الجمبين ... الأفضل من ناحية الوزن أن تقول: ((( من القدّام نافر بان والجنبين ))).


2) نوير الوجه ماشي فيه اي عله = ولا تبسم زاد النور من جهتين
الأفضل من ناحية الوزن ((( يزيد ))) بدل: زاد









شكرا لك على التصيح ياريت يتم هكذا التعاون في مابيننا

البكري
03-22-2009, 08:59 AM
دعيت البارحه عا النت له شلّه=وعا المشرف لذي يدعوه باصبرين
حرمني ما نصل في الوصف لا رجله=وسيقانه بياض الشمس ويجهرين
وفي رجله لبس ظبي الفلاء حجله=يهز الأرض بالحجّال يا عمرين



محمد بن سعيــد بن مخــاشــن


وذاك الخصر اه يالخصر من نحله = قسم جسمه من اعلاه لا نصفين

البكري
03-22-2009, 09:20 AM
وله ارداف حتى تبان في ظله = نشبهن انا يالذيب ببو مقصين

صقر الوديان
03-22-2009, 09:58 AM
دعيت البارحه عا النت له شلّه=وعا المشرف لذي يدعوه باصبرين
حرمني ما نصل في الوصف لا رجله=وسيقانه بياض الشمس ويجهرين
وفي رجله لبس ظبي الفلاء حجله=يهز الأرض بالحجّال يا عمرين



محمد بن سعيــد بن مخــاشــن




خبر عجل يقولوا الصقر قد شله = وغيبه جبل حاميه بو جنحين

سبع الليل
03-22-2009, 12:51 PM
صبرنا عالتعب من شان بونخله=كلاه الدود مابقيت سوى خيلين
وطعم الماشيه لعبتبه الحله=عساهن ذي السنه يسرحن ما يضوين

النومسي
03-22-2009, 01:07 PM
الفصل انا الي با فصل = يا بن مخاشن فك نحنا من فصولك
شب المكاوي حطها يا بن مهنا عالفصول
يا خالد المري دخل = واعرف خروجك قبل ما تعرف دخولك
الجيش حاطط له نقط تفتيش عا باب الدخول
انطق بما عندك وقل = خل العرب تحكم على هرجك وقولك
واهل الحسد والحقد كل من قال شي خله يقول

طبعا بعد اذن الاخ عمر الذيب هذا فصل جديد واسروا عليه وقل دان يا مغني

البكري
03-22-2009, 01:39 PM
الفصل انا الي با فصل = يا بن مخاشن فك نحنا من فصولك



شب المكاوي حطها يا بن مهنا عالفصول
يا خالد المري دخل = واعرف خروجك قبل ما تعرف دخولك
الجيش حاطط له نقط تفتيش عا باب الدخول
انطق بما عندك وقل = خل العرب تحكم على هرجك وقولك
واهل الحسد والحقد كل من قال شي خله يقول

طبعا بعد اذن الاخ عمر الذيب هذا فصل جديد واسروا عليه وقل دان يا مغني

ريت كل من جاء طبل = للحرب اليوم قد قرعت طبولك
والناس في الميدان باتسمع لحنات الطبول
حذرك من هرج الدلل = المشكله كان ترباتك وذي قدها دلولك
والدلول العايبه بانقول يعنبوها من دلول

سبع الليل
03-22-2009, 01:44 PM
بالشيش شونا باقفل=يانومسي قدم ورو نحن قفولك
ماليوم مالك عذر لا ان قلت ضيعت القفول

النومسي
03-22-2009, 01:52 PM
[QUOTE=سبع الليل;332560]
بالشيش شونا باقفل=يانومسي قدم ورو نحن قفولك
ماليوم مالك عذر لا ان قلت ضيعت القفول

يالسبع صل فيها وجل=الارض لك ياصاحبي والجول جولك
اما العواصم تحت حكمي كلها ساحل وجول

عمر الذيب
03-22-2009, 01:55 PM
كل من طلع قله نزل=يالحيد نا عارف طلوعك من نزولك
ومن طلع لا فوق قال الذيب بايرجع نزول
عمر الذيب

عمر الذيب
03-22-2009, 02:00 PM
الزين خل منه وسل=وحسب حسابك قبل ما تجهل سيولك
كل من يطرف شه صبح قسم الغوارب والسيول
عمر الذيب

الطامع
03-22-2009, 02:42 PM
هذا كلامك في المحل = وانته عمى متشوف لي سدك وحولك

من قوم ماسيبي في اللزات اذا نادوا بحول

ابوصالح النهدي
03-22-2009, 02:49 PM
كل الادب والذوق حل= يالذيب في مجلسك تتفقد ضيوفك اوفقط لي هم بحولك
صدرالمجالس لهلها والا تريدون السقيفه قدر من فيها حلول

عمر الذيب
03-22-2009, 03:46 PM
كل الادب والذوق حل= يالذيب في مجلسك تتفقد حلو لك
صدرالمجالس للغريب الضيف والا للحلول


افرح بمن جاني وطل=يالمجلس اتوسع شوي بعر ضك وطولك
لجل القبيله لي تشرف ارضنا عرضا وطول
عمر الذيب

سبع الليل
03-22-2009, 03:49 PM
ليه ياعظمي تصل=لما متى ياعظم بايبطي صلولك
ريت شي دويات في ذا ليام تنفع للصلول

عمر الذيب
03-22-2009, 04:02 PM
ليه ياعظمي تصل=لما متى ياعظم بايبطي صلولك
يا ريت شي دويات ذه ليام تنفع للصلول

عمر الذيب

النومسي
03-22-2009, 04:25 PM
الذيب اناشفته وصل =ساعات لي ياذيب نترقب وصولك
قد كنت انا قلقان ياذيبان قدام الوصول
سدوا علي كل السبل= ياخس شرح ياالذيب لي سرقوا سبولك
ونته مامل خير فنهار الصرابه عاالسبول

النومسي
03-22-2009, 04:46 PM
الذيب اناشفته وصل =ساعات لي ياذيب نترقب وصولك
قد كنت انا قلقان ياذيبان قدام الوصول
سدوا علي كل السبل= ياخس شرح ياالذيب لي سرقوا سبولك
ونته مامل خير فنهار الصرابه عاالسبول
انا جبل وانته جبل= وان طالت السمره انا يالذيب لي بخلي جبولك
ماباترك لك فيد لي ينفعك مثناة الجبول
بين الفخايذ والقبل= روح ودور ياعسى تلقى قبولك
اما جهتنا ياعمر يالذيب شف مالك قبول

البكري
03-22-2009, 05:06 PM
انا جبل وانته جبل= وان طالت السمره انا يالذيب لي بخلي جبولك
ماباترك لك فيد لي ينفعك مثناة الجبول
بين الفخايذ والقبل= روح ودور ياعسى تلقى قبولك
اما جهتنا ياعمر يالذيب شف مالك قبول


الذيب يمشي عالوكل = اما انته نا شوف قد زادت كلولك
جيت بعد الذيب باسم ثاني ياكلولك بالكلول

البكري
03-22-2009, 05:09 PM
مالذيب ذازبن العول = وانته بالامس قد فررت عولك
جيت لاقدا الذيب تدور باتلف لك فرق عول

النومسي
03-22-2009, 05:42 PM
مالذيب ذازبن العول = وانته بالامس قد فررت عولك
جيت لاقدا الذيب تدور باتلف لك فرق عول
الذيب ذا زبن العول= ونته نهار الامس قد فررت عولك
ورجعت يم الذيب تبغا باتلم لك فرق عول
كذا وزن البيت ياولد خالي ابشر بسعدك

محمد سعيد بن مخاشن
03-22-2009, 05:44 PM
الفصل انا الي با فصل = يا بن مخاشن فك نحنا من فصولك


شب المكاوي حطها يا بن مهنا عالفصول
يا خالد المري دخل = واعرف خروجك قبل ما تعرف دخولك
الجيش حاطط له نقط تفتيش عا باب الدخول
انطق بما عندك وقل = خل العرب تحكم على هرجك وقولك
واهل الحسد والحقد كل من قال شي خله يقول

طبعا بعد اذن الاخ عمر الذيب هذا فصل جديد واسروا عليه وقل دان يا مغني

ــــــــــــــــــــــــــــــــــــــــــــــــــ ــــــــــــــــــــــــــــــــــ


الشعر قوله مرتجل=وإنته إذا تشيعرت با ترقل رجولك
وبا تحس الأرض تدرج تحت ذولاك الرجول
***
والله ما نحس بالكلل=يا من تبات الليل تشكي من كلولك
ما يفيدك الكبّاس ذي قالوا يداويها الكلول
***
وإسمح لنا وقل:حَقَل=بالدان لوّل بطرحه داخل حقولك
يا ما زهر وأشجار مختلفات مثناة الحقول


وهذه الأبيات أدناه هي التي رجونا الأخ النومسي أن يسمح لنا بها مثناة حقوله وهي على الدان السابق بس ما قدرنا ندخلها في النت من صباح هذا اليوم لأن النت معصلج:


يهيّض مملي البقلات في نخله=وما التفاح ما نتركه لو يومين
يحق لي لا طعمته ذا الثمر كله=ولا هو عيب لا شمّيت لِرْياحين
وقد قالوا عن العشقان معْ خله=كما مخلوق واحد كن له ظهرين
عمر يا الذيب عادك تلعب السلّه؟=وإلاّها الركب يا وليد معيوقين؟
ونا السلّه نمارسها معا الجلّه=بحمد الله عاد المخ في الزندين


هذا صوت زين جابه الذيب وإستعجلتوا على تغييره قبل أن يمتلي.

محمد بن سعيــد بن مخــاشــن

محمد سعيد بن مخاشن
03-22-2009, 05:50 PM
أخي الحبيب النومســـي ... القافية المربوطة والمحزقرة يصبح هدفها تحرّي وتتبّع الكلمات وليس الأفكار الجيدة والأصوات الشجية. وأنت الظاهر إنّك تبغا حد يرشّحك لعضوية مجمع اللغة العربية بالقاهرة.

محمد سعيد بن مخاشن
03-22-2009, 05:55 PM
أخي الحبيب النومســـي ... القافية المربوطة والمحزقرة يصبح هدفها تحرّي وتتبّع الكلمات وليس الأفكار الجيدة والأصوات الشجية. وأنت الظاهر إنّك تبغا حد يرشّحك لعضوية مجمع اللغة العربية بالقاهرة.

النت عصلج مرة أخرى لعنبوه. مع السلامة.

النومسي
03-22-2009, 05:56 PM
ــــــــــــــــــــــــــــــــــــــــــــــــــ ــــــــــــــــــــــــــــــــــ


الشعر قوله مرتجل=وإنته إذا تشيعرت با ترقل رجولك
وبا تحس الأرض تدرج تحت ذولاك الرجول
***
والله ما نحس بالكلل=يا من تبات الليل تشكي من كلولك
ما يفيدك الكبّاس ذي قالوا يداويها الكلول
***
وإسمح لنا وقل:حَقَل=بالدان لوّل بطرحه داخل حقولك
يا ما زهر وأشجار مختلفات مثناة الحقول


وهذه الأبيات أدناه هي التي رجونا الأخ النومسي أن يسمح لنا بها مثناة حقوله وهي على الدان السابق بس ما قدرنا ندخلها في النت من صباح هذا اليوم لأن النت معصلج:


يهيّض مملي البقلات في نخله=وما التفاح ما نتركه لو يومين
يحق لي لا طعمته ذا الثمر كله=ولا هو عيب لا شمّيت لِرْياحين
وقد قالوا عن العشقان معْ خله=كما مخلوق واحد كن له ظهرين
عمر يا الذيب عادك تلعب السلّه؟=وإلاّها الركب يا وليد معيوقين؟
ونا السلّه نمارسها معا الجلّه=بحمد الله عاد المخ في الزندين


هذا صوت زين جابه الذيب وإستعجلتوا على تغييره قبل أن يمتلي.

محمد بن سعيــد بن مخــاشــن
والله انا ياطويل العمر الا ضيف حالي حالك والضيف على مايقولون راحل وانا ماحطيت
فصلي الا بعد ما تهيالي ان فصلكم امتلا والعفو منك ياستاذ محمد والراي للاخ ابو طارق

عمر الذيب
03-22-2009, 05:58 PM
ــــــــــــــــــــــــــــــــــــــــــــــــــ ــــــــــــــــــــــــــــــــــ



الشعر قوله مرتجل=وإنته إذا تشيعرت با ترقل رجولك
وبا تحس الأرض تدرج تحت ذولاك الرجول
***
والله ما نحس بالكلل=يا من تبات الليل تشكي من كلولك
ما يفيدك الكبّاس ذي قالوا يداويها الكلول
***
وإسمح لنا وقل:حَقَل=بالدان لوّل بطرحه داخل حقولك
يا ما زهر وأشجار مختلفات مثناة الحقول


وهذه الأبيات أدناه هي التي رجونا الأخ النومسي أن يسمح لنا بها مثناة حقوله وهي على الدان السابق بس ما قدرنا ندخلها في النت من صباح هذا اليوم لأن النت معصلج:


يهيّض مملي البقلات في نخله=وما التفاح ما نتركه لو يومين
يحق لي لا طعمته ذا الثمر كله=ولا هو عيب لا شمّيت لِرْياحين
وقد قالوا عن العشقان معْ خله=كما مخلوق واحد كن له ظهرين
عمر يا الذيب عادك تلعب السلّه؟=وإلاّها الركب يا وليد معيوقين؟
ونا السلّه نمارسها معا الجلّه=بحمد الله عاد المخ في الزندين


هذا صوت زين جابه الذيب وإستعجلتوا على تغييره قبل أن يمتلي.


محمد بن سعيــد بن مخــاشــن


معاكم يا محمد زينه الغله=كسبتو الف هذا اليوم او الفين
اشوفك جاي وبحسك وتتوله=وتتقزح وتكسر ملتقى الصفين
وتعرف للقزح ما قول لك ابله=كما البلهان لي جو من قدا عوين
ولا لهم معرفه في فقعة الطبله=ولحن الصوت واحد عند با صبرين
وحالي بينكل من هذه الشغله=وكبدي تحترق مابين ها النارين
دخل يابن مخاشن واحكم الشله= وشل وحده وخل وحده من الثنتين
عمر الذيب

النومسي
03-22-2009, 06:07 PM
أخي الحبيب النومســـي ... القافية المربوطة والمحزقرة يصبح هدفها تحرّي وتتبّع الكلمات وليس الأفكار الجيدة والأصوات الشجية. وأنت الظاهر إنّك تبغا حد يرشّحك لعضوية مجمع اللغة العربية بالقاهرة.
استاذي الفاضل انا اعتبر نفسي احد الطلاب الذين تدرسهم واشكرك على ترشيحك استاذ فاضل والله بس اسمح بسوال
عن سبب تاخرك بعد ان جرى الحوار بين الشعرا والاخذ والرد تجي تقول هذا الكلام اسف ياسيدي على جراتي في طرح السوال
عليك وتبقى استاذي وانا تلميذك والشهاده لله انك انت اللي محلي المجلس استاذ كبير والله مع صادق ودي لك شكرا

البكري
03-22-2009, 06:26 PM
ياريت تحط يابوطارق فصل حق وله

البكري
03-22-2009, 07:13 PM
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه

عمر الذيب
03-22-2009, 08:18 PM
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه
ونعم حي من ذكرت
لكني اشوف انه تعدى الساعه ولا حد قال شي لذلك اسمحلي
افصل
عمر الذيب

عمر الذيب
03-22-2009, 08:24 PM
يالله بليله قال بو طارق على روس القور=تصبح سيوله تفتك الوديان يالله ياكريم
ويخضر الوادي ومولا المال يلقيله ثمر=ماله ومولا النخل يتخرف ولا ينسى اليتيم
عمر الذيب

البكري
03-22-2009, 08:35 PM
يالله بليله قال بو طارق على روس القور=تصبح سيوله تفتك الوديان يالله ياكريم
ويخضر الوادي ومولا المال يلقيله ثمر=ماله ومولا النخل يتخرف ولا ينسى اليتيم
عمر الذيب


عبرت علي ساعات يالذيب ساهن للسمر = هايس معي معذبنا ملقي الطارف غريم

بن احمد
03-22-2009, 08:38 PM
يالله بليله قال بو طارق على روس القور=تصبح سيوله تفتك الوديان يالله ياكريم
ويخضر الوادي ومولا المال يلقيله ثمر=ماله ومولا النخل يتخرف ولا ينسى اليتيم
عمر الذيب

يامرحبا ترحيب بك يالذيب قصاص الاثر= وانتو مثيلي رحبو يالربع بالسيل الهميم
جبت الكلام الزين لي يجبر كسر ماقد جبر=نسمت عاالخاطروطاب الجرح لي مبطي قديم

بن احمد
03-22-2009, 08:43 PM
وين النشاما وينهم لي هم يزرون العصر=والقصد ابوصالح محمد حلها قم يالزعيم

عمر الذيب
03-22-2009, 08:44 PM
يامرحبا ترحيب بك يالذيب قصاص الاثر= وانتو مثيلي رحبو يالربع بالسيل الهميم
جبت الكلام الزين لي يجبر كسر ماقد جبر=نسمت عاالخاطروطاب الجرح لي مبطي قديم

يابن حمد يالله بغينا سيب في غبة قمر=بن خرج اللول الذي في قاعة البحر الظليم
هتلي من اخبارك ونا باعطيك بيطيب السمر=وحبه بحبه مابغينا حد يخم بيده خميم
عمر الذيب

عمر الذيب
03-22-2009, 08:49 PM
وين النشاما وينهم لي هم يزرون العصر=والقصد ابوصالح محمد حلها قم يالزعيم

مزقول عا جنبه في الغرفه وقاتله الضجر=حاله مكدر من نظام النت ياعبد الحكيم
عمر الذيب

صالح باعمران ابو زايد
03-22-2009, 08:55 PM
قد ثارت الشارة وحن الرعد والماطر مطر=والسيل جاء مروس وصل سئون والغنة تريم
والفين رحّب بالقوافي عد مادار القمر=من عند شاعر في السمر عادات له ينهم نهيم

بن احمد
03-22-2009, 08:55 PM
يابن حمد يالله بغينا سيب في غبة قمر=بن خرج اللول الذي في قاعة البحر الظليم
هتلي من اخبارك ونا باعطيك بيطيب السمر=وحبه بحبه مابغينا حد يخم بيده خميم
عمر الذيب

انته تقود القافله واسري قدى بندر عمر=ولاالىلحقاف والممسى في الغنا تريم
ونا معك بسري ولنته قلت حن قلنا انكسر=ولعاد حاجه مابغينا فلقضيه سين جيم

بن احمد
03-22-2009, 08:58 PM
قد ثارت الشارة وحن الرعد والماطر مطر=والسيل جاء مروس وصل سئون والغنة تريم
والفين رحب بالقوافي عد مادار القمر=من عند شاعر في السمر عادات له ينهم نهيم

اسف ياباعمران قبل عذري والقلوب عند بعضها والله اني احبك

بن احمد
03-22-2009, 09:02 PM
ياصالح انته صاحبي لاشي حجر صك الحجر= وبغيت انا يالمشجري فزعتك يافاطن فهيم

عمر الذيب
03-22-2009, 09:02 PM
قد ثارت الشارة وحن الرعد والماطر مطر=والسيل جاء مروس وصل سئون والغنة تريم
والفين رحب بالقوافي عد مادار القمر=من عند شاعر في السمر عادات له ينهم نهيم


حيا بلي قوله مثيل الوقر باين في الحجر=ملقي لها بلجيك والمسبت المان البزيم
ياخذ ويعطي ميبخل لا قد دخل سوق التجر=وان قد سرح قانص ضوى يسحب معه قشعه وديم
عمر الذيب

عمر الذيب
03-22-2009, 09:06 PM
انته تقود القافله واسري قدى بندر عمر=ولاالىلحقاف والممسى في الغنا تريم
ونا معك بسري ولنته قلت حن قلنا انكسر=ولعاد حاجه مابغينا فلقضيه سين جيم

ماشي يسر الحال يا وزران في ام الهجر=من بعد ما جاها عوض لعنه وروح باقديم
عمر الذيب

عمر الذيب
03-22-2009, 09:14 PM
ياصالح انته صاحبي لاشي حجر صك الحجر= وبغيت انا يالمشجري فزعتك يافاطن فهيم

امعاد شي حجاره حجرنا فر ياصاحب طير=من تحت ضربات المخالع لي تحن في اورشليم
عمر الذيب

القنّاص
03-22-2009, 10:21 PM
ناشوف بوطارق في السمره على البوري جمر = خرمان للحمي وله عادات في خيله يقيم
تذكر سمر قيدون والمغنا حسوفك ياعمر = تذكر زمن ماضي مع السمرات في الزام القديم

عمر الذيب
03-22-2009, 10:33 PM
ناشوف بوطارق في السمره على البوري جمر = خرمان للحمي وله عادات في خيله يقيم
تذكر سمر قيدون والمغنا حسوفك ياعمر = تذكر زمن ماضي مع السمرات في الزام القديم


اذكر وحس باهات قلبي في حجابه يعتصر=وحس بدقاته سريعه يومني جرحي اليم
مانام طول الليل فكر في الثريا والقمر=والكوكب الدري عساء رحمه من الفرد الرحيم
عمر الذيب

القنّاص
03-22-2009, 10:59 PM
اذكر وحس باهات قلبي في حجابه يعتصر=وحس بدقاته سريعه يومني جرحي اليم
مانام طول الليل فكر في الثريا والقمر=والكوكب الدري عساء رحمه من الفرد الرحيم
عمر الذيب



مافادك التعذيب على بعده تصبر واصتبر = هذا دواء جرحك ولاغيره للقلب السقيم
ياكم مسا مثلك نسي شربه ولا قوته عبر = يمشي على الداير ولايدري وساعه في النسيم

سبع الليل
03-22-2009, 11:05 PM
يهوين يوم الطير شل تمره من الخاول وفر=وان ناموا الشرحان بايلقم من النخله لقيم
عسى له الباروت في راسه يطيربه طير=لي مايخاف الله ماعزه سوى نار الجحيم

عمر الذيب
03-22-2009, 11:06 PM
مافادك التعذيب على بعده تصبر واصتبر = هذا دواء جرحك ولاغيره للقلب السقيم
ياكم مسا مثلك نسي شربه ولا قوته عبر = يمشي على الداير ولايدي وساعه في النسيم



من بعد جنة ربنا لي عدها لجل البشر=عندي يقول الذيب وادي عمد جنات النعيم
وانته تجي والا تهب مالي ومالك ياعمر=لا الشور شوري بالقيلك فرن في نار الجحيم
عمر الذيب

عمر الذيب
03-22-2009, 11:11 PM
مافادك التعذيب على بعده تصبر واصتبر = هذا دواء جرحك ولاغيره للقلب السقيم
ياكم مسا مثلك نسي شربه ولا قوته عبر = يمشي على الداير ولايدي وساعه في النسيم



من بعد جنة ربنا لي عدها لجل البشر=عندي يقول الذيب وادي عمد جنات النعيم
وانته تهب والا تجي مالي ومالك ياعمر=لا الشور شوري با بنيلك فرن في نار الجحيم
عمر الذيب

أحمد العمودي أبوفيصل
03-22-2009, 11:15 PM
اثنينكم عينه اذا بغيتوا الحقيقه والخبر = الذيب والقناص ماضووا لنا قشعه وديم
واحد رخا حبله ولاخر بايجر الحبل جر = والبحر لحمر مادخلتوا فيه لي يلطم لطيم
لكنني باقوم بالعينيين بامد النظر = ومن سعف لي منكم في الاثم بانلقيه صيم
ماضن حد منكم يزر الحبل قال الشيخ زر = واحد سكن في القطن والثاني مبيت في تريم

القنّاص
03-23-2009, 08:22 AM
من بعد جنة ربنا لي عدها لجل البشر=عندي يقول الذيب وادي عمد جنات النعيم
وانته تهب والا تجي مالي ومالك ياعمر=لا الشور شوري با بنيلك فرن في نار الجحيم
عمر الذيب


حنات للوادي لهيب الشوق ناره تستعر = لاتقول انا وحدي عمر يالذيب انا مثلك نهيم
ماهمني شورك وتمناتك وذي منك صدر = من حيث مابيت انا القناص لي موفر وريم

محمد سعيد بن مخاشن
03-23-2009, 08:31 AM
مزقول عا جنبه في الغرفه وقاتله الضجر=حاله مكدر من نظام النت ياعبد الحكيم
عمر الذيب


لا والله إنّي رحت يا صاحبي للغار الحَمَر
----- في الشهــر مرّه لــي زياره لا قــدا الخــل الحميــــم

وسعفكم حبّه ولكن المحب سعفه أبَـــر
----- وأحسن ... يرد الروح لا من مات وإفهم يا الحشيم


محمد بن سعيــد بن مخــاشــن

محمد سعيد بن مخاشن
03-23-2009, 08:46 AM
وين النشاما وينهم لي هم يزرون العصر=والقصد ابوصالح محمد حلها قم يالزعيم


لزهمت بالجوال يا وزران بتشوفه طمر=بو صالح المهجوس عا ذا الصوت والصوت القديم
لكن ما خبنا ... طلعنا الجول من حيث الوعر=ما شي حسفّه عا بباسيكم إذا حصّلت ليم


محمد بن سعيــد بن مخــاشــن

محمد سعيد بن مخاشن
03-23-2009, 08:56 AM
حنات للوادي لهيب الشوق ناره تستعر = لاتقول انا وحدي عمر يالذيب انا مثلك نهيم
ماهمني شورك وتمناتك وذي منك صدر = من حيث مابيت انا القناص لي موفر وريم


إمبرّشه شفها ولا شي شوك يا خي أو شـَــخـَـــر
----- محطــوط في دربك ... غبش بكــره وصبّــح فـي يريــم

ذلاّ تهــزّون الجنابــي يا القوينص في الجَـفـَــــــر
----- (( والدار ممسى العُـرج )) شف هاذي مقاله يا الحكيم


محمد بن سعيــد بن مخــاشــن

القنّاص
03-23-2009, 08:56 AM
اثنينكم عينه اذا بغيتوا الحقيقه والخبر = الذيب والقناص ماضووا لنا قشعه وديم
واحد رخا حبله ولاخر بايجر الحبل جر = والبحر لحمر مادخلتوا فيه لي يلطم لطيم
لكنني باقوم بالعينيين بامد النظر = ومن سعف لي منكم في الاثم بانلقيه صيم
ماضن حد منكم يزر الحبل قال الشيخ زر = واحد سكن في القطن والثاني مبيت في تريم


ذا قول له مرجع وله معنى يكشب بالشعر = خليتني ضايع ندورلك بحائل والقصيم
يابخت من مثلك حمد لاخوك رعوك قد بدر = ماهو حسد مني لذاك الحصن في حي النظيم

محمد سعيد بن مخاشن
03-23-2009, 09:07 AM
من بعد جنة ربنا لي عدها لجل البشر=عندي يقول الذيب وادي عمد جنات النعيم
وانته تجي والا تهب مالي ومالك ياعمر=لا الشور شوري بالقيلك فرن في نار الجحيم
عمر الذيب



وادي قضاعه يا عمر يا الذيب قده ألاّ غبَر=وليسر معا ليمن بهن يا صاحبي ذلّه وضيم
وإن رحت وادي العين أو هبّيت لا وديان سر=حصّلت قدّامك بهن أتباع سيّدنا الكليم


محمد بن سعيــد بن مخــاشــن

محمد سعيد بن مخاشن
03-23-2009, 09:24 AM
استاذي الفاضل انا اعتبر نفسي احد الطلاب الذين تدرسهم واشكرك على ترشيحك استاذ فاضل والله بس اسمح بسوال
عن سبب تاخرك بعد ان جرى الحوار بين الشعرا والاخذ والرد تجي تقول هذا الكلام اسف ياسيدي على جراتي في طرح السوال
عليك وتبقى استاذي وانا تلميذك والشهاده لله انك انت اللي محلي المجلس استاذ كبير والله مع صادق ودي لك شكرا

ذلاّ سمر يا خوي ومزح. أما غيابي فسييه التعطل الدايم للشبكة. ألم تتعطل عندك في الآونة الأخيرة؟

محمد سعيد بن مخاشن
03-23-2009, 09:46 AM
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه


هذا قول السيد حسن المحضار رحمه الله
ان عجبكم سمروا عليه[/quote]

ــــــــــــــــــــــــــــــــــــــــــــــــــ ــــــــــــــــــــــــــــــــــ
ونعم حي من ذكرت
لكني اشوف انه تعدى الساعه ولا حد قال شي لذلك اسمحلي
افصل
عمر الذيب

ــــــــــــــــــــــــــــــــــــــــــــــــــ ــــ

مشكور يا البكري على ذا الصوت ... سيله ما نفر = ذا الحين بنخلّيه يخطي هود يا قاعد وقيم

دان المحضار أعلاه يا بو طارق هو من السّهل الممتنع:


ذيبنا شعرك غذاء روحي وصل كل منطقه=وعاده المعنى يغرّم بي دقيق
والمحب أمره عجيب
***
لا فتك سيلك مصبّح با يزوع العشرقه=والمناكي كيف تقدر له تعيق؟
والمحب أمره عجيب



محمد بن سعيــد بن مخــاشــن

محمد سعيد بن مخاشن
03-23-2009, 09:49 AM
ذيبنا شعرك غذاء روحي وصل كل منطقه=وعاده المعنى يغرّم بي دقيق
والمحب أمره عجيب
***
لا فتك سيلك مصبّح با يزوع العشرقه=والمناكي كيف تقدر له تعيق؟
والمحب أمره عجيب


محمد بن سعيــد بن مخــاشــن

صالح باعمران ابو زايد
03-23-2009, 11:42 AM
ياصالح انته صاحبي لاشي حجر صك الحجر= وبغيت انا يالمشجري فزعتك يافاطن فهيم
ابشر بعزك يابن احمد..
ولكن البارح كتبت المشاركة وانتهى الدوام عندي..
لانه ماعندي نت الا في العمل فقط...
والدوام ينتهي ثمانية ونصف بالليل..
ونادرا احصل فرصة لدخول النت..
ولافيه داعي للاسف نحن اخوان طال عمرك..
اخوك صالح باعمران

بن احمد
03-23-2009, 12:23 PM
هذا قول السيد حسن المحضار رحمه الله
ان عجبكم سمروا عليه

ــــــــــــــــــــــــــــــــــــــــــــــــــ ــــــــــــــــــــــــــــــــــ
ونعم حي من ذكرت
لكني اشوف انه تعدى الساعه ولا حد قال شي لذلك اسمحلي
افصل
عمر الذيب

ــــــــــــــــــــــــــــــــــــــــــــــــــ ــــ

مشكور يا البكري على ذا الصوت ... سيله ما نفر = ذا الحين بنخلّيه يخطي هود يا قاعد وقيم

دان المحضار أعلاه يا بو طارق هو من السّهل الممتنع:


ذيبنا شعرك غذاء روحي وصل كل منطقه=وعاده المعنى يغرّم بي دقيق
والمحب أمره عجيب
***
لا فتك سيلك مصبّح با يزوع العشرقه=والمناكي كيف تقدر له تعيق؟
والمحب أمره عجيب



محمد بن سعيــد بن مخــاشــن[/QUOTE]
يابو صالح راجع الفصل عاد باقي فيه واحد قفزته (متشوقه)

صقر الوديان
03-23-2009, 12:49 PM
ذيبنا شعرك غذاء روحي وصل كل منطقه=وعاده المعنى يغرّم بي دقيق
والمحب أمره عجيب
***
لا فتك سيلك مصبّح با يزوع العشرقه=والمناكي كيف تقدر له تعيق؟
والمحب أمره عجيب



محمد بن سعيــد بن مخــاشــن




هرجك بغاء تظيير يا بن عمرو مثل المعنقه = ولي كتبته يا محمد خيق بيق

يالمخشني ! أمرك! عجيب

صقر الوديان
03-23-2009, 01:12 PM
نا صقر حر يالمخشني مكهله هرج الزندقه = دور على الألماس لي يبرق بريق

والمحب أمره عجيب

عمر الذيب
03-23-2009, 01:39 PM
انتم فيين والفصل فيين الله يهديكم

عمر الذيب
03-23-2009, 02:13 PM
انتم فيين والفصل فيين الله يهديكم

غصت في بحر المكلا والعيون المحدقه=عام لول ترتقب عابر طريق
لجل تسال ذاك او ذا من عرب متذوقه=حول عبد الله غريب
والمحب امره عجيب
عمر الذيب

حنطبه
03-23-2009, 03:13 PM
غصت في بحر المكلا والعيون المحدقه=عام لول ترتقب عابر طريق
لجل تسال ذاك او ذا من عرب متذوقه=حول عبد الله غريب
والمحب امره عجيب
عمر الذيب


ايش ذنبي يوم قول الحق وانته تزهقه = من وسع صعبه دخولك وسط ضيق
حل في يافع وشف لك استراحه مشوقه = ذيب مابيعظ ذيب
والمحب امره عجيب

البكري
03-23-2009, 04:11 PM
غصت في بحر المكلا والعيون المحدقه=عام لول ترتقب عابر طريق
لجل تسال ذاك او ذا من عرب متذوقه=حول عبد الله غريب
والمحب امره عجيب
عمر الذيب


المكلا ذي مدينه ام شفها مشفقه
من دخلهاياحبيبي مايضيق
عالمدن نا شوفها يالذيب هي متفوقه
والسلا فيها يطيب

حنطبه
03-23-2009, 04:21 PM
فصل جديد من عند سالم بن سعيد باصره


بنغمة الصوت يالمعمور والمغنى = ذكرتني ناس في سيئون والغنه
ذي صيتها من زمن بالصدق مشهوره = وحلولهم في الهويه صيتهم مشهور

عمر الذيب
03-23-2009, 04:27 PM
ايش ذنبي يوم قول الحق وانته تزهقه = من وسع صعبه دخولك وسط ضيق
حل في يافع وشف لك استراحه مشوقه = ذيب مابيعظ ذيب
والمحب امره عجيب


في بحور العشق بعض امواج شفها مغرقه=كم وكم عاشق صبح منها غريق
تاخذ العاشق مواج البحر ثم تغرقه= حيث ماله مستجيب
والمحب امره عجيب=عمر الذيب

عمر الذيب
03-23-2009, 04:38 PM
فصل جديد من عند سالم بن سعيد باصره


بنغمة الصوت يالمعمور والمغنى = ذكرتني ناس في سيئون والغنه
ذي صيتها من زمن بالصدق مشهوره = وحلولهم في الهويه صيتهم مشهور


لا خضرة الارض حن يانوب عالمجنى=صب العسل لي ذكر به نهر في الجنه
خل العرب تنبسط وتبات مسروره=مالك ومال الشبامي والغثي مسرور
عمر الذيب

عمر الذيب
03-23-2009, 04:45 PM
فصل جديد من عند سالم بن سعيد باصره


بنغمة الصوت يالمعمور والمغنى = ذكرتني ناس في سيئون والغنه
ذي صيتها من زمن بالصدق مشهوره = وحلولهم في الهويه صيتهم مشهور


لا خضرة الارض حن يانوب عالمجنى=صب العسل لي ذكر به نهر في الجنه
خل العرب تنبسط وتبات مسروره= مالك ومال الشبامي والغثي مسرور
عمر الذيب

المطلع
03-23-2009, 04:55 PM
غصت في بحر المكلا والعيون المحدقه=عام لول ترتقب عابر طريق
لجل تسال ذاك او ذا من عرب متذوقه=حول عبد الله غريب
والمحب امره عجيب
عمر الذيب

صعب عد بحر المكلا والطرق له مرهقه = ترهق العشاق سكتها رهيق
كل من قصدها دون ماله علم فيها تعوقه=واللي تودي ماتجيب
والمحب امره عجيب =

المطلع
03-23-2009, 04:57 PM
العفو ماشفت الفصل الجديد السموحه يارجال

عمر الذيب
03-23-2009, 04:59 PM
العفو ماشفت الفصل الجديد السموحه يارجال
لاعليك هات ما عندك

المطلع
03-23-2009, 05:03 PM
بعد التفرق عسى الأيام تجمعنا =ونجتمع يالمحب ناوياك في قنّه
وعسى العمل زين والأحوال مستوره=يالله عسى الحال يبقى دائما مستور

محمد سعيد بن مخاشن
03-23-2009, 05:11 PM
غصت في بحر المكلا والعيون المحدقه=عام لول ترتقب عابر طريق
لجل تسال ذاك او ذا من عرب متذوقه=حول عبد الله غريب
والمحب امره عجيب
عمر الذيب
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه

ــــــــــــــــــــــــــــــــــــــــــــــــــ ــــــــــــــــ


إذا أنا طمرت ( والخواطر قال بن هاشم بطت متشوقه ) فإن عمر الذيب زوّد ( حول عبد الله غريب ) الذي هو على وزن التخميس ( والمحب أمره عجيب ). وإن تقول ياوزران إن الذيب لم يزود ( حول عبد الله غريب ) ففي هذه الحالة فإن البكري ما جاب البدع صح. قارن بين بدع المحضار وجواب عمر الذيب ستجد أنهما غير متطابقين فمن الصح ومن الخطأ؟ والمهم هذا صوت أقبع فأتركوه. ليه ما قصدتوا عليه من البارح؟ وينك من البارح ياصقر الوديان؟ ذلاّ بعد ما رعضنا لك السيل وشلينا الغرق قمت برّحت فوق السوم. تم مكانك با إرسل لك الشوبة تفرفر ريشك!!!

عمر الذيب
03-23-2009, 05:15 PM
بعد التفرق عسى الأيام تجمعنا =ماهوهنا نجتمع نوياك في قنّه وعسى العمل زين والأحوال مستوره=يالله عسى الحال يبقى دائما مستور


لا فيد معكم من الدنيا ولا معنى=ولا محب لجل لا ضقنا نسل عنه
رغم التصاوير مطلعنا في الصوره=الحظ ما جاب نحنا في سواعي صور
عمر الذيب

البكري
03-23-2009, 05:17 PM
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه

ــــــــــــــــــــــــــــــــــــــــــــــــــ ــــــــــــــــ



إذا أنا طمرت ( والخواطر قال بن هاشم بطت متشوقه ) فإن عمر الذيب زوّد ( حول عبد الله غريب ) الذي هو على وزن التخميس ( والمحب أمره عجيب ). وإن تقول ياوزران إن الذيب لم يزود ( حول عبد الله غريب ) ففي هذه الحالة فإن البكري ما جاب البدع صح. قارن بين بدع المحضار وجواب عمر الذيب ستجد أنهما غير متطابقين فمن الصح ومن الخطأ؟ والمهم هذا صوت أقبع فأتركوه. ليه ما قصدتوا عليه من البارح؟ وينك من البارح ياصقر الوديان؟ ذلاّ بعد ما رعضنا لك السيل وشلينا الغرق قمت برّحت فوق السوم. تم مكانك با إرسل لك الشوبة تفرفر ريشك!!!


لم يكن تخميس في البيت
وهاك جواب باعباد
شل نحن الشال لمان الرياض المغدقه
لي بها نطفي من الجوف الحريق
ياسعاد الشحر اعيان العرب لش محدقه
حلش الشخص اللبيب

عمر الذيب
03-23-2009, 05:20 PM
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه

ــــــــــــــــــــــــــــــــــــــــــــــــــ ــــــــــــــــ



إذا أنا طمرت ( والخواطر قال بن هاشم بطت متشوقه ) فإن عمر الذيب زوّد ( حول عبد الله غريب ) الذي هو على وزن التخميس ( والمحب أمره عجيب ). وإن تقول ياوزران إن الذيب لم يزود ( حول عبد الله غريب ) ففي هذه الحالة فإن البكري ما جاب البدع صح. قارن بين بدع المحضار وجواب عمر الذيب ستجد أنهما غير متطابقين فمن الصح ومن الخطأ؟ والمهم هذا صوت أقبع فأتركوه. ليه ما قصدتوا عليه من البارح؟ وينك من البارح ياصقر الوديان؟ ذلاّ بعد ما رعضنا لك السيل وشلينا الغرق قمت برّحت فوق السوم. تم مكانك با إرسل لك الشوبة تفرفر ريشك!!!

لا عليك ياجد البكري شعبكها وسكت وانا لا ادري بالبدع فيه تخميس او لا لكن الا توقعت على حسب الوزن
وبعدين الزيا ده ولا النقصان الزياده لا شي زاد زقلبه ههههه

المطلع
03-23-2009, 05:32 PM
الف ياحيا وسهلا بالوجوه المشرقه
ماتحمل بعدهم قلبي رقيق
والخواطر قال بن هاشم بطت متشوقه
والمحب امره عجيب

هذا قول السيد حسن المحضار رحمه الله
ان عجبكم سمروا عليه

ــــــــــــــــــــــــــــــــــــــــــــــــــ ــــــــــــــــ



إذا أنا طمرت ( والخواطر قال بن هاشم بطت متشوقه ) فإن عمر الذيب زوّد ( حول عبد الله غريب ) الذي هو على وزن التخميس ( والمحب أمره عجيب ). وإن تقول ياوزران إن الذيب لم يزود ( حول عبد الله غريب ) ففي هذه الحالة فإن البكري ما جاب البدع صح. قارن بين بدع المحضار وجواب عمر الذيب ستجد أنهما غير متطابقين فمن الصح ومن الخطأ؟ والمهم هذا صوت أقبع فأتركوه. ليه ما قصدتوا عليه من البارح؟ وينك من البارح ياصقر الوديان؟ ذلاّ بعد ما رعضنا لك السيل وشلينا الغرق قمت برّحت فوق السوم. تم مكانك با إرسل لك الشوبة تفرفر ريشك!!!

اتفق معك فيماقلته يابن مخاشن كلامك صحيح 100%

محمد سعيد بن مخاشن
03-23-2009, 05:32 PM
لا خضرة الارض حن يانوب عالمجنى=صب العسل لي ذكر به نهر في الجنه
خل العرب تنبسط وتبات مسروره= مالك ومال الشبامي والغثي مسرور
عمر الذيب




تعجب قواله عمر في اللحن والمعنى=وبعض شعّارنا إتقول به عنّه
يا الله بعوده قدا وديان معموره=ويطيب فيها السمر لا دندن المعمور



محمد بن سعيــد بن مخــاشــن

عمر الذيب
03-23-2009, 05:40 PM
تعجب قواله عمر في اللحن والمعنى=وبعض شعّارنا إتقول به عنّه
يا الله بعوده قدا وديان معموره=ويطيب فيها السمر لا دندن المعمور




محمد بن سعيــد بن مخــاشــن


حد في العرب يشتكي حظه وحد يهنى=هنيتله وانت يامحمد معي هنه
هنه بعطره وما ورده وبزهوره=لا تحسده عا ورق يالمخشني وزهور
عمر الذيب

محمد سعيد بن مخاشن
03-23-2009, 05:40 PM
لم يكن تخميس في البيت
وهاك جواب باعباد
شل نحن الشال لمان الرياض المغدقه
لي بها نطفي من الجوف الحريق
ياسعاد الشحر اعيان العرب لش محدقه
حلش الشخص اللبيب

وليش ما قلت هذا الكلام من البارح؟ ما تعرف قانون الشعر إن الشاعر لازم يثنّي ويقول هذا تخميس او مافيش تخميس ... إلخ؟

عمر الذيب
03-23-2009, 05:43 PM
وليش ما قلت هذا الكلام من البارح؟ ما تعرف قانون الشعر إن الشاعر لازم يثنّي ويقول هذا تخميس او مافيش تخميس ... إلخ؟


الله يسامح البكري

المطلع
03-23-2009, 05:44 PM
لا عليك ياجد البكري شعبكها وسكت وانا لا ادري بالبدع فيه تخميس او لا لكن الا توقعت على حسب الوزن
وبعدين الزيا ده ولا النقصان الزياده لا شي زاد زقلبه ههههه
انا معك في موضوع التخميسه كانت في مكانها يابوطارق واعطت القصيده جمالا اكثر من دونها وكملت صوت غياضي

المطلع
03-23-2009, 05:55 PM
لاقد المون جاهزه باقيم المبنى=باقيم موفري فوق الساس بالبنّه
قبل البناء بانخذ عالساس لي دوره=لما نشوفه لنا با يحتمل كم دور

محمد سعيد بن مخاشن
03-23-2009, 05:57 PM
حد في العرب يشتكي حظه وحد يهنى=هنيتله وانت يامحمد معي هنه
هنه بعطره وما ورده وبزهوره=لا تحسده عا ورق يالمخشني وزهور
عمر الذيب



المشكله لا هو المحظوظ ظامنّا=في خدمته يا عمر ذي يلعب الظمنه
أحوال عيفه ومنها النفس مقهوره=والمخشني به تعب دايم وهو مقهور


محمد بن سعيــد بن مخــاشــن

عمر الذيب
03-23-2009, 06:02 PM
لاقد المون جاهزه باقيم المبنى=باقيم موفري فوق الساس بالبنّه
قبل البناء بانخذ عالساس لي دوره=لما نشوفه لنا با يحتمل كم دور


ياكم مبا ني وكم من ساس اسسنا=نحفر الى ما كسرنا الحلي والسنه
وانشرحت احوال جم واحوال مكسوره=يارب سالك تنسم حالي المكسور
عمر الذيب

عمر الذيب
03-23-2009, 06:11 PM
المشكله لا هو المحظوظ ظامنّا=في خدمته يا عمر ذي يلعب الظمنه
أحوال عيفه ومنها النفس مقهوره=والمخشني به تعب دايم وهو مقهور



محمد بن سعيــد بن مخــاشــن


الله يفرج علي وعليك وامتنا=لله لي ينصف المظلوم ممتنه
مادام عدل العرب انفه ودنقوره=له قرن يالمخشني واكثر على الدنقور
عمر الذيب

محمد سعيد بن مخاشن
03-23-2009, 06:16 PM
ياكم مبا ني وكم من ساس اسسنا=نحفر الى ما كسرنا الحلي والسنه
وانشرحت احوال جم واحوال مكسوره=يارب سالك تنسم حالي المكسور
عمر الذيب


ياكم مبا ني وكم من ساس اسسنا=نحفر الى ما كسرنا الحلي والسنه
وانشرحت احوال جم واحوال مكسوره=يارب سالك تنسم حالي المكسور
عمر الذيب



اللولي يا عمر مجنون وأفقرنا=لُمّا تبتى المبدّل وإنكسر قرنه
بعده أتتني عرب ياجوج مفقوره=قد كنت فقري وهذا اليوم أنا مفقور



محمد بن سعيــد بن مخــاشــن

عمر الذيب
03-23-2009, 06:24 PM
اللولي يا عمر مجنون وأفقرنا=لُمّا تبتى المبدّل وإنكسر قرنه
بعده أتتني عرب ياجوج مفقوره=قد كنت فقري وهذا اليوم أنا مفقور




محمد بن سعيــد بن مخــاشــن


لا دخنو الناس قال الذيب دخنا=حد دخ ادخون يا محمد وحد دخنه
وان قلت مالي ومال الناس في عوره=با قول لك انت لي جبت الحناش العور
عمر الذيب

المفرقز
03-23-2009, 06:26 PM
ذي مشاركتي معكم يااخواني ....
وصلتك دراك يابن مخاشن وانت وصلنا ....داري وان بقيت وصله
باخلي الذيب في دوره ...يدور وانته معه حول بيتي تدور .

قل دان .

المطلع
03-23-2009, 06:27 PM
ياكم مبا ني وكم من ساس اسسنا=نحفر الى ما كسرنا الحلي والسنه
وانشرحت احوال جم واحوال مكسوره=يارب سالك تنسم حالي المكسور
عمر الذيب


ريتك خضر ياعمر ذلحين باتمنى =والفضل لله مول الفضل والمنّه
نسأل بفضله عسى الأحوال مجبوره=وماكسره الزمن يرجع لنا مجبور

حنطبه
03-23-2009, 06:31 PM
ريتك خضر ياعمر ذلحين باتمنى =والفضل لله مول الفضل والمنّه
نسأل بفضله عسى الأحوال مجبوره=وماكسره الزمن يرجع لنا مجبور


اقسم بالله ان هذا المقطع يساوي ملايين من الابيات ,والله انك سمرتني في مكاني والجمت لساني وفكري سلام عليكم .اشهد انك متمكن وشاعر كبير ومتواضع واتمنى لك مستقبل كبير .

محمد سعيد بن مخاشن
03-23-2009, 06:31 PM
الله يفرج علي وعليك وامتنا=لله لي ينصف المظلوم ممتنه
مادام عدل العرب انفه ودنقوره=له قرن يالمخشني واكثر على الدنقور
عمر الذيب



عدل العرب يا عمر بالكبت قامعنا=هو فين هو يا الأخو ... ما عننا وعنّه
كل شيخ شل لي عصا حتفه وقطموره=لا ما كفتك العصا با تطعم القطمور


محمد بن سعيــد بن مخــاشــن

حنطبه
03-23-2009, 06:35 PM
هبت رياح الشتاء من باشني يشنى = عابارد الشول اروي الحلق والشنه
عندي على جنب والاوتار مزروره = لاشفت خلي بيدي بقطع المزرور

عمر الذيب
03-23-2009, 06:35 PM
جبت الذي مرمط اصحابك ومرمطنا=جبت الذي قد رطن ومترجم الرطنه
واصحابنا من نشب فاسه بجذموره=لاهو من الفاس يامحمد ولا الجذمور
عمر الذيب

حنطبه
03-23-2009, 06:37 PM
هبت رياح الشتاء من باشني يشنى = عابارد الشول اروي الحلق والشنه
عندي على جنب والاوتار مزروره = لاشفت خلي بيدي بقطع المزرور

ترى والله كلامي اقصده به من عنده شنه يتركها على جنب ويجيب له ...........ههههههههههههههههههههههههه

حنطبه
03-23-2009, 06:39 PM
ذي مشاركتي معكم يااخواني ....
وصلتك دراك يابن مخاشن وانت وصلنا ....داري وان بقيت وصله
باخلي الذيب في دوره ...يدور وانته معه حول بيتي تدور .

قل دان .

السنه الجايه خليهم يسمعونك

المطلع
03-23-2009, 06:41 PM
عدل العرب يا عمر بالكبت قامعنا=هو فين هو يا الأخو ... ما عننا وعنّه
كل شيخ شل لي عصا حتفه وقطموره=لا ما كفتك العصا با تطعم القطمور



محمد بن سعيــد بن مخــاشــن


من مد يسرته انته مدله اليمنى=والخير يالمخشني في مدة اليمنه
ماينجرح ظهر لامن طول اظفوره=ولاالأصابع تقع شفها بدون اظفور

عمر الذيب
03-23-2009, 06:42 PM
ريتك خضر ياعمر ذلحين باتمنى =والفضل لله مول الفضل والمنّه
نسأل بفضله عسى الأحوال مجبوره=وماكسره الزمن يرجع لنا مجبور


حي الكلام الذي من جوع يشبعنى=وينب كالمسك له ريحه وله بنه
من عند شاعر يعبرلي عن اشعوره=من بعد شعره احس اني بدون اشعور
عمر الذيب

حنطبه
03-23-2009, 06:45 PM
حي الكلام الذي من جوع يشبعنى=وينب كالمسك له ريحه وله بنه
من عند شاعر يعبرلي عن اشعوره=من بعد شعره احس اني بدون اشعور
عمر الذيب

ياسلام عللى رد يستحقه صاحبه وعيني عليكم بارده ..غن يامغني .

عمر الذيب
03-23-2009, 06:49 PM
من مد يسرته انته مدله اليمنى=والخير يالمخشني في مدة اليمنه
ماينجرح ظهر لامن طول اظفوره=ولاالأصابع تقع شفها بدون اظفور


ليهو على الكذب قال الذيب دهلنا=لبغيت قوته ولا سمنه ولا دهنه
بصبر على الجوع لما يتضح دوره=واعرف عوض ليش عا الامه يلف ويدور
عمر الذيب

حنطبه
03-23-2009, 06:52 PM
اشر بيده وجاوبته وجاوبنا = ياظارين العسل ماتعجب الجبنه
داري بداره غيابه رصد وحضوره = غايب وحاضر وخايف يوقع المحظور

المطلع
03-23-2009, 06:57 PM
حي الكلام الذي من جوع يشبعنى=وينب كالمسك له ريحه وله بنه
من عند شاعر يعبرلي عن اشعوره=من بعد شعره احس اني بدون اشعور
عمر الذيب


عانغمة الصوت لا عدتم لنا عدنا=ومن ضمي مننا يشرب ملا دنّه
ماباشرب بعد كل من مد لي سوره=نفسي عزيزه تآبي دوب شرب السور

عمر الذيب
03-23-2009, 06:59 PM
نا يم حلم جاني المطلع وذهنا=ويقول بقلب لبو طارق عمر ذهنه
با خرج الوسوسه لي تلعب ابكوره=ما دام صدق وامن في كبير الكور
عمر الذيب

صقر الوديان
03-23-2009, 07:02 PM
لا دخنو الناس قال الذيب دخنا=حد دخ ادخون يا محمد وحد دخنه
وان قلت مالي ومال الناس في عوره=با قول لك انت لي جبت الحناش العور
عمر الذيب




عا ذي الحنش يا عمر بالحِلف داومنا = لا كنها بِت حزق قد عِرفت البنه

لي تسع تستعشر سنه اليد والرِجل مكسوره = والسور عالي ولا نقدر ننط السور

المطلع
03-23-2009, 07:03 PM
اشر بيده وجاوبته وجاوبنا = ياظارين العسل ماتعجب الجبنه
داري بداره غيابه رصد وحضوره = غايب وحاضر وخايف يوقع المحظور


ياحنطبه لاغلطت ابغاك تنصحنا =هرجك مثيل العسل لاجاك في صحنه
باتكسب الأجر في و الناس مأجوره=من قدم الخير عا ماقدمه مأجور

عمر الذيب
03-23-2009, 07:06 PM
عانغمة الصوت لا عدتم لنا عدنا=ومن ضمي مننا يشرب ملا دنّه
ماباشرب بعد كل من مد لي سوره=نفسي عزيزه تآبي دوب شرب السور


عد يامغني وغن في ليلة الحنا=في هرجكم قال بو طارق معي حنه
لي نفس من مثل هرجك شهر مهجوره=وانته بظني تون وتشتكي ومهجور
عمر الذيب

المطلع
03-23-2009, 07:11 PM
ليهو على الكذب قال الذيب دهلنا=لبغيت قوته ولا سمنه ولا دهنه
بصبر على الجوع لما يتضح دوره=واعرف عوض ليش عا الامه يلف ويدور
عمر الذيب


تقصر حباله ترى الكذاب بايظنى=انه حمومي وقع او من بني ظنه
وحكاية الكذب عند الناس محزوره=من بيكذب ياعمر كذبه صبح محزور

حنطبه
03-23-2009, 07:13 PM
ياحنطبه لاغلطت ابغاك تنصحنا =هرجك مثيل العسل لاجاك في صحنه
باتكسب الأجر في و الناس مأجوره=من قدم الخير عا ماقدمه مأجور



ياعصبة الراس لك هامات باتحنا = لان حرفك يشل من قلبي الحنه
لاتقابلوا الناس كلن له بجمهوره = تتفاعل اكثر اذا سود لك الجمهور

حنطبه
03-23-2009, 07:14 PM
مش رقص لك الجمهور انتبه ايها القاري اذا سود اعني اذا اجمل المناطق سوداء ومن مافهم يرجع حضرموت بايفهم ههههههههههههههه

عمر الذيب
03-23-2009, 07:14 PM
لك هرج فني وقدامه تفننا=ومن معه هرج فني بيعرض فنه
مادام يحمي حرير الهند كا فوره=باقول يسلم حرير الهند والكافور
عمر الذيب

المطلع
03-23-2009, 07:27 PM
لك هرج فني وقدامه تفننا=ومن معه هرج فني بيعرض فنه
مادام يحمي حرير الهند كا فوره=باقول يسلم حرير الهند والكافور
عمر الذيب


سمره قعت ياعمر زينه تونسنا=ووناسة القوم شفها ياعمرسنّه
والقلب حبك ولك جم زاد محذوره= وانته تحس دون شك يالذيب بالمحذور

بن احمد
03-23-2009, 07:31 PM
مش رقص لك الجمهور انتبه ايها القاري اذا سود اعني اذا اجمل المناطق سوداء ومن مافهم يرجع حضرموت بايفهم ههههههههههههههه
يكثر حبك للسواد يا حنطبه اههههههههه
اخوك خارج النت باسري با شوف حالي

المفرقز
03-23-2009, 07:52 PM
يكثر حبك للسواد يا حنطبه اههههههههه
اخوك خارج النت باسري با شوف حالي

قدين يابن احمد باتروح ؟باتروح شارع الصحافه عند النادي ؟شفني قدامك !!!!!!! واللا شل حنطبه من هنا له سيارة قلاب مليانه حطب تحطبه بهذل بنا بهذله .

محمد سعيد بن مخاشن
03-23-2009, 08:42 PM
جبت الذي مرمط اصحابك ومرمطنا=جبت الذي قد رطن ومترجم الرطنه
واصحابنا من نشب فاسه بجذموره=لاهو من الفاس يامحمد ولا الجذمور
عمر الذيب


ما اليوم مكشوف ظاهرنا وباطنّـــا = يوم البُوَه يا عمـــر كلـــّن قفــا بطنــــه
والبير هي والعجل والزان مدموره = ماشي يسر يا عمر حتى الحجل مدمور


محمد بن سعيــد بن مخــاشــن

أحمد العمودي أبوفيصل
03-23-2009, 11:14 PM
فصل جديد هذا خلاص مدحق مادام النت صلح

صقر الوديان
03-23-2009, 11:29 PM
عشرين قاصر سنه يالذيب ما نمنا = جانا قهد يا عمر من صاحب الزنه

في أرضنا خصم حل ملقيلنا صوره = الخير كله معه وإحنا معانا الخور

أحمد العمودي أبوفيصل
03-23-2009, 11:48 PM
ذكرت النخله الفرده وخيل اللقط لي فيها = مع ام القراون لي عليها من سنه يبكون
وبعض النخل تستاهل على معيان تلقيها = وتستاهل شرح من تحتها لتخبرت يمسون

هذا فصل جديد

محمد سعيد بن مخاشن
03-23-2009, 11:56 PM
عشرين قاصر سنه يالذيب ما نمنا = جانا قهد يا عمر من صاحب الزنه

في أرضنا خصم حل ملقيلنا صوره = الخير كله معه وإحنا معانا الخور



أخي الكريم صقر الوديان ... حفظه الله

هذه قافية مربوطة ( نمنا/ نمنه ... صوره/صور ) إلخ وإلا هذا هو الصوت الجديد الذي طلبه بوفيصل؟ عجلوا بالرد. وين الذيب؟

محمد سعيد بن مخاشن
03-24-2009, 12:22 AM
ذكرت النخله الفرده وخيل اللقط لي فيها = مع ام القراون لي عليها من سنه يبكون
وبعض النخل تستاهل على معيان تلقيها = وتستاهل شرح من تحتها لتخبرت يمسون

هذا فصل جديد


ألا يا صقر يا ساهر دع الدنيا وما فيها=ولا تقهد ولا تسهر وذي في الكون هو بيكون
وحتى لا إنقلب يا خوك سافلها لعاليها=ترى عادي ... ولو سقطت سماء ربّك نْتِه مأمون


محمد بن سعيــد بن مخــاشــن

محمد سعيد بن مخاشن
03-24-2009, 12:35 AM
ذكرت النخله الفرده وخيل اللقط لي فيها = مع ام القراون لي عليها من سنه يبكون
وبعض النخل تستاهل على معيان تلقيها = وتستاهل شرح من تحتها لتخبرت يمسون

هذا فصل جديد


ولكن جاء لها سارق يصبّحها يمسّيها=خذاه المملي الطازج وحتى إللي بطى مغفون
وآل البو عمودي هم مشايخ من يماريها؟=وزيري كان أو سيّد جدوده من بني هادون


محمد بن سعيــد بن مخــاشــن

محمد سعيد بن مخاشن
03-24-2009, 12:52 AM
فيينك يا العمودي ذي بدعت الدان وإثنيها=وإلاّ قد دخلت الضيق ( فـ ) مْطاريقها قيدون؟
أنا مْدحتك وداري بالخياسه ذي مخبيها=وبا نلقيه ذا المحذور للشيبان ما يهونون
وفين ( الصقر ) ذي حفّش على بيضات يفحيها؟=وبعد ( الذيب ) لا تسأل على شعّار يا المغبون
دخل ما ( الصقر ) في عشّه تهيّب من غداريها=عرف ( مريود ) يبلع كل شاعر ... حوت بن ذا النون


محمد بن سعيــد بن مخــاشــن

محمد سعيد بن مخاشن
03-24-2009, 12:56 AM
فيينك يا العمودي ذي بدعت الدان وإثنيها=وإلاّ قد دخلت الضيق ( فـ ) مْطاريقها قيدون؟
أنا مْدحتك وداري بالخياسه ذي مخبيها=وبا نلقيه ذا المحذور للشيبان ما يهونون
وفين ( الصقر ) ذي حفّش على بيضات يفحيها؟=وبعد ( الذيب ) لا تسأل على شعّار يا المغبون
دخل ما ( الصقر ) في عشّه تهيّب من غداريها=عرف ( مريود ) يبلع كل شاعر ... حوت بن ذا النون


ساعة ولا حد جوّب! تصبحون على خير أجل.

محمد بن سعيــد بن مخــاشــن

بن احمد
03-24-2009, 01:04 PM
يابن مخاشن وين الفصل

عمر الذيب
03-24-2009, 02:05 PM
فيينك يا العمودي ذي بدعت الدان وإثنيها=وإلاّ قد دخلت الضيق ( فـ ) مْطاريقها قيدون؟
أنا مْدحتك وداري بالخياسه ذي مخبيها=وبا نلقيه ذا المحذور للشيبان ما يهونون
وفين ( الصقر ) ذي حفّش على بيضات يفحيها؟=وبعد ( الذيب ) لا تسأل على شعّار يا المغبون
دخل ما ( الصقر ) في عشّه تهيّب من غداريها=عرف ( مريود ) يبلع كل شاعر ... حوت بن ذا النون


ساعة ولا حد جوّب! تصبحون على خير أجل.


محمد بن سعيــد بن مخــاشــن


دخلنا البحر وامواجه تقصف عا شواطيها=وتسحب من سعف يالمخشني والناس ما يدرون
ولا تساوو عباد الله سافلها وعاليها=معاهم قل في الدنيا على هامان يا فرعون
عمر الذيب

سبع الليل
03-24-2009, 02:46 PM
دخلنا البحر وامواجه تقصف عا شواطيها=وتسحب من سعف يالمخشني والناس ما يدرون
ولا تساوو عباد الله سافلها وعاليها=معاهم قل في الدنيا على هامان يا فرعون
عمر الذيب



تفضل قل لبوطارق علمنا خذ مكاويها= وشب النار لاترحم معك بايهذف القانون
صدق من قال ذي الايام حاميها حراميها=سنين العمر باتعبر وهم عالحلي بايتكون

عمر الذيب
03-24-2009, 02:55 PM
تفضل قل لبوطارق علمنا خذ مكاويها= وشب النار لاترحم معك بايهذف القانون
صدق من قال ذي الايام حاميها حراميها=سنين العمر باتعبر وهم عالحلي بايتكون


حبال مدهشره ياسبع ماحد نا س تبنيها=معد حد لي لهم خبره على ساس البنا يبنون
معد حد غير لي يقطف وياكل من مجانيها=ويحشى في الجواني قبل مايترك لنا سيوؤن
عمر الذيب